1. pergala navlêkirina candaran e (riwek, ajal, mîkro-organîzma û hwd.). pergaleke navnetewî ye. Bo ajalekê an riwekekê di her zimanê de navek lê kirine hene. Ew nav herêm bi herêm, bajar bi bajar diguhere û ji bo herkes karibin ji hevûdin fêhm bikin naveke standard hewce ye. di warên zanistê de ev yek ku Hinek jê re dibêjin scientific nomenclature wek standardek hatiye qebûlkirin da ku rê li ber tevlîhevîyê bê girtin. damezrînerê vê pergalê carl linnaeus ye. Navlêkirin û senifandina candaran di xebat û lêkolînên zanistê de elzem in.

li gor vê pergalê, navê her cûreyekê (species) divê ji du peyvan pêk bên û bo navlêkirinê timûtim zimanê latînî bikar bê. Mînak: olea europaea (dara zeytûn), fritillaria kurdica (lîloza kurdistanê), panthera tigris (piling).

di bin kategoriya cûreyê de kategoriya "binecûre" (subspecies) heye. navê binecûreyan ji sê peyvan pêk tên. Mînak: vulpes vulpes kurdistanica (Roviyê Kurdistanê).