Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    3 mijar û 3 peyam
    helbestên ebdulla peşêw - tirşik
    helbestên ebdulla peşêw
    (2) (0) ecêb (0) (5)
    di mijarê de bigere

    1. (bnr: ebdulla peşêw)



    sedan sale



    sedan sale

    le wêrane malî xom da

    kitke korey goşey metbeqî sultanim

    sedan sale

    hewş û berey xom wala ye û

    le ber dergey dizanî xom pasewanim.

    sedan sale

    rojêk debim

    be meyterî walî bexda

    rojêk le taran kutalim

    rojêk lîfkem

    piştî jinî sultan deşom,

    rojêk geskim şam demalim!

    sedan sale

    weku çengêk dane wêle,

    aşî mêjû firrêy dawim.

    her çiwar dewrem şaroçke ye û

    mêrûle demyan tê nawim.

    sedan sale

    kase serim minare ye

    kê bê, dengî tiya hel debrê.

    sedan sale

    nîştimanim nêrgle ye,

    kê bê, be demyewey degrê.

    sedan sale

    le ber dergey tekyey cîhan

    cutêk soley pîne pînem,

    kê le pêm ka bo ew deşêm,

    sedan sale

    diwa tilîşêk firrê dedrêm.

    sedan sale

    diway pîneyek le pê dekrêm.



    min piştêkî birîndarim,

    le qamçî xom raperîwim.

    min lafawêkî lasarim,

    lew kenarane helsawim

    ke tengyan pê helçinîwim.

    nanîşmewe.... nanûmewe....

    bê aramim..

    aramî min çirayek bû

    reşebay dewrim xwênî rişt.

    bê bezeyîm...

    bezeyî min zeryayek bû

    binyan pêwe na û helyanmişt.

    nanîşmewe.... nanûmewe....



    ke min dan bim, kwa derfet?

    ya min, ya mêrû.

    ke min xwên bim, kwa derfet?

    ya min, ya zêrû.

    qehpen ewaney pêm dellên:

    dan û mêrû biray yekin.

    qehpen ewaney pêm dellên:

    xwên û zêrû biray yekin.

    qehpen ewaney pêm dellên:

    masî û çengal,

    mişk û cewal,

    dest û çizû biray yekin.

    qehpen ewaney pêm dellên:

    pet û gerden,

    gwêzan û mû biray yekin.

    werin xelke!

    le nêçîr û zam bipirsin,

    billên, tuxwa,

    xencer heye zam tîmar ka?

    raçî heye nêçîr nexwa?

    de xelke, le ka bipirsin,

    qet agirî sardî dîwe?

    le hêlaney mal bipirsin,

    be niyazî maç,

    qet mar demî tê jenîwe?!

    de le dar berû bipirsin,

    tewrî dîwe dar birr nebê?

    de le kerêkîş bipirsin,

    gurgî dîwe ker dirr nebê?!

    qehpen ewaney pêm dellên:

    marî şîrîn jarîş heye,

    qehpen ewaney pêm dellên:

    tewrî biray darîş heye.



    min piştêkî birîndarim,

    le qamçî xom raperîwim.

    min lafawêkî lasarim,

    lew kenarane helsawim

    ke tengyan pê helçinîwim.

    nanîşmewe.... nanûmewe....

    bê aramim..

    aramî min çirayek bû

    reşebay dewrim xwênî rişt.

    bê bezeyîm...

    bezeyî min zeryayek bû

    binyan pêwe na û helyanmişt.



    ebdulla peşêw,1981



    2015.02.28-16:09 [guhertin:2015.12.10 16:02]| xendekî

    2. “Em rêbware Kurdistan e.

    Laney yekem evîn me.”



    Abdulla Peşêw



    2015.03.04-08:33 | xendekî

    3. (bnr: kurdistan)



    kêlge destrê bo baran

    çiya bo hello.

    rûbar û çem bo newestan

    xor bo aso.

    agirperest bo ateşge

    ba bo çiro.

