Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    17 mijar û 17 peyam
    rojnivîska tirşikvanan - tirşik
    rojnivîska tirşikvanan
    (61) (3) ecêb (4) (32)
    di mijarê de bigere

    1. ew rojnivîsk in ku tirşikvanên hêja tên di bin vê mijarê de dinivîsin..

    ne her roj be jî, car carinan tirşikvanên hêja rojên xwe yên ku ecêb û seyr derbas bûne, dikarin di vir de binivîsin..



    têbinî: min dil û nêt heye ku di hefteyekê de carekê bêm û serboriyên xwe yên ku hêjayî nivîsandinê ne binivîsim..



    2015.03.07-22:48 [guhertin:2015.03.07 22:49]| ferhenga şikestî

    2. hin malperan da pirtuka şener özmen ku ser nave rojnivîska spinoza derketîye pir hatibu ecibandin min jî wergera tirkî dît xwand ( bi kurdî ez gerîyam min nedît) nivîs gelemperÎ ser rexnekirina zayendîtî ye bû û min ket neecibandin xwendina wergere.ez bawer dikim min kurdîya vî bixwenda min e tameki cuda hilda.



    2015.03.08-11:29 | quşxaneli

    3. (bnr: tevlihevkirina mijaran)

    (bnr: rojnivîska spînoza)



    2015.03.08-11:31 | ferhenga şikestî

    4. tu zanî, ez hej ji çîrokan nakim û min bîst û çend car ji te re sedema vê hejênekirinê rave kirin, te gotibû belê, xebera te ya. xayînê ma tu çîma fêm nakî?

    serpêhatiya min û te tu car nabin çîrok û di tu kitêban de hilnayên! ma çima fêm nakî?

    çima fêm nakî ku te ez di orta nava germahiya tîrmeha amedê de hêliştim û çûyî. hama te li pişt xwe jî nenihêrî, qaşo te hej ji min dikir, te di nameya ku li dû xwe bo min hêlîştiye de gotiyî, 'hej ji xwişka min bike û lê xwedî derkeve, êdî cihê vala yê ku bi çûyîna min di dilê te de vebûyî, pê wê dagire kurê meta min' ma tu neçûya min ê xwedî lê derneketa keçxal? ev çîroka min û te, çîroka tevahiya kurdistanê ye, gelek kes behsa vê trajediyê kirine lewma tu lazimî nîn e bo min, feza valahiyeke bêserûber e, tu kes ji binî vî barî ranebûne.

    min wan rojan hemî pereyên xwe yên ku ji dema xwendekariyê ji min re mabûn, dabûn pirtûkên kurdî, te gotibû ez ê du hefte paşê werim û emê bi hev re xelas bikin, ez naxwazim ku zimanê min êdî di devê min de biterpile, min gotibû temam e nûjîna min, ma çi bûyê hemî kitêbên kurdî bibin sedeqeya serê te, lê qaşo em xwedîqewl bûn, te peyman xera kirin, qewlê min û te bêî silav û kilavekê xera bû, wêran bû. niha tu çi dikî li wan beyar û çiyayan? ma bi te ne sar e? bi min sar e û dema sar be bêriya te dikim û hîn pirtûkên te jî min germ nakin, tu zanî, hemî efinkî bûn, ez xwedîqewl im û tucar devê xwe nadim wan. heta ku tu werî û vî dilî cebar bikî..

    bavê te hê jî vedixwe, xwedêgiravî soz dabû, 'soz soza mêrên berê' lê hîç fêde nekir, serê wi tim mest û gêj e lê divê xema te nebe canê, ji te pirr dûr e, ya rastî tu jê dûr î..

    îşev bîst û pêncê avrêlê ye, ango dozdeh roj paşê ber bi amedê ve diherim, te jî têr ji wî bajarî nedît, qaşo temenê me têde biriziya lê çênebû, ji metropolê taa deriyê çiyê, hemî giş di bin çavdêriya te de bûn, te digot ma 7 sal ez ê li romanyayê bixwînim! hest sal kuro! hest sal serhad abê! ma ez ê çawa debar bikim? min hestîrên te paqij kirin û te dît ku yên ku diniqutin, diherikin ên min in..

    du sal, hama bêje du sal xelas bûn lê bawer bike ev êşa çûyîna te hê jî mîna roja yekê ye. kîja bêmirad gotibû ku mariv ji bîr dike? derew e, vir e. ji wan bawer neke.

    pîrê jî mir te ew nedîte, baş e te nedît. ji teqet ketibû, nema dikarîbû biştexiliya.

    neyse li xwe miqate be, dibe ku bayê çiyayan xedar be, hay ji dûpişkan hebe.





    2015.04.25-23:00 | ferhenga şikestî

    5. silav rojnivîsk

    bo te ji welatekî nêzik dinivîsim

    min îro xwarineke zêde zêde şor xwar, hê jî dilê min bernedaye..

    hema bêje hemû rojên min wekê hev dibihurin

    ev çi qas e mottoya jiyana min wekê ku firmêsk xanim jî di straneka xwe de dibêje ''nazanim dinya roj e ya şew e hemû karekem xwarin û xew e''

    û min derewek heye di dilê xwe de digindirînim..



    2015.04.26-04:09 | endazer

    6. Rojnivîskê li vî biharê dilê min jî mîna çem û kanî yen welatê serhadê radibe, ne zelal dibe ne jî aram



    2015.04.26-21:59 | newenda

    7. silavên xwudê li ser te bin rojnivîsk

    bo te îro ji malê dinivîsim, min nekarî zêde dûr herim..

    xwezî cebraîl dilê min jî di teştekî de şûştibûya..



    2015.04.27-00:56 | endazer

    8. merhaba ji te re zehmetkêşa pênûsa min a hibrlêqediyayî..

    ev çendek e bo te dinivîsim lê sihûda te jî nîn e lewma êdî nema debar dikî bo min, tu jî mafdar î, gotinên jihevketî û hestên terişî nema li ser qaxizekê li hev tên..

    bo demeke dirêj bi xatirê te, nivîsandin zora mirinê nabe, belkî xwendin zora mirinê bibe..

    ji qûmaşê te bêhna straneke nîvcomayî tê, ku min ber bi xwe ve dikişîne, ez ê herim, heval li dor heyva çardehşevî civiyane li benda min in..



    2015.04.27-18:05 | ferhenga şikestî

    10. silavêt germ li teeee ey hevala rojnivîska xwoşdivî..



    2015.04.29-00:48 | endazer

    12. rojnivîska delal!

    îroj bû pênc roj e ku min cixare terikande, qaşo terikande lê di rastiyê de car carinan destê min ber bi wê ve diçin û li hemberê vîna min ser dikeve..

    niha dema ez li ser te dinivîsim jî cixareyekê di destê min de pêketî ye û ez dizanim ku eta ku dilê min jê bixele, her û her di nava tîliyên min de pêlên xwe bisojîne..

    êdî dilê min ji her tiştî dixele lê nikarim dilxelanînên xwe biavêjim sergoyê û têm hêrsa xwe li xwe dizivîrînim û heyfa derd û kulên ji xwe derdixînim. meriv ajalekî ecêb e ji tiştekî kêfê nastîne lê dibe mûpteleya eciziyên xwe, nizanim di dergeha her kesî de wilo ye? belê, ez jî ji wan kesan ne cuda me, dinya di nava fezayê de dilopek e û kes xema kesî naxwe bila nexwe jî

    ji welatekî dûr dinivîsim, ji bo te êşa welêt hiltînim di hundirê xwe de, wext e ku roj hilbê



    2015.04.29-20:30 | ferhenga şikestî

    13. 1-dayka min iro jı gel min bi reya telefone biaxivi , ez edene me dayıka min ji li wan e ye we gave.gotina we a ''ez ber sere te gerim '' bala min keşand.

    2-duyemin ewe ku ez yanzdeh sale ez li dure bajerim, min ser xwendıne temane xwe tuji kir beje ,ez da u bav u nase xwe u derdora xwe dur mam. li ser pirsgıreka kurdı u ya kurdıstane min xwe bı xwe sere xwe bi fikr u ramana eşand. ez nıha ketıme merhalek dıda gelo acep '' te zımane me kurda çawa standardıze bıbe yekıtıya zıman we çava çebıbe eceb '' bi we wareda ez sere xwe pir dieşinim wale.

    3- em kurd nızeke 35 milyonanın lı ser axa bakur li welate xwe hej nıha jı zımane me qedexeye, dewlet hefteyeke 30 seata mecburi dersa engilizi dıbe le bele ser axa kurda bo kurda hem zımane wan gunehe hem jı qedexeye ..ez birme we şuxle





    2015.04.29-23:51 | baynu

    14. îro li ser facê rastî wêneyên helbestvanekî hatim.Helbestvanêkî ne navdar e lê ne xem e, ya girîng bi min kêrê pênç qûrişan jî nayê helbestên wî zor lîrîk.Ji xwe ji hin komeleyên genî,kafeyên çak entelektuel û şaxê egitîmsenê nebin nikarin derekî din de deng jî bidin ev cûre helbestvan.Mirov dikare rast raste ji wan re bêje sigoratli şaîr an helbestvanê komaleyan.îcar li ser malpêra xwe mişt wêneyên xwe parve kiribû,di wêneyan de serî qoloz çav girtî di halekî ji xwe ve çûyî de mina digo bênerin ez çiqas şaîrîm poz dabûn.Min ji pozê xwe yê qaşo artîstîk şerm kir başe zêde nînin.lê ya balkêş rih û hiisyate wêna derbasî mirov nedibû,bi her awayî beloq û bizarî bûn.Mîna ku yekî/yeka kîrî wî kiribe devê xwe ew jî di halê orgazmê de wisa erjeng dixwiya.min jê re nego ev yek



    2015.04.30-00:10 | tivirloismail

    16. Rojnivîska kirêt û qirêjî !

    ewilî dibêjim ku ez qet hej te nakim vê bizane..

    û derdekê min heye mixabin.çi kes gel min şer nake.ez têm dijûna dibêjim yekî çi nabêje.têm qibhetekê li yekî dikem ew jî çi nake.yaw derdê min çî ye ? bo çi kes naxwazît di gel min şeri biket ?

    nêyse dirêj nakim xatrê te îşev..direnge û hevalê min jî dibêje dengê klavyeya laptopê gelek deng derdixît û şer dixwazît bî xatrê to ..



    2015.04.30-01:51 | vêca çiyeeee

    17. careke dî me go merhaba?

    neyse ezê dirêj nekim, rojên min -mîna rojên kesên dî- ji monotonbûna xwe qet tawîz nadin, tê bêjî qey li ser sê jinan telaq xwendiye lewma xwe ji cihê xwe tev nade..

    tu jî dizanî mirovên qenc tevde çûn û em man di hîkmeta xwudê de

    lê belê ma em çi ji xwudê hêvî dikin qala xwudê? (binihêre dema hêviyên xwe yên pêknehatî bi lêv dikim jî li ser navê wî dest bi peyvê dikim) min rojnivîska xwe ya rastîn î defterîn li amedê hêlişt û rahijtim laşê xwe -bêyî ku dil û mejî bi xwe re bihînim- û jê dûr ketim. tu zanî weka ku kes ji serok fêm nake, kes ji min jî fêm nake bo wî serxewt im aniha. kes ji me fêm nakeeeeeeeee!



    2015.04.30-19:22 | ferhenga şikestî


    19. rasti iro ji bo min zefh nexweşbu , ez nizanim ji bo çi? Min şev bi xewnen gelek xxewnereşk( kabus ) ditin .peşiya ez nerazami ,keçka min je heskiri u xwesti hata hişe min ez li serda fikirim zede zede ( xweziya ez hınd ne fıkrıyabama ) paşe ez razam ,min kabis ditin,deaş e ez dikuştim ,peşiya ez nekuştımı çipek ,kiribine bun cerme mileminda u min dişopandın,pişte hınge bımbe dıtekıyan ,dıbı kıyamayek ( heşrek)mezın . brakno we çareseriya pirsgireka min çıbe ecep ez heyani bere şeveke nerazam tirsada*)



    2015.04.30-23:28 [guhertin:2015.04.30 23:30]| baynu

    20. lê rojnivîska min a quzzilkurtlêhatî me go merheba? wekî ku ji te re jî eyan û beyan e piştî çend dewr û heyamên dûr ev yekem car e ku pênûsa xwe ya kobûyî li te digerînim. wekî ku tu jî zanî min kengê radikir pênûsê da ku te bi neqşên neqşdariya evînên a priori bineqşînim herdem wekî ji caran her carî qelema min ko dibû û nivîs di asta eblogeblotiyê de dixetimî. tê bîra te ku min hemû nivîsên xwe yên di tewşomewşotiyê de xitimî û di binê barê xwetutiştnedîtinê de pelçiqiyî yên franz kafkakî ku bi pênûsa reşbîniyê hatibûn neqişandin, li çemekî bigû rokiribû û bi yekcarî min xwe ji gû paqij kiribû. ku hebûn deh cild... xwedêyo min evqas xwelîserî ji ku ber hev kiribû. min bibore rojnivîska min a xezeblêhatiya stûşikestî min bibore ku bi vî rûyê piştaxwedayî te li te vedigerim. te bivê heval im te nevê evdal im serberdayî li seranserê çol û biyabanê qir û qirbûyî... te bivê yar im te nevê jar im hezar sal ji dengê xwe yê qêrînheyî qutbûyî...

    eger te go erê min divê bêjim te ku giran e derdê min. bêyar e beyar e dilê min. na, qesta ne ew evînên xwexapînokî ye lê mebesta min bêmuhebbetî ye. bes e gidî çend sed sedsal derbas bûn ji min û wê vir ve. di dendikên hucreyên min de ev sira nepenî veşartî û di elektronên atomên min de neqşkirî ev peyam. temenê min herî kêm sêzde mîlyar sal e ma kî ye dikare vê yekê bi derewîne he? peyam heye peyamdank heye peyamstîner heye lê kanê peyamşîner. her bar xwe giraniyek heye lê giraniyek weke nezaniyê çima li mirovan nabe bar ax hewar çima? kesek nîne ku serê xwe ji nav lihêfa jiyanê derxe û binihêre bê çi dibe û ev çi heydedan e... ger te go erê ez ê ji dilê xwe biteqizim ber bi dilê xwe...



