Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    13 mijar û 16 peyam
    azadî - tirşik
    azadî
    (1) (0) ecêb (0) (12)
    di mijarê de bigere

    1. wateya jîyanê ye.



    2013.07.14-16:12 | berxêres

    2. yanî ziddê bindestîye, hurrîyet.



    2013.09.08-23:51 | kurdane

    3. ew e ku mirov dikaribe li nav civakekê tirr bike û qet şerm neke.



    2013.10.16-17:08 | gernasnenas

    4. wateya wê gorî mirovan diguhere, lê ma ewqas, yek dixwazê tirên azad bike yek dixwaze bijî. de ka em bêjin azadî ew e ku heta yekî din zirarê nebîne çi bixwaze kirin e.



    2013.10.16-17:27 | azadixwaz

    5. rengÊ na çekuye de sûr esto. sÛr azadî yo...

    seke ma demo vîyarte de vatîme:

    bicî sosyalizm Û bicî ala sûrÊ ma...



    2013.10.22-13:52 | cinorek

    6. Weke agir e, ger ku tu wê biavêjî wê der û dorê te bibe tarî, ger ku hilbigrî destê xwe wê destê te bişewite. Ev gotina ku min got ya mele seîdê kurdî ye ku ji bo îmanê gotiye.



    2014.01.16-01:03 | ceso

    7. Ji bo standina vê peyvê gelek kes dibin dîl.dîl



    2014.02.13-20:50 | ehmed berojî

    8. îzafî ye. wekî her mefhûm û têgînê... wekî nêrîn û awirên çavan, wekî her şêweyê jiyanê, wekî her jîndarî... azadî jî îzafî ye. anku li gor her kesî t'arîf û salox û danasîna wê ji hev cuda ye. çawa serê pêçiyên mirovan ji hev cuda ne, wisa. azadî jî ji bo herkesî ji bo hertiştî di rengekî din de ye. ji ber vê hindê herkes ji hêla xwe ve yanî li gor raman û fikra xwe li vê mefhûmê dinêre, dinirxîne, didarizîne û rave dike, belkî jî şirove dike. mirov gava ku qal û çêla tiştekî dikin, di rastiyê de qala xwe dikin, ne qala wî tiştî. yanî xwe vedibêjin, azadî jî wisa. yanî gava ku yek qala azadiyê dike baş bizanibin ku qala xwe dike. herwekî tiştê ku ez aniha dikim.



    mirov li gor bandor û bertekên jiyanê qalib û qalik digire. anku mirov çi jiyabe, wî vedibêje. belê em werin azadiyê. çî ye? kî ye? ji çi tê? çima him lihevketî û him xwerû ye? çima him bijan e û him şadî ye. çima mirov bêyî azadiyê nikare bijî lê bi azadiyê re jî xerîb û evdal e. belê di serî de min gotibû ku azadî îzafî ye. ez ê jî ji wê hêlê ve şiroveya xwe rapêşî we bikim.



    bi gelemperî azadî " tevgera bêyî asteng e. " ava ku her li herik e. bayê her bi liv û tevger e. av ku her li herikê be û ba jî ku her li liv û vizînê be, ev yek dibe azadî lê gava ku ba li avê ket, av jî li bendê ket êdî ev yek ne azadî ye, ev yek êdî azadiya pêşîlêgirtî ye. azadî ev e, ku ev be, mirov çiqas azad e? mînak, civak... mirov çiqas dikare derkeve derveyî civatê? çiqas dikare rol û wezîfeya ku civakê lê siwar kiriye red bike? zewac, meslek û kar, kariyer, polîtîka, mal û malbat... mirov çiqas xwe serdestê van tiştan dihesibîne û çiqas xwe bindestê van tiştan dihesibîne? Ma ne, hinek bindestê daxwazên xwe ne, hinek bindestê mal û malbata xwe ne, hinek bindestê civakê, hinek bindestê xwe û hinek bindestê van tiştan hemûyan e.



    vepirsîn, vepirsîn, vepirsîn... mirov çiqas dikare xwe, dora xwe û civaka xwe vepirs bike? çiqas? belkî hîç. belkî jî vepirsîneke xapînok. mixabin ji neteweyên herî şareza û medenî bigre heya yên herî paşmayî, mirov bende û hêsîrên paradîgmaya civaka xwe ne. herwekî kî ji me dikare hilde serê xwe û here çolekî di zikê konekî de bijî. mirov nikare. belkî wê hinek vê yekê di demeke nêz de pêk bînin. mirov nikare, lewre zarok, mal û malbat, welat, hêvî, armanc, hest, daxwaz... dirêj dibe diçe. vana hemû rê li mirov digrin. nahêlên mirov rastetast li ser jiyanê bifikire, birame, biponije, bihizire bê ka em çi ne? te dît ku jiyan qediya. belê azadî... min mirovên evdal dîtine ku azad bûne. herwekî, feqiyê teyran, baba tahîr uryan, melayê cizîrî, yunus emre, diyojen, ... û min mirovên serokdewlet dîtine ku bendeyê îxrtîras û daxwazên xwe bûne. herwekî ataturk, hitler, stalîn, mao...



    azadî çî ye? mirov e. mirov çiqas wekî xwe be. ewqas azad e.



