1. ajansa nûçeyan a rûsî ye, êdî bûye kurdî jî. ser xêrê be, daxuyaniya malperê:



Ajansa Nûçeyan Spûtnîk dest bi portala înformasyonî ya bi zimanê kurdî dike. Malpera nû ya bi navnîşana krd.sputniknews.com  wê nêrînên cuda yên li ser mijarên aktûel ên navneteweyî biweşîne. Ji bikarhênêrên portala nû re wê her weha formata nûçeyan a înternet-radyoyê jî bête raberkirin. Malperên Spûtnîkê yên wêneya cîhana pircemser vedibeyînin, ji bo girseyên li ser hevberîkirina koma nêrînên alternatîv  balkêş, hatine sêwirandin. Portala bi zimanê kurdî wê di nav malperên înformasyonî yên bi zimanên ingilîzî, fransî, sirbî, portûgalî, erebî, hindî, polonî, îtalî, çekî, vîetnamî, japonî, koreyî, farsî, ûrdî, darî, pûştî, almanî, spanî, çînî, tirkî, kirgizî û abxazî de cihê xwe bigire.Redaktora sereke ya ajansê Margarîta Sîmonyan derbarê xebatên Ajansa Nûçeyan Spûtnîkê de wisa dibêje: ``Spûtnîk navgîna hevdem a înformasyonên girseyî ye û berî her tiştî jî, bi bergeha têgihiştina cîhanê ve ji çapemenîyên din cudatir e`.Kalîteya înformasyonên di krd.sputniknews.com ên di rejîma 24/7  têne weşandin de, bi profesyonalîzma bilind a rojnamevanên wê û  bikaranîna formatên mûltîmedyayî têne kifşkirin. Malper ji xwînêran re naverokeke berfireh raber dike: înforgrafîk, video, fotoroportaj, online-weşan, internet-dengdan. Ji bilî nûçeyên lezgîn, Spûtnîk her weha ji xwîneran re gotarên analîtîk, hevpeyvînên taybet û nirxandinên eksperan raber dike. Ajansa nûçeyan û radyo  Spûtnîk (sputniknews.com) bi navendên înformasyonî yên mûltîmedyayî li dehan welatan weşanê dike. Spûtnîk di nav xwe de weşanên radyo yên analog û dîjîtal, sepanên mobîl û rûpelên torên civakî dihewîne. Ji bo aboneyên Spûtnîkê yên nûçeyên nûjenkirî bi zimanên ingilîzî, erebî, spanî û çînî 24 demjimêran weşan tê kirin.



Malper

Here lînkê



Nûçe:

Here lînkê

2. (bnr: sputnik news)

(bnr: ji lêgerînê bawerkirin)*

3. xweş bûya. her sipas ji bo wê karê giring. dive em her tim tiştên wusa pîroz bikin. ki kevrek ji bo zimanê kurdî hildide ew pîroz e. simurg56 jî pîroz e.

4. Sputnik, yek ji ajansa navdar ya ûrûs e ku ji îro pêve dê weşana kurdî jî bike.



Here lînkê



http://krd.sputniknews.com

6. malpera ku ev demek e dişopînim û diecibînim. xuyaniya malperê wan xweş e.

hejmara nûçeyên rojane ne zêde ne lê kurdiya wan xweşik e.

7. stara xwudê li ser be wekê eynikekî dibiriqe, çawa min lÎnka malperê tikand, wekê ku tavê dabe çavên min, çavên min êşiyan..

û wek li jor jî hatiye gotin hejmara nûçeyan kêm e, lê naveroka nûçeyan mirov têr dike, zimanê wê xweş û rewan e û ûslûba çêkirin û ragiahndina nûçeyan jî têra xwe profesyonel e biçekî dişibe elcezîreyê..

8. malparên wisa hebin parvekin em indî di rûdaw û anfa da kufikî bûn Kurm ketin me.

