18. (bnr: sikala)



Le diway xinkanî Helebce

Sikalayekî dirêjim nûsî bo xwa

Ber le xelkî

Bo dirextêkim xwênewe

Dirext girya

Le penawe,

Balindeyekî posteçî

Witî:" Başe kê bot eba?

Ger be temay minî bîbem,

Min nageme erşî xuda."

Bo şew direng

Firîştey reşpoşî şê'irim

Witî: "To hîç xemit nebê;

Min bot ebem heta serê,

Ta keşkelan

Belam belênit nayemê xoy namekem lê wergirê;

Xo deyzanî, xuday gewre kê eybînê?"

Witim: " Supas, to helfire"

Firîştey Îlham,

Helfirî û

Le gel xoya sikalay bird.

Rojî diwayî ke hatewe,

Sikirtêrî pile çiwarî nûsîngey xwa

"Ubêd" nawî

Her le ser heman sikala û le damêna

Be erebî boy nûsîbûm: "Gewc e!

Bîke be erebî,

Kes lêre kurdî nazanê û

Naybeyn bo xwa!



Şêrko Bêkes