Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


0 mijar û peyam
      helbestên şêrko bêkes - tirşik
      helbestên şêrko bêkes
      (1) (0) ecêb (0) (4)
      di mijarê de bigere

      1. (bnr: şêrko bêkes)



      (bnr: payîz)



      Îro payîzê bar kir û

      çû ji vir

      ku ez ketim warê wê yê vala

      Axînek jê mabû

      Min axîn anî mal

      Axîn wek kubêjî

      Payîz taybetî

      ji bo min dirûtibe

      Tam li gor şîîrek min be



      Şêrko Bêkes



      2015.02.28-16:14 [guhertin:2015.03.09 01:49]| xendekî

      2. Eger karibî

      Guliyên vî baxî

      Yek bi yek bijmêrî

      Eger karibî

      Hemû masiyên gir û hûr

      Yên nav çemê pêşberî xwe bijmêrî

      Eger karibî

      Dema koçberiya teyran

      Yên ber bi jêr û ber bi jor ve

      Yên ber bi jor û ber bi jêr ve

      Yek bi yek bijmêrî

      Wê demê ez jî soz didim

      Heçî qurbanên

      Vê axa şîrîn ya Kurdistan

      Yek bi yek bo te dijmêrim.



      Şêrko Bêkes



      2015.02.28-16:14 | xendekî

      3. Di bin baranê de

      Helbest dibe çetr

      Di bin germa rojê de

      Helbest dibe sîber

      Di sermayê de

      Helbest dibe agir û li şewa terî de dibe çirayê riya te

      Çi dema çetr, sîber, agir û çirayê min cem te nebûn

      Wê yekê bizane

      Êdî helbest çûye ava û ez jî mirime



      Şêrko Bêkes



      2015.02.28-16:47 | xendekî

      4. (bnr: evînî)



      Min guhê xwe da dilê axê

      Ji min re qala evîna xwe û baranê kir

      Min guhê xwe da dilê avê

      Ji min re qala evîna xwe û kaniyê kir

      Min guhê xwe da dilê darê

      Ji min re qala evîna xwe û pelan kir

      Dû re min guhê xwe da dilê evînê

      Ji min re qala azadiyê kir



      Şêrko Bêkes



      2015.02.28-17:25 | xendekî

      5. (bnr: piste pistek)



      êvar bû

      hemoyê biçûk î boyaxçî

      li quncikê meydana mezin

      li nav dilê bajarê şamê

      serê westiyayî tewandibû

      wek firça nav destê xwe

      laşê xweyê zirav bilez bilez

      dihejand.

      hemoyî biçûk î eware

      di ber xwe de



      bi piste pist ev digot:



      tu mamoste piyê xwe deyne!

      tu bazirgan piyê xwe deyne!

      zabit… casûs… leşker… celad mirovê baş…û mirovê pîç…

      hûn hemû!

      yek li pey yekî piyê xwe deynin

      kes nema

      tenê xudê ma

      ez bawer im li wê dinyayê jî

      xudê ji bo boyaxkirina pêlavên xwe

      wê gazî kurdekî bike

      kî dibê

      “ew kurd ne ez im”

      ax dayê!

      tu dibê pêlavên xudê çi qas mezin bin



      çend numre ne lingên wî?



      lê ji bo pere!

      dayê tu dibê wê xudê çiqasî bide



      şêrko bêkes



      2015.03.04-17:00 | xendekî

      6. (bnr: şehîd)



      Şehîd: Nemir e wek çiya

      weke berf û weke dar

      wek gulebax û wek bihar

      şehîd av e

      tîna zeviyê dişkêne

      tilî û dest e

      êşa axê dihejîne...



      Şêrko Bêkes



      2015.03.08-21:41 | xendekî

      7. JI BO 8Ê ADARÊ :



      baskê bazekî şikandin

      asîman firrînek wenda kir



      çavê xezalekê korr kirin

      awirek ji kîsê deştê çû



      guleyek ket qirika kewekê

      çiya stranek wenda kir



      kulîlkek bêhnek wenda kir

      bilbil bêhnek wenda kir



      lê dema ku jinek kuştin

      evînek ji kîsê hemû dinyaye çû



      ŞÊRKO BÊKES





      2015.03.08-22:20 [guhertin:2015.03.08 22:21]| quşxaneli

      8. (bnr: ey dilêran)



      2015.03.08-22:21 | xendekî

      9. (bnr: xak)



      Xakî ême

      Le hîç xakêkî tir naçê

      Xoy yek dil e û

      Hemû rojê

      Be çiwar xaça da ekutrê

      Daykî ême

      Le hîç daykêkî tir naçê

      Le yek sata

      Sikî ew çiwar car esûtê

      Yek kesman çiwar car ekujrê

      Boye rojê

      Le ahengî em xwêne da

      Çiwar cejn ekeyn be cejnê



      Şêrko Bêkes



      2015.03.09-01:33 | xendekî

      10. (bnr: xoşim ewêy)



      Le kotayî nameketa

      Le namekey em careta

      Giyan e, elêy:

      "Min be qed çend xoşim ewêy?"

