1. Kitêba bîrînanên Îsmet Şerîf wanlî bi navê Serpêhatiyên Îsmet Şerîf Wanlî ji nav weşanên Rûpelê li Stembolê derket. newzad hirorî û sidqî hirorî ev bîrînan ji destxeta wan ya bi erebî nivîsandî wergerandine ser kurdiya Kurmancî. Pêşgotina weşanxaneya rûpelê ya vê kitêba bîrînanan ku Izzedîn Nassoyî nivîsiye weha dest pê dike: ”Ev pirtûka di destê we de beşek e ji bîreweriyên Dr. Îsmet Şerîf Wanlî ku eslê wê bi erebî ye û Îsmet Şerîf Wanlî di 5ê gulana 2005an de ji kek Hoşeng Sebrî re şandiye da ku li ba wî bimîne. Ji ber giringiya naveroka van bîreweriyan, ku bi taybetî beşê li ser çalakiyên Dr. Îsmet Şerîf Wanlî di “Tevgera Rizgariya Gelê Kurd” de, nemaze “Pirsiyara Otonomiyê li Başûrê Kurdistanê”, kek Hoşeng Sebrî pêwîst dît ku ev bîrewerî ji bo xwendevanên xoşewîst bên aşkere kirin. Em ji Weşanxaneya Rûpelê ku çapkirina vê pirtûkê hildaye ser xwe ji hemû karmendên wê re, nemaze wergêrên vê pirtûkê birêz Newzad Hirorî û Sidqî Hirorî re, ji bo çalakî û xebatên wan ên hêja zor spas dikin.”