    2015.05.02-22:15 | ceso

    21. Ez niha li ser bahre ji xwe ra grava difikrim;ji bo hinek aramî,dilxweşî û hêvî

    Lê bi şêlûbûna ava bahre ra mina mijê belavdibin xeyal,ya rast niha dîsa ez gazî aleksîs zorba bikim...



    2015.05.03-09:42 | newenda

    22. Rojnivîskeke vekirî ye.



    Rojên betlaneyê yên karker û kedkarande bêkarî û zêdekarî mirovî gêj dike. Ne dinya gorî dilê te leza xwe kêm dike ne jî mejiyê mirov xwe gorî dilê mirovî sererast dike. Hingî ku saet diborin li dilê mirov giraniyek din jî zêde dibe, ma ev giraniye pîratî ji mirov re tîne?



    2015.05.03-10:07 | azadixwaz

    23. ez diranxarê mala Fetîyê Silo, belqitîyê gundê tirşikxwazan im. her tiştî bêpar im hîç hêvîdar nînim ku, rojekî ez ê bikaribim bejim dinêyo gidî min xêr ji te dît. min xêr ji te nedîtî erê welle. te dîsa îro efsenetî, kuçiktî, paletî, koletî hemî xist para min.



    2015.05.03-19:08 | sîyaûyê bekirî

    24. hey rojnivîska kaxizqediyayî! erê tu! ji te re dibêm

    tu zanî ne ji ber te be ez ê hîn nekevim ferheng merhengan, peyvên min, hevokên min xelas.. êdî ji kîsê canê xwe dixwim, mîna ku şêrekî xedar, ji ber nêzê goştên çêlên xwe bixwe, erê ne kêm ne jî zêde..

    wa li stenbolê dîsa bû şev, şev neynika helbestên gulîzerê ne û pariyekê jî yên osman mehmed

    ew bû digo:

    'gava kes li qeraxê şevê nema

    ez ê lê bim

    tu were...'

    bi rastî jî gava kes qerexê şevê nema, û ger ez ê lê bim tuyê werî?

    nivîs-gotareke dîpdirêj li ber destên min e, divê bibim serî lê tê bêjî qey destên min hişk bûne, minê bigotaya hibra pênûsa min ziwa bûye lê êdî her tişt bûye dîjîtal lewma hîn pêdivî li wê bêhnê nîn e..

    ezê dirêj nekim, kes ji nivîsên dirêj hez nake lewma kurt kurt kurt..



    2015.05.03-19:58 | ferhenga şikestî

    25. rojnivîska min û bê xêr û bereket ya kû min ti quzzulkurt jê fehm nekir o ya kû ewê nê edîtkirin rojek din. min pênûsa xwe bi deva tûjkirîye ji bû xatirê te wekî heroj disa nivîsinim gemarî dikim rûpelek din jî ji linûska xwe û te min gemirand wekî êliha gemarok ya kû bi erdoğan qirêjî bûye herê rojnivîska minî kû ez belakî pira ketime ev roj jî ji emrê te û tirşikvana çû ne ji yê shorbevana tê fehm kir rojnivîska minî ser hişk ez ji tere dibêjim rojnivîska bereday.



    2015.05.03-21:21 | shorbevan

    26. merheba rojnivisk ! ew çend roje min nenivisiye nizanim,birkir min.

    ew çend roje ez peywen ingilizi dixebitim,min hindek peywen nu rewankir,minak ''liver ''mélak e ,''lung'' kezeb e .min ewe zanin yeke din ji ,hindek gotin hatıne bira min ;'' kezeba min reş buye'' u '' melaka te dewe te be'' heye . a dawi ji li bal me peywek heye '' qafilk '' min wateye we peywe nedit le!



    2015.05.04-03:22 | baynu

    29. merhaba ji te re xemxûra min a qedîm..

    demeke dirêj em ji hev dûr ketin, ji ber ku çûbûm ameda xwe ya rengîn, min keys û derften nedîtin ku bo te jî çend tiştên ji vê qûmaşa erzan binivîsim, bibore..

    amed xweş û geş bû, axirê sihuda min vêca li min vegeriya û di dema betlaneya min de li amedê pêşangeha pirtûkan jî li der ketibû..

    min ji xwe re 21 heb pirtûk kirîn yanê min plaqeya amedê ya ev dewlet jê re dayiye temam kir û vegeriyam, min dil hebû ku bi mehan nekevim tirşikê, bêrikê xwe tijî bikim lê di dilê min de ma, ma qey warekî dî he ye ku biçim? ma mîna baba uryan bêjim illam biçim cem kê, biçim cem kê? ger tu jî min biqewirînî? biçim cem kê?

    ji amedê vegeriyam û min dît ku bêhna genî ketiye mala min, mixabin sîgorta avêtiye û hemî erzaqên min ên sarincê xera bûne, bû sê roj e ku bi paqijkirina wê re mijûl im lê hê jî dawiya bêhna genî nehatiye..

    neyse îşev evqas bes, ji ber bêhna genî dilê te jî xeliya, bibore



    2015.05.29-21:02 | ferhenga şikestî

    30. doh li antalya li nexweşxaneyê dema min nexwşekî mûayene dikir. bavê nexweş got em ji kurdistanê tên. ez bi şaşwazî mam û min li wan nerî. piştî piçekî em bi hev re peyivîn, min fahm kir texmîna min a ku ew kurd in şaş e. dê û bavê lêwîk ji ankara û antalya bûn û di ser de jî her du jî tirk bûn. gotin em li dihokê dijîn. welhasil min fahm kir ku ew jî nêzîkî kurdan bûne, belkî bûbin dostê kurdan jî nizanim.



    min pirsî têsîra şerr li wir heye gotin niha nema ye û her kes di jiyana xwe ya rojane de dijîn. zarokê wan li gorî temenê xwe kin bû(3-10 percentil). min got xizmetên wir ê tenduristiyê çawa ne got baş e. min go we dest bi mamayan nekiriye"em zanin ku zarokên bajarên bakurê sînorê başû bi mamayan mezin bûne * ((bnr: guigoz)) got na me qet bi dest mamayan nekirine. min got çima got dewlet zêdeyî zarokê me xwarinê din ên zarokan didin me (additional food).



    lê hînê ew kêfxweşiya peyva ku "kurdistandan geliyoruz" "em ji kurdistanê tên" di devê min de ye *



    2015.07.14-12:07 | berxweda

    31. silav rojnivîskê! ev cara ewil e ji bo te dinivîsim. nizanim çima dinivîsim, belkî êdî tiştek nema em binivîsin û bêjin, belkî êdî fihêt dikin biaxivim hatim ber deriyê te. dibêjin her tişt hal dibe, erê baba, her tişt hal dibe lê ev meseleya kurdistanê çima hal nabe? niha her tişt serobino bûye rojnivîskê. li rojava şer e, şerê daîş û cengaweran şêrên deştê ypgê ye, her ku ypg pêşve diçe dewleta tirk dixwaze xira bike, planên kûr dike (belkî ne kûr be, planên rojqedên bin) lê rihet nasekine, niha tenê ji rojava hin xeberên xweş tên, li gor agahiyên duh heseke ji daîşê hatiye paqijkirin, şervanan qira wan ji nav hesekê rakiriye. lê li bakur rewş ne wisa rojnivîskê, her tişt tevlîhev bûye, piştî hilbijartinan wî devbigûyî devê xwe xira kir û pêvajo jî rakir, got pirsgirêka kurd nîn e, lihevhatin pêvajo tiştek tune ye, piştî van gotinên wî leşkerên wî çiyayên kurdistanê dan ber agir, du hefteyan sax her roj li deverekî agir bi çiyayên te ket rojnivîskê (bnr: şewitandina daristanên kurdistanê), dûvre li sirûcê bombe dan teqandin, dûvre dest bi destgîrkirinan kirin û dest bi bombebarandinê kirin, va hefteyeke bi firokeyên cengî f16yan qendîl û çiyayên kurdistanê didin ber bombeyan û duh sivîl qetilkirin, 8 welatiyên başûrê kurdistanê ji aliyê firokeyên cengî yên tirkan ve hate kuştin, erê dîsa, ez zanim tu dibêjî -vana hê heyfa solînê û malbta wê neda, erê carek din gundî insanên sivîl qetilkirin. li başûr qrîza aborî, siyaseteke dubendî heye, pdk êrîşên artêşa tirk mafdar dibîne ynk û goran dibêje bila derhal bisekine, yek dibêje bila pkk ji başûrê kurdistanê derkeve, yên bakur jî bi reşkirineke dehşet êrîşî pdkê dike, pdk jî eynî wisa reşkirinê dike. rojhilat kerr e, a rast li benda teqanekî ye. herroj cinazeyên şehîdên kurdistanê li bajarên kurdistanê belav dibin, dewleta tirk nahêle 13 meytên şehîdên rojava werin malên xwe binax bibin. yanî tu dîbînî rewş malwêranî ye, ne tişteke din e. belkî ji ber wê kes nayê li ba te nanivîse tirşikê.



    2015.08.02-20:58 | xendekî

    32. silav tirşik. ev çend meh in ez dixwazim dest bi şixulê tusê bikim lê nebû nisîb. hela a van rojên dawîyê rewşa welat be a berê çi ye?

    kabêje tirşik mirov çima naxwaze dest bi şixul bike? tu rêya wê ya hêsan heye ha?



    2015.09.11-23:41 | berxweda

    33. rojnivîska hêja!

    çima kurd ji kurdan hez nakin? çima koleyên neyarên xwe ne? çima? çima? çimmmmmmmmaaaaaaaaaaaaaaaaaa? ma qey em xwe çi dihesibînin?

    bersivê bide heyranê! qurbanê? çima?



    2015.09.11-23:43 | dijber

    34. rojbaş tirşikê!

    rojeke nû destpê dike dîsa di van rojên têr-xwîn de. li amedê di otobuseke ji seda 90î tirkîaxêv de ber bi zankoya hiqûqê ve bi hevalekî navê wî şiyar botan lê piça kurdî nizane re di gel tîrêjên rojê yên gava otobus ji vîraja fîskaya dizivire di nava otobusê de 180° digere diçin. û ava mezin xuya dike, baxçeyên hewselê yên bi rengê payîzê xemilî wek ku li kurdistanê şereke qirêj nîn e û wek ku kurdistan nr di bin nîrê tirko de ye dikene. de bikene...



    2015.11.11-09:03 | xendekî

    35. Rojeke xweş û germ e. nêçîrvan (pisîka me) herim kû li pey min e, xûya ye birçî bûye evî zikmeşk yan na ew tu carî guh nade min. Ji ber vê carnan wî dişibînim hin kesan* jixwe em û ajal ne zêde ji hev cuda ne



    2015.11.11-10:40 | sergijik

    36. rojeka bi nîvro bûye şeveq seet bû dozdeh hêna gêjê xewême û rewşa farqînê û kurdîstana bakur ji bîra min naçe û hingî diçe fikra min xera dibe ez bi pkkê û bêdengîya barzanî jî dibehecim.. ez dibêjim ezê bi şev derêm derva sed dused heb erebe bi şewitînim an du teneke tîner bibim roja înîyê xwe di camîyekîda bişewitînim.. çavê xwe li bombeyên desta digerînim nabînim niha ez dibêjim ezê karê pkkê bidim ser milê xwe lê tiştek ku ez pê çalakîya li darbixim tune wekî tivinga rûs roja lazime valaye an nateqe anjî li hev siwardike û ji kerema xwera bira di cîhê pirtûkande duheb bombe werin ewê pir qenc çêbibe.



    2015.11.11-12:20 | shorbevan

    37. ezê vêca bê silav bikevim hundirê dilê te yê nekaxizî, wek ku mirîşkek dikeve koxekê.

    jiyan di zû de ye wek risteke arjen arî ye

    "heyv li kevan e geh, geh roj li ava

    bi kêlî û saet, bi roj û şev, bi av û hewa

    dem kal, ez pîrekal, zeman lal.."

    vê sibehê wekî her caran bi darê zorê ji nav nivînan rabûm, dîsa dereng mabûm û bi qasî saetekê dereng çûm kar, jixwe diyar bû dê rojeke ne xweş be, piştî sê saetan ji amedê telefonî min kirin, xaltiya min bû, got şikestî kurê apê te miriye vê sibehê, hay jê hebe telefonî wan bike yan jî ger karibî were...

    niha dipivîm hestên xwe, min çi hîs kir? tu tişt! çima wilo dilsar bûbûm? çima hîn mirina însanan ez xemgîn nedikirim? çima êdî ji ber bobelatan nediqehiriyam, ji nişka ve ferqîn jî hat bîra min. tam wê kêlikê ev rastiya me di guhên min de çinginî kire, belê neteweya min a sêwî, êşa te hîn kir ku em êşa xwe jibîr bikin, ev kaviliya te nehîşt ku em noqî dilê xwe bibin, ji ber têkçûnên te me têkçûnên xwe ji bîr kirin..

    ya bi xêr îşev ezê li apê xwe bigerim bêjim apo serê te sax be. 14 tîp, 5 peyv û hevokek!

    heqet, meriv çawa arezûya sersaxiyê kurê wî dike bavekî? nizanim. ger neterpilim îşev cara ewil biceribînim û hêvî bikim rojnivîsk, hêvî bikim ku ev ya dawî be! min dixwast sersaxiya bavî bikira kurikekî...



    2015.11.11-12:41 [guhertin:2015.11.11 12:47]| ferhenga şikestî

    38. Şeva te bi xêr tirşikê. Weke tu jî zane ev mehek bûye ez hatime welat. Ji cerfa ez hatime welat ez fanatîktiyeke bê fikir dibînim. Kes naxwaze bifikire ê difikirin jî ji bo sûda îdeolojiya xwe difikirin. Ji ber wê ye ez li welat nema dixwazim bipeyivim.



    Li ser meselê tirşikê. Bavê min îro bavê min ji nûçeya leşkerên tirk ku li nêzîkî mûsilê ne bîhist dest bi peyvê nebaş bo berzanî kir. Ez nepeyivim min go mezinê min e, bavê min e. Tiştê min êşand van peyvan bi zanebûn bi kar dianî. Bi zanebûnek partîzanî. Ne a fikrî.



