4. (bnr: medrese vs kadîn)

(bnr: zanîngeh vs kreş)

(bnr: ked vs belaşî)

(bnr: hilberandin vs qedandin)



danberhevdana ku dê sedî sed tirşik bi serketî jê derkeve..

ji ber ku armanc û hedefa tirşikê hene lê feysbûk ji bo bihurandina demên vala ye, di tirşikê de popûlîzm tune ye lê popiyên bikarhênerên feysbûkê hene*

ji bela ku tirşik.net li ser hîm û bingeha popûlîzm û xwe'tetmînkirin û têrkirina egoyê ava nebûye qewî kesad e bazar

camêr û canikên hêja li ser feysbûkê wêneyên xwe yên ku bi retrica hatiye girtin li gel helbesteke beredayî parve dikin û hetanî nîvê şevê li benda (vnbr:like ) disekinin..

hama bêje herkes di nava vê klasmanê de heye, çi helbestkar çi çîroknûs û çi nivîskar û ne çi..

şîroveyên bikarhênerên feysbûkê yên di bin şandeyên siyasî de tên nivîsîn cihê henek û tinazan e ku kengî bêhn li min biçike û teng bibe şîroveyên ha dixwînim û bêhn li xwe vedikim

lê entryên tirşikê tijî û tije ne gelek tiştên xweş û girîng ji tirşikê hîn bûm lê ji xwe dipirsim gelo ji feysbûkê ji xeynî qeşmeriyê ez hînî çi bûm? hemû tişt derbasdar bû û qediya çû

di feysbûkê de hevalên nivîskarên kurd ji 5 hezarî zêdetir e lê tu dinihêrî pirtûka nivîskarê ha bêhtirîn çarsed heb hatine firotin* yanê qadeke qeşmer, dirû, bêciddî û derew..

ez dema ku bi tirkî tiştekî ne hêjayî ecibandinê parve dikim, hahoo herkes ecibandiye lê dema bi kurdî tiştekî pirr xweş an jî girîng an jî tije û kûr parve dikim weeey waweylê tirşik kezeba min dike di devê min re derkeve ji qahra!

jixwe bû 2 roj e ku min feysbûka xwe betal kiriye ji lew êdî têde hilnayêm bila hemû bikarhênerên tirşikê dev ji feysbûkê berdin û rêya xwe bizivirînin rêya rastî! werine tirşikê