Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    2 mijar û 2 peyam
    destana egîdekî - tirşik
    destana egîdekî
    (1) (0) ecêb (0) (9)
    di mijarê de bigere

    1. Destana Egîdekî-1



    "Lêxin, lêxin hevalno lêxin,

    Bibarînin bibarînin, birano

    Ev me çi dihesibînin!"

    Hemu roj, hemu êvar, hemu şev

    Wî weha gotibu u gule barandibû

    Roj qulipîbu ser êvarê, evar ser şevê, şev ser rojê



    Şer berdewam bu

    Beden westiyayî, keser giran, birîn kur

    Mêjî xurt,avur tuj

    Dil keleha mêrxasiyê bu

    Lome ji ne şerm bu

    Ya man ya neman bu



    Çi ji destê wî, çi ji deste wan dihat...

    Îxanet li re bu

    Îxanetê zora welatevîniyê biribu

    Dor li wan girtî

    Li jêr esker,

    Li jor helîkopter

    Nefes li wan çikyayî bû

    Li pala çiyayen serîbilind

    Di gundekî beçare ye Kurdistane de

    Wext, wexta şer, man u nemane bu

    "Hevalno, em çi bikin...

    Begavî bextreşî ye, kambaxiya me kurdan e

    Le, gava begavî li ber deriyan e

    Wext, wexta jîr u mêrxasan e

    Wext hatiye; wext, wexta şer e, xurtî u huner e

    Em penc kes, ew penc hezar kes

    Em penc hezar dil, ew penc dil

    Em penc hezar dilen biheq, ew neheq

    Kî dikare dile bi evîne hildave vegire?

    Ma ev me çi dihesibînin!.."

    Yek bi yek li hevalen xwe niherî

    Ew yek bi yek hembez kirin

    Bi herdu tiliyên xwe yen deste raste simbele xwe bada



    Çek, pusat u rextên xwe şidandin Berîk ajot deve tifinga xwe 0 got;

    "Hevalno, ji bîr mekin

    Em penc hezar dil

    Penc hezar efsaneyên li ser levan

    Penc hezar destanên li ser kaxizan in

    Penc hezar sterken ronîyen kurdan in..."



    Saw u xofa mirine Coş u heyecana liberxwedanê

    hebû

    Li ser berfa gewher renge sor a xwîn 0 tave hebu

    "Ax.,ev tav",

    "Eger tava dane evare li me biqulibe

    U em xwe bi evare bigihînin

    Heye ku deriye felatê li me vebe7"

    Çendîn şere dijwar ew ketibuye

    Çendîn caran wî îxanet, daf, dek xefik u kemîn dirandibu

    Ew şervane welatê şervanan

    Regire bav û kalan bu



    "Ev çi hale"

    "Ez evîndar û şerwanê ronahiye

    Ez dijmine tarî zulmete

    Ez niha li heviya şeve me"



    Ew penc kes bun, çar mer u jinek

    Ku her yek ji derek, le xwedî qederek "

    Lêdin hevalno lêdin

    Ma ev me çi dihesibînin!.."



    Deh bi deh, sed bi sed

    Teqîna çekan, vizîna gulan bu

    Ne vîçîna teyran, ne herîna hespan

    Ne evîna segan, ne meyina berxan

    Ne jî denge însanan bu

    Bi tene dengek hebu

    Zagon, zagona şer u lecan bu

    "Kî ne ev eskeren ku weha gule li me dibarînin

    Ji ku ne, li ser axa me çi ji me dixwazin

    Ma evîn u evîndaren wan

    Hez u hezkaren wan nîn in

    Çima ew hez u evîna me tenagihin"



    Saet çend bu

    Şeve çima weha mîna bukeke xwe xemilandibû

    Sterk çima weha ronî

    Heyv çima weha di lehiya xweşiyê de bu

    Di vê sar 0 seqemê de çima weha germ bu



    "Sterken welatê min

    Heyva erd u axa min"

    "Hun şahîd in; em ne diz u keleş in

    Ne pêxas u zikreş in

    Em evîndaren we, egîden ronahiye ne

    Eger li me qewimî 0 li vir em bun şehîden we

    Xebera mêxasiya me bigihînin bi însan u gele me"