    Bavê min zanebû leşkerên tirk ji sala 1997an piştî amerîka û hevalbendên wê li seddam xistin wek 'artêşa aşitiyê' çûne başûr û hîn jî li wir in. Wekî din bavê min zanîbû ev leşker ji berê de li wir in û ên nuh çûnê ji bo guhertina leşkeran çûnê. Wekî din bavê min zanîbû partiya wî leşkerê tirkan ji nav kobanî derbas kirin û hiştin ew meytê kalikê xwe têxin axa kurdan. Lê bavê min dîsa jî ev tişt ji bo hevalê xwe sor bike digot.

    Piştî wê demê min fahm kir ez êdî xerîbê miletê xwe yê 'ji fikirînê azad bûye' me. Ez li cem miletê xwe êşê dikşînim. Ev êş ne ji ber îdeolojiyê ye ha. Ji ber durûtiyê ye...



    Kurdên vir giş zanin ku hilbijartinên vir ên partiyê derew in. Giş zanin ên di şaredarîyê de ne zikmezin in. Giş zanin ji şaredar bigir heta encûmena jî ê rant û xwarinê ne. Zanin ku şaredarî ruşwetê dixwin û bi plan û projeyên bajêr ji bo rantê an jî bi rişwetê diguherin. Lê mesrl yekî feqîr be derin xaniyê wî li ser serê wî xera dikin.

    Erê rojnivîskê, bavê min û hemû partîzanokên derewa van tiştan dibînin lê qet behsa wê nakin. Le dema mesel bibe rişweta başûr an jî meseleyek li ser berzanî dibin pîzok û har dibin. Ya rastî ji ber vê durûtiyê ez nema xwe ji vir dihesibînim.



    Ez zanim ku êdî ev milet ne kurd in lê pkkyî ne. Ne kurd in lê dijberzanîcîne. Ne kurdvin lê parêzerên halkların kardeşliği û demokratik turkiye ne. Ez zanim ku dema ew behsa yekitiya kurdan dikin tenê qala kurdên wek xwe dikin.



    Min ji hineka bîhist ku bela berzanî xwe bi rûsya nagire lê amerika digire xayîn e. Û zanin ku ê kobanî xelas kir amerîka û berzanî bû jî. Lê wek min got tirşik miletê min êdî bi derewan bazarê dimeşînin. Derewên hemû bajar pê dipeyivin lê zanin derewin jî.



    Wek min got tirşik êdî ez zanim ez xerîbê vî gelî me. Nizanim bê xelasiya min di ku de ye...



    2015.12.07-01:38 | berxweda

    39. silav û kilav..

    gelek ji te eciz bûme, ji te, ji jiyana xwe ya monoton, ji kurdên ku vê taliyê hêşê xwe bi vîdeoyên ahsen tv'yê xira kirine û ji karê xwe yê îmana min jê diçe, ji tevan, gişan, hemûyan...

    serê sibehê di saet 7'an de şiyar be, rabe qurteke av di ser çavên xwe de wer bike, diranên xwe firçe bike, kincên xwe li xwe ke, di vê sir û seqema şefeqê de ji malê derkeve, here rawestgehê, deh deqe li otobusa ku ji xirecirê bi rewiyên wan re dibî xizim nîv saet ber bi karî re here, di cihê karî de bi tirkan re 9 saet wext bibihurîne, dûre di saet 16.35'an de ji karî derkeve, were rawestgehê, dîsa li benda otobusê bisekine, were malê, firaqên qirÊj bişo, tiştekî amede bike ji xwe re, bi tena serê xwe rûne û bixwe, wan rake deyne li ser dezgehê, çaya xwe dagire, kombersa xwe veke, cara ewil çavek li tirşikê bigerîne, peyaman bixwîne, ku bikeve hêşê te çend tiştan binivîse, paşê rabe here kitêbek veke, çend deqe bixwîne, piştre bêje 'yav çima edebiyata kurdî nake pênç qirûş?!', kitêbê deyne, fîlmek veke, bîst deqe temaşe bike jê eciz be, bila êdî fîlm jî te tatmîn neke, dîsa rabe tirşikê veke, bibîne ku xalî bûye, bêje 'uff îroj jî tiştekî hejayî nivîsandinê tune ye' kombersê bigire, bikeve nava nivînan, piçeke xeyala amedê bike, dûre rakeve...



    serê sibehê di saet 7, de şiyar be, 'ufff nikarim rabim yav! ezê êdî zû rakevim, erÊ! îşev teqez ez zû radikevim, wilo nabe, nikarim şiyar bim' here qurtek av di ser çavên xwe de wer ke bla bla bla...

    saet serê sibehê 7'an de şiyar be, 'de uffff eciz bûm ji nivîsandina vê rûtîna xwe ya monoton û yek-reng' çima eciz dibim? ma her roj bixwe dijîm....

    saet serê sibehê 7'an de şiyar......



    2016.01.07-20:13 | ferhenga şikestî

    41. rojnivîska minî roja rojek di serde derbasbûye merheba jitere an jî oxirbe.. îtîraf bike rojek pir xedare li roja lî pey te wiha tê nivîsandîn di nava sibehê û nîvrode te min ji xew da rakirin çehvê min bi kêvjik pozê min ritimandî sika kul nikarim fişş jî bikim ji ber kedewa ku ez pê ketibûm.., dibû sedema carna balon çikirina pozê min.. lê em dikarin bibêjin roj roja wî cirnê ku ez ser çavê xwe tê de dişom bû.. roja minî bêxêr û bereket dûre keysa xurinîyek baş jî neda min.., roja minî hain saldırıya li min dike neke!.. berê min didî xebatê hetanî seet 12-1 şevê ka ev heqê xwedêye nava min û tirşika min jî xerab dikî ewê nebibêjin shorbevanê lawê tirşikê edî westîya nayê li tirşikê nanivîsîne.. lê na vîya baş bizane tu û tirşik tev bi westin jî ez nawestim roja minî bêbext niha ewê performans piştî te roja reş ewê bikebe hetanî demek ku dawîya wî tarîye..... piştî te hewqas ecelekir zû bihirî ê de here çûndin hebe hatin tunebe..



    2016.01.15-14:02 [guhertin:2016.02.05 21:47]| shorbevan

    43. slavên germ li te! sitara bêkesan, rojnivîskê... niza'm çima, îro dema ber bi malê ve dihatim ket hişê min ku ji te re çend gotinan bikim. zanim ji zûde ye, ji guhdarkirina me û xewn û xeyalên me yên beredayî pir westiyayî. lê çi bikin, xeynî te tu kes nîne ku em tûrê xwe, ya dile xwe jê re bê tirs û fedî vekin. carnan difikirim, ger te jî tûrê xwe ji me re vekira wê çi jê vala bûbûya? Gotinên bextewar an yên mehdtirş, yên belasebep an girîng ? dibe ku tu tişt… lê mixabin wekî hemû xeyalên din ên ecêb ev jî ne gengaz e. Tu yê tu carî neaxivî û ez ê jî tim wê efsûniya te ya şanaz û tûrê te yê heta ji dêv dagirtî meraq bikim... zanim, li gor rê û rismên rojnivîskê divê min qala rojeke xwe bikira lê ji ber ku hemû rojên min wek di makîneyekê de derketine, tev wek hev in( çûyîna dibistanê, xwendavanên şirîn, midûrê mehdtirş, vegera malê, xwarin, xwendin, raketin…) min tişteke te bixe nav kelecaniyekê nedît binivîsîm. Lewma min biborîne rojnivîskê… Li derve dengê zarokan tê, bi kelecanî dileyîzin û dengê pitikeke ku şîr dixwaze û li hundir dengê nîzamettîn arîç… bi xatirê te.



    2016.03.28-17:43 | sergijik

    46. bi mehdekî tirş û nexweş şevxweş rojnivîskê!

    li odeya kêleka min du heval bi dengekî bilind ketine nîqaşa hebûn û nebûna xwedê û ji qelebalixa wan xewa min reviyaye. erê rojnivîskê stuyê te bişkê ev çi hal e



    2016.03.29-01:02 | ceso

    47. merheba rojnivîskê... îro tişteke ecêb hat li serê min lewma min xwast demildest vê tiştê ji te re vebêjim * piştî li kar, li dibistanê derketim ji bo dîtina hevalekê çûm banqeyê. dema karê min qediya û derketim li derve, rastê mêrekî ciwan hatim, bêhemdî çavên me li hev ket û wî, bi baldariyeke mezin li min nêrî lê min bi lez û bez wek keçeke binamûs * serê xwe xist li ber xwe û ketim ser rêya malê. çi ecêb piştî demekê min ferq kir ku ew hinekî li paş min e. bi vê hayîbûnê re, ez şaşopaşo bûm, hîn ketim nav kelecaniyekê hîn jî tirsekê... ger bixwazî wî ji te re teswîr bikim, kesekî wiha bû: rengê kesekî nebaş nedida. rûyekî wî yê paqij û qeşeng hebû, bejn û bala wî baş û cilên xweşik lêbû. ango wek beredayan tolazan nebû. jixwe şaşmayîna min jî ji ber vê bû. axirê rojnivîskê, ez çendîn hatim ew jî hat, ez ketim dikanekî ew sekini. ez meşiyam ew meşiya, ez cardin sekinim û ew jî cardin... * dawiyê aciz bûm û min bi awayekî xwe jê qut kir û hatim malê. lê dema hatim malê di hişê min de ev pirs çêbû gelo ew kî bû ? *



    2016.03.29-18:47 [guhertin:2016.03.29 18:57]| sergijik

    49. îro şemî bû, rojeke germ û keskesorî bû. şêniyên bajêr, wek ku ji zûde ye li benda vê rojê bûn xwe avêtibûn li parq û kolanan, kuçe û bin daran... min li pişt pacê bi deqîqeyan li wan nêrî. dawiyê çawa bû niza'm min jî xwe li cem wan dît. dayik, milê wan de pitikên wan û hin jin mêr, dergistî di milê hev de û qîjeqîja zarokan.. hin kes di taldeyekî de hin li ber tavê rûniştibûn. ez jî li kerasihekê.. bêyî ku haya wan ji pê bibe min cardin çavên xwe, zivirand li ser wan. xeynî çend kesan hemû kes bextewar bûn an jî wisa dihatin xûya. lê wisa be jî ne xem e. dibe ku wek john Berger jî dibêje bextewarî ne tişteke domdar be. ew tenê tişteke "gavî" be. herhal em şêniyên parqê jî, wê gavê di hembêza bextewariyê de bûn. lewma dilê me kutekut bû, hew kêmasiya me çend perperok bûn* bawerim, ji erzaniyê ye wekî hemû parqan di vê parqê de jî piranî dendik dihate xwarin û çaya qaçax a di termosan de... ciwanan bi sebreke mezin bi dehan wêne dikişandin da ku biavêjin facebook û filan bêvanê * kal û pîr ên ku di nav her qurçimeke wan de hin tirs, hin poşmanî, hin aramî... dihewandin, li derdora xwe dinêrîn û serê xwe mîna ku gihîştine efsûniya jiyanê ji hev re dihejandin. li kêlekê bêhneke kûr dikişand kalekî din. titûna xwe ya di bêrîka xwe de derdixist, bi tiliyên xwe yên hejhejok dipêça dû re dibir ber lêvên xwe yên tenik.. û li ber dîwêr parsêkekî ecêb.. ecêb bû çimkî li tu kesê/î lavayê nedikir. tenê bê seda li erdê dinêrî û di halê xwe de diponijî. çi serfiraz! axirê, zemanê bêbext wekî hemû tiştên xweş, ev roja jî domand û berê min da rêya malê. lê çi ecêb hîn bextewar im *



    2016.04.02-20:20 [guhertin:2016.04.02 20:29]| sergijik

    50. rojnivîskê ez ê nekarim hestên xwe ji te re rave bikim. hevalê min ê zarokatiyê van rojan şehîd ketiye. ji te tenê tiştek dixwazim; herdem bîne bîra min û bêje "te sond xwaribû ku jiyana xwe ji bo gelê xwe biborînî. li hember zilma van kafirên mirovatiyê, bexwedana xwe bernedî"



    2016.04.05-20:37 [guhertin:2016.04.05 20:37]| simurg56


    55. Rojnivîskê psîkolojîka min xirab bûye. Çi bikim? Çi bînim serê xwe?



    2016.04.11-01:13 | mergehezo nançû

    57. ev çendek e xwediyê malê, min digeriya ku li qata ez lê rûdinêm temîreke înşaatê heye û wê karkerekê ji bo temîrê bê. dawiya dawî îro deriyê min hat lêxistin. lê lêxistinek çawa? erê, min bihîst dengek hat lê ne bilind ne nizm, ne heye ne tune ye. dû re telefona min lêxist yê digeriya xwediyê malê bû. got: " ew karker li ber dêrî ye. qey hûn li mal nînin? " min piştî telefon girt, derî vekir. û li pêşberê min kesekî jar (zeyif), rûyekî mahcûp û çavên şikestî... hîn min tiştek negot wî bi halekî fediyok çend gotin kir: "qusûrê nenihêrî, ez ji bo temîrê... aciz nebî..." min got aciziya çi, kerem bikin. û min rê nişan dayê. wî solên xwe derxist, da destê xwe û derbasê terasê bû. ji bo ku toza solên wî nekeve malê gavên xwe hûr û baldar diavêt.. çi kubar! di wê dema kurt de hin tiştan bala min kişand. ev karker, kurmancî diaxivî û pir şikestî bû. ne wek yên din bû. çav û mîmîkên wî de hin keser, hin fedîkirin, cardin mahcûbiyet hebû. min got yeqîn ew, ne ji mêrdînê ye. piştî wext hinekî derbas bû ez bi hinceta tiştekê îkram bikim çûm ba wî. û piştî çend pirsan, hînbûm ku wek min texmîn kiriye ne ji vir e. ji rojava ye, ji tirbêsipî.. got: "ez li înşaetekê nobedar im û mehê 1300 lîra distînim. 300'î didim kirê û sê zarokên min hene..." min dixwast hîn bibêje lê çi çare.. divê bixebitiya. kêfa wî ne ya min bû. min ew bi karê wî re hîşt û hatim. dû re fikirîm, gelo ew kesekî dewlemend bûya wî yê dîsa bi dengekî nizm û carekî li derî bida yan wî yê li zengilê bida ? yê dîsa evqas mahçûp bûya di tevgerên xwe de? gelo bi hezar lîrayan çi dike û di nobedariyê de çi difikire, çi hîs dike? ev camêrê tirbêsipî min hestiyar kir îro. hîn teqereqa wî tê. jiyan bê wîjdan e, bê merhemet e.



