Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


31 mijar û 54 peyam
guloka fileh - tirşik
guloka fileh
(0) (0) (2)
di mijarê de bigere

1. straneke gelêrî ye, behsa trajediya keçieka fileh tê kirin.. wekê pirraniya stranên li ser kêmaniyên civaka kurdistanê, di vê stranê de jî cihê kêfxweşiyê ye ku yê ku stran çêkirî û gotî û gihandî heta îro li ser guloka fileh re hatiye.. di stranê de hêmaya berzanî û textê berzanî balkêş e.. min cara ewl ji dengê mihemed arifê cizrawî guhdarî kir lê mesud cizîrî dengê wî her Û her li dinyayê be, tê bêjî qey davêje ser keça xwe wisa ji dil distire êşa guloka fileh..



min gotinên stranê ji ber dengê mesud cizîrî deşîfre kir, dibe ku çend şaşînin tê de hebin, yên ku di nav deşîfrasyonê de xeletî û kêmasî dîtin xêra xwe bila rast bike..



''tê ji bêriyê.. tê ji bêriyê guloka qîza fileh tê ji bêrikê lo îro herdu danan

ay gula rista zêrê te dirêj in ketiye ser memikan lo îro nav mircanan

ma ne hacî mûsa begê min dibêje ez ê rabim destê gawirê, gawirbavê bigirim îro ji xwe re birevînim ez ê bibim ser dîn û mezhebê lo misilmanan

eman eman eman.. lê neman hey keça xaçoyê fileh



gulo dibêje hacî mûsa begê mino ez gulo me lo gulo bi xwe me

bi emrê xwe çarde me lo begê mino di rûkê xwe de lo îro bi eyne me

wile ez ê jinekî kema sisê lo îro bavfile me

wile wez ê ne layîq û ne babetê hacî mûsa lo îro begê xwe me

wile wez ê tu car û tu zemana bextê hewe lo lo hacî mûsa bi xwudê ne ewle me

eman eman eman.. lê neman hey xaçfile



hacî mûsa begê mino dibêje tê ji bêriyê lo îro guloka qÎza fileh tê ji bêriyê lo Îro tê ji bêriyê

ay hacî mûsa begê mino şûr tazî kir hawara xwudê rabî îro çû pêşiyê

ma ne dibêje gawirê, gawirbavê ez ê rabim destê te bigirim îro ji xwe re birevînim ez ê bibim ser dÎn û mezhebê lo heqaniyê



ma ne gulo dibêje hacî mûsa begê mino ez gulo me lo guloka har û dîn im

ez ê rabim daw delinga xwe hildim qayîş potîna lingê xwe de lo begê mino îro bişidînim

wez ê rabim rêka hewlêrê bigirim begê mino lo îro bikudînim

wez ê rabim textê berzanî bigirim begê mino lo Îro bihejÎnim

ez ê bêjim serok berzanî heke tu îşê min û hacî mûsa safî bikî safî nekî wileh wez ê her heft dewletên ecnebiya xwe Û hacÎ mûsa begê lo lo bi xwe bihesînim

eman eman eman lê neman hey keça xaço fileh''



mesud cizîrî:










mihemed arifê cizrawî:










xidirê omerî:










2015.04.24-16:59 ~18:21]| endazer

2. gotineke jinikeke fileh heye, ji ber ku ez navê jinikê nizanim ez ê hema di bin navê gulokê de binivîsim, jinoka fileh ji bo misilmanan dibêje:

"Serê min kurr bikî bi heft dozana, ez nayêm ser dînê va misilmana!"



2015.04.24-17:17 | xendekî

3. dengbêj gazin jî vê stranê hinekî cudatir dibêje, min jî ji ber dengê wê deşîfre kiribû:













Gazina Dengbêj - Ez Layiqê Dînê Xwe Me

ax ez gulo me, ez gune me
ez guloka bavfile me
wile wezê ne layiqê dînê te me
ez layiqê dînê xwe me oyy

ax gulo tête ji bêriyê
de hacî mûso dide eyneliyê mûdeliyê
diçe bi pêşiyê
de elba şîrê datîne binê siyê
gulo'ra dikeve bi hêviyê
dibê: keçê gulo tu newêre li ser vê dînê heqiyê
ax ez gulo me, ez gune me
ez guloka bavfile me
wile wezê ne layiqê dînê te me
ez layiqê xaçê li ser milê bavê xwe me

ax gulo dibê ez gulo me gulowa va bijaran
de wezê îro ketime destê van neyaran
de goştê min vedikin kêr û kelbetanan
wile wezê dîsa nayime li ser we misilmanan
ax ez gulo me, ez gune me
ez guloka bavfile me
wile wezê ne layiqê dînê te me
ez layiqê xaçê li ser milê bavê xwe me

gulo dibê ez gulo me gulowa dînim
ez ê rabim daw û delingê xwe hîlinim
rêka stembûlê ber xwe bînim
textê osmanliya bihejînim
heke ji te re çarekî dibînin bila bibînin
heke nebîne wileh wezê herdu alên ecnebiyan pê bihesînim



2017.04.09-14:00 | xendekî

dengdanên dawîn (Yên Din..)
kevza beqê [1]
kevzû malîza li ser beqê pirahî wekî biwêj ji kesên k...
milliyên navdar [1]
(bnr: Îbram xelîl baran)...
milliyên navdar [1]
kesên navdar ên ji eşîra milî

brahîm paşa yê mi...
gîr [1]
kevz, nebatek di nava avêde şin dibe, dişibe giya...
10ê adarê, roja cilûbergên kurdî [2]
roja ku di 10.03.2014 ji aliyê wezareta perwerdiyê ya hikûmeta herêma ...
belki ev jî bala te bikişînin
» guloka fileh
» fileh

Kategoriyên mijarê:: kurdukurdi muzikstrn
nivîskarên ku li vê mijarê nivîsîne


sitemap
reklamokên beredayî