    "Ax li min daye"

    Çaven wê yen reş mîna çaven xezalan vekirî

    Deve wê bi ken bu

    Pore wê belavbûyî , stuye wê gola xwînê bu

    Wî sere wê danî ser çoga xwe

    Pişta xwe vekir, li stuye wê bada

    Bi destan pore wê mist da

    Bîstekê, bedeng çave wî li ser çaven xezalan ma

    Çend dilop hestir ji çaven wî ber bi jêr bu

    U ew giriya

    Di bin barana gulan de ew giriya



    Şev diçu

    Sterk diçû , heyv diçu

    Xewna azadiye, heviya felatê diçu

    Hizr u bîr , serpêhatî 0 jiyaneke ciwan diçu



    "Xwedeyo...

    Ji berbanga Kurdistan xweştir

    Ji rojeke nu ya welatê min geştir çi heye!"

    "Em diçin"

    "Em diçin, le kîdikare re li berbangen welatê min bigire

    Kî dikare roja nu li welatê min qedexe bike?

    " "Em diçin

    Em diçin, le mîna ku bav u kalan dikirin Ji ve roja nu re xêrhatin

    Ji ve berbanga welatê min re stran u gotin divê"

    Wext, wexta strane welatê neçar bu

    di berbanga sibe de, li sere çiyan

    Alana denge egîdekî xort bu

    "Lê lê daye...

    Lê dayê, sere sibe ye, sibeyeke xweş e

    Ve sere sibe bayekî sar e, li min serma ye le daye..."

    ax le daye

    Denge top u cebirxanan li ser sînga mine

    Le dayê, ve sibe çarnikare,ax lê lê dayê

    ax lê lê lê daye



    Hevale Eziz

    "Edî tu çare tune, mirin 0 çuyin li ber me ye

    Eger em teslîm bin ji, qedera me mirin e

    Em jî li ser riya kerwana şehîda ne

    Em hevudu hembez bikin,

    Heqê xwe ji hev re helal bikin

    Wext nîn e, berî ku guieyek were

    Em ber bi gule herin

    Nav bedengiyeke kur de

    Wan tifingen xwe dane alî, rextên xwe ji xwe kirin

    Defter û kaxizen xwe, cil u bergen xwe li ser hev danîn

    U li agire wan niherîn

    Her yekî du bombe,her bombayek li aliyekî navtengan

    Bi xwe ve giredan 0 disan li hev niherîn

    Wext hatibû;wext,wexta çuyine bu



    Ba bu

    Seqema serê sibê bu

    Her der spî, her der gewher bu

    Her der roni, her der muqedes bu

    Jiyana xort, rojên bihurî bi bîra wi hatibu...



    Zaroktî, mala mezin, koşka jor

    Kuçe û kolanen teng, bîren kur

    Bax u rez, av u çem, gund û zozan

    Tirî u hejîrên bavu kalan

    Keskesora barana biharan

    Denge kahr û berxan

    Govend bu

    Jı rojên bihurî govend bi bîre hatibu

    Dawet u dîlan li dar bu

    Dinya mîna mehfureke rengîn a kurdî xweş

    Mîna destaneke kevnar geş bu

    Ew li sere gowendê bu

    Coş li ser dil ken li ser ru

    Ew govenkêşê dîlanê bu

    Xwendin u dibistan dîsan xwendin u dibistan salen

    unîwersîtê

    Ev hemû, ev hemu niha li bîre wi bu

    Bîr bubu kevokeka,bi firê ketibu



    Dinya çiqas xweş, çiqas bedew bu

    Kirase sipî çiqas li ve axa welatê kurdan hatibu

    Be çek, bê pûsat,bê kiras 0 be veger

    Lı ber çaven wi leylana berfa spî

    Li ser dile wî gurmina denge şehîdan

    Ma kî u kî li ser ve axê şehîd neketibu

    U axa rehmete maç nekiribu...

    Dinya çiqas xweş, çixas bedew bu

    Kirase spî çiqas li ve axa welatê kurdan hatibu

    Wî deste xwe bir ber eniya xwe u ji bo cara dawîn

    Li dora xwe niherî

    Li dûr, li dur reşahiya eskeran...