    2016.04.17-14:23 [guhertin:2016.04.17 14:26]| sergijik

    60. silav û rêz li te rojnivîska delal.

    weke ku min çend roj berê jî ji te re gotibû psîkolojiya min ne baş e niha. min gotibû ez ê di tirşikê de binivîsim belkî hinekî rihet bibim lê rastî êrîşekê hatim, mirovên fesad dest bi qerf û tinazan kirin. behecîm, aciz bûm. ez ê binivîsim dîsa, nikarim li benda wan bikevim.

    erê hevala delal, li ser ew bûyera ne xweş, bûyereke din jî hate serê min. çi xweliyê li serê xwe bikim nizanim. her tişt li ser hev hatin. dixwazim dev ji van tiştan berdim lê weke werîsekî hustê min badane. li hêlekê êşa eşqê li hêlekê jî neheqiya ku li min hate kirin. du derbên mezin min xwar di vê mehê de. derbek derbas dibe lê ya din pir zor e. ligel xwestinê mirov çawa dikare xwe ji tiştekî mahrûm bike, ez fahm nakim. duh gote min bêriya te kiriye, hembêz kir û hew. min jî sêwî sêwî lê nihêrt. tiştek ji destên min nehatin. min soz dayiyê û gotiye ez ê dev ji te berdim lê wer xuya dike ku ew jî naxwaze dev ji min berde. erê rojnivîskê ev ne neheqî ye? ez şaş li meseleyê dinerim? ez fêhmkor im qey? naaa. lê dinerim û dibêjim ez ne fêhmkor im. çimkî her tişt li ber çav e. xwexapandin jî li ber çav e. ev tevgerên wê nahêle ez zûbizû dev jê berdim. rojnivîskê pêşniyarekê li min bike. ez li hember van tevgerên wê xwe kerr bikim? ti bersivê nedim wê? çi bikim? haa, çi bikim?



    2016.04.26-12:24 | mergehezo nançû

    61. merheba rojnivîska şirîn!

    ez îro bi zarokên ji nisêbîna rengîn û dêrik'ê hatine re axivîm. min guhê xwe da derdên wan û çend pirs li wan kir.. ji ber ku gellek in, li dibistanê ji bo wan poleke nû hate vekirinê lê mixabin di her astê de, hejmara wan gihiştiye çilî û ew di tevahiya mijaran de jî paşve mane.. lewma dema dikevim dersa wan nizanim ji kû dest pê bikim û ji wan re çi vebêjim.. min ew tekûtekû guhdarî kirin. tiştên wan vegotin, hişê serê mêriv dibir lê ez ê qala wan tiştan nekim. min heta niha ewqas behs kiriye ku devê min qerimî êdî... bi kurtasî rewşa wan a ji min re gotin ev bûn: hin çil kes malekê de dimînin, hin 34, hin 20, 25... wek ku digotin çend malbat dibin yek û wisa ji xwe re malekê kirê dikin. dema wan, qala van tiştan dikir ez li ber xwe diketim lê yeqîn lewma dibêjin: "dinyaya zarokan" ku qet xema wan nebû û tim şiheşiha wan bû.. tiştên hatî serê xwe jî bi laqirdî vedigotin. heta ku carnan bêhemdî ez jî dikeniyam* lê cardin dihatim ser hemdê xwe. tişteke din jî min ferq kir ku zarokên nisêbînê hem jîr hem jî kurdewar in.. hema bêje di navbera xwe de tim kurdî diaxivin. dema ew gotinên wan tên guhê min ez jî tevlî sohbeta wan a şirîn dibim û peyvên ecêb ji wan dibihîzim...



    2016.05.05-17:13 | sergijik

    62. duh êvarê tev li civîna bîneya ku ofîsa min tê de ye bûm. ji bo bîneyê gelek tişt hatin niqas kirin. yek ji wan mijaran jî mehaniya dergevan bû. dergewan rebenekî kurd e. di bînê de 24 heb ofîs hene û dergevan serê her ofîsekê 60 tl distîne. yanê mehaniya wî dibe 1440 tl. lê di civînê de yek ji xwedanê ofîsekê pêşniyar kir ku mehaniya dergevan li serê her ofîsekê bibe 40 tl. yanê got bila tevahî mehaniya wî bibe 960 tl. mirovê ku ev pêşniyar kir yekî azerî û mhp'yî bû. ez ji pêşniyara wî pir aciz bûm û min qebûl nekir. ji ber ku 960 tl pir kêm e. xêncî wê, min ferq kir ku mêrik pêşniyara xwe bi helwesteke nijadperestî ve kir, ji ber ku dergevan kurd e. lê ya agir berî min da pêşniyara wî nîn bû. piraniya xwedanê ofîsan kurd bûn, lê mixabin bi rayên wan ve pêşniyar hate qebûl kirin. hah vê yekê agir berî min da û hiş ji serê min çû. kurd çima ev qas bêbex in. lê piştî ku civîn qediya min qazî dergevan kir û got "dile xwe fireh bike û netirse, geva ku mehaniya te kêm bikin ezê jî vê bînê bişewitînim".



    2016.05.21-11:03 | nazim tolhildan

    63. rojnîvîska minî mayînde ev çi roje tu li xwe dikî bar te hê negotiye çibû çi qewimî ez dest pêkim wekî hergav şeveqê bavê min min rakir limêja sibehê got rabe tu wekî kerekîyî tu betalî kar û îşekî jî tune tu çima limêj nakî tabî min jî bi nîv dezmêj û bê fathakî û bê eşhed.. xwedê qebûl neke belî eks nîne* di peyde razam rabûm seet bû 10 xurînî kir.. mêvanê me yên ji malê hebûn herdû xuşkê min hatibûn kete behsa behs hate ser masîya a rastî min bi nevsa xwe nikarîbû min got ezê herim masîya bînim emê wan sorkin.. min berê xwe da ber erasê ez çûm cîhê mehsîya a ku min dît masîyê ez dixwazim qediyane lê min got piştî ez hatime divê ez bê masî neçim min dît li derek din masiyê bi navê sazan û ez masîya pir naznakim yê din dibe jêre bibêjin bersor bi kurtasî masîyê malabadê herwiha min her yekê du kîlo kîloya wan hima bibêjin belaş yek 2,5tl yek pênc ecêb!.. jiber erzan bûn min got masî yê te ne genîne.. binihêre diya min mirtive ewê masîya cardin ji tera weyne * werhasil1 neh deh telaqa avêt got ez heroj livirim.. jiber lehd bû masîya paqijnekir an kesên paqijdikin îro betlana wan bû ez hatim diya min qiyametê rakir got ev çi masîyê ne şûştîne.. tabî mafdarin hergav min şûştî dihanî ewjî jixwe nexweşokin û karê wan jî hene.. xuşkê min jî her yekê du heb sê heb zarokên ne jiwan hene(tu dibê jî qey agirê semewatêne) ji riyê wande wan jî nikaribû masîya paqij kin.. herê welleh ev masî tev di sityê minda man inca karê min tune pûlê sazana jêkim û wan bi qelêşim û wan meqeskim paqijkim* werwasil2 rojnivîska min a tev

    li vir tije bû.... dema masî çêbûn min got ezê cardin ji van masîya weynim zêde zêde bi tehm û bi dehsîbûn qasê di ber xwarina wande mam diber paqijkirina wande nemam * ha ez naxwazim zêdebikim minê bigota jiber min îro masî çêkir tirşik jibîrkir ez lêborîna tirşikê ji xwe dixwazim







    2016.05.23-01:14 | shorbevan

    64. Min îro rêwîtîyeke zehv xweş û ecêb kir. Saet 18:00 an de piqava amedê siwar bûm û min Berê xwe da amedê..

    Bê mede bûm..



    Demên Pêşîyê şofêr piqavê da mûzîkên arabesk vekir.

    Min go aha wele teze me îskenceya xwe dît.

    Ji xwe kêfa min jî qet tinne bû.

    Mi go kuro rêwîtîyeke zehv bêhnteng pêşîya te ye û min guhdanka xwe amade kir û di hişê xwe da ew muzîkên ku ez guhdar bikim wana fikirîm..



    Neyse wesayît di cîhekî sekinî rêwî hilda

    Mirovekî 35-40 salî, tonton şêrîn û mixabin lal û hinekî jî kêm aqil hat kêleka min rûnişt. Zehv kêfa min jê re hat. Mi go ahan min rêhevalê xwe dît!



    Çend dem derbas nebû ez û dîno me bi rêya tevgerên dest, jest û mîmîkan ji hevdûra axifîn.



    Alîyê çepê da ro hêdî hêdî diçû ava. Muzîkeke ecêb teyîbê da û

    Kêleka min da rêhevalê min ê lal û min dîntir...

    Ez jî wî dîntir



    rêhevalê min Destê xwe va tilîya gustîlê nîşan da paşê jî ez nîşan dam. Bawerim li min pirsî ku ez zewicîme an na yan jî heskiriyeke min heye, tinneye ewa pirsî

    De were êja vê meseleyê rêya tevgeran ve bibêje piihhh..

    Ka ezê çakî bibêjim? Min çend tevger kir serê xwe hejand ewî min fehm kir! Ecêb..



    Belkî jî fehm nekir



    Paşê em li ber goristanan re derbas bûn rêhevalê min fatîhe li min da xwendin.



    Em li ber zevîyan re derbas bûn ewî behsa zevîyan kir..

    Min telefona xwe derxist û wêne kişand.. Zehv şa bû..



    Pere ji min xwest min pere derxist dayê..

    Me ji hevdû re henek kirin em kenîyan, me sille çoka hevûdû xist, me hev hembêz kir..

    Qey tê bibêjî deh salê em hevdû digerin û me deh sal paşê hev dîtîye..



    Welhasil ez serîda her çiqas bê kêf bûm jî, wî rêhevalê minê min aqiltir û min, me rêwîtîyeke xweş ji hev re derbas kir..



    Dawîyê da em Amedê peya bûn ewî xwatîrê xwe ji min nexwast meşîya. Ez li paş da sekinîm min lê nihêrî, ew zivîrî min destê xwe jê re hejand ewî jî ji min re destê xwe ba kir, kenîya û çû..



    Ew rêhevalê bê aqil gellek merivên bi aqil baştir bu.

    An jî ewa û ez em bi aqil bûn, merivên din bê aqil in..

    Ez îro tiştekî dinê jî hîn bûm: Ji bo ku meriv biaxive û hevdû fehm bike peyv tinnebin jî dibe.



    2016.06.11-00:09 [guhertin:2016.06.11 00:12]| hozan serhad

    65. dema li wargeha zanîngehê dimam, rojekê civata me û hevalan germ bûbû. weke klasîkek, me dinyayê xelas dikir. dêmek me dengê xwe gelek bilind kiribû ku xwediyê kantînê ku 5-6 metre li dûrî me bi tenê rûdiniya gazî me kir û got "xortno, ew tiştên ku hûn dibêjin encax ger sosyalîzm çêbe, dikarin biqewimin"

    piştî vê gotina wî, me dengê xwe nizm kir û pişt çend deqeyan belav bûn.

    hê jî meraq dikim bê ka gelo fikrên wî zilamî yên di derbarê van xortên ketibûn heftûheşta siyasetê de, çi bû?

    gelo me hêvî didayê? an digot "ev nifşa xwendekaran jî dîsa bi kar û barên ji xwe mezintir mijûl dibin û xwe xusaret dikin"



    2016.06.21-22:04 | simurg56

    66. Dîsa rêwîtî û xeyalên xemilî yên cur bi cur..

    Ez jî nizanim çima tim rêwîtî û xeyal dibine para min.. Lê ne xem e. Em di sinorên panosê derketin. nîzikê erdîşê ne.



    Dîsa Çiyayê Sîpan û behrewan rêwîtîya min û efsûnê xeyalên min re şahidtîyê dikin.

    Çiyayê sîpan Serê xwe bi berfê xemilandiyê û du heb ewrên biçûk xwe li ser danîn e.



    Heheyy sîpanêê ey bûka gelê min a por hene

    dîsa jî nizanim çend evîndarê te hene..

    mêrg û zozanên bê daristan,

    gelî û banîyên ku zikê xwe de gundan dihewînin jî bi min re şahidtîyê dikin niha..

    ey gelî û banî ey mêrg û zozan û gelîyên zîlayê bê deng!

    Ca deng bidine dengê min!

    kurdîstan warê şêra bû kete destê kundên kor..

    hê jî dilê min pey evîn û evîniyê ye.. Ez çi bikim lawiko evînî pîroz e, kirasekî bi agir e.

    ma îhsan nûrî jî evîndar nebû?

    Lê Belêê Behra wanê dibe jî ku nebû şahidê evîna wî, lê glî dax serê xwe neçimand li ber evîna wî?

    Ma hozan jî nabêje agirê dilê min dudu ne yek tu yî yek kurdîstana rengîn e.



    Min serê xwe bilind kir û em erdîşê ne. Lewheyeke hîşîn, li ser da bi tîpên tirkîtî ! :

    "erciş nüfus:.."



    Ka guhdanka min! Ji min re bi dengê delil dilanar şerê tarxan vekin!

    Rizgan û nûrê derbas be şerê tarxan veke!

    Ez dizanim dengê guhdanka min dengê radyoya otobêsê nikare lê ew jî ne xem e.

    Min Bi kelecaniyekî Stran vekir.

    bilûrê ra tirsehêzî diherike pihhee!



    (De lo lo lo hoo lo lo ..!

    Ax lo lo lo..!

    Tu kela mêran i.

    Lê lê dayê! Wax lê dayê rebenê ka rabe binihêre şerê hanê şerê tarxan e. Keko tu ka rabe mêze bike ew dewa hanê dawa tarxan e.

    ..lawo xwedê dizane qetla te mîna qetla du mirîşkan e.

    ..çi bikim îro pêşiya te koçê qeleniyê ye koxa celalîyan e lo lo lo lo..

    Bê lo lo lo..

    Wey lo lo..