9. ecêb e lê ji gelek malper û rojnameyên kurdan bêtir li ser xeta kurd û kurdistanê ye, ez dibêjim xebera hikûmeta rusyayê ji weşanên malperê nîne nexwe niha derî û derebe lê dadabûn.. ji bo nimûne, ji bo wan kesên ku di xwepêşandanên li mahabadê ji aliyê asayîşa îranê ve hatine kuştin, di nûçeya bûyerê de gotine ''şehîd''.. analîza li ser serdana barzanÎ ya ji bo amerîkayê, tu wê bêjî qey barzanÎ bi xwe rûniştiye û nivîsiye..

10. (bnr: dengê rusya)

11. ajansa fermî ya dewleta rûsyayê ye ku berê bi navê dengê rûsya weşanê dikir. wê rojê gava ez ketim malpera dengê rûsayê ev hişyarî derket pêşiya min

Here lînkê



Yanî ev malper ji xwe ji berê de hebû tenê nav û dîzayna xwe guherand.

12. malpera ku tenê ji bo piştgiriya wê be jî têdikevimê û çend nûçeyên wê dixwînim.

da ku nebêjin vaye nayê xwendin û xizmeta bi kurdî ya malperê negirin.

13. bikaranîn û rastnivîsa kurdî ya vê malperê gelek xeletî dihewîne. di înfografan de i'ya gir bi noqte hatine bikaranîn bi muntezam! li vê NÛÇE-KARÎKATURÊ ji dya re gotiye abd a tirkî: Here lînkê li vira çima -n'ya veqetandeka -an'ê nenivîsandine nizanim. Here lînkê ev bikaranîn devokî ye ne yê standart e.(û gelek cihan min dît.) û çendên din...

14. omer faruk baran digot ez ê derbasî vê ajansê bibim. Divê derbas bûbe heta niha lê kes qalê nake..

15. bo kurdî karek giring e. dive be ecibandin.

malper: Here lînkê

twitter: Here lînkê

facebook: Here lînkê

16. berê min li vir jî nîşan dabû sputnik kurdistan/76196

di vê danasîna nûçeya wan a bi navê "peresîna iphonê" tirkî ye.



cihê ku tirkî ev e: Apple, San-Francisco kentinde yeni iPhone 6S ve iPhone 6S Plus akıllı telefonlarını tanıttı. Yeni modeller, 4 renk seçeneğiyle satışa sunuldu. Eski seçeneklere bir de “Roze Altın” eklendi.



Bêhtir bixwîne: Here lînkê



ev rê dide ku çavkaniyên wergerên vê malperê tikî ne. min jî hêvî dikir, xebatkarên wan êzîdiyên rûsyayê ne lê yê aşkere bû ev e ku beşa kurdî, bi eslê xwe beşa sputnik türkçeyê ye.

17. malpera ku hingî diçe baştir dibe. hejmara nûçeyan zêde dibin.

carina tenê ji bo ku hejmara tikandina wa zêde bibe, dikevim malperê. ji bo ku malper ji ber xwedîlêderneketinê neyê girtin.



di binê nûçeyan de diyar e ku ew nûçe çend caran hatiye xwendin. berê, ev hejmara 100-200 bûn lê biha dibînim ku 2-3 hezar in.

18. Malpera ku çend roj in rasta lînkên nûçeyê wê têm. Min heta niha nedizanî ev çi malper e. Heta min got bawerke ev jî ji yek wan malperên beredayî ne ku hemû nûçeyên wan copy-paste û derew in.

Aha niha hîn dibim ku ajansekî rusî ye. Êdî hûrmetek gelek mezin hîs dikim jê re *

19. min berê jî peytekî kurt parvekiribû li ser kurdiya sputnikê. bi rastî jî êdî ez bi dilrehetî dikarim bibêjim ku ji nûçeyên sputnikê ya tirkî bo kurdî tê wergerandin. wekî mînak li vê nivîsê binêrin:



Serokê Dewleta Amerîkayê Barak Obama li hemberî îdiayên namzetên Cumhuriyetçiyan bi awayekî tinazî bersiv da. Here lînkê

cumhuriyetçî çi ye law! ji xwe bibînin û têkevin voa(dengê amerîka) û carekî komar binivîsînin wê mîna vê nûçê derkeve: Komarî di Hilbijartinan de Serkeftineke Mezin Dest Xistin.



li vê înfografîkê ji bo peyva "lez"(a firîna balafirê) xiz hatiye gotin ku "hız"a tirkî ye:

xiza rajorîn: 940 km/saet

Here lînkê

20. ajansa ku li ser androidê xwediyê bernameyek gelek xweşik e. heta di nav bernameyên nûçeyan de belkî ya herî baş be. ji hêla naverokê jî baş e.

