Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


16 mijar û 25 peyam
sputnik kurdistan - tirşik
sputnik kurdistan
(5) (0) ecêb (0) (21)
di mijarê de bigere

1. ajansa nûçeyan a rûsî ye, êdî bûye kurdî jî. ser xêrê be, daxuyaniya malperê:



Ajansa Nûçeyan Spûtnîk dest bi portala înformasyonî ya bi zimanê kurdî dike. Malpera nû ya bi navnîşana krd.sputniknews.com  wê nêrînên cuda yên li ser mijarên aktûel ên navneteweyî biweşîne. Ji bikarhênêrên portala nû re wê her weha formata nûçeyan a înternet-radyoyê jî bête raberkirin. Malperên Spûtnîkê yên wêneya cîhana pircemser vedibeyînin, ji bo girseyên li ser hevberîkirina koma nêrînên alternatîv  balkêş, hatine sêwirandin. Portala bi zimanê kurdî wê di nav malperên înformasyonî yên bi zimanên ingilîzî, fransî, sirbî, portûgalî, erebî, hindî, polonî, îtalî, çekî, vîetnamî, japonî, koreyî, farsî, ûrdî, darî, pûştî, almanî, spanî, çînî, tirkî, kirgizî û abxazî de cihê xwe bigire.Redaktora sereke ya ajansê Margarîta Sîmonyan derbarê xebatên Ajansa Nûçeyan Spûtnîkê de wisa dibêje: ``Spûtnîk navgîna hevdem a înformasyonên girseyî ye û berî her tiştî jî, bi bergeha têgihiştina cîhanê ve ji çapemenîyên din cudatir e`.Kalîteya înformasyonên di krd.sputniknews.com ên di rejîma 24/7  têne weşandin de, bi profesyonalîzma bilind a rojnamevanên wê û  bikaranîna formatên mûltîmedyayî têne kifşkirin. Malper ji xwînêran re naverokeke berfireh raber dike: înforgrafîk, video, fotoroportaj, online-weşan, internet-dengdan. Ji bilî nûçeyên lezgîn, Spûtnîk her weha ji xwîneran re gotarên analîtîk, hevpeyvînên taybet û nirxandinên eksperan raber dike. Ajansa nûçeyan û radyo  Spûtnîk (sputniknews.com) bi navendên înformasyonî yên mûltîmedyayî li dehan welatan weşanê dike. Spûtnîk di nav xwe de weşanên radyo yên analog û dîjîtal, sepanên mobîl û rûpelên torên civakî dihewîne. Ji bo aboneyên Spûtnîkê yên nûçeyên nûjenkirî bi zimanên ingilîzî, erebî, spanî û çînî 24 demjimêran weşan tê kirin.



Malper

Here lînkê



Nûçe:

Here lînkê



2015.04.14-13:26 | xendekî

2. (bnr: sputnik news)

(bnr: ji lêgerînê bawerkirin)*



2015.04.14-14:35 | ceso

3. xweş bûya. her sipas ji bo wê karê giring. dive em her tim tiştên wusa pîroz bikin. ki kevrek ji bo zimanê kurdî hildide ew pîroz e. simurg56 jî pîroz e.



2015.04.14-18:08 | cinorek

4. Sputnik, yek ji ajansa navdar ya ûrûs e ku ji îro pêve dê weşana kurdî jî bike.



Here lînkê



http://krd.sputniknews.com



2015.04.14-18:12 | seydayê_peyvan

5. Li vir peyamek hebû lê xuya ye ev peyam hatiye jêbirin

2015.04.14-19:04 | shorbevan

6. malpera ku ev demek e dişopînim û diecibînim. xuyaniya malperê wan xweş e.

hejmara nûçeyên rojane ne zêde ne lê kurdiya wan xweşik e.



2015.04.22-22:56 | simurg56

7. stara xwudê li ser be wekê eynikekî dibiriqe, çawa min lÎnka malperê tikand, wekê ku tavê dabe çavên min, çavên min êşiyan..

û wek li jor jî hatiye gotin hejmara nûçeyan kêm e, lê naveroka nûçeyan mirov têr dike, zimanê wê xweş û rewan e û ûslûba çêkirin û ragiahndina nûçeyan jî têra xwe profesyonel e biçekî dişibe elcezîreyê..



2015.04.22-23:04 | endazer

8. malparên wisa hebin parvekin em indî di rûdaw û anfa da kufikî bûn Kurm ketin me.



2015.04.23-12:16 | shorbevan

9. ecêb e lê ji gelek malper û rojnameyên kurdan bêtir li ser xeta kurd û kurdistanê ye, ez dibêjim xebera hikûmeta rusyayê ji weşanên malperê nîne nexwe niha derî û derebe lê dadabûn.. ji bo nimûne, ji bo wan kesên ku di xwepêşandanên li mahabadê ji aliyê asayîşa îranê ve hatine kuştin, di nûçeya bûyerê de gotine ''şehîd''.. analîza li ser serdana barzanÎ ya ji bo amerîkayê, tu wê bêjî qey barzanÎ bi xwe rûniştiye û nivîsiye..



2015.05.09-01:40 | endazer

10. (bnr: dengê rusya)



2015.05.14-00:24 | ceso

11. ajansa fermî ya dewleta rûsyayê ye ku berê bi navê dengê rûsya weşanê dikir. wê rojê gava ez ketim malpera dengê rûsayê ev hişyarî derket pêşiya min





Yanî ev malper ji xwe ji berê de hebû tenê nav û dîzayna xwe guherand.



