Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    1 mijar û 1 peyam
    peyamên çeppikkirî yên di vê mijarê de; 22.03.2015 duyemîn civîna nivîskarên tirşikê a li amedê
    peyamên çepikkirî

    29. civîna ku xwezî tevlîbûna min hêsan bûya ez li hêleke vî welatî hov hun li hêleke din... wekî ne bes be vê dewleta hov dest dabe ser her tiştê me îro jî nahêle em bên ba hev bicivin û çend gotin ji binê gotinê derxin. de bila soz û bext bûna ji endazer re ku min ji edaleta vî welatî dagirker bawer kiribûna minê firar bikira lê divê îro ez kerîtiyê û mêrantiyê ji hev biqetînim* da ku heta û hetayê qelema min ko nebe, hûn baş zanin ku edalet ji bêşerefan nayê payîn tew ku ew bêşeref vê dewleta dagirker be, ne tenê ji ber eskeriyê lew wextê ku bi azadîyeke mecazî li vî welatê digerim dîsa xwe azad hîs nakim lew gotin di ziman de, ronî di çav de, fikir di mêjî de û axîn di dil de dimîne, dimîne û dibe teht ne ji tirşikê bûya minê van fikrên xwe yên ji bermayîyek kevnar a hezar salî ya kufikî kû bîhna kurdiyê û keserê! ji wan tê minê ji kê re vebigota. tevlîbûna min a civînê mixabin ne mumkun e lê dîsa jî endazer tevlî civînê bûya ez ê pirr kêfxweş bûma ji ber ku hebûna nivîskarekî weke wî, hêz û bawerî dide meriv. em ê binêrin dê dewran xwe çawa veguhere... ;)



    2015.03.18-23:28 [guhertin:2015.03.19 06:19]| ceso

    42. civîna ku hey xwudê hez ke û tu qeza û bela çênebin ez ê biçimê.. min hêvî heye hemû hevalên din ên li amedê jî hemû kar û hêncetên xwe deynin aliyekî û bi ruhê eşmeyê tevlî civînê bibin! *



    2015.03.21-21:43 | endazer

    51. civîna ku piştî dawîbûna civîna min a li mektebê bi hawarî min xwe gihandê ye. Civîn bû civîna Botiyan..Ji berku yên tevlî bûyîn hemî Botî bûn.



    2015.03.22-16:44 | nan û av

    56. silav ji bo hemÛ kesî..

    belê wekê xendekî gotiye, ez bi qasê nîv saetî bi derengî gihiştim civÎnê, ji ber ku doh ber destê sibehê min karî rakevim û dema rabûyîm jî saet 13:00 bû, min alarma telefona xwe eyar kiribû lê dema ez rabûm min dît ku telefon ji bêşarjiyê hatiye girtin.. werhasil çawa ez rabûm min cihde avek li rûyê xwe kir û bi ser wî halê xwe yê çavlixew min da rê ez çûm cihê civînê..

    civÎnek bêqisur bû! di civînê de çi hatibe ber devê me, me got, me tiştek ji xwe texsîr nekir..

    - di civÎnê de herkesî kezeb xwar, xendekî û simurg56 nîv porsiyon kezeb û nîv porsiyon keşan xwestin, min jî goştê mirîşkan xwest.. brusk56 kola vexwar, camêr di civÎna din de jî kola xwestibû, me yên mayî wekê her kurdekî ji rêzê û edetî dew xwest.. *

    - bi qasê di bîra min de maye, çi erênî, çi neyênî, navê van nivîskaran di nav civÎnê de hate hildan; rasteqîn, nazim tolhildan, , remlavêj, cinorek, gulan, vêca çiye, berkenbereh, dîno, elegez, mergezhezû nançû,.. muhtemelen çend nivîskarên din jî hene lê niha ev nav hatin bîra min..

    - bi qasê di bîra min de maye çend mijarên me behs lê gerandî; siyaset, newroza amedê, koma niştiman, ruhê eşmeyê, alayên kurdistanê yên li qada newroza amedê, gerîllayên beşdarî rêûrisma newroza li silêmaniyê bÛyîn, sÎnema, werger, rêzefîlmên tirk û yên biyanî, kurdiya ''takıntı''yê, tirşik, sîstema nû û ya kevn ya tirşikê, koderê kevn ê bênamûs ê tirşikê, hejmara texmînî ya mijar û peyamên rojane tên tirşikandin, reklam û danasîna tirşikê, polemîkên li ser mijarên dînî yên di nav nivîskaran de, sebeba sempatiya cihûyan ya li cem hinek kurdan, ekşisozluk, di ekşiyê de mijara ''bebek katili mustafa kemal'', her dîsa mijara ''pkk 3 ay eylem yapmayınca götü kalkan türk'', nivîskarên kurd ên di ekşiyê de, tesîra sosyal medyayê ya li ser ruhiyet û psîkoljiya ciwanên kurd, sebeba rêjeya zêde ya nexweşiyên civakî di nv ciwanên kurd de, rûpela tirşikê ya li ser facebookê, çend enstantaneyên her yek ji me nivîskarên beşdarî civînê bûyîn yên li ser jiyan û kesayeta me ya şexsî, û bîranînên ji hirde û wêde, cizîr, xelkê cizîrê, hewa û atmosfer û xelkê cizîrê ji bo mirov ji derve bê û lê bijî çawa ye?, hevaliyên hevpar yên di nav hevalên hevalan de...........