21. mixabin wergera nûçeyan ji tirkî dikin. min di înfografîkeke wan de dîtibû ku orjînal nivîsê ya bi tirkî ji bîr kiribûn jê bibin û wisa mabû.

aha min dît: Here lînkê



di ravekirina balafirên su-30'an de wisa dinivîse "sayisi bilinmiyor";

Here lînkê

22. malpera beşa kurdî nuçeyên xwe ji malperên din ên bi kurdî dide hev. min niha hinekî li nuçeyan nêrî di pêşiya piraniya nuçeyande dibêje li gorî nuçeya filankesî.. min rudaw, anf, basnews, kurdistan24 dîtin.

ma min bixwesta vaye Here lînkê

23. êdî ne mîna malpera ajansekê ye, mîna malpereke pkkê ye. hema her rj dibêjin li vir 10, li wir 15 leşkerên tirk hatin kuştin. lê ya ecêb ew e ku van nûçeyan di beşa tirkî de naweşînin.

24. malpera pir nêzikî anfê. bawerim ji ber ku rus ji tirkan aciz in bi zanebun rêveberiya vê beşê dane pkkiyekê.

25. Mirov dikarê bibêjê anfya Rusyayê ye. Nûçeyên wê de nêrîn û gotinên propangandayê gellek in. Her wekî baskê propagandayê ya PKKê dixebitê. Lê hindik jî bê ji anfê nermtir e û kêmtir derewan dikê..

26. malpera ku ez bawer im tu eleqeya wê û sputnika rastîn tune.

nûçeyên di vir de tên weşandin bi zimanên din yên sputnikê nayên weşandin, min berê jî gotibû.

ji xeynî wê zimanê wê jî gelek bi problem e.

weke mînak sernivîsa nûçeyê ev e: Li Enqereyê polês êriş kir: Kuştî û birîndar hene

lê dema mirov nûçeyê dixwîne, dibîne ku polîsan di nav hev de pevçûnek kirine û paşê polîsek polîsek din kuştiye fîlan.

ma sernivîsa vê nûçeyê diviyabû wisa be?

Here lînkê



ji me re malperên wisa ne lazim in. jixwe tije malperên wisa partîzan û alîgir hene. ji me re malperek bi rastî ya nûçeyan lazim e. weke mînak bbcya tirkî wisa ye. hewl nadin dilê xwendevanên tirk xweş bikin, tenê karê xwe dikin û hema bêje tu caran tu şîroveyan nakin.

ajansên nûçeyan divê wisa bikin.

ez carinan li bbc, routers, yahoo û hwd. malperên îngîlîzî dinêrim ku bizanim ka dinya bûyeran çawa dinirxînin. sputnika kurdî jî encax ger vê derfetê bi zimanê me bikare bigihîne me, wê watedar be.

27. Yek ji malperên nuçegihanê ye, bi zimanê kurdî ye. Li gor malpereke rûsî gellek serkeftiye. Malpera bi zimanê rûsî a spûtnîkê a bingehîn Alîgirê politikayên rusiyê û vê yekê her kes jî zane. Ne mîna Al jezire anjî Bbc,Cnn ye. Lê sputnîk kurdistan gelek cudaye. Giraniya nûçeyan derbarê politikaya kurdan e, herêmiye û derheq kurdan da jî alî nagre. Û xûya dike ku xebatkar û kedkarên wê welatparêz û dildarê kurdistanê ne.