    êstere û mang bo spêde

    minîş bo to

    kurdistanim: minîş - bo to!..



    ebdulla peşêw



    2015.03.04-08:34 | xendekî

    4. (bnr: bo qerecêk)



    êdî hew li nav lepê min binêre!

    jixwe naxwaziim tu ji min re bibêjî....

    dibim bavê çend zarokan,

    rengîn dibim an jî her wek lat,

    tenê tiştekî ji min re bêje:

    heta mirinê wek te dijîm,

    an jî dibim xwedî welat?!



    evdilla pêşew/mosko 1980

    ji zaravayê soranî: muhsin özdemir



    2015.03.04-08:35 | xendekî

    5. (bnr: gulleberroje)



    nîştimanî min :

    hêlaney xore,

    pirşingecarre,

    serim... ser niye:

    gulleberrojey hemîşe lare!



    abdulla peşêw

    *ji hilbijartin (ji hemû dîwanên wî)

    *rûpel:26-weşanên belkî



    ferhengok

    gulleberroje:gulberroj

    hêlane:hêlîn

    xor:tav roj

    pirşingecarr: baxçeyê tîrêjan

    hemîşe: tim, hertim

    lar:xwar



    2015.03.04-08:36 | xendekî

    6. (bnr: serbazî win)



    Serbazî win

    Eger sibey wefdêk bête wllatî min,

    Lêm bipirsê:

    Kwanê gorrî serbazî win?



    Dellêm:

    Gewrem!

    Le kenarî her cogeyê,

    Leser sekoy her mizgewtê,

    Le berdergey

    Her mallê, her killêseyê, her eşkewtê,

    Leser gaberdî her şaxê,

    Leser drextî her baxê,



    Lem willate:

    Leser her biste zemînê,

    Lejêr her geze asmanê,

    Metirse! Kemêk ser daxe û



    Tacegullîneket danê!



    Ebdulla Peşêw





    (bnr: leşkerê winda)



    dema şandeyeke biyanî tê welatekî,

    tacgulekê dibin ser gora

    şervanê winda.

    ger sibê

    şandeyeke biyanî were welatê min

    û ji min bipirse: ka gora

    şervanê winda?

    ezê bibêjim: ezbenî,

    li berava her coyê

    li ser doşkê her mizgeftê

    li ber deriyê her dêrê

    her şikeftê,

    li ser kevirê zinarê her çiyayî

    li çiqê her dara daristanê

    li kurdistanê

    li her bosta axê

    li her geza esman...

    xem nake, piçekî xwe bitewîne

    û tacgula xwe lê deyne.



    ebdulla peşêw



    2015.03.04-08:44 | xendekî

    7. ''Birakujî pak û pîs nî ye

    Birakujî her pîs e''



    Ebdulla Peşêw



    2015.03.07-23:38 | doktorodi

    8. awesta ra Birakujî, belkî ra Hilbijartin, diwan ra Xewna min naye tadiyayi kirdasî/kurmancî. ey weşanxan ye diwan şiir weştir e.



    2015.03.08-19:19 | teberkerde

    9. Li vir peyamek hebû lê xuya ye ev peyam hatiye jêbirin

    2015.03.09-00:10 | xendekî

    10. (bnr: çima çîtan hêşt dabeşî neken)?



    Lem nîştîman e çare reş e da,

    Çîtan hêştuwe

    dabeşî neken wek rezî xotan?

    Her be şehîdan serman bilind bû,

    Ewanîştan kird be pezî xotan!

    Nawêrim qellemêk helgirim.

    Nawêrim kirasêk le ber kem.

    Rûtan reş bê!

    Xo rengekanîştan beş kird.

    Billêm: "xwêndkar ya qutabî?

    jin ya afret ?"

    Rûtan reş bê.

    Ta wuşey naw ferhengekanîştan beş kird!