    xendekî biçekî bêdeng bû, ya rast min û brusk56 me nedihêlişt ji me pêve kes biştexile.. * simurg56 zêde zêde camêr û nefsbiçûk bû, feqiyêteyran jî zêde neştexilî, azadîxwaz heta civÎn xilas bibe her pirsa cizîrê ji min xendekî kir.. * nan û av jî me nû li civînê hevdu nas kir, camêrekî xweşsohbet xuya dikir.. * mervan ronî wek li jor hatiye gotin mixabin em ji luqintê derketin paşê me hevdu dît, ji ber wê me nekarî qene em çayekî jî bidinê, li ser linga me çend wêneyek girtin û dîsa heta cihê em ji hev veqetin li ser linga me biçekî sohbet kir, ew jî yekî zêde zêde camêr û nefsbiçûk bû.. brusk56 wekê hemû birayên biçûk yên malê stara xwudê li ser be guhê wî dilebitin, henek li aliyekÎ dema ti tirşikê de dinivîse yekî zêde hişk û radîkal dixweye lê di jiyana rastî de yekî zêde zêde naîf û xweşsohbet û xweragir e..

    bes e ev qas..

    ji bo pirsa xendekî jî, ez ê her rojekî vegerim, lê vêga min çend tişt dane ber xwe divê ez wan tişt Û miştan bicih bînim, û min dil heye heta ew jehra sosyal medyayê ruhê min berde, biçekî dûrî civak û medyaya civakî bimînim..

    bi xatirê we, emanet qencî, haj xwe û tirşikê hebin!



    2015.03.22-20:21 | endazer

    59. 3. civîna tirşikvanan bû lê yekemîn civîna min bû.

    zor ciwan bû. lê wextê me û hejmara me zêdetir bûya, belkî xweştir jî bûya.

    min bixwe gelek jê hez kir, di destê min de bûya min dixwest heta derengê şevê jî bidome.

    piştî civîne me bi ömer faruk baran re hevpeyvînek çêkir û paşê ez ber bi dîloka ne-rengîn ve bi rê ketim û vêga giham mala xwe.

    heta hatim malê, hema bêje tiştek nemaye ku nehatiye nivîsandin.



    em tam di wextê de gihan cihê civînê. (xendekî çend deqeyan berî me gihabû). ez, brusk56, azadixwaz û feqiyê teyran û xendekî bi hev re rûniştin. heta ku endazer hat, me çay vexwarin û me her çaran xendekîyê reben dan ber pirsan. (car caran feqiyê teyran bi pistepist dipirsiya: ma em ê xwarin nexwin? *)

    piştî ku endazer hat, xendekî hinek rihet bû û ket rehavetê loma axaftina wî kêm bû *

    min xendekî, nan û av û endazer û mervan ronî cara yekem dîtin. bi rastî hemû jî ciwanên xwînşêrîn bûn.



    gotin ku ez ji birayê xwe yê mezin, pîrtir xuya dikim. loma hinek moralê min xera bû lê min zûzûka xwe da hev. ji bo remlavêj tiştên baş hatin gotin. jixwe ew bixwe ne li wir bû lê pirtûka ku min jê re weke heqdestê wergeran kirîbû, li cem min bû *



    mijareke civînê tune bû. yanî kes ranebû ser piyan û bi axaftina xêrhatinê gûftûgoyan neda destpêkirin. mesele geh dihat ser tirşikê geh diçû ser pişta heyvê. lê sohbet xweş bû. me têra xwe ken jî kir. bêşensî û bextreşiya ferhenga şikestî jî ji mijarên girîng bû.



    her ku me diaxaft, hinek din nasên hevpar derketin holê. me hinek din biaxaft, me wê xwe hemûyan bigihanda hz. adem. bêhenek, kesek ku li maseya li kêleka me bû, tevlî axaftina me bû û got sîmurg tu yî? min got erê. û me fêhm kir ku em hev nas dikin (yanî me li ser înternetê daye û standiye) lê mêrik ne tirşikvan bû, loma me tevlî wêneyên xwe nekir.



    azadixwaz û feqiyê teyran piştî 2 saetan rabûn. leza nan û av jî hebû ji ber ku zarok li malê birçî bûn lê dîsa me em ne şikandin û neçû.

    telefon hatibû ku wê mervan ronî, were. heta li otobusê jî siwar bûbû.

    loma em heta hatina wî li bendê man. me hema li ber deriyê restoranê hev dît û di meşa vegera xwe de hinek sohbet kir.



    dawiya dawîn, civînek xweş bû. bi saya wê û newrozê, dawiya heftiyê ji bo min zehf bi kêfxweşî derbas bû û çû.

    (bnr: sêyemîn civîna nivîskarên tirşikê a li amedê)



    2015.03.22-22:33 [guhertin:2015.03.22 22:39]| simurg56