|
7. Ji bo leyla qasim gotiye
(bnr: leyla şehîd)
LEYLA SEHID
Shêr, shêre, mêre yan jine
Nîshan bi dest, Leyla mine
Polaye dil wek asine
Leyla kîye ?
Leyla jine.
Leyla mine.
Leyla mine...
Leyla mine, Leyla welêt
Wê dil li min kir ar û pêt
Mizgîn li kurd roja me têt
Dijmin ji tirsan maye shêt
Leyla çîye ?
Leyla jine.
Leyla mine.
Leyla mine...
Sitêr ji ezman hate xwar
Zer bûn li min bax û bihar
Rabin xew ey xwendewar !
Tev mêr û jin bibne shiyar.
Leyla kîye ?
Leyla jine.
Leyla mine.
Leyla mine...
Daser te taca Erdeshêr
Navê te dinvîsim bi zêr
Jin nû dibin wek shêr û mêr
Leyla çîye ?
Leyla jine.
Leyla mine.
Leyla mine...
Leyla kaça Mît û Meda
Canê xwe da di ber me da
Bijîn heçî ko canfida
Xwesh bin ji te jar û geda
Leyla kîye ?
Leyla jine.
Leyla mine.
Leyla mine...
Leyla delal û pir çeleng
Leyla ciwan û shox û sheng
Xwe daye kushtin wek pileng
Shêre li nav kur daye deng
Leyla kîye ?
Leyla jine.
Leyla mine.
Leyla mine...
Leyla çiraxa shevreshe
Wê rû li kurdan kir geshe
Kushtin bi me kurdan xweshe
Zordarî îdî nameshe
Leyla kîye ?
Leyla jine.
Leyla mine.
Leyla mine...
Bi wê li kurd ron bûye shev
Jin bûne wek Leyla me tev
Îdî nema hêjaye rev
Ey kurd de destan bidne hev !
Leyla kîye ?
Leyla jine.
Leyla mine.
Leyla mine...
Divêm li pey te bêm ejî
Çibkim bi vê jîna rijî ?
Xwînê nerejî napijî
Leyla bijî, Leyla bijî !...
Leyla çîye ?
Leyla jine.
Leyla mine.
Leyla mine...
Pir sherme ey xortê ciwan !
Keç bêne kushtin pehlewan
Win jî temasha kin li wan
Rûmet çiye ey xwendewan ?
Leyla çîye ?
Leyla jine.
Leyla mine.
Leyla mine...
Êrîsh bikin rengê Ziya
Zû derkevin jorên çiya
Bigrin li ber dijmin riya
Ka: Hor û Mît û Mîdîya ?
Leyla kîye ?
Leyla jine.
Leyla mine.
Leyla mine...
Leyla bijî, sed aferîn
Ji bo me bûye ol û dîn
Dîsa li min derbûn birîn
Hetta ciger min bûye xwîn
Leyla kîye ?
Leyla jine.
Leyla mine.
Leyla mine...
Cegerxwîn
|