    Dû kenarî zêy cawîdanî

    Xanî û Hacî Qadirtan beş kird.

    Xak û aw û agirtan beş kird.

    Kwa? Çîtan hêşt?

    Bigre...

    Qehpe û diz û rêgirtan beş kird.

    Wek zirtekî gakuj be dest,

    Nîştîmanêktan kird be dû...

    Şar be şar, gund be gund geran,

    Le her malêk

    Agirdanêktan kird be dû!

    Xelk mêjûyekî heye,

    Ême dû mêjûman heye.

    Hemû dûnya

    Yek serkirdey lê bela ye,

    Ême lewîş dûman heye!



    Ebdulla Peşêw



    2015.03.09-01:12 | xendekî

    11. (bnr: bo roze)



    Katê min wekû

    Pasarîyekî raw kirawî to,

    Lerze lerzim bû

    Le ber baranî şînî çawî to,

    Le dengî to da

    Be astem zengî kilêse lêy da:

    "Kurdim xoş dewê...

    Kurd cengawer e..."

    Sa tuxwa were

    Xo min Kurdim û ta ser hêsk Kurd...

    Boye, bibure ger lêt bipirsim:

    "Pêm nalêy, boçî

    hênde le jiwanî

    baranî şînî çawit detirsim?!"



    Ebdulla Peşêw



    2015.03.09-01:57 | xendekî

    12. Li vir peyamek hebû lê xuya ye ev peyam hatiye jêbirin

    2015.03.09-01:58 | xendekî

    13. (bnr: xeyb)



    Le xeybewe hatûmewe

    Hatûmewe pêtan billêm:

    Em wilat e

    Qet bê xirme xirmî nall û

    Zirme zirmî postal nabê

    Ta kû êwe ew pirde bin

    Her dîl bûn û her dîl debin

    Ta çerçî û diz serkirde bin!





    Kurmanciya wê:



    Ji xeybê hatime

    Hatime ji we re bêjim:

    Ev welat e

    Qet bê xirme xirma nal û

    Zirme zirma postal nabe

    Ta ku hûn ev pir bin

    Her dîl bûn û her dîl dibin

    Ta ticar û diz serkirde bin!



    Ebdila Peşêw



    2015.03.09-02:22 | xendekî

    14. (bnr: birakujî)



    îro roja şî'ir nîn e

    bo wê ye, ez ji bo we dibêjim

    bi zimanekî yekcar sade

    ji we re dibêjim

    ewê kurd be û kurd bikuje

    pîç e, teres e, qewad e!



    ........................................



    êmro rojî şî'ir niye.

    boye, min botan dême go

    be zimanêkî yekcar sade.

    pêtan dellêm:

    êwey kurd bê û kurd bikujê

    zolle, terese, gewwade!



    maysî 1994 – hewlêr



    ئه‌مڕۆ ڕۆژی شیعر نییه‌

    بۆیه‌، من بۆتان دێمه‌ گۆ

    به‌ زمانێكی یه‌كجار ساده‌.

    پێتان ده‌ڵێم:

    ئه‌وه‌ی كورد بێ و كورد بكوژێ

    زۆڵه‌، ته‌ره‌سه‌، گه‌وواده‌!



    مایسی 1994 – هه‌ولێر

    وو





    Evdila Peşêw



    2015.03.09-02:28 [guhertin:2015.05.25 00:56]| xendekî

    15. (bnr: emsal newroz nakem)



    -soranî



    emsal newroz nakem



    emsal bê çiya newroz nakem

    bê bonî giya.. newroz nakem



    newroz nakem bê bilêse î sûrî agir

    newroz nakem eger ireşbeleki tozne kaw

    xom nebim be seri çopî gir



    kizeyî cergim :

    beyanî zû helim sêne!

    zor detirsim.

    ke wêk

    karêk.

    gundêk

    şarêk

    çemêk, çiyayêk le bîr bikem



    zor detirsim.