    Ax lo lo.. Tu kela mêran î

    ..lê dayê rebenê rabe sira qeleniyê bişewite bextê min ra sibekî çiqas sar e.

    Lê keko tu rabe mêze bike sira qeleniyê bişewite bextê min ra sibekî çiqas sar e.

    .. Lê eskerê şahê ecem giran e 12 hezar e. li ser milê me herdu birayan da hatî par e.

    Ez ditirsim eskerê şahê ecem eskerekî zor î zexm û giran e.

    Eskerê birayê te vê sibêkê pê nikare ax.

    De birano lêxin eskerê şahê ecem derbas bikin. Li sinorê ebaşikeftê baciyê ava elegezê.. Destê kekê cewzo da kare kare hoo lo lo..)

    ..

    Dîsa û dîsa û dîsa ..





    Min ev strana çend cara dubare kir nizanim. Lê min dêna xwe dayê em li arnêsê jî derbas bûn. Lezeke din ew cîhê ku min xwe re kifş kirîye bo ku ez avahîyekî lê çê bikim min mêze kir. Hê kesekî dest nedayê de baş e. Li ser wî zinarî erdbej jî çê bibe nikare avahîya min bihirşîne. Ew rojê werin!



    Hey gidî kurdîstan! Gelo tu heta niha çend evîn û evîndarî ra bûyî stargeh û wargeh?

    Geh li sîpan geh behrewan geh li artos..



    Saet bûye 07:00

    Niha daxwaza min tenê ewe ku ev rêwîtîya min neqede. Lê ez dizanim mîna her tişta xweş eva yê jî biqede. Ez dizanim bextewarî kêm dikişîne.

    Lê ezê dîsa werim! Ezê di kela mêran warê şêran bextewarîyekî saz bikim.

    Ezê werim!



    Bûka gelê min sîpan, piştî demeke kurt dîsa xwe xuya kir. Bi rêzê da behrewan, doravek û sîpan hev dixemilînin.

    Di guhê min de lo lo lo lo ya delîl. Wey delîlo tu her hebî camêro!



    Saet 07:40 balafirgeh! Xatîyekê satileke mezin tijî penêrê wanê kirîye yê bihere stenbol mistenbola. Can qurbanê wê xaltîkê jî..





    Vê demê xwatirê te cîh û warê şêr û mêran, sîyabend û xecê!

    Ev xwatirxwastina jî weka, xwatir xwastina 9ê vê mehê giran e!



    Ezê werim!

    Ezê werim.



    2016.06.22-08:19 [guhertin:2016.06.22 17:27]| hozan serhad

    67.

    Şeva te'b xêr ez xulam; ev peyam peyama min a yekemîne ku di beşa rojnivîskê dinîvîsim. Îro seet 6 ê êvarê de ji mêrsînê ketime rîyê da ku biçim wanê nîk birayêt xwe û piştî çend roja ezê berê xwe bidim gever ê nîk xwîşka xwe erê ew gevera ku ji ber şerê hendekan kavilbuye û wêranbuye, dizanim min haj xwe heye ku ez ne supermen im ku bikaribim tiştek biguherînim lê hêjku dikarim li gel xwîşka xwe li gel mîlletê xwe bikim girî dikarim axîn ù kesera bêdewletbùnê li gel gelê xwe bijîm û tijî nifiran bikim ji bo dijminêt xwe dîsa hêj ku dikarin dua bikim bo rewşa gelê xwe û kurdîstana xwe.



    . Piştî geverê jî înşaallah ezê bo hevdîtinekê çime colemêrgê ku sedemek mezin digire bo vê rêwîtîyê.



    ev rêvîtî ji bo min ji rêvîtîyên dîtir cûdatir e ji ber ku encama vê gera min a axa bav û kalê min wê îhtîmalek mezin bandorek mezin ji bo jîyana min bike belkî pêşeroja min jî biguherîne.



    Bavê min heftîyekê berê ku niha li wanê ye bo min telefînek vekir ji bo ku bême colemêrg ê bo hevdînekê , ji min xwest ku bo eyda remezanê li gel betlaneya fermî 9 rojê xwe li wanê û colemêrg ê biborînim. Helbet piştî ku behsê sedema gazîkirina xwe bo hevdîtinekê kir ez cihê xwe şaş ù metelmayî bum. ji ber ku tiştek wesa ji min dixwest ku her tişt ji bilî îradeya min rêvediçu loma min go ez nikarim bêm hem ji ber medreseyê(di med-zehra yê) ku me dest bi bernameya perwerdehîya zarokan a dewra havînê kirîbu hem ji ber semînerên ku serperîştîya perwerdehîyê a mêrsînê amade kirîbu û tevlîbuna min jî bo semîneran şert Bu, ji ber van hecetan min go ez niha neşêm bême colemêrg ê lê çi gava min go neşêm û nikarim bêm, kerbê bavê min vebu bi helwesteke tund emir da min ku bême colemêrg ê digo bila çend roja yekî şûna te bikeve waneya zarokan a medresê, ji bo semîneran jî heceta min zanî û got jixwe betlaneya fermî ye min dîn neke zû here bîletê xwe bistîne bo wanê . min çend seetan ' 'berxwedanek bi heybet' çêkiribît jî ew ji ya xwe nehat xarê û dawîyê go eger tu neyê ji ber ku min sozek daye filankesan ezê êdî nabêjim tu kurê min î.



    Wax jarê ezê lawo bavê min çendî bi qerar ù israr Bu ku niha min xeberê wî kirîye ù ketime rêya colemêrgê bo hevdînekê ku dibe ku jîyana min biguherîne.



    Hey xwedayê min ê rehman tu bike xêr ku hêj ku ev hevdîtin ji bo min hem bi xêr bît hem jî li gorî dilê min bît. Her çendî bi israra bavê xwe ketibime rêkê jî dilê min jî lê heye bo vê hevditînê. Ką bila ev 9 roj xilas bibît hingê ezê encama hevdîtinê û hestên min yên ku ji ber gevera xirabbûyî çêbûyî ezê binîvîsim bo te : rojnivîska tirşîkê. Hîvya xwedê...*



    2016.06.30-21:50 | azad30

    68. piştî 15.07.2016 darbeya leşkerî ya tirkiyê, hêviyên min yên di derbarê kurdistana bakur de, çilmisîn. hêviya min ji gelê kurd heye, ez dizanim wê dev ji berxwedanê bernedin lê ji tirkan ne bawer im. êdî wer xuya dike ku wê her ku diçe paşverûtir bibin û wehştir bibin, di nav sîstemek wisa de berxwedan dijwartir e. bi gelê tirk ve, wê gelê kurd berê xwe ji şaristaniyek hemdem bizivirîne.

    kêm zêde berê li tirkiyê sîstemek hebû, bi hemû kêmasiyên xwe demokrasiyek seqet lê dimeşe, hebû. li ser lêvan be jî, armanc gihiştina asta şaristaniyên serkeftî yên dinyayê bû; ji niha pê ve wê her tişt aloztir bibe.

    dijminek sîstematîk/biduzen ji yê serberdayî çêtir e.



    2016.07.16-23:11 | simurg56

    69. ji duh ve hedara min nayê, natebitim, li ser haleke xerîb im, diçim û têm.

    di nav lîsteya derbekaran de çend kes hene ku ez ji nêz ve nas dikim.

    piraniya hevalên min ên lîseyê bavê wan serbazên payebilind bûn. çûme mala gelekan,min çay û qehweya gelek ji wan vexwariye, demekî ji ber şerê ligel çeteya ulkucuyan hindik mabû min ji lîseyê bikin der, bavê hevala min -serbazeke payebilind bû- di ser min re hat, ji bo min erza midûrê mektebê şikênand tevî ku dizanî fikr û siyaseta min çi ye. nehêlişt bursa min bibirin

    ji duh ve hemû ew bîranînên min di ber çavên min re diçin û tên.

    dikim û nakim dilê min bicih nabe.



    2016.07.16-23:23 [guhertin:2016.07.16 23:26]| endazer

    70. roj û rojnivîska ku ji nûve hêviyan li xwe zîl da piştî vê derbeyê, di dilê minde derbas dibe ewê tiştên xweş bibin.. min îroj jî bi te da dîtin wehşîbûna tirka, te jî dît newsa rojnivîsk çewa pkkê bi bîr dihanîn, digotin pkkê wisa li leşker û polîsan nekir.. lê roj nivîsk Xwedê meriv rezîl bike wihaye, êdî ewê dewlet newêribe bi pkkêre dirêj bike.., ewê leşker timî li hember derên kes jiwan naxwaze xwe li cihê bereday bide kuştin êdî dibêjin bese an ewê kîngê hebe bibêjin, ev serketina pkkêye jî.. bi ya rojnivîskê wê wekî berê ne dome psîkolojîya wan jî wekî a rojnivîskê bûye shorbe ..



    2016.07.16-23:36 | shorbevan

    71. rojnivîska min û xwe ya îro akpyîyan ji nêvzde naskiriye ez cardin bejna teva liber te di tewînim û tiştê te dît ka li rûpela tirşikê jî barkim, herê roj nivîsk xwendno min îro hinek tîşortên Wêneyê erdogan li serê bûn min got ez bibim qada bağcılar'ê bifiroşim herwiha min bir pot li erdê raxist got werinn tîşortaa! 10tl- 5tl tunebe canê we saxbe, du sal garantî... min qirka xwe qelaşt law evan kurê kerêyan kî diçe tê dipirse dibêje belaşe? hînî miqarneyên belaş bûne * ji wan şitrê qey deweta diya wane hertişt belaşe.. yê tê dilê wî heye Bistîne lê tirşikçî wekî hûn zanin tîşort li gorî bedena wan tunene *, yên jin tên bi çarşef.. tîşortên milqol lixwe nakin divê min ji wanre li ser çarşefê çêbikira.. * ez ecêb mam zabita dihatin nedihiştin ez bifiroşim 4 çar cara berî min dan tabî ez rûşûştîme * min ber xweda camêrek min dît got bifiroşe ezê telefonî serokê şaredariyê bikim camêr telefon kir serokê şaredariyê got qedexeye nehiştin gotin em cardin te bibînin emê derbeyê li tîşortên te bikin dest bidin serê.. ez çûm derek din qaskî ma dîsa hatin min tîşortan berhevnekir min got ez belaş didim milletê got na gere tu ji vir herî.. min got dest didin ser tîşorta bidin serê min wisa got wan jî riya xwe nedîtin wan tîşorta newêribûn bivin werhasil Mehmet metiner hat ewtiya, ziriya, reyiya.. ez jî êdî hatim.. werhasil min got belî weka li geziyê xweş bi firoşim nebû tabî min 2 seetande 300 tl karkir.. lê li geziyê rojê 4000 tl ji tîşortên bi nivîsên everyday i am çapûling kardikir.. Rojnivîsk çavê xwe bû şahedê akpyî tev yên xwarinê, yên belaşî û menfaetêne..



    2016.07.17-23:51 | shorbevan

    72. rojnivîska şirîn, îro tişteke ecêb hat serê min* min beriya mehekê ji dikaneke emlakê re gotibû ji min re maleke bêhnfireh û nêzî dibistanê lazim e. eger we yeke wisa peyda kir, hûn li min vegerin ez ê kêfxweş bibim. îro ber bi êvarê telefona min lêxist. ya digerî, kesekî ji emlake bû. got: "mamoste merheba , min ji we re maleke şirîn dît. eger keysa we pê girt niha werin binhêrin." min jî xwe amade kir û derketim lê min nexwast tenê herim wê derê. lewma min got ez ya baş gazî hevalê xwe yê îrfan bikim. ji ber ku him mala wî nêzî wê taxê bû him jî ji karên wiha fam dikir. min telefon lê kir wî hilda lê tişta ecêb wî, min nas nekir û dengê wî jî hinekî cuda dihat. min got ez evîn... baş e ku hatim bîrê * got: "bibore, telefona min xera bibû ji ber wê hejmarên tê de tev jê çûbûn" ( ruhê min ji vê virê diçe. mirov bi durustî bibêjin min hejmara te ya telefonê heşibandiye ez ê qet aciz nebim lê dema wiha tewş diaxivin bêhemdî kenê min tê) min jî got ne mesele ye. piştî kêf halê wî pirsî min got eger guncav bî gelo dikarî bi min re werî ji bo dîtina malekê. wî jî xwedê jê razî, got helbet serçavan û serseran... û me cihek nişan kir ku em li wir hev bibinin. piştî ez hatim wê derê min dît îrfan amîda ber bi min ve tê. min jî di dilê xwe de got çi rasthatineke xweş..* û ez sekinîm, min destê xwe dirêj kirê û got merheba. piştî çend gotinan min xwest xatirê xwe jê bixwazim û min got ez li benda hevalekî xwe me lewma divê ber bi wî ve bimeşim, bi xatirê we.. lê wî bi ruyekî ecêb min dinêrî û got:" va ye ez hatim, ma te negot em ê li malekî binerin?" piştî vê gotinê wek ku tasek ava sar li ser serê min de hatî xwarê min şaş û metel lê nêrî û nezanî dest û piyê xwe daynim kû derê. erê, rast e min ev tişt gotibû lê ji îrfanekî din re* ax rojnivîskê! wekî ku te jî fam kir, min bi şaşî cihê ku hevalê xwe bigerim, li îrfan amîda geriyabû. di rehbera min de du irfan hebûn. hejmara telefona îrfan amîda bi tesadûfekê li cem min qeytkirîbû. ango me ewqas hev nedinasî tenê me çend gotin kiribû carekî û hew. piştî min ev rizaleta ferq kir, bi dilekî mahçûp dest bi lêborînan kir û hewl da ku wî secih bikim. wî ez fam kirim lê ruyê wî de hîn ecêbmayînek hebû. piştî xatirxwastinê ji wir bi reverev hatim û min irfanê din geriya. min dît erê ev irfan ew îrfan e ango ne îrfan amîda* dengê wî siviktir û ji dil bû. me hev dît û min ji wî re tişta hatî serê xwe vegot em gellekî pê keniyan. lê hîn jî dema ew rizalet, tê hişê min fedî dikim.