    Li dûr, li dur teyrekî mezin î spî li firê bu

    Bi basken spî, ji aliyen çiyan ber bi geliyan

    Li şahîdiya wê roja nu bu

    Baskên wî vekirî, çeperast, teyr bi ageh li fire bû

    Ma jiyan ne mîna fira vî teyrî bu?

    Ma jiyan ne fireke kurt û xweş li dinyayeke kambax bu?



    Bîr dîsan li firê bu, hemu jiyan li bîre



    Mal u malbat, xwîşk u bira

    Ap u birazî, xal û xwarzî

    Yek bi yek niha li ber çaven wî bu

    Diya pîr a porspî li wir, li keleka wî bu

    Ma wî her u her ji diya pîr a porspî re weha negotibû;

    "Daye ez bî qurbanê

    Ez berxê te, çavreşe bave xwe me

    Iro jiyan e, sibe mirin e, mirin li ser sere me hemûyan e

    Leledaye...

    Eger te rojek xebera mirine bihîste

    Tu bizanibe; min ruye xwe reş nekiriye

    Berxê te, çavreşe we, Reşoye bavo şehîde weletê me ye..."



    Ba, azman, herd, stêrk, roj, ewr, baran, derd, gul,

    dawet, evîn, dayik, zarok, ken, girî, heval, rext, stran,

    xew, tarî, bahar, av, çiya, gelî, çem, hêjîr, berû, çav,

    dev, por, evîn, dayık, xwîşk, bira, gund, heval, zozan, dinya, evîn, hevî,

    dinya, evîn, dayik, hevî, dinya, hêvî evîn...



    Şîîr:mehmet uzun

    Muzik:ciwan haco



    2013.07.22-11:08 | karmatî

    2. Destana Egîdekî





    "Lêxin, lêxin hevalno lêxin,

    Bibarînin bibarînin, birano

    Ev me çi dihesibînin!"

    Her roj, her êvar, her şev

    Wî weha gotibû û gule barandibû

    Roj qulipîbû ser êvarê, êvar ser şevê, şev ser rojê



    Şer berdewam bû

    Beden westiyayî, keser giran, birîn kûr

    Mêjî xurt, awir tûj

    Dil keleha mêrxasiyê bû

    Loma jî ne şer bû

    Ya man ya neman bû



    Çi ji destê wî, çi ji destê wan dihat...

    Îxanet li rê bû

    Îxanetê zora welatevîniyê biribû

    Dor li wan girtî

    Li jêr esker,

    Li jor helîkopter

    Nefes li wan çikiyayî bû

    Li pala çiyayên serîbilind

    Di gundekî bêçare yê Kurdistanê de

    Wext, wextê şer, man û nemanê bû

    "Hevalno, em çi bikin...

    Bêgavî bextreşî ye, kambaxiya me kurdan e

    Lê gava bêgavî li ber deriyan e

    Wext, wextê jîr û mêrxasan e

    Wext hatiye; wext, wextê şer e, xurtî û huner e

    Em pênc kes, ew pênc hezar kes

    Em pênc hezar dil, ew pênc dil

    Em pênc hezar dilên biheq, ew neheq

    Kî dikare dilê bi evînê hildavê vegêre?

    Ma ev me çi dihesibînin!.."

    Yek bi yek li hevalên xwe nihêrî

    Ew yek bi yek hembêz kirin

    Bi herdu tiliyên xwe yên destê rastê simbelê xwe bada



    Çek, pûsat û rextên xwe şidandin berîk ajot devê tifinga xwe û got:

    "Hevalno, ji bîr mekin

    Em pênc hezar dil

    Pênc hezar efsaneyên li ser lêvan

    Pênc hezar destanên li ser kaxizan in

    Pênc hezar stêrkên roniyên kurdan in..."





    Saw û xofa mirinê coş û heyecana liberxwedanê hebû

    Li ser berfa gewher rengê sor ê xwîn û tavê hebû

    "Ax! Ev tav",

    "Eger tava danê evarê li me biqulibe

    Û em xwe bi evarê bigihînin

    Heye ku deriyê felatê li me vebe!"