2015.05.14-00:42 [guhertin:2015.05.14 00:43]| ceso

12. malpera ku tenê ji bo piştgiriya wê be jî têdikevimê û çend nûçeyên wê dixwînim.

da ku nebêjin vaye nayê xwendin û xizmeta bi kurdî ya malperê negirin.



2015.06.28-19:27 | simurg56

13. bikaranîn û rastnivîsa kurdî ya vê malperê gelek xeletî dihewîne. di înfografan de i'ya gir bi noqte hatine bikaranîn bi muntezam! li vê NÛÇE-KARÎKATURÊ ji dya re gotiye abd a tirkî: Here lînkê li vira çima -n'ya veqetandeka -an'ê nenivîsandine nizanim. Here lînkê ev bikaranîn devokî ye ne yê standart e.(û gelek cihan min dît.) û çendên din...



2015.09.18-11:47 [guhertin:2017.04.19 14:16]| biruya hayao miyazaki

14. omer faruk baran digot ez ê derbasî vê ajansê bibim. Divê derbas bûbe heta niha lê kes qalê nake..



2015.09.18-11:59 | mergehez

15. bo kurdî karek giring e. dive be ecibandin.

malper: Here lînkê

twitter: Here lînkê

facebook: Here lînkê



2015.09.27-18:52 | cinorek

16. berê min li vir jî nîşan dabû sputnik kurdistan/76196

di vê danasîna nûçeya wan a bi navê "peresîna iphonê" tirkî ye.



cihê ku tirkî ev e: Apple, San-Francisco kentinde yeni iPhone 6S ve iPhone 6S Plus akıllı telefonlarını tanıttı. Yeni modeller, 4 renk seçeneğiyle satışa sunuldu. Eski seçeneklere bir de “Roze Altın” eklendi.



Bêhtir bixwîne: Here lînkê



ev rê dide ku çavkaniyên wergerên vê malperê tikî ne. min jî hêvî dikir, xebatkarên wan êzîdiyên rûsyayê ne lê yê aşkere bû ev e ku beşa kurdî, bi eslê xwe beşa sputnik türkçeyê ye.



2015.09.27-23:58 [guhertin:2015.10.01 23:06]| biruya hayao miyazaki

17. malpera ku hingî diçe baştir dibe. hejmara nûçeyan zêde dibin.

carina tenê ji bo ku hejmara tikandina wa zêde bibe, dikevim malperê. ji bo ku malper ji ber xwedîlêderneketinê neyê girtin.



di binê nûçeyan de diyar e ku ew nûçe çend caran hatiye xwendin. berê, ev hejmara 100-200 bûn lê biha dibînim ku 2-3 hezar in.



2015.10.16-21:43 | simurg56

18. Malpera ku çend roj in rasta lînkên nûçeyê wê têm. Min heta niha nedizanî ev çi malper e. Heta min got bawerke ev jî ji yek wan malperên beredayî ne ku hemû nûçeyên wan copy-paste û derew in.

Aha niha hîn dibim ku ajansekî rusî ye. Êdî hûrmetek gelek mezin hîs dikim jê re *



2015.10.17-00:47 | brusk56

19. min berê jî peytekî kurt parvekiribû li ser kurdiya sputnikê. bi rastî jî êdî ez bi dilrehetî dikarim bibêjim ku ji nûçeyên sputnikê ya tirkî bo kurdî tê wergerandin. wekî mînak li vê nivîsê binêrin:



Serokê Dewleta Amerîkayê Barak Obama li hemberî îdiayên namzetên Cumhuriyetçiyan bi awayekî tinazî bersiv da. Here lînkê

cumhuriyetçî çi ye law! ji xwe bibînin û têkevin voa(dengê amerîka) û carekî komar binivîsînin wê mîna vê nûçê derkeve: Komarî di Hilbijartinan de Serkeftineke Mezin Dest Xistin.



li vê înfografîkê ji bo peyva "lez"(a firîna balafirê) xiz hatiye gotin ku "hız"a tirkî ye:

xiza rajorîn: 940 km/saet

Here lînkê



2015.11.03-23:20 [guhertin:2015.11.03 23:20]| biruya hayao miyazaki

20. ajansa ku li ser androidê xwediyê bernameyek gelek xweşik e. heta di nav bernameyên nûçeyan de belkî ya herî baş be. ji hêla naverokê jî baş e.



2015.11.03-23:30 | paşê min got what the fuck

Xêra xwe vê peyvê ji îngîlîzî wergerîne kurdî
dengdanên dawîn (Yên Din..)
tîrêj zana 21 [2]
ez bawer im guh dayiye rexneyan, ji loma her ku diçe baştir dinivîse, ...
li amedê pirsgirêka zimanê dayikê [2]
Min ji mijarê fêm nekir tirşikvana entrya ewil a ku entrya xwe jê biri...
li amedê pirsgirêka zimanê dayikê [1]
Pirsgirêka dibe sedema dilê mirov ji amedê bimîne Sedemên neaxaftina...
canva.com [1]
malpereke dîzaynê ye. Di vê rupelê de ji bo hemû qadên medyaya civa...
kurdish lessons [1]
hesabekî li ser twitterê, înstagramê, youtube, discord, û facebookê ye...
belki ev jî bala te bikişînin
» sputnik kurdistan
» kurdistan

Kategoriyên mijarê:: kurdukurdi nuce malper
nivîskarên ku li vê mijarê nivîsîne


sitemap
reklamokên beredayî