    2016.08.02-00:34 [guhertin:2016.08.02 00:40]| sergijik

    73. îro ji ber çavên xwe hindik mabû serê min bikeve belayê.

    berêvarkî, li jêr malê, parka bîrdariyê (anıt park) heye, carinan diçim,rûdinim, îro jî çûm, li ser sekûyekî rûniştim, qederekî min serê xwe xist nav tabletê û tiştin xwendin, dû re bêhna min teng bû, min li dora xwe nêrî, ez li dora xwe dinêrim lê tiştekî zêde nabînim, ji ber ku normalde di her du çavên min de jî 3.5 derece miyop û di çavê rastê de jî 0.5 astîgmat heye, ne bi lensan be, derûdora xwe xweş nafitirînim. û ji ber ku çavên min enfeksiyon girtine ev çend roj in ez nikarim lensan bidim ber çavên xwe. axirê piştî qederekî keçikek texmînen sih salî filan hat cem min, bi tirkî go ez ''dikarim rûnim'' min jî go ''belê kerem ke'', paşê go ''em ji kû hevdu nas dikin'', min jî go ''nizanim, ez te nas nakim'', go ''nexwe çima nîv saet e, tu zîq li min dinêrî'' -tirseke şirîn bi dilêmin ket ;) - min jê re behsa nexweşiya çavên xwe kir, min go ji ber lensên min ne li ber çavên min in, ez xweş nabînim, binêr çavên min sor bûne, ji ber enfeksiyonê,filan, go ''temam, min bawer kir'' û ket nav derdên xwe de, baş bû ku telefona min lê da, bêyî ku xatir jê bixwazim, mn xwe jê xilas kir.

    van rojan hew ew parka bîrdariyê hebû, ku berêvarkî bêhna min lê fireh dibû, ew jî çû.



    2016.08.13-00:15 | endazer

    74. îro di rê de pêrgî hevalekî hatim, li cem wî jî hevaleka wÎ hebû, çawa ez dîtim go ez te nas dikim, min go ji kû? go qey tu ne hevalê filankesî yÎ, behsa hevala min a pêşiya niha 7 salan.

    bi qewlê gazala û kemal varol; acıtan tesadüflerin sesi: mutluymuş! sihûda pîs!



    2016.08.20-01:00 | endazer

    75. îro li ofîsa ku carinan ji bo wan projeyên mekanîkê çêdikim min xanimek nas kir, bi tesadûfî mijar li ser tirşikê vebî, dema diştexilî û dor dihat ser bilêvkirina dengê k xanimê du sê caran dengê xwe di dilê xwe de necerribandibûya min hîç ihtimal nedida ku kurd e û bi kurdî dizane. ez dirêj nekim, piştî behsa çend çend nivîskarên wekê simurg56, elegez, ceso.. kir go yekî bi navê endazer heye, tu yê bêjî qey ji bo dewletê dişixule, hemû karê xwe kiriye reşkirina partiyê ;)

    min kir û nekir negot ka di tirşikê de dinivîse an na, min jî jê re negot ez endazer im ;)



    2016.08.27-00:05 | endazer

    76. rojnivîska endazer tê de nivîsî.



    Erê , ez îtîraf dikim ew xanim ezim !



    2016.08.27-09:04 | mijdar

    78. îro di twitterê de peyamek hat ji minre yek kurd bû û got min hesaba xwe bigire kero...

    ez navê xwe yê rastî bi kar tînim û wêneyê min jî ya rastîye, di van roja de min hin tiştê sîyasî jî parwe dikir , faşîsta kampanya daye destpêkirin û min ixbar dikin EGMê...



    min wêne û navê xwe guhert lê dîsa haya wan jê çêbû dûvre min hesaba xwe girt.

    nizanim çiyê bê serê min , heqê xwe helal bikin .



    2016.08.28-11:56 | mijdar

    79. pêşniyar ji bo mijdar:

    1- hesaba xwe ji bo hemû kesan veşartî bike. ger hesaba te ji bo xelkê vekirî be, wê demê hevalekî te yê tirk/faşîst te îxbar kiriye. hesaba xwe ji bo kesên wisa jî bigire.

    2- parvekirinên xwe yên sîyasî jê bibe.

    3- tu van parvekirinên xwe jê bibî jî, google van rûpelan arşîv dike û ger bê xwestin, dikarin werin dîtin. ji bo ku van tiştan ji bîra googleê jî jê bibî here vê rûpelê Here lînkê. di vê rûpelê de lînka parvekirên xwe yên sîyasî yek bi yek binivîse û daxwaza jêbirinê jê bike.



    ger berî dozvekirinê ev 3 xal werin kirin û bikevin meriyetê, êdî tu kes nikare delîlek peyda bike. screenshot (kişandina wêneya ekranê) divê nekare bibe delîl. ji ber ku ez niha jî dikarim li ser navê te screenshotek bi hêsanî amade bikim.



    2016.08.28-12:20 [guhertin:2016.08.28 12:20]| simurg56

    80. Spas simurg56 , tiştê té gotî min ne kirîye ,min hesabê twitterê girt divê 30 roja ez nekevim twitterê.



    2016.08.28-13:46 | mijdar

    81. pêkan e ku tişteke nexweş were serê te loma weke li jor hatî gotin divê tu demildest tiştna bikî. îxbar kirina egmê niha aktîf dişixwile loma tu tiştên li jor çiqasî bi lez bikî ewqas baş e. weke din di telefon û komputera tede çi tiştê dibe ku weke delîl bê bikar anîn demildest paqij bike. çiqas şifreyên te yên li telefon û komputerêde heyî paqij bike, bila otomatîk nekeve tu tiştî. dîroka kom û peyamên xwe yên whatsapp û peyaman kontrol bike, tişteke xeternak hebe hemuyan paqij bike. ku parve kirinên te têrê neke jî wê piştî girtina te tiştna ji telefon û komputera te û malbata te peyda bikin. van tiştan li malbata xwe jî bide kirin. xwedê bike tişteke nebe, ku nebe sedem ew e ku te wextêde wan tiştan kiriye, ne ku pê neketine.

    (bnr: lêpirsîna fetoyê)



    2016.08.28-13:58 | azadixwaz

    82. hevalê mijdar hê jî van tiştê diqewimin dibêqey henek dibîne wisa wêreke navê xwe yê rastî bikartîne û propagandaya pkkê dike.. îro dem ne dema wêrekbûnêye meriv xêra bavê xwe çemû çem diçe, divê meriv aşkere nebêje ez kurdim, fetome... jixwe nehewceye jî divê tam tersê wî meriv xwe wekî wan nîşanbide û meriv li serpişta wan nanê xwe bixwe, hetanî hinek rewş aram dibe anjî ji binî xerab dibe.... werhasil hevalê mijdar wekî simurg56 jî gotiye kombers û telefonên xwe yê te li serê hesabê tiwitter û facebookê bikarhaniye ji holê rake, veşêre dema ku tişt bû hatin bibêje hesab fakeye/sexteye, an înkar bike bibêje montaje, ligorî zagonên wan te li ser sûc girtin jî divê teqez tu li xwe daneynî dibe ku ceza tunebe lê berî wî divê meriv nekebe destê wan qanûnên wan ew çewa bixwazin wisaye bigrin bigrin, bikujin bikujin.. ji derdora xwere bibêje(navê xwe yê rastî ji simurg56re bibêje) dema tu hatî girtin bibêje berpirsiyar evin dema haya kesî ji girtina meriv tunebe serê meriv hindadikin û dibêjin me wî nebiriye.. ezê bibêjim ger yê hevalê mijdar rewş zêde cidîbe bira xwe veşêre nede dest(here welatek din: Kurdistana Başûr), lê miro dibistan jî dixweyne, divê bilez here di akpyêde bibe endam û bibêje jiber ez akpyîme cemaetê li min gilîkiriye Wêneyên wan montajin... herwiha hewqas tirs bese ji mijdare hêjare, xwedê neke dema ku bê girtin teroru ovmekten ewê hinek dihebsêde bimîne ewê bi savar hinek qelew bibe *



    2016.08.28-21:16 | shorbevan

    83. (bnr: we hundirê lawik qetand bes) *



    2016.08.28-21:23 | biaqila malê

    84. dil bêhedan e, bêhedar e, dil bêhal e lê rojnivîskê!



    2016.09.06-12:42 | xendekî

    85. Eva hefteyek e bû çar şev, jineke ru spî, por qehweyî û bedew tê xewa min bi dengekî nerm va ji min re hine tişta dibêje lê ez tu tiştekî fehm nakim :( tenê ez fehm dikim dibêje min da were.

    ev jinik kincekî bi çiftexasê spî xwe kirîyê û milê kincê wê jî heta zendê wê ne û fireh in.

    piçekî dişibê cîya min û xewnê de ez tu alîyî va jêra tiştekî hîs nakim.

    tenê ez bi çavên vala lê dinihêrim û bona rabûnê jî tu tiştekî nakim.



    ecêêbb û sosret..



    (bnr: dibe ku tesira zarokatiyê da temaşekirina stv yê be jî) *



    lê dîsa jî çima ez xewneka aha dibînim geloo?



    2016.09.08-23:08 | hozan serhad

    86. dûh mêvanekî min ji wanê hebû. camer ev weke sal û nîveke li antalyayê di otêlan de mîna kafiran dixebite. ji xwe re nikare du quriş pere jî berhev bike. lê hatiye ji min re dibêje "ben doğuda yaşayamam, doğuda hiç bir şey yok". yanê "ez nikarim li van deran bijîm, li van deran qet tiştek tuneye". wê demê şêytîn ji min re got "kure pehînekê lê bixe, sîktir bike bila bicehime here". lê paşê min dîsa nalet anî û mevanperweriya xwe kir.



    2016.09.09-10:50 | nazim tolhildan

    87. rojbaş rojnivîskê
    beyanî be xêr
    îro 23ê meha kewçêrê ya sala 2016ê ye. ji rojan yekşem e. emro zanîngeh tune ye, spartek tune ne, plan nîn in; seet bûye 11:00ê nîvro hê xewde bûm.
    rojeke xweş e yanî; ji qîrevîj û qareqara sedsala 21ê herkes kerixîye, lê yek ji me nikare bêje ka bise yaw, ev çi heyat e; em çi insan in, herrooj şer şer şer şer şer şer, kuştin, teqîn û dagirkerî. em nikarin berê xwe bidin marsê jî, ku biken pismam; avgîrek e jiyan.



    2016.10.23-11:21 | xendekî

    88. Şevbaş rojnivîskê!
    îro jî derbas bu ji jiyanê! Jiyaneke bê bêhnvedan mirovî aciz dike. Dinyaya her roj felaketeke nû nîşanî me dide. Te dî her tim tê gotin wê ev roj derbas bibin lê nizanim rojnivîskê ka wê bi rastî derbas bibe!



    2016.10.23-23:20 | azadixwaz

    89. wey rojnivîskê, me go merheba?
    ev roja 4a ye a ez tusê dişixulim. min îro rekora şikenand û 2 saetan şixulîm :/ *
    werr here ez ê di 40 saliya emrê xwe de têkevim beşek asîstaniyê..
    qasî min îro li tirşikê neriye min li pirtûkên tusê bineriya kessîn minê vê nîsanê tiştek derxista *
    welhasil îşev bes e.
    de hadê vê gavê bi xatirê te..



    2016.10.23-23:40 | berxweda

    91. waa rojnivîskê, min got ka ez slavekê bidime te. lê mixabin ez bikêr nehatim kû tişteki rast binivîsim. min tevlîhev kir û dev jê berda. ji bo wilo nehêjaye werê xwendin jî , lê dîse va ez ji bo xwe parve dikim, ne ji bo xwendinê.


    evîndarî jî zîndaneke ku fikr û raman, mêjî û dil têde tê asêkirin û fetisandin. çav kor dibe, guh jî kerr dibe. mirov dibe qereçiyê xeyaleke dûr û mij. însaneke biçûk weke çîyayekî mezin û gewr dibe, tu jî bi rizaya xwe dibe seyê biska pora wê. heyf û heyf.

    -hal ew e ku ; ne ew wilqasî mezin e, ne jî tu wilo biçûk î. tu ne reşê reş î, ew jî ne spîya spî ye. .
    -na loo , ev nivîsên wisa ne li gorî min in. ez kîîî, xweşgotina karên dil kî.
    -ev çi hale vêca kuro , de raze. dev ji îşên boş û belaş berde.
    -ez jî nizanim wela. serê min tevlîhev bû ye.
    -ma çiqasî xerîb e ku ...

    -min dîîîît...... withdrawal syndrome. erê erê ev e.

    -di nav xemgînî û bê dengiyê de ev çi qîr û qîrîn e. ev çi qiyamet e.

    -peyv difirin, qîr xwe soba dikin, noqa diavêjin. hêvî kirasê min bû...

    -nîvê wêne reş e , nîvî jî spî ye.
    -av zelal, xwîn sor e
    -xwê şor, şekir şêrîn e.
    -çûk difire, gulîlk bêhnê divedê

    -schoole, schûl, schule

    -gelo we jî biçûçikayî nanê ava bacana dixwar?



    2016.10.24-01:56 [guhertin:2016.10.25 16:11]| gumgumok

    92. dilê min ar girtiye û şevtiye. wallahî tû nizanî.



    2016.10.28-05:55 | cinorek

    93. silav rojnivîska delalî
    îro jî berêvarkî li malê tenê me. hingî tişt he ne, hingî bûyer diqewimin êdî mirov bi xwe re nabîne binivîse; ev çi heyat e ku em pê evqasî diwestin!
    ji girînê diwestin
    ji bazdanê diwestin
    ji vexwarina avê diwestin
    ji nivîs û xwendinê ji axaftinê
    ji rêveçûnê ji guhdarkirinê...
    westand, westam, diwestin, westiyayî, westaye...



    2016.10.31-17:13 | xendekî

    94. Ev ji heyvek û nîvê zêdetire ez li amedê me...
    Lê min tu tişt ji vî bajarî fêhm nekir ji ber ku ez ne gerîyam, heta evarî bi tenê runiştim, niha jî li zanîngehê tenê me.

    Wek xendekî gotî , ez jî westîyame , diwestim lê nizanim sedem çiye.

    Haa lê ev sê çar roje hewa hinekê sar bûye û baran tê... Ez ji bo wê hinekê kêfxweşim.



