1. sînyala ku di sala 1977an de di bin banê projeya SETI'yê de, li ohio'yê, ji aliyê Dr. Jerry R. Ehman ve ji fezayê hatiye standin û qeydkirin. hemû taybetmendiyên sînyalê nîşan dida ku ev sînyal ji derveyî dinyayê, heta ji derveyî sîstema rojê dihat. piştî bûyerê çiqas hewldan çêbûbin jî sînyal careke din nehat standin. sînyalê bi qasê 72 saniyeyan dewam kiriye.



peyva "wow" baneşaneke bi îngîlîzî ye. wateya wê "erik!" e. yanî baneşana ecêbmayînê ye. dema zilamê vê sînyalê dîtî û ecêbmayî mayî, li ser rapora vê sînyalê wow nivîsandiye û biriye nîşanî hevalên xwe kiriye.

ev jî tê wê wateyê ku ger mêrik kurd bûya niha navê vê sînyalê "sinyala erik" bû. neyse...



ev sînyal bi teleskopa big ear (guhê mezin) hatibû tomarkirin. dû re, cîhazên gelekî mezintir hatin bikaranîn, lê dîsa jî sînyal careke din nehat. tê gotin ku îhtîmal heye ku ev sînyal olandana sînyaleke dinyayî be jî. yanî sînyalek dinyayî diçe ji derveyî dinyayê olan dide û dîsa li dinyayê tê qeydkirin. lê ev teorî jî gelek probleman dihewîne û îhtîmala rastbûna wê ne zêde ye.

http://upload.wikimedia.org/wikipedia/commons/d/d3/Wow_signal.jpg



ev bûyer ji bo kesên ku hebûna ufoyan diparêzin, bûye materyalek ku tê bikaranîn.