1. navê gelekî amerîkî ye. amîş, navê bi elmanî ya pensîlvanyayê ye.
ev nav, her wiha navê mezhebekî xirîsyanîyê ye. jixwe taybetiya vî gelî jî ev mezheba wan e.

endamên vê mezhebê, hema bêje tu tiştê teknolojîk bi kar naynin. ji ber neçariyê, zarokên xwe ji bo dibistana seretayî, dişînin mektebên dewletê lê bêtir naxwînin. naçin leşkeriyê jî.
elektrîkê, telefonan, erebeyan û hwd. bi kar naynin. girtin fotografan jî qedexe ye.
hejmara wan ji 300.000an zêdetir e. avakerê mezhebê jakob ammann, ji swîsreyê ye.

mûrîdên vî mezhebî, di sedsala 18emîn de ji ewropayê bar kirine amerîkayê û kanadayê. gelek ji wan hê jî bi elmanî dipeyivin. gelek ji wan 6-7 zarok tînin dinyayê. loma nifûsa wan, 4-5 caran ji xelkê normal yê amerîkayê bileztir zêde dibe.

2. Bi Elmaniya kevn diaxivin. Qiyafetên wan wek amîşên 300 salan berê ye. Mêrên wan kum û taximên reş li xwe dikin û heke zewicî be rih berdidin lê xwe bê simbêl dihêlin. Jinên wan jî kîrasên reş û dirêj li xwe dikin.
Tiştên modern bi kar nayînin.
Gava Zarokên amîş dibin şazdeh salî diçin dervê gundên/bajarên amîşê û jiyana kesên ne amîş dibînin. Jê re dibêjin rumspringa. Piştî rumspringa biryara xwe didin li cem Amîşan bimînin an na.

3. (bnr: amişk)*