Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    0 mijar û peyam
        rojbaş roza - tirşik
        rojbaş roza
        (4) (0) ecêb (0) (6)
        di mijarê de bigere

        1. navdartirîn helbesta şairê kurd rojen barnas e..



        ''Rojbaş

        Beyanî be xêr

        Ez û tu

        Bi çivîk-firê

        Sê hezar kîlometre ji hevdû dûr

        Lê, bi giyanî

        Ji canê hev ji hev re nêziktir in.



        Dengê min nagihîje te, dizanim

        Di vê berdestî sibê

        Di xewka şîrîn

        Pêjnê

        Hilîne

        Ku bibêjime:

        Di xewnê de rojbaş

        Di xeyalê de beyanî be xêr.



        Bi nermî çavên xwe veke

        Tevzî li ser tavzîyê bi şîranî

        Belav ke li canê xwe

        Û bi giranî

        Bi bîr bîne ku

        Ev herikîna pêlên pêjnîn

        Di ser bej û derya de

        Bi milmilîn

        Bi axîn

        Derketiye.



        Ev ne no-nûçe ye, metirse

        Ev ragihîn

        Ev dazanîn e, ji dilê min ve

        Dilê min

        Kaniya agir

        Dilê min

        Kevanê evîn.



        Xarîta dinyayê veke li ber xwe

        Li hêla bakurîn binihêre

        Tê bibînî

        Bejekî

        Ku mîna nikulekî kêrr

        Serejêrî atlantîkê biye

        Serî,

        Ji derya qeşemê gewr

        Û dilê wê

        Ji bêriya rojê dixewire

        A...

        ha !

        Li wir e,

        Hêlîna tenyayiya dilê min.



        Gul li şaxê

        Kulîlk di guliyê xwe de geştir e.

        Ku ji avê derkeve

        Masî dimire

        Rast e,

        Meriv meriv gotiye

        Masî jî masî...

        Em,

        Ne masî ne, ne gul in, ne kulîlk

        - Bi çavek xwas

        Gava lê bê nihêrtin-

        Lê em jî

        Ji hêlîna xwe ya çande-civakî

        Ku dûrkevin

        Ji wan gelek

        Ne teveltirin.



        Ez,

        Ne şaxa hewrê

        Ne şiva mêwê me

        Ku bêreh hêşîn bibim ji nû ve

        Ji nû ve reh berdim di axê de.



        Tu wisa

        Bi çavekî xwas

        Bi mantiqekî rût

        Li sinê min menihêre.

        Heriya min,

        Di teşta çandekî mêjûyî de

        Bi hezar salan

        Hatiye hevîrkirin

        Û ez hatime patin

        Di hêtûna

        Netewe-bûyîna

        gelekî

        kevintirîn

        Û ez

        Ji Zerduşt pîrtir

        Ji sedsaleya xwe

        Hêşîntirîn.



        Biyanîtî dijwar e, Roza

        Biyanîtî,

        Kabûsekî har e, di ser sînga meriv de

        Û tenêyî

        Mîna dilopekî xwas

        Li Okyanûsa Mezin

        Bi serê xwe:

        Bê windabûn,

        Bê fetisîn

        Jiyîn...



        Ey tîhna di nav pêlên xwînê de!

        Meqerime

        Meqerise

        Raneweste weşekî

        Bifûre

        Bikele

        Meawiqînê gera xwe

        Haya te

        Ji te

        Hebe.



        Bo welatê xwe, ji welat dûr im

        Bo welatê xwe cêlî û tenya

        Bo welatê xwe,

        Li van deveran tengezar im.



        Ey olana heyvê

        Ku niha

        Leylana wê li Diclê

        Li Firatê diîse

        An mîna keçperiyek dileyize

        Li ser deryaça Wanê

        Û ey kevirên reşî Amedê

        Ku niha

        Li ber tava wê dibirise:

        Hûn nizanin ku dilê min

        Çawa bi we ve ye,

        Bi bêriya we çawa davêje

        Çawa dimerise

        Ji weşê carek.



        Rozayê!

        Xweşkokê

        Şîrînê

        Hişazayê

        Li pêş vêna min ronahî

        Di şêna min de, serketina li xwezayê

        Lê,

        Bûka yekşevîn

        Ku tevî zavê ranezayê:

        Ramîse ji ber min ve

        Bi çavên xwe î kesk î belek

        Stêrkên me

        Yek bi yek

        Û derkeve pêrgîna Rojê

        Bi sariya sibê

        Bibêje :



        - Ey dostê min î rabirdû

        Mefera pêşbîra me!

        Tê kengê bibişirî ji me re ?

        Kengê bi me re

        Derkevî serketinê ?



        Roza!

        Dilmiza, evîna min

        Xweşî şahî bo te

        Rojbaş

        Beyanî be xêr. ''



        2013.07.24-06:02 | endazer

        2. mamoste rojen her bijî



        2015.01.11-17:57 | tirşikçi

        3.










        2015.07.20-00:06 | ferhenga şikestî

        4. Helbesta ku van rojan ketî ye ser zimanê min.



        Biyanîtî dijwar e Roza

        Biyanîtî

        Kabusek har e di ser singa meriv de



        2016.05.21-21:49 | xewnname

        5. Helbesta ku sibehê, dema mirov ji xewê şiyar dibe dixwaze guhdarî bikeee.



        2016.05.21-22:47 | gulêê

        6. helbesta bi dengê rojen barnas beden distine û dikeve nav xwîna mirov.
        gelo çima ev deng û ev helbest li hev tê?

        Deng ê Rojen e ne werrê *











        2017.01.20-21:17 [guhertin:2017.01.21 00:11]| berxweda

        dengdanên dawîn (Yên Din..)
        hello world [1]
        hînî qodnivîsînê dibim, di şûna hello world de min silav kurdistan niv...
        tiştên ku kurd pê teqlîda tirkan dikin [1]
        Di zimanê Kurdî de deng piranî ji qirika meriv derdikevin, hinek kurd ...
        soundtrackên bijarte [1]
        (bnr: the divergent series allegiant)

        Tove Lo - Scars
        pirtûkxaneya îskenderiyeyê ya kurdan [7]
        Pirtûkxaneya Îskenderiyeyê ji aliyê Xirîstiyanên radîkal ve di dema (v...
        hozan serhad [1]
        Keşka her ro tiştek li ser mijara rojnivîska tirşikvanan biniv...
        belki ev jî bala te bikişînin
        » rojbaş tirşik
        » roza germiyan

        Kategoriyên mijarê:: kurdukurdi wejehlbst
        nivîskarên ku li vê mijarê nivîsîne


        sitemap
        reklamokên beredayî