    darêk,

    berdêk ,

    kuxtêk ,

    gerdîk,

    bince giyayêk, le bîr bikem !



    beyanî zû helim sêne!

    dîsan melê : " ba têr xeobê "

    siwêndim be çiya xwardiwe,

    ke kurdistane dûrekem

    be germên û kiwêstanewe ,

    bigwazme we bo xerîbî - bo jûrekem





    -kurmancî



    îsal newroz nakim



    îsal bê çiya newroz nakim

    bê bêhna giya newroz nakim



    newroz nakim bê rivîna sorahiya agir

    newroz nakim eger reşbelek tozê raneke

    û ez nebim serekvan



    kezeba min

    sibehê zû min şiyar ke

    zahf ditirsim

    kewek

    karek

    gundek

    şarek

    çemek çiyayek ji bîr bikim



    zahf ditirsim

    darek

    kevirek

    koxek

    tozek

    giyayek ji bîr bikim



    sibehê zû min şiyar ke

    dîsa nebê bila têr xew be

    min sond bi çiya xwariye

    ku kurdistana xwe ya dûr

    bi germiyan û zozan

    biguhêzim bi xerîbî - bi oda xwe





    -kirmanckî



    emser newroz nêkena



    emser bê ko newroz nêkena

    bê boya vaş newroz nêkena



    newroz nêkena bê rivîna surîya adir

    newroz nêkena eger sîyabelek toz ranêwurzo

    û ez nêbena serekwan



    kezeba mi

    meşte lez mi haya ke

    zaf tersena

    zerencêk

    karêk

    dewêk

    şarêk

    çemêk koyêk xo vîr ra bika



    zaf tersena

    darêk

    kerrayêk

    hozêk

    vaşêk xo vîr ra bika



    meşte lez mi haya ke

    hêna nêbê wa mird hewn be

    mi sond bi ko werdo

    ke kurdistana xo ya dûr

    bi germîyan û zozan

    biaçarna bi xeribî- bi oda xo



    2015.03.09-22:58 [guhertin:2015.03.09 22:59]| xendekî

    16. (bnr: li ber derge) / li ber derî



    Şev bû dereng

    Çoka min sist bû

    Hîv li nav ezman kizirî

    Derê xwe li min veke

    Îşev hatime

    Ji çinîna baqek ji nergizên çavê te

    Bo razanek, bo xewnek, bo hin girîn

    Li ser ewrê porê te yê xav

    Îşev hatime

    Çirîska bajarê yadîgar bangî min kir

    Bi sîma zarotiya xwe ve

    Bi xema şorebiya xwe ve

    Hatime û venagerim

    An digihîjim te

    An wek momekê dişewetim û dihelim



    Derê xwe li min veke

    Ez dildarê te yê cara me

    Her zeviya ber derê te me

    Her tîna berf û barana te me

    Derê xwe li min veke

    Ez ew kes im

    Heta do

    Li nav gewriya ronahiyê te ez vedişartim

    Li nav tasa tirsê te ez vedixarim



    Dem: Li bin baskê ezman dike bawîşk were

    Şûn: Reşikeke bêdeng e

    Derî li min veke

    Tiştek nîn e şîrîntir be

    Ji xişta pê û çip çipa lêvê

    Deriyê xwe li min veke

    Westayê riyek dûr im

    Wekî caran hinekî rûdinim û radibim



    Şev bû dereng

    Çoka min sist bû

    Hîv li nav ezman kizirî

    Derê xwe li min veke

    Dar û kevirên devê derî xwe davêjin te



    Ebdila Peşêw



    2015.03.26-23:46 | xendekî

    17. (bnr: hem tom xoş dewê hem ewîş)



    2015.04.12-20:59 | xendekî

    18. Qûn û Kursî.














    2015.04.13-03:16 | seydayê_peyvan

    19. nîştiman



    nîştimanim!

    to wek taney leser çawim.

    to wek temî, le gişt lawe dewret dawim.

    to awêney – lenaw toda hemû dinya bedî dekem.

    to teymanî –

    be hoy towe hîç nabînim:

    ne kel debînim, ne zewî.

    ne xwa debînim, ne asman.

    ca nazanim

    ne cihan wek to biçûke,

    ne to gewrey beqed cihan,

    nîştimanekem – k u r di s t a n!



