Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    13 mijar û 15 peyam
    dil ji min bir - tirşik
    dil ji min bir
    (3) (0) ecêb (0) (2)
    di mijarê de bigere

    1. helbesta helbestvanê kurd melayê cizîrî.



    şox û şengê zuhre-rengê

    dil ji min bir, dil ji min

    awirên heybet-pilingê

    dil ji min bir, dil ji min.



    wê şepalê misk î xalê,

    dêm-durê gerden şemalê,

    cebheta biskan sema lê

    dil ji min bir, dil ji min.



    zulf û xalan nûn û dalan

    wan ji min bir dil bitalan

    goşeê qewsê hîlalan

    dil ji min bir, dil ji min.



    dêm nedirê bo ebîrê

    xemrî yû gîs û herîrê

    sîne kir amancê tîrê

    dil ji min bir, dil ji min.



    sur-şirînê nazenînê

    kuştim û nakit yeqşnê

    wê bi çengala evînê

    dil ji min bir, dil ji min.



    fetl û taban da xuraban

    ebleq û cuhtê şebaban

    dame ber pence w kulaban

    dil ji min bir, dil ji min.



    xoş-xeramê, ez xulamê

    nazikê şirîn-kelamê

    tûtîya eywan meqamê

    dil ji min bir, dil ji min.



    2013.07.14-14:09 | berxêres

    2. straneka stranbêjê kurd ciwan haco anku helbesteka şairê kurd sebrî botanî..



    'vê yarkujê tîrek weşand

    hinav û dil pê herişand

    agir bi ser da lê reşand

    sed bîr û bawer helweşand

    hawar li min dil bir ji min

    dilek nema ku nelivand

    kesek nema wê necivand

    bi vîna xo wê nenivand

    wê dil ji pîran jî revand

    perde nema wê nedirand

    sofî ji kûncê zivirand

    ji ser û dil îman firand

    hawar li min dil bir ji min'



    ji bo ji dengê ciwan haco guhdarîkirina vê stran-helbestê fermo j vir kerem kin:










    2013.07.14-14:33 | endazer

    3. helbesta melayê cizîrî ya ku hivronê di albûma xwe ya dawîn de kiriye beste û xwendiye bi navê şox û şengê jî tê nasîn..

    ji bo ji dengê koma hîvronê guhdêrîn û guhdarîkirina vê stran-helbestê fermo ji vir kerem kin:










    2013.07.14-14:36 | endazer

    4. helbesta şairê kurd ê ji kurdên sovyêtê fêrîkê ûsîv û herwiha strana stranbêjê kurd nizamettin ariçî ya ku ji vê helbesta fêrîkê ûsîvî hatî bestekirin..



    'Diranzêrê, birûkêrê,

    Dil ji min bir, dil ji min.



    Helandim bi xweş xeberên xwe,

    Bêhna misk û emberên xwe,

    Ceneta sîng û berên xwe,

    Dil ji min bir, dil ji min.



    Çavê belek wê kil dida,

    Beşera rû xweş gul dida,

    Zerqê hubê li dil dida,

    Dil ji min bir, dil ji min.



    Hey wax, min ji bîr naçin diha

    Naz û nûbara xas e biha,

    Zulfê zêrîn li dora guhan,

    Bêhn û beşera bedew, biha,

    Teyr û tawiza per bi zêrê -

    Dil ji min bir, dil ji min.



    Hilnegeriyan em tu waran,

    Gul neçinîn li tu beyaran,

    Dosta min a li nava neyaran

    Ez zû xistim riya dagêrê, -

    Dil ji min bir, dil ji min.



    Xeşibî me, hîlar ketî

    Ji hesreta wî sifetî,

    Bêbiata qelp derketî -

    Dil ji min bir, dil ji min.



    Kilama min hubê - xalis,

    Ew defîneya min a dengiz,

    Wekî kûtekî nanê garis

    Girt û avêt nava savêrê, -

    Dil ji min bir, dil ji min.



    1967



    Fêrîkê Ûsiv



    *Ji "Hesretdefter"ê, Hemû Berhem, Cilda I., r. 385-386 Weşanxaneya Lîs, Gulan 2011, Amed'



    guhdarên ezîz radyoya youtubê xeber dide! ji bo guhdêrîna vê stran-helbestê ji dengê nîzamettîn arîçî jî fermo ji vir kerem kin:










    2013.07.14-14:42 | endazer

    dengdanên dawîn (Yên Din..)
    pirtûkên ku nivîskarên tirşikê vêga dixwînin [1]
    haruki murakami - the wind-up bird chronicle...
    kurdî zimanek ninû [1]
    Rast e. Kurdî zimanek ninû. Ew ji gellek zimanan pek tê. Dive em ...
    bav ji xwe ra law ji xwe ra [1]
    qey yek ji gotinên pêşîyan e. hin mezinên me digotin. dibêm qe...
    "ez bi kurdekî re nabim dergistî" [1]
    çend salan berê birayê min bi keçikek tirkê devera ege re zewicî. he...
    "ez bi kurdekî re nabim dergistî" [2]
    Îro li balafirgeha Stenbolê ciwanek kurd ê bi navê Îbrahîm layik xwe k...
    belki ev jî bala te bikişînin
    » dilrevîn
    » mînareya çarling
    » bircên amedê

    Kategoriyên mijarê:: kurdukurdi muzikstrn
    nivîskarên ku li vê mijarê nivîsîne


    sitemap
    reklamokên beredayî