    Çendîn şerê dijwar ew ketibûyê

    Çendîn caran wî îxanet, daf, dek, xefik û kemîn dirandibû

    Ew şervanê welatê şervanan

    Rêgehê bav û kalan bû



    "Ev çi hal e"

    "Ez evîndar û şervanê ronahiyê

    Ez dijminê tarî û zulmetê

    Ez niha li hêviya şevê me"



    Ew pênc kes bûn, çar mêr û jinek

    Ku her yek ji derek, lê xwedî qederek "

    Lêdin hevalno lêdin

    Ma ev me çi dihesibînin!.."



    Deh bi deh, sed bi sed

    Teqîna çekan, vizîna gulan bû

    Ne vîçîna teyran, ne hêrîna hespan

    Ne ewîna segan, ne meyîna berxan

    Ne jî denge însanan bû

    Bi tenê dengek hebû

    Zagon, zagona şer û li can bû

    "Kî ne ev eskerên ku weha gule li me dibarînin

    Ji ku ne, li ser axa me çi ji me dixwazin

    Ma evîn û evîndaren wan

    Hez u hezkaren wan nîn in

    Çima ew hez û evîna me tênagihin"



    Saet çend bû

    Şevê çima weha mîna bûkekê xwe xemilandibû

    Stêrk çima weha ronî

    Heyv çima weha di lehiya xweşiyê de bû

    Di vê sar û seqemê de çima weha germ bû



    "Stêrkên welatê min

    Heyva erd û axa min"

    "Hûn şahid in; em ne diz û keleş in

    Ne pêxwas û zikreş in

    Em evîndarên we, egîdên ronahiyê ne

    Eger li me qewimî û li vir em bûn şehîden we

    Xebera mêrxasiya me bigihînin bi însan û gelê me"



    "Ax li min dayê"

    Çavên wê yên reş mîna çavên xezalan vekirî

    Devê wê bi ken bû

    Porê wê belavbûyî, stûye wê gola xwînê bû

    Wî serê wê danî ser çoka xwe

    Pişta xwe vekir, li stûye wê bada

    Bi destan porê wê mist da

    Bîstekê, bêdeng çavê wî li ser çavên xezalan ma

    Çend dilop hêstir ji çavên wî ber bi jêr bû

    Û ew giriya

    Di bin barana guleyan de ew giriya



    Şev diçû

    Stêrk diçû , heyv diçû

    Xewna azadiyê, heviya felatê diçû

    Hizr û bîr, serpêhatî û jiyaneke ciwan diçû



    "Xwedêyo...

    Ji berbanga Kurdistanê xweştir

    Ji rojeke nû ya welatê min geştir çi heye!"

    "Em diçin"

    "Em diçin, le kî dikare rê li berbangên welatê min bigire

    Kî dikare roja nû li welatê min qedexe bike?

    "Em diçin

    Em diçin, lê mîna ku bav û kalan dikirin

    Ji vê roja nû re xêrhatin

    Ji vê berbanga welatê min re stran û gotin divê"

    Wext, wextê stranê welatê neçar bû

    di berbanga sibê de, li serê çiyan

    Alana dengê egîdekî xort bû

    "Lê lê daye...

    Lê dayê, serê sibê ye, sibeyeke xweş e

    Vê serê sibê bayekî sar e, li min serma ye lê dayê..."

    ax lê dayê

    Dengê top û cebirxanan li ser sînga min e

    Lê dayê, vê sibê çarnikar e, ax lê lê dayê

    ax lê lê lê dayê



    Hevalê Ezîz

    "Edî tu çare tune, mirin û çûyîn li ber me ye

    Eger em teslîm bin ji, qedera me mirin e

    Em jî li ser riya kerwanê şehîda ne

    Em hevudu hembêz bikin,

    Heqê xwe ji hev re helal bikin

    Wext nîn e, berî ku guleyek were

    Em ber bi gulê herin

    Di nav bedengiyeke kûr de

    Wan tifingên xwe dane alî, rextên xwe ji xwe kirin

    Defter û kaxizen xwe, cil û bergen xwe li ser hev danîn

    Û li agire wan nihêrîn

    Her yekî du bombe, her bombeyek li aliyekî navtengan

    Bi xwe ve girêdan û dîsan li hev nihêrîn

    Wext hatibû; wext,wextê çûyinê bû



    Ba bû

    Seqema serê sibê bû

    Her der spî, her der gewher bû

    Her der ronî, her der muqeddes bû

    Jiyana xort, rojên bihurî bi bîra wi hatibû...