    ....................................................

    teyman: taman, çeper, perjîn, tanuk, çîle.

    şî'rî şewinwêjî namoyan, dîwanî şew niye xewintan pêwe nebînim.



    نیشتمانم!

    تۆ وه‌ک تانه‌ی له‌سه‌ر چاوم.

    تۆ وه‌ک ته‌می،

    له‌ گشت لاوه‌ ده‌وره‌ت داوم.

    تۆ ئاوێنه‌ی –

    له‌ناو تۆدا

    هه‌موو دنیا به‌دی ده‌که‌م.

    تۆ ته‌یمانی –

    به‌ هۆی تۆوه‌ هیچ نابینم:

    نه‌ که‌ل ده‌بینم، نه‌ زه‌وی.

    نه‌ خوا ده‌بینم، نه‌ ئاسمان.

    جا نازانم

    نه‌ جیهان وەک تۆ بچووکه‌،

    نه‌ تۆ گه‌وره‌ی به‌قه‌د جیهان،

    نیشتمانه‌که‌م – ك و ر د س ت ا ن!



    ....................................................

    ته‌یمان: تامان، چه‌په‌ر، په‌رژین، تانوك، چیله‌.

    شیعری شه‌ونوێژی نامۆیان، دیوانی شه‌و نییه‌ خه‌ونتان پێوه‌ نه‌بینم.



    Ebdulla Peşêw



    2015.05.20-01:22 | xendekî

    20. (bnr: hestin) - (bnr: rabin)



    Rabin, heloyên(1) çiyan, rabin!

    Di rabûnê de hûn yek in:

    Yek bîr, yek rê yek armanc in

    Di rabûnê de hûn gelekin:

    Çil milyon çav,

    Çil minyon ling,

    Çil milyon zend û dest in

    Rabin, heloyên çiyan, rabin!

    ------------

    Hestin, helloy şaxan, hestin!

    Le hestanda êwe yekin:

    Yek bîr, yek rê, yek mebestin.

    Hestin, helloyi şaxan, hestin!

    Le hestanda êwe zorin:

    Çil miliyon çaw,

    Çil miliyon qaç,

    Çil miliyon meçek û destin.

    Hestin, helloy şaxan, hestin!

    ...............................

    şî'rî (ême drextî...), dîwanî Brûskeçandin

    Lêanîn: Muhsîn Ozdemîr

    Helo: Qertel(ê) reş, eylo, derûş..



    2015.05.23-20:16 | xendekî

    dengdanên dawîn (Yên Din..)
    rîçala bacanê reş [2]
    Dema ez zarokikî biçûk û neqenc bûm, diya min carekê rîçala bacanên r...
    lo dublaj [2]
    Bavê min 24 seat temaşe dike, jibo wî jê aciz bûm :( Carna ji xwen şîy...
    whatsapp kurdî [2]
    Me go merheba? * pir dem borî ku ex nanivîsim. Karê min pir in. Welha...
    lo dublaj [1]
    qenaleke youtubeê ye ku tê de dublajên komîk yên fîlmên navdar, tê çêk...
    torî [3]
    Torî, li herêma Torê, li bajarê Midyadê, ji dayikeke diyarbekirî û bav...
    belki ev jî bala te bikişînin
    » helbestên selîm temo
    » ebdulla peşêw

    Kategoriyên mijarê:: wejehlbst
    nivîskarên ku li vê mijarê nivîsîne


    sitemap
    reklamokên beredayî