1. ji bo kesê ku miriye tê gotin.

carinan pirr meraq dikim gelo mirî aniha di nava gorê de çi dikin.
gelek bersivên zanîstî (li gorî teoriya tekamûlê) û yên îslamî hene lê yek ji wan jî ez têr nekirim.
li gorî hindek hedîsen eger ku yê mirî însanekî qenc be di nava axê de jê re pencereyek tê vekirin û cihê xwe yê jê re di bihûştê de hatiye amadekirin temaşe dike lê ger yê mirî yekî dilxirab û gunekar be di nava gorê de lê tên xezebê û jê re jî pencereyek tê vekirin û ew jî cihê xwe yê dojehê dibîne.
yê baş dibêje xwezî demildest qiyamet rabe û ez herim bihûştê yê gunehkar jî tevî xezeba qebrê dibêje bila hîç qiyamet ranebe û ez neçim dojehê.
aniha tê gotin zeman ji bo saxan û ji bo mirîyan cuda ye. dema tu dimirî li dû te qiyamet radibe loma tu wek a saxan li bendê nasekinî ango zeman ji bo me her duyan cuda diherike. lê ger wisa be çima li qebrê ewqas teşqele çêdibe. madem piştî mirina te bixwe zeman kurt dibe û qiyamet radibe nexwe bo çi tu li gora xwe li benda qiyametê li pêş pencerê disekinî? ev yek nakokîyek e.
mirî hîs dikin? tiştên ku diqewime dizanin? haya wan jî heye? riyê wan piştî mirinê çawa ye? dema yek diçe li ber gorê dibêjin li ber serê wî bisekine da ku te bibîne.
helbet wan tiştan hurafe ne. qesta min ne ew e .
heqet mirî çi dikin?

2. (bnr: mirî ranazin)

3. wekî biwêj ew mirov e ku ji tiştekî pir hez dike. maneya heyraniyekê mezin dide.

filankeso miriyê hûr û rêviyan e. -ji hûr û rêviyan pir hez dike.
xwedêjêrazî miriya pirtûkan e -ji pirtûkan pir hez dike.
ez miriyê wê me. -ji wê pir hez dikim/heyranê wê me.

wekî lêker mirin jî tê bikaranîn:

ez li ser pirtûkan dimirim.
ew hingî ji xêzandinê hez dike, li ser qelem û kaxidan dimire.

kengî peyva pirtûkhez bibînim ev mirî tê bîra min. mijara bi tirkî fikirîn û bi kurdî gotin tam ji bo vê rewşê ye ku ji kitapsever-ê hatiye wergerandin. li aliyê din meraqan dikim gelo mirov vê peyva pirtûkhez çawa bi lêv dikin. ez bêyî hemdê xwe her tim bi h-ya kurdî dixwînim lê divê h-ya erebî (ḧ) be ya ku di hesen û huseyn de jî heye. lê nizanim, çima mirî nayê bikaranîn.