    Zaroktî, mala mezin, koşka jor

    Kuçe û kolanên teng, bîren kûr

    Bax û rez, av û çem, gund û zozan

    Tirî û hejîrên bav û kalan

    Keskesora barana biharan

    Dengê kahr û berxan

    Govend bû

    Ji rojên bihurî govend bi bîrê hatibû

    Dawet û dîlan li dar bû

    Dinya mîna mehfûreke rengîn a kurdî xweş

    Mîna destaneke kevnar geş bû

    Ew li serê gowendê bû

    Coş li ser dil, ken li ser rû

    Ew govendkêşê dîlanê bû

    Xwendin û dibistan dîsan xwendin û dibistan salên

    unîwersîtê

    Ev hemû, ev hemû niha li bîra wî bû

    Bîr bûbû kevokeka bi firê ketibû



    Dinya çiqas xweş, çiqas bedew bû

    Kirasê sipî çiqas li vê axa welatê kurdan hatibû

    Bê çek, bê pûsat, bê kiras û bê veger

    Li ber çavên wî leylana berfa spî

    Li ser dilê wî gurmina dengê şehîdan

    Ma kî û kî li ser ve axê şehîd neketibû

    Û axa rehmetê maç nekiribû...

    Dinya çiqas xweş, çiqas bedew bû

    Kirase spî çiqas li vê axa welatê kurdan hatibû

    Wî destê xwe bir ber eniya xwe û ji bo cara dawîn

    Li dora xwe nihêrî

    Li dûr, li dûr reşahiya eskeran...

    Li dûr, li dûr teyrekî mezin ê spî li firê bû

    Bi baskên spî, ji aliyên çiyan ber bi geliyan

    Li şahîdiya wê roja nû bû

    Baskên wî vekirî, çeperast, teyr bi ageh li firê bû

    Ma jiyan ne mîna fira vî teyrî bû?

    Ma jiyan ne fireke kurt û xweş li dinyayeke kambax bû?



    Bîr dîsan li firê bû, hemû jiyan li bîrê



    Mal û malbat, xwîşk û bira

    Ap û birazî, xal û xwarzî

    Yek bi yek niha li ber çavên wî bû

    Diya pîr a porspî li wir, li kêleka wî bû

    Ma wî her û her ji diya pîr a porspî re weha negotibû;

    "Dayê ez bî qurbanê

    Ez berxê te, çavreşê bavê xwe me

    Îro jiyan e, sibê mirin e, mirin li ser serê me hemûyan e

    Lê lê daye...

    Eger te rojek xebera mirinê bihîste

    Tu bizanibe; min rûyê xwe reş nekiriye

    Berxê te, çavreşê we, Reşoyê bavo şehîdê welatê me ye..."



    Ba, azman, herd, stêrk, roj, ewr, baran, derd, gul,

    dawet, evîn, dayik, zarok, ken, girî, heval, rext, stran,

    xew, tarî, bihar, av, çiya, gelî, çem, hêjîr, berû, çav,

    dev, por, evîn, dayik, xwîşk, bira, gund, heval, zozan, dinya, evîn, hêvî,

    dinya, evîn, dayik, hêvî, dinya, hêvî evîn...

    Mehmed Uzun





    2013.07.22-12:05 | rojgar

    3. helbesta ciwan haco aniye ser ziman. helbestek e min dibe cîhanek din.



    2013.07.22-13:33 | berxêres

    4. strana di vê albûmê de ku wek track 14 an strana 14em jî tê navîn min dihelÎne.. ciwan di vê stranê de bes bi peyvên hevok negirtî an ji ber çûyîn anatomiya egîdekî terîf dike û guhdarên xwe jî di ber dengê xwe yê az û boş û biheybet mest dike.. tê bîra min cara pêşîn li zankoyê min gûyê evînê xwarî belkî sed carî ser hev min guhdarî vê stranê kiribe.. li ser înternetê versiyoneke biçekî ji versiyona di albûmê de cudatir heye ku li ber dilê min j versiyona di albûmê de xweştir û meqbûltir e.. dema ciwan navê xwudê hil dide û bang lê dike mirov dibêje îsrafîl li sûra qiyametê dixe.. mû dibin şûjin û xwîn di cih de cit dibe..

    fermo ji vir kerem kin:










    têbinî: ez nûka saya serê navê vîdeoyê lê warqilîm ku nûansa biçûk ya di navbera qeyda stûdyoyê û qeyda strana di vîdeoyê de remîksa ku heval haco çêkiriye ye..