      Azîzekem wek çon behar

      Asmanî şînî xoş ewê

      Yan pepûley herde û nizar

      Hengî dildar

      Gulî baxî jînî xoş ewê

      Şîley şîrînî xoş ewê, xoşim ewêy

      Yan çon befirî çiyay kwêstan

      Kanî rûnî naw daristan

      Tirîfey mangyan xoş ewê

      Gizingî xoryan xoş ewê

      Xoşim ewêy!



      Şêrko Bêkes



      2015.03.09-01:47 | xendekî

      11. (bnr: canî canan)



      Lewê memre... canî canan

      Lewê memre!

      Ne bay ewê to enasê û

      ne melêkî û

      Ne awî ewêş ezanê

      To le kam befrî şaxanî!

      Lewê memre

      Canî canan

      Kê nayzanê

      Gillî ewê eşqbirr e û meylbirr e û

      Her bîrçûnewey tiya errwê

      Kê nayzanê!

      To tenyayît

      Be şêwe bê ya be reg û

      Yan be gela û yan be lasik

      Her le dirextî şewanê êre eçê...

      To tenyayît le payiz e hejarekey Silêmanî

      Û to tenyayit her le tenyayî xway êre û

      Le kotir e şînekey kesîrey

      Ber pirruşey êwaran û

      Le erxewanî bê xewî

      Seywan eçê!

      Lewê memre û

      Ne xerîbî xerîbtir û

      Ne tenyayî tenyatir û

      Ne bêkesîm bêkestir ke,

      Lewê memre

      Canî canan

      Lewê memre..



      Şêrko Bêkes



      2015.03.09-01:48 | xendekî

      12. (bnr: rêga)



      Rojêk zemîn burkanî bû

      Burkanîş Kurdistanî bû

      Kurdistanîş kurî wekû Araratî

      lê kewtewe

      Araratîş kurdî lê bû

      Kurdîş duwaney çewsanewe û têkoşanî

      be yek sik bû

      Lew duwaneyeş rêgay wekû Yelmaz Guney

      le dayk bû



      Şêrko Bêkes



      2015.03.09-01:51 | xendekî

      13. (bnr: şîret)



      gelek tişt hene

      zengar digrin û

      paşê jî dimrin

      weke tac û

      kopal û

      textê bin lingê padîşahan

      gelek tiştên din jî

      di dinyayê de hene

      narizin

      jibîr nabin û

      tu caran namirin

      weke şewqe û gopal û

      sola

      charlie chaplinî



      Şêrko Bêkes



      2015.03.09-01:56 | xendekî

      14. (bnr: çiwar minalî)



      Çiwar minalî

      Turk û

      Fars û

      Ereb û

      Kurd

      Wêney mirovêkyan kêşa

      Yekem serî

      Duwem leşî

      Sêhem qaç û destekanî

      Çiwarem çekî kirde şanî!





      Kurmanciya wê

      (bnr: çar zarok)



      Li îranê

      Çar zarokên

      Fars

      Tirk

      Ereb û

      Kurd

      Wêneyê mêrikekî çêkirin

      Yekem, serê wî

      Duwem, laşê wî

      Seyêm, dest û piyê wî

      Çarem çek danî ser milê wî!



      Şêrko Bêkes



      2015.03.09-02:02 [guhertin:2015.03.09 02:02]| xendekî

      15. (bnr: ji bo şîrîn elemhulî)



      Ji serê sibehê ve

      Kolana herî mezin a Sineyê

      Bû Ferzad Kemanger

      Ji serê vê sibehê ve

      Mestirîn bexçeyê Mehabadê bû Şîrîn Elemhulî



      Di zeraqa serê vê sibehê de

      Hemû ew zarokên ji dayik bûne

      Navê Ferhadê Wekîlî li wan hatiye kirin!

      Ji îro û pêve

      Di yekemîn ronahiya serê sibehê de

      Mehdî îslamiyan bû Gola Wanê di berbanga îro de:

      Elî Heyderiyan

      Bû bi Taq Bostana Kirmaşan:

      De fermo Sineyê lisêdarê bidin!

      Serê Mehabadê bibirin...

      De fermo nehêlin zarokên me ji dayik bibin!

