Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    18 mijar û 25 peyam
    hêvî - tirşik
    hêvî
    (0) (0) ecêb (0) (14)
    di mijarê de bigere

    1. straneke koma ferec;



    Hêdî hêdî roj ava bû

    Mayîme hêviya te tu nehatî

    Tu bûyî stêrk li esmanan

    Tu bûyî hêvî dilên şevgirtî

    Ez bûm mirin dilê min da tu bûyî jîn



    Hêdî hêdî roj hil bû

    Mayîme hêviya te tu nehatî



    (Gotin û mûzîk: Kaya Baratarna)



    21.07.2013 20:55 | simurg56

    2. libendemahiya bi dilekî germ û xemilandî...



    21.07.2013 22:09 | cirano

    3. barek belasebe ye!

    hebûna "hêvÎ" yê pisgirêkek mezintir e ji tunebûna wê.



    21.08.2013 23:16 | gome

    4. Li gor fikr û boçûn û hin analizên ku min kirine (tew ji ber vî hawî ez çûm min bi george orwell re hevpeyvînekê kir, yeqîniya we) ez îdia dikim ku miletê ku herî pir hêviyê dihebīnin kurd in. Ev bi sedan sal e ku em li bendê ne ku xwedê hêviyê bi ser me de biresîne. Em ne diwestin ne jî tī dibin. Ecêba giran kesî ne diye ne jî bînaye.



    21.08.2013 23:27 | înano lo

    5. vÎ mirovê hêja, hêvÎ û bêhêvÎtÎ ji xwe re kiribû derd! (bnr: samuel beckett)



    21.08.2013 23:47 | gome

    6. Li vir peyamek hebû lê xuya ye ev peyam hatiye jêbirin

    12.10.2013 14:53 | biruya hayao miyazaki

    7. "hêvî, nebaşî ya hêrî nebaş e, ji ber ku îşkenceyê dirêj dike"

    (bnr: friedrich nietzsche)



    29.01.2014 01:20 | nazim tolhildan

    8. navê yek ji xweştirîn helbesta şairê nemir ê ku bi pey giyayê nemiriyê ketiye, arjen arî ye..



    ''Hêleke min diqutife ji sermê

    Çiya keleheke asê, rê asê,dem asê

    Hêviya min kulîlka binê berfê

    Ha bel bû ha bel bibê

    Û berf tê



    Tê..!



    Bibare berfê

    Li ber xwe bide kulîlkê,

    Tu ji vê axê yî, ez ji vê axê..!



    Wê vebe rengo rengo

    Piştî taveke xwêjinkî keskesor

    Sihareke rûbihar e hêviya min

    Tîrêj-bişirîn rojeke gulî-sor

    Ha hilat ha hiltê

    Û berf tê



    Tê..!



    Bibare berfê

    Li ber xwe bide kulîlkê

    Berf li hêlekê, tu li hêlekê

    Hêviya min jî bihar e''



    05.02.2014 01:17 | endazer

    9. straneke siya şevê e.



    http://tinyurl.com/k4sna2b



    Li serê çîyayê bilind

    Qulingan difire

    Dengê qulingan tê me

    Wek qêrîna Mazluman



    Ya zulfîkar bighêje

    Hewara me bindestan

    Oy Xidir,Îmam Cafer

    Em bendan û Şahmerdan

    Çerxê me diherike Elî

    Jîn buye serê çîyan



    Ya zulfîkar,imam Baqir

    Em bendan û Şahmerdan

    Çerxê me diherike Eli

    Jîn buye serê çîyan



    Serhildanan silav dide ronîya duwazde imam

    Hey pîrê rêberan

    Hêvîya meye çêla

    Ez bim li pêş wan Egîda

    Em dixwazin nujîyan



    Ew Egîdên serbilind,nevîyên Seyîd Rizo

    Ew destê wan zulfikar,tirs bun ji boy yêzidan

    Ewin tew bazê welat dora çemê Munzuran

    Ew şahmerdanên Kurd ne hoy

    Di rêya heq canê can



    Ew gerîllanên Kurd ne hoy

    Di rêya heq canê can



    01.05.2014 23:45 | xwelî li ser

    10. peyva ku em bi wateya "li bendê" jî bi kar tînin.



    - ev çend saet in em li hêviya te ne, tu zanî malnemîrat?



    30.06.2014 21:51 | simurg56

    11. nan û ava me ye an go bûye pêdiviyeka me ya bingehîn



    30.06.2014 22:41 | renas

    12. Li vir peyamek hebû lê xuya ye ev peyam hatiye jêbirin

    01.07.2014 14:14 | rasteqîn

    13. Mîna "hêvî û rica" jî tê bi Kar anîn. Tê Maneya wek ji kerema xwe re, bi navê xwedê hwd.



    Mînak: Ji te hêvî û rica dikim zû were em ê herin dereng e



    08.12.2014 22:43 | mîr

    14. ew peyva ku divê kurd ji dest xwe bernedin. kêm tiştên mîna wê xweş di dest me de mane.



    08.12.2014 23:27 | diyako47

    15. navê helbesteke rondik gulşeng e:



    Hêvî



    Eşq

    di çavên payîzî de

    ji nû ji dayîk bî ve

    bi sîmayekê dî

    vîyan saz kir

    û soza xwe

    li ser belgên dilî wêne kir

    her êk bo layekî

    kefte rê

    da peyama eşqê

    bigihînine dildara

    û jiyan

    ser û ji nû

    ronahiyê bibarînêt

    da rûbarêt vînî

    wê payîzê

    av diteve û

    şev tariyêt xerîbkirî

    hembêz bikit

    û cergê bê umîd

    hawîş bikit

    da jivanêt sînorkirî

    bihîne azadkirin.



    rondik gulşeng



    09.03.2015 01:38 | xendekî

    16. Zadê mirovên mezin û xîretkêş e.

    Ling û hêza xîretê ye.

    Xeyal û raman di nav axa hêvîyê de aj didin, şîn dibin, gewr û geş dibin.

    Însanê ku hêvîya xwe winda dike, ida tistekî wî nemaye ku winda bike.

    Mifta xezîneyên pêşerojê ye.

    Ava gulîlkên gulîstanê ye.

    Ji çavên korr re ronî, ji guhê kerr re dengikî efsûnî ye.

    Ji berxikê re , şîrê singê ye.

    Dermanê brînê, hibra li ser kaxezê ye.



    xwidê me bêhêvî neberdê



    10.05.2016 10:50 | gumgumok

    dengdanên dawîn (Yên Din..)
    dothrakî
    rêzefîlma game of thrones de navê gelek kuvî û barbar e. îhtîm...
    xewnname
    Tirşikvanekî efsûnî ye. Heye lê tune ye wekî xewnekê * dibe Ku ji niv...
    îbrankî
    Zimanekî ji Malbata Hamî - Samî ye. Dema ku ez ciwan bûm, min niyet ...
    xwarinên navdar yên bajarên kurdistanê
    (bnr: helîse)...
    cemîlê konê
    (bnr: schindler's list) schindlerê kurd, cemîlê konê, leşkerekî kur...
    belki ev jî bala te bikişînin
    » hevîrtirş

    Kategoriyên mijarê:: kurdukurdi muzikstrn zimanpeyv
    nivîskarên ku li vê mijarê nivîsîne


    sitemap
    reklamokên beredayî