    2013.07.22-17:35 | endazer

    5. berhema bêhempa ku tê de ciwan haco êdî ne stranbêjek lê êdî "hozan"ek e.

    jixwe ciwan haco çi cûre bistire, heqê wê didê.



    2013.08.09-02:02 | simurg56

    6. berhema nivîskî ya birêz Mehmed uzun.

    di mûzîka kurdî de vîrajek pir girîng ku ciwan bi awayekî serkeftî derbas kiriye.



    2013.08.09-15:34 | reşkêşevê

    7. HELBESTEKE DIRÊJ YA memed uzun E. EM JI MALPERA WEŞANXANEYA RONAHÎ YA FACEBOOKÊ HÎN DIBIN KU EV DESTANA BI NAVÊ mirina egÎdekÎ ÇAPBÛYE. Ê KU BIXWAZE DIKARE KITÊBÊ JI weŞanxaneya ronahÎ BIDEST BIXE. HER WIHA HUN DIKARIN LI SER YOUTUBÊ JÎ HEMU PARAN BI DENGÊ ciwan haco GUHDARI BIKIN.























    2014.02.20-02:49 | seydayê_peyvan

    8. li ser, di pevçunÊkÎ 5 gerÎlla di nav şikeft hÊsÎr mayÎ hatÎye nivÎsandin. pir dirÊje. par par kirine. u ne şaş bim 14 parin.

    bi taybetÎ beşa 14 min dihelÎne, muyÊn min hil hil dike. mehmed uzun evkas xweş nivÎsandÎye kÎ meriv hÎs dike wÊ tirsÊ şupheyÊ bÊçaretÎyÊ u weka 5 gerÎlla lÊ pirsina pkk, kurd, Însan, şer, dinya, felsefeyÊ dike.

    ciwan haco wusa baş şÎrove kirÎye u psÎkolojÎya(gup gupa gurçikÊ) gerÎlla nÎşa kirÎye kÎ, tirk fÎlm şerÎdÎ dibÊjin ya weka fÎlm şerÎdÎ jÎyan ber çawÊ merÎv derbas dibe.





    ba, azman, erd, stêrk, roj, ewr, baran, derd, gul,

    dawet, evîn, dayik, zarok, ken, girî, heval, rext, stran,

    xew, tarî, bahar, av, çiya, gelî, çem, hêjîr, berû, çav,

    dev, por, evîn, dayık, xwîşk, bira, gund, heval, zozan, dinya, evîn, hevî,

    dinya, evîn, dayik, hevî, dinya, hêvî evîn...



    2014.04.12-22:23 | hun çawane heval:)))))))

    9. Ciwan Haco - Destana Egidekî (hemû par)












    2016.10.20-11:04 [guhertin:2016.10.20 11:04]| xwelî li ser

    dengdanên dawîn (Yên Din..)
    şahînê bekirê soreklî [1]
    çîroka marquez ya tenahiya sedsalî çi bi min dabe hîskirin, ev çîroka ...
    ulysses [2]
    Bo ew Kesên ku tema wan heye vê romanê bixwînin, pêşnîyara min heye. D...
    nifşa pokemon [1]
    xwezî bi wan rojan ❤
    ...
    selahattin demirtaş [1]
    berî çend rojan ji doza xwe ya sereke, bêguneh hat dîtin. di dozekî di...
    hafiz nazerî [1]
    kurê stranbêj û hunermendê navdar ê ji rojhilatê kurdistanê, (vbnr: şe...
    belki ev jî bala te bikişînin
    » destana belengaziyê

    Kategoriyên mijarê:: kurdukurdi muzikstrn wejehlbst
    nivîskarên ku li vê mijarê nivîsîne


    sitemap
    reklamokên beredayî