28. Malpereke rûsî ye ku bi kurdî jî weşanên xwe dike. Lê belê ez wê malperê hem bi tirkî hem jî ni kurdî dişopînim tu elaqeyê nûçeyên bi her du zimanan tune ye. Tirkiya wê ji kurdiya wê baştir e.



Hem zimanê wê baş nîne, dibe ku ji tirkî tê wergerandin û bêhna mêjê tirkî jê tê. Û ya dî nûçeyên wê gelekî ji awayekî fermî re dûr e. Her wiha nûçeyên wê ji sputnika rasteqînê girêdayî nîn e.

Heger em li BBC tirkî binêrin pirsgirêkên wiha tune ye.



Nizanim kî çima wisa dike.

29. organa mediyaya rûsî ye ku tenê bi armanca propaganda dewleta rusiya bimeşîne. Armanca wê tenê parastina berjewendiyê dewleta rusyayê di şerê jeopolitikayê de, bi taybetî li dijî nato û hevkarên wê. bi gelek zimanan weşanê dike ji bo ku bandorê li nîqaşên hindurîn ya dewletan bike û gelek caran jî dike.

30. vaye çend roj in li tirkiyê qedexekirî ye. him ya tirkî him ya kurdî hat astengkirin.

piştî astengkirinê, rêjeya xwendina nûçeyên wan gelek kêm bûne. berî hejmara xwendina nûçeyên popûler 1-3 hezar bû, niha 50-100 fîlan e.



hûn dikarin bi alîkariya zenmate'ê, bi hêsanî têkevinê

31. malpera beriya hevdîtina erdoxan-putin, bi malperên tirkî û îngilîzî ve qedexeya ser hatiye hilanîn. bi heman awayî nuçegihanî berdewam e. lê malpereke çawa be jî kurdî ye û ji rusyayê ye, bila bidomîne.

32. her çiqas mîna berdevkê pkkê be jî divê were piştgirîkirin. piştî hat qedexekirin jî ez diketima û min çend nûçe dixwendin. ji bo ku malper neyê girtin. piştî qedexeyê, hejmara xwendina nûçeyan gelek kêm bûbû.

divê em li malperên wisa xwedî derkevin ku ajansên mezin hemû dest bi weşana kurdî bikin.

33. malpera qasî dibînim ji alîgiriya pkkê xelas dibe û dibe yeka kurdistanî *
malpera di van rojên dawî de ji tunebûna rojnameyên şopandinê asta wê ya şopandinê bilind bûye.

34. li hêla nûçeyên zanyariyê ve tu malperên nûçe yên bi esil kurd nagiheje nenûkê vê malperê. gelek caran min li ser bikaranîna kurdî yên wan rexne kir lê belê pir caran nûçeyên zanyariyê yên rojane/nû hin dikarin bi zimanê kurdî li vê malperê bişopînin. erê me dixwest ji % 100 bibaya servîsa nyt an cnnê.asoxî em dikarin bibêjin ku mêrxas û jinxasan qîmetê didin xwînerên kurdî. ji bo vaya jî şukir j'xweda re.

35. malpereke bêalî û aktiv dixuye. di van demên dawîyê de hecko bastir bûye. bêhtir hevpeyvîn analîz û nûçeyên çandê û hunerê ce dikin. disopînim û dixwênim.

36. Malperê ku bi daxwaza moskowê ji aliyê sputnikê ve hatiye girtin e. Sedem nehatiye dayîn lê kifş e ku rûsî naxwazin tirkan bixeyidînin.

37. ez difikirim ku vê ajansê we dîsa bê çalakî kirin. ji ber ku tekîlîya tirkîya û rusîa xirabtir diçe. polîtîkayen welaten ewqasê bi berdewamî diguherin.

38. Madem ku evîna tirkiya û rûsyayê bidawî bû Ez hêvî dikim Birêz putin ê di demek nezîk de servîsa sputnik a kurdî disa veke.

40. ma ne hate girtin ?

41. Jixwe eger hûn rûpela wan a twitterê vekin, di rêza jor de daxuyanîya wan xuya ye.
Du sal berê ji ber nebûna mişterîyan darabeya dikana xwe girtin, qufle avêtin deriyê xwe.