    2014.04.30-02:38 [guhertin:2015.07.16 03:53]| ceso

    9. yek ji elementa ideolojîya lîberalîzmê, ya bi navê "liberty" e.



    li gorî vê elementê, divê çi ji dilê mirov tê wî/wê ew yekê bike. tenê asteng ev e ku wê azadîya te ji azadîya din re nebe asteng.



    2014.04.30-11:51 | ervah.azad

    10. di her rewşî de karîna hilbijartina her du vebijêrkên ji hev cuda, ye.

    man an jî neman, kirin an jî nekirin, beşdarbûn an jî beşdar nebûn; ger di rewşekê de ne mecburê yek îhtîmalê bin, wê demê belkî em bikarin bibêjin ku tu azad î.



    2014.04.30-21:41 | simurg56

    11. bi qewlê evdila peşêw ji bo bidestxistina wê mêranî divê!



    ''we çi divên,azadiya xwe?

    Azadiya we hezar sal e

    Keçikek e û di berê we de radize

    Lê kanî, kanî mêraniya we!''



    2014.09.24-05:22 | endazer

    12. kul û derdekî sed salane yê kurdan e..

    bi şeref ne bi tenê em, dê nêvî û nêvîçirçirkên me jî bi vê hesretê bimirin..

    tiştekî gelek pîroz e hem azadiya ferdî hem jî azadiya kollektîf, ji ber ku em kurd bi awayê kollektîf azad nîn in, em nikarim bi ferdî jî bibin azad



    2015.02.28-14:15 | ferhenga şikestî

    13. Azadî



    Li deftera xwe ya dibistanê

    li darên maseya xwe

    li xîzî li berfê

    navê te dinivîsim



    Li hemû rûpelên nivîsandî

    li hemû rûpelên vala

    li kevirî li xwînê li kaxezê li xweliyê

    navê te dinivîsim



    Li wêneyên zêrrkirî

    li çekên şerrvanan

    li taca paşayan

    navê te dinivîsim



    Li çolistan û dehlistanê

    li hêlîna firrindeyan li nokan

    li dengvedana zarrokiya xwe

    navê te dinivîsim



    Li seyriyên şevê

    li nanê sîs yê rojê

    li demên dezgirtî hev

    navê te dinivîsim



    Li zeviyan li qeraxa esman

    li çengên çivîkan

    li aşê siyan

    navê te dinivîsim



    Li her hilma elindê

    li deryayê li keştiyan

    li çiyayê şeyda

    navê te dinivîsim



    Li kefa ewran

    li dilopên xuhokî yên bahozê

    li barana tund û bêtam

    navê te dinivîsim



    Li dirûvên dibiriqin

    li demjimêrkên rengan

    li rastîniya fizîkî

    navê te dinivîsim



    Li şiverêyên haybûyî

    li rêyên vebûyî

    li meydanên di ser kinarên xwe re berfire dibin

    navê te dinivîsim



    Li lampeya hildibe

    li lampeya ditemire

    li xaniyên hatî hev

    navê te dinivîsim



    Li fêkiyê awêneyê

    û odeya parvekirî

    li doşeka xwe ya vala

    navê te dinivîsim



    Li seyê xwe yê hesûd û sernerm

    li guhên xwe yên durhîkirî

    li destê wî yê goc

    navê te dinivîsim



    Li nêrdewana ber deriyê xwe

    li tiştên nas

    li hurmîna bayê pîroz

    navê te dinivîsim



    Li rûyê pencereya surprîzan

    li lêvên hişyar

    li raserî bêdengiyê

    navê te dinivîsim



    Li stargehên xwe yên ruxandî

    li bircên xwe yên hilweşî

    li dîwarên bêriya xwe

    navê te dinivîsim



    Li dûriya bêbêrîkirin

    li tenêtiya tazî

    li gavên mirinê

    navê te dinivîsim



    Li saxiya vegerrî

    li xeteriya rê lê hatî girtin

    li hêviya bêbîr

    navê te dinivîsim



    Û bi hêza peyvekê

    dîsan dest bi jiyana xwe dikim

    hatim dinyayê daku te binasim

    da ku nav li te bikim



    paul Éluard

    Werger: husein muhammed



    2015.12.20-13:46 | xwelî li ser

    dengdanên dawîn (Yên Din..)
    frantz fanon [1]
    nivîskarê dij-kolonyalîst ku îlham daye gelek tevgerên dij-kolonyal. ...
    steve biko [1]
    nivîskarê dij-apartheid, dij-nijadperestî. di sala 1946an de li afrîka...
    survival of the fittest [1]
    (bnr: bijartina xwezayî) di vê gotinê de wateya fittestê ge...
    li instagramê nivîsandina bi çend zimanan [1]
    Mirov çend zimanan zanibe, di jiyana xwe de çend zimanan bi kar bîne h...
    navên tewşomewşo a nivşa nû li zaroke xwe dikin [1]
    navê kurik danîne "rojvan". min ji diya wî pirsî ka wateya n...
    belki ev jî bala te bikişînin
    » azadî di nav hestan de veşartî ye

    Kategoriyên mijarê:: yendin
    nivîskarên ku li vê mijarê nivîsîne


    sitemap
    reklamokên beredayî