    2016.11.01-15:05 [guhertin:2016.11.01 15:06]| mijdar

    97. duh min di facebooka xwe de lîsteya kesên ku daxwaza hevaltiyê ji min re şandine nêrî. tê de mirovek hebû ku qet hevalên me yên hevpar tunebûn û min nas jî nekir. lê min mereq kir û profîla wî nêrî. mêrik li stenbolê di lîseya eyüpê de mamoste bû. paşê hate bîra min ku berî 12 salan di lîseya eyüpê de salekê ketibû dersa me ya matematîkê. min ew nas nekir lê wî ez nas kiribûm. min jê re peyam şand: "mamoste 12 sal derbas bûn, te çawa ez ji bîr nekirim?". wî got: "hin xwendekar hene ku qet nayên ji bîr kirin"* bi rastî pir xweşa min çû kêfxweş bûm.



    2016.11.13-14:28 | nazim tolhildan

    98. duh tiştek ecêb hat serê min;

    weke hûn dizanin ji ber sedemên teknîkî ev nêzikî heftiyek e, di tirşikê de problem derdikevin. ji bo ku barê tirşikê sivik bikim, min servîsek nû ya hostingê/ kirê kir. min vê carê ji şîrketa godaddyê standibû. herdem ji malperên biyanî distînim, ji ber ku ji tirkan bawer nakim.
    neyse. problemek hebû û diviyabû ji servîsa teknîk ya şîrketê bipirsim. berî 3-4 rojan min telefonî nimroya wan ya amerîkayê kiribû û bi îngîlîzî alîkarî standibû. paşê min dît ku li tirkiyê jî telefona wan heye. duh min got ka li servîsa tirkiyê bigerim.
    min telefonê kir, jinekê telefon vekir. min jê re mesele got û agahiyên xwe dayê. dema ket hesaba min, got tirşik.net? hahaha, çiqas komîk e. û bû tiqtiqa kena wê. demek dirêj keniya. dema hişê wê hat serê wê, got we çima navek wisa lê kir. min got hal û mesele ev e. got ez jî ji amedê me. piçek bi kurdî fêhm dikim, ji tirşikê jî hez dikim fîlan û behsa xwarinên van deran kir.
    min got xêr e xweha min, wextê firavînê jî derbas bû ma tu birçî yî?
    got, ez li îrlandayê me, li vir saet hê 12 e, yanî wextê xwarinê ye û vê carê behsa nexweşbûna xwarinên îrlandayê kir.
    paşê ji min xwest ku malperên di derbarê çanda kurdan de, jê re pêniyar bikim. paşê di hesabê min de dît ku turkcekurtcesozluk.com jî aîdê min e. got ez ê navê van malperan qeyd bikim û bişopînim.
    welhasil piştî ku me bi qasê 15 deqeyan behsa tiştên wisa kir got "problem çi bû?"

    xanimê di nava çend deqeyan de problemê jî çareser kir.



    2016.11.24-19:34 [guhertin:2016.11.24 19:35]| simurg56

    99. îro ji bo hevdîtina kar (employment interviewing, iş görüşmesi), çûm fabrîqeyekî. di hevdîtinê de xanima di departmana human resources (insan kaynakları, departmana ku karkeran digire kar) ji min pirsî tu bi erebî jî zanî, min got na, lê ya rastî dema ez biçûk ligel dibistana seretayî û ya navîn ez diçûm medreseyê jî û li wir nêzikê 5 salan min dersa serf û nehwê jî xwendiye (yanî gramera erebî) lê ji ber ku di ser re nêzî 15 sal borîbûn û ez hîç bi ser de neçûbûm û lê nexebitîbûm, min ji ser guhê xwe re avêjt, xwe le nekir xweyî û got nizanim.
    paşê li ser rêya vegerê li erebeyekî siwar bûm, di erebeyê de hema bêje rêwî tev ehlê surî bûn. hemû jî kurdên idlîbê bûn, kurdên behrê bûn, lê yekî jî bi kurmancî nedizanî. di nav rêwiyan de jineke diyarbekirî hebû, çav berdabû ser keçeke biçûk -texmînen 10 salî, zerî, çavşîn û xwînşirîn- jê re bi tirkî û bi îşaretên desta digot were bibe keça min, ez te bibim malê, xweyî bikim, keçikê û jineke pîr ya li cem keçikê bi erebî diaxivîn û digotin na lê bi serê hev nediêxistin. ez dirêj nekim wê gavê min fêhm kir ku ez pirraniya axaftinên wan fêhm dikim, heta cihê ku lê peya bûm, min tercûmanî kir, û bela jinikê ji keçikê vekir.



    2016.11.25-04:20 [guhertin:2016.11.25 04:25]| endazer

    100. Cer



    2016.11.25-19:38 | simurg56

    102. Wê rojê cara yekem min bi binnivîska kurdî fîlmek temașe kir. Ez çawa bêjim... Ta'ma wê gelekî xweș bû. Zarokatiya min hate bîra min.



    2016.12.10-09:09 | gumgumok

    103. carê min dixwest bibime hackerekî bikêrhatî. Lê mixabin Niha bi tiliyan li tîpêk klavyayê digerim.

    Erê erê felekê xayînê...



    2016.12.25-13:10 | gumgumok

    104. bûm tirşikvan * pir şad û biheyecan im. hêvîdar im ku li vê ferhenga interaktîfa kurdî ez zimanê bav û kalan ê min azadane bi kar bînim. ev ji bo min tiştekî pir muhim e.



    2016.12.26-00:22 [guhertin:2016.12.26 22:38]| heyf

    105. niveşeveke li amedê ye niha. derve dengê bombe û çekan tê.. kî dizane aniha xwîna kê diherike..

    îro ez li nav sûrê digeriyam, nişkava dengê gumîna bombeyekî hat. milet çavên hev nihêrîn du-sê deqeyan.. Û paşê qey tê bêjî ti tişte nebûye berdewam kirin.

    -abê werne sêva! Werne sêva

    min milê qoçixê xwe bêhn kir. Hê jî bêhna xwînê lê dihat!
    erê bêhna xwîna merivan.
    duh ez û hevalekî xwe em dîsa li nav sûrê digeriyan, em ê biçûna mala dengbêjan, me dêna xwe day du mêr lihevdixin.
    sê-çar jin li wir bûn lê kinnedikirin nikaribûn wana li hev veqetînin.
    De neyse em ketine navçitîyê û me ewna li hev dûr xistin.
    netika yekî diriyabû û wek kaniyekî xwîn divîzikî.
    min ser û çiyê xwe nihêrî ev çi bû!
    kincên min serî heta binî di xwînê de mane.
    xwîna wî mêrikî rijiyaye li ser kincên min.

    wan jinan de yekî gazî me kir û em çûn hindirê malê da ku em kincên xwe paqij bikin.
    maleke feqîr bû. Hevalê min destê xwe çawa avîte kaniyê! kanî wek borîyeke mezin a teqiyayî av li ser min da vîzikand.
    ez di nav xwîn û avê de mam.
    em çûne cîhekî din, min xwe ziha kir vs vs..

    min montê xwe du caran şûşt lê hê jî bêhna xwînê lê tê. ew bêhn ev bêhn e.
    ez duh va dibêjim wey bêhna xwînê li hemû diyarbekirê têt.
    ji xwe ma ne wisa ye?
    li her derî merivên biûnîforma! Bêhna xwînê ji wan tê.
    bêhna xwînê ji awirên wan tê.

    erê! ezê dîsa nefeseke mezi kaşê cegerên xwe bikim û bêjim: nizanim yaw.


    îşev:
    Îşev dîsa li ser înterkostala min re hesteke xerîb xwe diçirisîne li nav dilê min.
    ev dinya birastî jî bêbext e.
    ez wek zarokekî pêşeroja wî tarî me li nav mêrgeyên şevtariyan de.
    bêpar im, li ser qirarê dilê xwe yê par im.
    hine caran dîn im, hine caran kêmaqil.
    carna zarok im li nav xeyaleke spî de.
    carna jî aqil kemal im hemberî cahilan.
    Lê îşev dîsa birayê bêpar im.
    nexşeya welêt bûye sed parî lê parek nabe para me kurdan!
    hez û evînî bûye milyon parî û li dinyayê belav bûye.
    lê parek nabe para vî gelî!
    ...
    ez murekkebek bim, li ser sîpanê wek nivîseke azad werim nivîsandin û berfa sîpanê li ser min de bihele û min li vê dinyayê biheşibîne û biçirisîne nav axê.
    An mirineke wisa nemumkun e?

    bes e yaw ez westiyam.
    dibe ku ez qet neçibûme li wî bajarî...



    2017.01.11-00:48 | hozan serhad

    106. Ka werin tirșikvano ka werin. Cihê xwe xweș bikin û çayeke kaçax dagirin, bihisênin:

    Pêrar keçikikê li ser facebookê peyamek șiyand ku ez dixwazim tibê bixwînim û hinek agahîyê derheqê bijîșkiyê bistênim. Min got baș e, kerem bike. Wê salê îlahiyat standibû lê dixwest dise bikeve ezmûnê û tibê bixwîne. Gelek caran bi vê awayê pirs dikirin. Werhasil hêdî hêdî em bůne heval. Ida ji xeynî dersan me behsa gelek tiștan dikir. Birastî jî hevaleke baș bû. Yeke nimêjker bû jî, pêçayî bû jixwidêtirs bû. Bi peyaman hevaltiya me dimeșî. Salekê du salan wisa dewam kir. Piștî wextekî Êdî min fêhm kir kû hêdî hêdî meyla xwe daye ser hêstên evîndarî,lê bilêv nedikir. Ji xwe min jî ew rê, jê re nedivekir. An jî min vekirbê jî ez ne bi wê niyetê bûm. Min ne dixwest ku têkiliyeke wisa dest pê bike. Carinan min xwe jê dûr jî dikir.

    Werhasil piștî hilbijartinê bi henekî pirsî got ma te raya xwe daye kê. Min bersiv da. (ew cara yekem bû ku me behsa siyasetê kir)

    Pirsa wê sê peyv dihewand, bersiva min sê tîp dihewand. Ji min bawer nekir. Dîse pirsî, min dîse ew bersiv da. Dîse pirsı...

    Piștî ku fêhm kir ku ez ji dil rast dibêjim, dîn û har bû. Çavên xwe miç kir, devê xwe vekir û da ber sêf û xeberan. Tê bê qey hemû fitne û fesadiya tirkî ji bin serê min derketiye, tiștek nema ku ne gote min. Xwe winda kir. Ew keçika hirr û mûnîs winda bû, yekê xwe windakirî hatibû.

    Min ji xwe re got, ji bona xatirê hevaltiya salekê ez devê xwe jî navekim. û min gotiyê oxira te ya xêrê be. Wê got " ez duayên te jî naxwazim."

    Erê erê pirs sê peyv, bersiv sê tîp û qutbûn ew qutbûn.

    Fesuphanallah, ma çiqas însanên bê heqıqet hene, ma çiqas siyaset çavên xelkê korr dike, welew kî mirovne baș jî bin. Halbûkî însanê hêja hêjaye. Qedr û qîmet ne li gorî rayekê û siyasetê ye. Birastî jî însan gelekî nankor in. Bêdewletin. Tiștên hêja belaș difiroșin. Mișteriyên tiștên belaș û bêqîmetin. Elmasekî bi heqê camekê difiroșin. Em însan Pir xafilin. Heyf û sed carî heyf.



    2017.01.30-20:42 [guhertin:2017.01.30 20:53]| gumgumok

    107. ev çend car in tiştek wisa tê serê min;;

    dema gelek keyfa nexweşek ji min re were duayan ji min re dike û paşê serê van duayên wan digihin dewletê jî. wê demê nizanim çi bibêjim.
    duh bi şev, apseya nexweşek gelek xerab bû û dinaliya. piştî ku wî wextê şevê ez ji mal çûm û min apseya wî vala kir, rihet bû û got "xwedê ji te razî be" min jî got "spas. ji te jî razî be" paşê got "binêre li vê nimeta xwedê" (yanî vî wextê şevê, rihetbûna wî) û dewam kir "xwedê ji dewleta me jî razî me". dema wisa got, min xwe kir kir û tiştek negot. ew jî sekinî paşê got "xoce tu ji ku yî?" min got "sêrt" û êdî wî jî min jî dengê xwe nekir.



    2017.02.13-20:02 | simurg56

    108. * gelek caran biryar pir hêsan e. Lê dema ku biryar dikin ku werin cih, Tirsek dikeve dilê yekî de. Heke ez xelet bim? Heke ew der bikêrî min newê? Heke ez bikevime rêyeke șaș? Heke ez poșman bibim?

    * bêbiryarî zor e wela. û ez niha nizanim di derheqê mijarekê de çi bikim. Xwezî bi awayekê dilê min safî û zelal bûbana. Da ku bêhna min fireh bibe.



    2017.02.13-22:16 | gumgumok

    109. Şeveke birakuj e
    bira bira dikuj e
    ewên hun dikujin bira ye bira!
    teraziya dilê min xera bû yaw!
    zilma neyaran ne besî me ye îcar em hevdu ra jêhatî bûne!
    her kesî tawanbarek dîtiye û wî aliyê din sûcdar dike.
    nîvekî me xwe bi tirkî diparêze, dawa azadiyê dike..
    nîvekî me pişta xwe farisan ve, nîvekî me rûsan ve girê dide.

    ey welat!
    tu çima deng nakî?
    axa me xwîna sor,
    çavên me ji heqîqetê re kor,
    dilên me mifteya bindestiyê ve zirze bûye.


    hêlek min bibe par
    hêlek min bibe sar
    hêlek min bibe ar
    star nabim ji te
    ey welat!
    me bisitirîne
    me bisitirîne
    me bisoje jî
    lê idî bisitirîne!



    2017.03.03-23:52 | hozan serhad

    110. weke hergavî boş û beredayî ye. Dîsa jî derbas dibe.



    2017.03.04-23:27 | mircembeli

    111. Xelkê silêmanî birastî jî camêr in. Qedr û qîmetên mêhvanan zor digirin.

    Rojekê li silêmanî li mêhvandariyê bûm. bû behsa soranî û Kurmancî. Min jî behsa Kurmancî dikir. Werhasil nizanim ji bo çi bû, min jî Mînak da :

    - ker û kêr, du peyvên cuda ne. E û ê....
    + ( hemû pevre kenîn)
    - ker û kêr?
    + ( dise hemû kenîn)
    -ker? Kêr?!
    ( law ev ji bo çi dikenin vêga!)

