Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    3 mijar û 4 peyam
    di kurdî de problematîka navê mehan - tirşik
    di kurdî de problematîka navê mehan
    (4) (0) ecêb (1) (11)
    di mijarê de bigere

    1. problematîka ku ji ber bikaranîna salnameyên cuda û cihêreng ji aliyê kurdan ve rû daye.. di ferhengên kurdî de hema bêje ji bo her mehekî sê-çar nav hene an hatine çêkirin û ev jî ji bo axêver û bikarhênerên zimanê kurdî dibe sedema zorî û aloziyan.. demekî li ser facebookê nîqaş û guftûgoyek mezin di ber wergerandina facebookê ya ji bo zimanê kurdî de çêbûn û ji her devekî pêşniyarek derket.. me dît ku li ser navan li hev kirin ne mimkun e.. me biryar da ku em şûna navan reqeman bikar bînin.. wekê meha 5-ê.. filan..



    2013.07.12-14:41 | endazer

    2. Ji bo xêra vê mehê yekî ji me dikare van mehan wek bi rêzê ve binivîse.ji rêbendanê heta berfanbarê.



    2013.07.13-01:00 | fizikzan

    3. derbarê vê pirgirêkê de min jî berî 2 salan nivîsek di bloga wergerine.com de nivîsandibû (blog niha hat girtin)



    ew nivîs li jêr e:



    "Sergêjiya navê mehan



    Demekê serê min jî gêj bibû ji ber tevlîheviya navê mehan. Li gor her zarava û herêmê navên mehan diguherin. Tabî her çiqas ev dewlemendiyeke kurdî be jî mixabin ev yek di heman demê de dibe sedema têkilheviyekê jî. Berî demekê min nûçeyek xwendibû ku qala standartkirina van navan dikir û lîsteyeke mehan hatibû derxistin, ji wê rojê ve ez van navan bi kar tînim. Min xwest haya we jî jê hebe. Li vê rûpelê (lînka tê behskirin êdî naxebite) jî qala vê pirsgirêkê tê kirin. Xuya ye ya her baş dîsa bikaranîna standartên Enstîtûya Kurdî ya Parîsê û ya Roj TVyê ye. Jixwe ji xeynî du mehan ev herdu sazî heman navan bi kar tînin. Ez bixwe ya Enstîtûyê tercîh dikim ku ev jî wisa ye:

    1- Çile, 2- Sibat, 3- Adar, 4- Nîsan, 5- Gulan, 6- Hezîran, 7- Tîrmeh, 8-Tebax, 9- Îlon, 10- Cotmeh 11- Mijdar 12-Kanûn"



    Li malpera TZP kurdî jî heman nav tên pêşniyarkirin (ev lînk jî êdî naxebite) û tê ragihandin ku Yekitiya Ragihandina Demokratîk (YRD)ê di konferansa xwe ya çaremîn de biryareke ji bo bikaranîna van navan standiye. Ji kerema xwe re hûn jî bi qasê ji destê we were, tenê van navan bi kar bînin ku êdî ji bo mijareke wisa bes serê me gêj bibe *



    li vê nivîsê, bikarhênerek bin nivîsê de bersiv dabû û dawiyê de min wisa gotibû:



    "Hevalê @Koparo, min ji kesekî ji Enstîtûya Kurdî ya Stenbolê pirs kir û bersiv stand, dibêje ku Enstîtû jî weke gotina te bi kar tîne.

    Yanî wisa:

    1- Rêbendan, 2- Reşemî, 3- Adar, 4- Avrêl, 5- Gulan, 6- Pûşper, 7- Tîrmeh, 8- Gelawêj, 9- Rezber, 10- Kewçêr, 11- Sermawez, 12- Berfanbar.

    Spas ji bo hişyariya te. (Ez ê nivîsê jî sererast bikim û ez ê êdî wisa bi kar bînim)"



    vêca em çawa bikin, nizanim.



    2013.07.13-02:21 | simurg56

    4. tevlîheviyek pir mezin e. ewqas mezin e ku piştî ev 6 sal in ji bo kongreya neteweyî tê xebitîn ger kongre çêbe divê ewqas sal jî ji bo kongreyeke ji bo vê meselê bê xebitîn.1" qasê min hin nuçeyên ji başurê de dîtî ew jî reqeman bikar tînin.



    2013.07.13-11:38 | azadixwaz

    5. nizanim çima lê ez bi xwe vê bi kar tînim ..



    1) çile 2) sibat 3) adar) 4)nîsan 5) gulan 6) pûşper 7) tîrmeh 8) tebax 9) îlon 10) cotmeh 11) mijdar 12 ) berfanbar



    2014.06.30-14:58 | mervan roni

    6. navên ku tu alî li ser hev nekirine ye.