      De fermo

      Nehêlin baran bibare û mehêlin giya şîn bibe û

      Nehêlin zevî bijîn!



      Ez ji îro û pêde, evîndarê çavê Şîrîn Elemhulî me

      Ji îro û pêde çi helbestên min hene, ez ê wan bikim

      Gula stranan ji bo bejna Şîrîn Elemhulî

      Ji niha û pêde ez tayek ji porê wê me

      Ji niha û pêde

      Ez neynûka tiliya wê me

      Ji niha û pêde ez dibim ew cote pêlavên

      Ku cara dawî xistibû piyên xwe û pê çû sêdarê û

      Ji niha û pêde, ez ew bazinê bi cîmayî yê destê

      Şîrîna Elemhulî me

      Komara Îslamî ya sêdaran

      Çi li sêdaran neda, ji xewnê heta helbestê û

      Ji helbestê heta jinê û ji jinê heta nan,

      Av û gul û kaniyan

      Ya ku

      Koma Îslamî ya sêdaran

      Nikare bi tu awayî li sêdarê bide

      Ayinde û azadî ye...



      Şêrko Bêkes



      2015.03.09-02:20 | xendekî

      16. (bnr: seatî diwanzey nîwe şew)



      Seatî diwanzey nîwe şew

      Tewaw û rêk

      Wek Kurd û xem

      Dû mîlî cût

      Seatî diwanzey nîwe şew

      Wek xeyalim

      Ser mêzêkî pak û rûnak

      Bîst cigere û

      Tenha yek kilîlî wişe

      Diway seat yek

      Dû mîlî le yek dabiraw

      Wekû min û çawî wilat

      Diway seat dû

      Wekû aware û der be der

      Kaxez, qelem, şitûmekî

      Ser mêzêkî pirş û bilaw,

      Diway seat sê

      Teplekî filter û sûtûy qelaçin û

      Jûrê dûkel

      Lew layşewe

      Şaîrêkî xew lê kewtû

      Belam şî'irêkî be xeber



      Şêrko Bêkes



      2015.03.09-02:23 | xendekî

      17. (bnr: zîndû, mirdû)



      Dû hezar û penc sed sal e

      Mêjû elê le dayk bûyn

      Dû hezar û penc sed sal e

      Zirp û zîndûyn

      Belam hêşta, bawêşk edeyn,

      Hêşta nûstûyn

      Hêşta tewaw têr xew nebûyn

      Hêşta enûyn.

      Dû hezar û penc sed sal e

      Bêşkey xelk ra ejenîn

      Çunke şilqey zile xoş e

      Be hî xoşman pê ekenîn

      Dû hezar û penc sed sal e

      Le xelk burduyn!

      Le xoman hergîz neburduyn.



      Dû hezar û penc sed sal e

      Wek êsta wayn

      Yek negirtûyn!

      Lew katewe çek helgirtûyn

      Belam hêşta ser nekewtûyn

      Keçî elêyn: her serkewtûyn

      Elêyn: ême her nemirdûyn!

      Her lêrewe ta wilatî berînî "Çîn"

      Be nokerî

      Gerayn, royştîn

      Be awatî serkewtinî bêgane gelê geyştîn

      Le xwênî xoman bo riştin

      Le roley xoman bo kuştin

      Ta tiwanîman

      Qisey zorî merayîman,

      Bo helbestin

      Semaman kird, boman ristin

      Wityan: adey dinya bigrin,

      Ewe pare!

      Witman: baş e!

      Wityan: bimrin, ewe pare

      Witman: baş e!

      Wityan: malî yektir bibrin

      Le naw yeka, yek serbirrin

      Wirgî yektirî heldirrin

      Ewe pare

      Witman: baş e!



      Dû hezar û penc sed sal e

      Pêman elên

      Berd bin, dar bin

      Elqe le gwê û xizmetkar bin

      Merr bin, mar bin

      Adey înca şêt bin, har bin

      Elêyn baş e!

      Bitî dar û berdman perist

      Tacî hezar şay bêganey

      Xwêne xoman,

      dana û perist

      Çend pêlawî dujminanî

      Taze û konman,

      cut kird, perist

      Emman perist, ewman perist

      Dû hezar û penc sed sal e

      Tenha her xoman neperist.



      Dû hezar û penc sed sal e

      Dêyn û deroyn

      Wek şêt exoyn

      Serman qalle

      Çene edeyn, hel eperîn!

      Serçopî nokerî egrîn!

      Keçî destî kirdeweman

      her betal e.

      Giftman lalle.

      Ewey giyanî riswa nekird

      Roy û zû mird

      Ewey kirnûşî namerdî

      nebird, zû mird.



