2. Vî welatparêzê mêrxas, li paş xwe du heb pirtûkên granbiha ji me re diyarî hiştine. Yek dîwanek e û ya din jî ferhengokeka Kurdî-Farisî bi navê mÎrsad-ul etfal e. Wî ew Ferheng di sala 1912 an de nivîsîye. Her çiqas pirtûk bi xwe ferheng e, lê wek NÛBARa ehmedê xanî, bi kêş û qafiye û kite, bi helbestkî nivîsîye. Tê de li dor 1350 bêje hene. Navê wê, bi mana riya (papûr) piçûkan e.

Mihemed Kerbela di destpêkê de gotiye ku wî ev Fergeng ji bo "etfal û ewladê di Kurdan" nivîsîye û domandiye:

... Wekî wê NEWBEHARa şeyxê Xanî Esasê wê ji bo etfalan danî ...

Mihemd Kerbela Dîwana xwe jî, di sala 1914an de nivîsîye. Piştre mela Zeynelabidîn Amedî wê Dîwanê bi destxetê xwe, ji nûve bi tîpên Erebî nivîsîye û di 1980 de çap kiriye. zeynelabidin zinar ev herdu jî veguhaztin tîpên alfabeya latînî û di 1989an de dan weşanxaneya Jîna Nû ku çap bike. MÎRSAD-UL ETFAL di eynî salê de hatiye çapkirin, lê belê Dîwana wî hêjî nehatiye çapkirin.