    Facebook yekê bi kar tîne. wîkîpediya ya din..



    Ez bi xwe ya hawarê bi kar tînim.

    çile-sibat-adar-nîsan-gulan-hezîran-tîrmeh-tebax-îlon-cotmeh-mijdar-kanûn



    2014.11.27-03:04 | berxweda

    7. her wiha zana farqînî jî nivîsek li ser nivîsî ye.



    biner: http://www.ozgur-gundem.com/index.php?haberID=92427&haberBaslik=Kurmanc%C3%AE%E2%80%99de%20ay%20isimleri%20sorunu&action=haber_detay&module=nuce&authorName=Zana%20FARQ%C3%8EN%C3%8E&authorID=766



    Her wiha ev nivîsa îbrahîm seydo aydogan jî cûdahiyek mezin eşkere dike:



    http://archive.today/vjutv



    2014.11.27-03:11 | berxweda

    8. zana farqînî di hejmara havîn-2010 a zendê de gotarekî gelekî dirêj û bi teferruat vê pirsgirêkê vekolandî ye. di encamê de vê tiştê dibêje:



    (wergirtin: a rast wisan dixuye ku guherîna bingehîn a navên mehan piştî biryara enstîtuya kurdî ya stenbolê ya li ser navên mehan çêbûye û bi temamî ji navên mehan ên derdorên sazî û dameziraweyên kurdan bi dûr ketiye.)

    navê gotar: di zimanê nivîskî û yê devkî de navên mehan rûpel: 39



    ev çend salin ez rojname û kovar û kanal û malperên kurdî dixwînim û dişopÎNİM Û HÎN Û hîn fêrî navên mehan nekirim... zana farqînî di ew gotara ku navê wê hat parvekirin, pêşnîyara xwe jî kirîye. li gorî min pêşnîyarekî gelekî bi cîh e.



    2014.11.27-21:01 | biruya hayao miyazaki

    9. Ne tenê di zaravê kurmancîyî de, di zaravê kirdkîyî de heye, vî problem.



    2014.11.28-01:30 | endazyar

    10. seydayê tîrêj ev navên mehan wiha bi rêz kiriye, li gor xwe, bi tarza xwe, bi helbestî:

    tîrêj - çar dem
    Ey Mizgîno bixwîne
    Va rêçikên li jorî

    Bo tu nezan nemînî
    Biçûko dê bi gorî

    Hemî sal sêsed û şêst
    Digel şeş roj bi hejmar

    şev ji rojan tên hesab
    Bi se'etan bîst û çar

    Ji heft roja ya heştan
    Di navbêra wan în e

    Sal dibitin donzde meh
    Rojê wan sîh yek û sî

    Pêşî kanûna paşîn
    sibat û adar li dû

    nîsan gulan hezîran
    tîrmeh û tebax li dû

    Ya nehemîn îlon e
    çirya pêşîn deh e

    Yaze çirya paşîn
    kanûn li pê dozdeh e

    Sal hatiye parkirin
    çar dem jê hatine der

    Her navbera sê mehan
    Jê'r heye wextek û ger

    Biharê qad heşîn e
    Havînê dinya germ e

    Payizê pelweşîn e
    Zivistan sar û serma



    2017.04.01-16:10 | xendekî

    11. Li vir peyamek hebû lê xuya ye ev peyam hatiye jêbirin

    2017.08.17-00:57 | tevnepirk

    12. Mijara ku hêj ez li ser da serwext nebume ka gengeşîya ser navê mehan çima safî nabe lewra ev gengeşî pirsgirêkeke mezin ava dike bikaranîna kurdî de.



    2018.04.26-17:59 | azad30

    dengdanên dawîn (Yên Din..)
    keçikên seksîtirîn ên kurdistanê [4]
    bi qewlê cegerxwîn; tev dinamêt in, agir û pêt in, sor in wek êtûn. ...
    arinlabs [1]
    şirîkatiya ku li ser bingeha big datayê hatiye avakirin û navê...
    tirsik.net [2]
    Malpera ku wê rojê moralê hevalekî min xira kir e. Mesele wiha bû; hev...
    pismam.com [3]
    malperek din yê şorbeya kurdî û tirkî ye. malperên wisa dilê kurdên...
    serê şevê çîrokek [2]
    Berhevkarîyeka nûwaze ye (2019). Amadekar û wergêr selîm temo ...
    belki ev jî bala te bikişînin
    » kurdîstana başûr
    » problematîka standardkirina zimanê kurdî
    » navên pîrejinên kurd
    » mehaniya herî kêm a sala 2015an

    Kategoriyên mijarê:: kurdukurdi ziman
    nivîskarên ku li vê mijarê nivîsîne


    sitemap
    reklamokên beredayî