    Hevalekî soran û Kurmancîaxev dikenî û hate cem min, tiliya xwe rakir û hêdîka got :
    - kuro wateya "kêr " di soranî de "kîr e".
    Waweylê! Eybiya reșê!

    -?
    - îda em tevde kenîn. Kenê wan sekinî lê ez hê jî dikenîm *



    2017.03.05-11:22 | gumgumok

    112. Silav rojnivîska birçî. Iro ev sê care ku ez wateya a dinivîsim û pêl bișkoka bișîne dikim, lê mixabin her carekê tirșik min ji tirsik.net'ê tavêjê der. Îda ez dîse têketinê dikim lê dîse heman pirsgrêk dûbare dike.

    Gelo berî referAndûmê tirșik min hișyae dike *

    Not: a : erê ,, belê, erênî. Dijwateya na



    2017.03.31-16:48 [guhertin:2017.03.31 19:46]| gumgumok

    113. Rojnivîska delal , ev cara ewiliye ez ji te re dinivîsim. Ne baş im rojnivîsk. Beecîm , betilîm , dilê min diêşe. Ez zanim kî bêje çi ev êşa min kêm nabe. Tu gotin nikare ji derdê min re bibe derman. Hey şeva me ne baş e bila ya te baş be. Bi xatirê te rojnivîsk.



    2017.05.10-00:46 | biaqila malê

    114. Merhaba rojnivîsko,
    Me îşev twitter tirşikand, her der bû tirşik.
    Me dîsa li taga #NavêFîlmanBiTirşikêBiguherîne nivîsî. * pirr kêfxweş bûm. û bi xatrê te! *



    2017.05.10-01:51 | xwelî li ser

    115. wê rojê ez gavên bi lez va di nav çarsiyê da dimeşîyam, rojnivîsk hate bîra min. Mi go erê, jiyana min a bêhest û sar û xar da tişteke qeydkirinê tine ye.
    Lê eva sê roj e bûyerek çêbû îro dibe nesîb ku binivîsim.

    sê roj ewil sibêzû wek hero ez dîsa diçûme kar, di nav aveke piçûk û genî da masiyek diçû-dihat.
    Ez şaş mam. Pêşîyê min go qey xewn e an jî xeyal e. Lê na! kûrahiya ava genî herî zêde 9-10 cm bû. Ev kortika şûna tekerên wesayîta va çêbibû. Êvarê jî şilî barîbû av têda kom bibû.
    Lê masî kû hatibû gelo?
    Masiyeke mezin û gewr bû.

    ez şaş mam û min masî seyr kir.
    masiyê ferq kir ku ez sekinîme wê temaşe dikim, ewa jî qederekî sekinî paşê dîsa çû-hat xwe di nav ava genî da çeliqand.
    min destê xwe va çavên xwe givaşt lê na masî birastî jî masî bû û li wir bû.
    gelo ev mesî ji kû hatibû vira? An kê/î anîbû danîbû nava vê ova genî? helbet însanekî eva anîbû xistibû nava vê avê. Lê çima?

    dilê min ra derbas bû min go ez ê wê masiyê wira derxim û biherim bavêjime nava çemekî.
    Lê min wisa nekir. Mi pişta xwe da masiyê û ez çûme kar.

    Ew roja heta êvarê ew mesîya hişê min da bû.
    Ez êvarê kar derketim wira ra derbas bûm lê mesî wira tunebû, av jî kêm bibû.
    Jixwe eger wesayîtekî wira ra derbas bibûya tiştekê bihata serê wê.
    dilê min ji bo masiyê şewitî. Min dikaribû ew masî bibira bavêta nav aveke mezin, şolî û temîz.
    Lê min nekir.

    dibe kû ew masî ez bixwe bim jî.
    Di dinyayeke şolî da ......................

    Lê ku masî avê derkeve wê bimire.
    Lê ku masî avê derketa wê bimirîya..



    2017.06.07-00:01 [guhertin:2017.06.07 00:13]| hozan serhad

    116. Hevaleke min Mehmet, erzînganê beşa mamostetîya zanistên civakî xilas kir atamayê wî çênebubu ev sal çend meha mamostetîya peretî kir piştî hingê bi hatina polêsan a ser mala wan de neçar ma çu eskerîyê , piştî hingê xêr û silamet ji eskerîyê vegerîya hate mala xwe.
    min îsal meha remezanê 3 hevalêt xwe ku nav de Mehmet jî hebu gazî fitarê kir piştî fitarê behsa eskerîyê rezîlî û gemarîya wêrê kir hinek şîreta li me kir çêr û nifir eskerîya mecburî ya tirka kir çayê xwe vexwar tevlî heneka bu, ser îslamê û ser sîyaseta kurdîstanê axift carna jî guhê xwe da axaftinêt me dûre dema rabûnê jî spasîya xwe kir û gel her du hevalên dî ew jî rabu çu mala xwe. Ha min bîra kir binîvîsim Mihemed 28 salî bu dayîka wî salek berê niha emrê xwedê kir( xwedê cihê wê bike biheşt) feqîro pir li ber mirina dayîka xwe kevtibu. 5 roj berê ez û xanima xwe nava parkorman ê rêvediçun mihemed li gel her du hevalên dî rûnîştîbun erdî dendik dixwarin wê navberê me ji dûr ve silav da hev bi telefînê hevdu re me axift hal û rewşa hev pirsî paşî mihemed gazî me kir got werin hûn jî dendik bixwin me spas kir û ji ber ku karekê me hebu me neşîya em herin ba wan me ji wan xatir xwast em çun.

    Îro danê nîvro min telefînek vekir bo hevalekî min halê wî pirsî ew jî got ez nav şîna pismamê bavê xwe me min jî dua kir û cihê şînê jê pirsî
    Û hevalê min cih tarîf kir û wiha got
    " Bira Mihemed jî rehmet kir..."

    Min ewil got belkî nasekî mihemed emrê xwedê kirîye min nava otobûsê qêrîn kir çîyê wî ye? çawa mirîye? Çima mirîye? kengî mirîye? Pirs li dû hev ketin axirî min xebera reş girt "Mihemed emrê xwedê kirîbu" çi nexweşîyeke wî çinebu, cigare , eraq tîryak mîryak tiştek bi zerar û talûke ne dixwar û ne vedixwar nedikêşa doh ne pêr êvarê ( atamaya wî çênebubu loma li dörtyola hatayê şantîyeya tokî yê de dixebitî ) ji kar hatîye nişka ve destê xwe avêtîye gurçîkêt xwe û kirîye qêrî "gurçîkên min gurçîkên min" wî gavê de hevalên derûdorê ser serê wî kom dibin ewil dibêjin tiştek asayîye lê halê wî giran dibe radikin nexweşxanê di rê de şûûra xwe winda dike hinek tişta diaxive çavê wî mezin dibe dema digehijin nexweşxanê bijîşk çiqas mûdahele kiribin jî naête ser xwe çend seata ser disekînîn lê dûmahîkê seet 4 û nîva siharê emrê xwedê dike
    Bijîşk gotîye ceger gurçîk hemî îflas kirîye ew jî şaş mane lewra radikin otopsîyê "mirina bi guman " dinîvîsîn ser dosya wî îro em heval hemî me şok derbas kir me hemîya ji hev du pirs dikir mirovek ku heta grîbek jî derbas neke çi gazindek çênebe çi nexweşîyek derbas neke çawa du sê seeta de dimire yanî Mihemed heta 3 roj berê ji me hemîya jî saxtir jîrtir û keyfxweştir bu lê niha di goristana yenîköyê de nav axê de hatîye veşartin.
    hey Xwedayê mezin tu mirinek bi îman bo me bike nesîb tu Mihemedê hevalê me efû bike rojî û nimêjêt wî taat û îbadetêt wî qebul ke wî bi rehma xwe şa bike sebr û metanetê bo malbata wî bide.



    2017.07.27-01:04 | azad30

    117. ez niha te re ji wexta referandûma serxwebûna kurdistana başûr dinivîsim (bnr: 25.09.2017 referandûma serxwebûna kurdistana başûr).
    nizanim yê paş wê referandûmê çi biqevime. belkî tiştên xirab jî çêbin. her çi dibe bila bibe, niha ji bo min û ji bo hemû kurdan helecanek mezîn heye.
    min her tim xeyal dikir ger ez dema komara mahabad hebûma çawa dibû. e nûha komara me cedîd li rê ye.



    2017.09.23-18:25 | cinorek

    118. xewa min tê lê ez dikim nakim nikarim xew ra herim..
    bêhna min teng nîn e lê fikr di hişê min da zehv in. Bawerkim loma nikarim xwe nîvmirinê daynim.
    lê sewa çi ye evqas fikir, hesab, geremolî, trafîka jiyanê, çûyîn, hatin.....
    ?
    yanî çi?
    sewa çi?

    Murathan Mungan, melayê Cizîrî, Hesen Zîrek, Geometrî, Şêxê Sen'an, Instagram, projeyên statîstîk, Ahmet Kaya, Atilla îlhan, axaftinên li ser helbestan, faiz problemleri, Messenger, xeberdanên li ser feqîrtî-zengîntiyê, Mele Ebdullahê teraşî, payîz, çarşef, Parka şaredariyê, navçeyên Agirîyê, eskerîyê ma salek, afedersiniz bey efendi çantanız açık kalmış da dilerseniz ben kapatabilirim, keko devoka serhedê de em jê ra dibêjin "alîyê kalî?" yanî "kîjan alî?".....
    sen kürt asıllı mısın?
    -hayir, kürt asıllı değilim, kürdüm.
    -yanî tu kurmancî zanî e?
    ...
    getirdin mi anahtarı?
    abi ofiste tek başına çalışmakla olmaz bu iş.
    ...
    kurko dîno ewrê reş e li ser çiyan e..
    te qe îro çi kir?
    mala me ber mala we ye tb tenê sebra min bi te tê,.. yaw ez timî dewama van herdû strana bîr dikim.
    -tu van roja her tiştî ji bîr dikî. Te îro jî li ser derî anahtar bîr kiriye tu çûyî.
    ez wek berê bûme erê.
    ...
    afedersiniz şimdi hangi sayfadaki şiiri okuyor?
    134.
    teşekkür ederim. Kitaplardan kalmadı mı?
    maalesef, yarınki etkinliğe gelirseniz alırsınız.
    tamam.
    ....
    min sibê zû da tişte nexarîye mamoste.
    kuro tu çima wisa dikî heyfa te.
    ..ku ez hatime Stenbolê, ezê te kêr bikim welle.
    ...
    keko vîllage çawa tê xandinê?
    yaw tu çi dikenî? Ez nizanim ha! Vîlleyç? An vîlliç?
    Whose? (Wos?)
    yaw dewr dewra nezanîna min a îngîlîzîyê nîn e haa her kes idî inglîzî zane.
    divê ez hîn bim ji min re şerm e.
    Nekenee!
    ...
    -keko, tu ji şevan hez dikî an bi rojan?
    -ew çawa pirs e?
    -bersiv bide..?
    -ji rojan hez dikim, tim ronahî ye. Lê tu?
    -na ez êvaran hez dikim. Xazika şev dirêjtir bûyana. Şev xaş in.
    ...
    hinneya destê te jê çû?
    na iha hê sekinîye.
    ezê dîsa bikim.
    ....
    te dît kurê mam Celal çiqas xaş bi îngîlîzî dipeyive.
    ..te pirtûk xand, ji min re rexneyên xwe bêje..
    xwezî îsal qe zivistan nehata. Par zehv sar bû îsal ez qaçaxê zivistanê me.
    erê qaçaxê zivistanê.
    ...
    sıradaki şairimiz katalonyadan.
    (pîî ewî nogo Îspanya. Go katalonya. Eferim wî ra. Lê eger ku ew helbestvan, ji başûrê Kurdistanê bûya, yê bigota kuzet Irak..)
    ...
    ee Antalya işi iptal olduysa şimdi ne yapacaksın? Üç haftalık tatilini kullanacak mısın?
    -şimdi Kütahya'dayım, kuzenime geldim, evet üç hafta gezeceğim, sonra gelecem oraya.
    -iyi yaparsın, senin sesin niye iyi gelmiyor? Moralin mi bozuk?
    -hayir tam dışarı çıkacaktik sen aradın.
    ...
    ey lilişan ey lilişan gülmüşem ağlamışam, bir tuhaflık olmuş olmuş dünyanın hâli.
    ...
    keko li cem me em nabêjin "ğedar"
    em dibêjin "xedar"
    ne ğem, xem....
    ... di kurdî da ğ tine ye.
    de here loo.
    ...
    devoka serhedê, ya Amedê zengîntir e.
    -keko tu evê ji dil dibêjî? Ez şa bûm haa ku min ji te eva bihîst.
    -erê ez dil dibêjim. Jixwe li Diyarbekirê kêm kurdî tê axivîn. -mixabin-
    ...
    abicim yokuşu çıktıktan hemen sonra bırakacaksın çocuğu.
    ...



    2017.10.13-02:27 [guhertin:2017.10.13 02:55]| hozan serhad

    Hemûyan Bixwîne

    Xêra xwe vê peyvê ji îngîlîzî wergerîne kurdî
    dengdanên dawîn (Yên Din..)
    melayê cizîrî
    helbestek ji dîwana mellê ku tê de wesfê botan û (vbnr: kurdis...
    18.10.2017 destpêka serhildana gel li kerkûkê
    Gorî dibêjin her tişt bi vî xortikî dest pê kiriye. Ne wisa be jî seet...
    18.10.2017 destpêka serhildana gel li kerkûkê
    Bi rasti xelk êdî diteqiya lê em nikarin bibêjin eviya serhildanek bû....
    19.10.2017 azadkirina kerkûkê
    bi serhildana gel û hatina pêşmergeyan, wer dixuye ku bûye rastî. ser ...
    jan dost
    Li ser Facebookê weşana zindî kir û derbarê (vbnr: 16.10.2017 ketina K...
    belki ev jî bala te bikişînin
    » rojnivîska tirşikvanan

    Kategoriyên mijarê:: tirsik
    nivîskarên ku li vê mijarê nivîsîne


    sitemap
    reklamokên beredayî