      Dû hezar û penc sed sal e

      Ewey piyaw bû le nawman bird

      Bo şardinewey nengî xoman

      Delaqey gewre û diroman

      Bo ewey xoman tefre deyn

      Wek lewew ber hîçman nekird

      Her hîç nekeyn

      Hatîn gerayn

      Kewtîne dûy gizî û fizî

      Le qujbinî mêjûy kon da

      Xwêndewarman kewtine dizî

      Dizî kirdin le şanazî kesanî tir

      Maye û mûrî gelanî tir

      Hemû dinyayan kird be Kurd

      Pêxemberanyan kird be Kurd

      Heta Adem û Hewaşyan

      her kird be Kurd

      Neyan pirsî:

      Ey boçî Kurd

      Dû hezar û penc sed sal e

      Bo xoy hîçî be hîç nekird?!!



      Şêrko Bêkes



      2015.03.18-17:28 | xendekî

      18. (bnr: sikala)



      Le diway xinkanî Helebce

      Sikalayekî dirêjim nûsî bo xwa

      Ber le xelkî

      Bo dirextêkim xwênewe

      Dirext girya

      Le penawe,

      Balindeyekî posteçî

      Witî:" Başe kê bot eba?

      Ger be temay minî bîbem,

      Min nageme erşî xuda."

      Bo şew direng

      Firîştey reşpoşî şê'irim

      Witî: "To hîç xemit nebê;

      Min bot ebem heta serê,

      Ta keşkelan

      Belam belênit nayemê xoy namekem lê wergirê;

      Xo deyzanî, xuday gewre kê eybînê?"

      Witim: " Supas, to helfire"

      Firîştey Îlham,

      Helfirî û

      Le gel xoya sikalay bird.

      Rojî diwayî ke hatewe,

      Sikirtêrî pile çiwarî nûsîngey xwa

      "Ubêd" nawî

      Her le ser heman sikala û le damêna

      Be erebî boy nûsîbûm: "Gewc e!

      Bîke be erebî,

      Kes lêre kurdî nazanê û

      Naybeyn bo xwa!



      Şêrko Bêkes



      2015.03.18-17:30 | xendekî

      19. tu helbesta kîjan bajarî yî



      2015.03.18-23:41 | seydayê_peyvan

      20. (bnr: şewbaş)



      Şewbaş

      Min nawim kirasî jinaneye

      Ewey nîştîman pêy şerme bîkate berî xoy

      Min im!

      Em mêjûy nêre

      Em nîştîmanî simêlle

      Tenha carê minî nekird ber hetawê!

      Ber coge awê!

      Ber şûşe gulawê!

      Ewaney minyan le ber kird gisik bûn û

      Mencel bûn û

      Tenekey xol

      Ewaney minyan kirde ber

      Bejnî dirêjî xerîbî û

      Bejnî tenyayî û

      Azar bûn

      Ewaney minî pêbexşîn

      Her bêdengî û

      Qifil û têla û

      Şirîqekanî qamçî û

      Cil û bergî derdar bûn

      Min nawim kirasî jinaneye

      Ewey agay le min nebê û

      Gwêy le hawarî min nebê

      Gwêçkey kepî nîştîman e

      Min mêyînem!

      Min sertapa hemû cestem

      Le gunah û pirsyarî rûtî heram pêk hatuwe!

      Le yekem rojî bûnmewe

      Berdî recim le qumatmewe pêçrawe!

      Nîştîmanim tifim lê ekat!



      Şêrko Bêkes



      2015.05.20-01:25 | xendekî

      dengdanên dawîn (Yên Din..)
      flamenko [2]
      muzîk û dansa gelerî ya endulusê ku bi tevlihevbûna gelek çandên wek e...
      navê hespên navdar [3]
      Hespên navdar: Navê hespê pêxemberê me yê zişan "Bûraq" Na...
      civîna yekem a ferhenga şikestî û ceso ya li stenbolê [4]
      civîna ku teqrîbî sêzdeh saet berdewam kir, heke nobeta ferhenga şikes...
      çewtiyên mantiqî yên vegotinê [3]
      beşek ji pirtûka rêzimana kurmancî ya bahoz baran e.. ...
      duyemdest [1]
      peyva ku min berî çend deqeyan ji ber xwe avêt. mirov dikare ji bo tiş...
      belki ev jî bala te bikişînin
      » helbestên melayê cizîrî
      » şêrko bêkes
      » bêkesiya tirşikê

      Kategoriyên mijarê:: kurdukurdi anket wejehlbst
      nivîskarên ku li vê mijarê nivîsîne


      sitemap
      reklamokên beredayî