Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    24 mijar û 33 peyam
    mele ebdullahê teraşî - tirşik
    mele ebdullahê teraşî
    (0) (0) ecêb (0) (1)
    di mijarê de bigere

    1. Mele Ebdullahê Teraşî (1884-1925)
    Mahabad Felat Arda


    Seydayê Mele Ebdullahê Teraşî ku wî di hin helbestên xwe de navê namî jî bi kar aniye, di sala 1884 an de li gundê Teraş ku li ser navçeya Sasonê ye ji dayîk bûye. Teraş ne yek gund e, sê gundên nêzî hev in û bi yek navî ne. Lê di nav xwe de mîna tax têne bi nav kirin. Taxa Zîyaretê, taxa Jêrîn û taxa Heyder. Mele Ebdullah ji Taxa Heyder e.

    Şêniyên ku li van her sê taxan rûdinên hemû pismam in û ji bavekî ne. Hin ji wan, di dema xwe de ji gund koç kirine û li aliyên Mûşê, Batmanê û Farqînê bi cî bûne. Herweha gundek jî nêzîkî Batmanê, bi navê Şabê kirîne. Şêniyên wî gundî jî, ji xeynê cenanan, pismamên hev in. Lê ev gund di demên dawî de şehîd dane û ji ber zilm û zordariyên dewletê, gund bi piranî vala bûye û gundî koçberî metropolên Tirkiyê bûne.

    Seydayê Mele Ebdullahê Teraşî demeke dirêj li gundê Qeremûsa Farqînê melatî kiriye. Di demeke kin de ji ber alimiya xwe û berhemên xwe nav û deng daye. Seyda ji melayan pir hez kiriye, lewra gotiye ku mela kesên xwenda û zana ne. Lê li dijî Şêxan bûye, li gel malbata wî bi xwe jî şêx bûye.

    Gelek berhemên mele Ebdullahê Teraşî hebûne, lê piştî têkçûna Serîhildana Şêx Seîd Efendî, dewleta tirk li Seydayê Mele Ebdullah jî digere û nasên wî, ji tirsa ku dê Seyda jî bi dar ve bikin, berhemên wî şewitandine. Hezar mixabin ku neha di destên me de bi tenê sê helbestên Seyda hene, ew jî yek jê ne temam e. Lewra kurê apê Mele Ebdullah Şêx Cafer, ew ji ber kirine û kurê Şêx Cafer, Şêx Mîsbahê Silîvî jî, ji bavê xwe ew ji ber kirine. Loma jî heta ku ev helbest gihîştine îro, hin rêzik hatine jibîrkirin. Ev cara yekem e ku ev her sê helbest û li gel jiyana Seyda ya trajîk têne nivîsîn.

    Piştî têkçûna tevgera Şêx Seîd, mîna gelekan, mele Ebdullah jî ji aliyê dewleta tirk ve tê girtin û ew dişînine Xarpêtê. Seyda di 17ê tîrmeha sala 1925´an de li Xarpêtê, li gel 150 kesan tê bi darvekirin. Dema Seyda hatiye darvekirin, 41 salî bûye.

    Cenazeyê wî nadine malbatê, bi tenê cube, fes û şaşika wî ji malbata wî re dişînin. Li hember vê jî, pereyên kindir, sêdar û heqê cellad, ji malbata wî dixwazin. Li ser vê yekê, kurê apê Seyda Şêx Cafer, çêlekeka xwe difroşe û pere dide dewletê û cubbe, şaşik û fesa Seyda ji wan digire. Niha ji Seydayê Mele Ebdullahê Teraşî ew cubbe, şaşik, fes û sê helbest (yek jê ne temam e) û sê nevî mane.

    Keçeka Seyda hebûye û navê wê Emetullah bûye. Bînbaşiyek bi navê Arif Tufekcioglu ku bi xwe erebê Mêrdînê bûye, seyda digre û bi darve dike. Dema Seyda digre, keça wî Emetullah wê demê 7-8 salî bûye. Bînbaşî ew digre û bi xwe re dibe. Piştî bi darvekirina Seyda û 150 kurdên din, bînbaşî keça Seyda dibe mala xwe û wê ji xwe re dike qewraş. Çend sal şûn ve jina bînbaşî dimre û bînbaşî Emetullah li xwe mar dike. Keçek û du kur ji wan re çêdibin. Niha Emetullah heye an tune ye, em nizanin lê zarokên wê li Stenbolê ne û halxweş in. Lêbelê haya wan ji vê çîroka trajîk nîne.



    2016.10.24-13:12 | hozan serhad

    2. Xwediyê vê jiyana trajîk û gellek helbestên windabûyî ye. Wek li jor jî hatiye gotin tenê sê heb helbestên wî mane, hemûşk hatine şewitandin. Li wan hersê helbestan de yek kêm e..



    2016.10.24-13:15 | hozan serhad

    3. esÎrÊ qeydÊ

    Esîrê qeydê ez im

    Girtiyê seydê ez im

    Zerdeştî bîdê ez im

    Talibê feyzê ez im




    A di mekr û keydê tu yî

    Nade ruweydê tu yî

    A tîr di eydê tu yî

    Davêtî seydê tu yî




    Ê dil birîndar ez im

    Aşiqê dildar ez im

    Gestiyê reşmar ez im

    Xelîdê bê mal ez im




    A dest vemiştî tu yî

    A xelq dikuştî tu yî

    Li erdê dihiştî tu yî

    A dil dişûştî tu yî




    Destmala destan ez im

    Ê di bendî bostan ez im

    Dayîm zivistan ez im

    Serbestê dostan ez im




    Newra biharê tu yî

    Neqşa nîgarê tu yî

    Sêva li darê tu yî

    A bi şerm û arê tu yî




    Ahmedê şettan ez im

    Kulîlka xortan ez im

    Ê dil bi tertan ez im

    Kerê bi kurtan ez im




    A bi qina û perdan tu yî

    Dermana derdan tu yî

    Xwediya kemendan tu yî

    A kirime zîndan tu yî




    Ê nab Ebdullah ez im

    Ê dibê ya Allah ez im

    Sewdayê mellah ez im

    Kevirê der şella ez im.




    Mele Ebdullahê Teraşî

    Têbinî: Muzîka vê helbestê jî, ji aliyê Şêx Mîsbahê Silîvî ve hatiye çêkirin



    2016.10.24-13:18 [guhertin:2016.10.24 13:19]| hozan serhad

    4. DÎLBEREK


    Dîlberek min dî di xew da

    Dîm wekî bedra şefeq da

    Te ez kirim dîwan û sewda

    Ax gelo derman heye




    Dîm wekî bedra hîlal e

    Şûle ye bi husn û cemal e

    Nezerek bo min helal e

    Min diye fetwa heye




    Nezerek da min hebîbê

    Kuştime bi tîra reqîbê

    Way li halê min xerîbî

    Rûreş û şermende me




    Rûreş im dûr im ji babê

    Sohtime bi mislê kebabê

    Ray li halê min qet nabe

    Emr û fermana te ye




    Dîlbera´m ji takê nîhan bû

    Şûle bû ji nûra Xuda bû

    ê ku dî rih lê nemabû

    Derdekî bê lome ye



    2016.10.24-13:27 | hozan serhad

    5. JI SIRRÊ WEHDETA HEQ


    Ji sirrê wehdeta heq melbûsê şah û paşan

    Nûra ji rengê atles feyza wekî qumaşan

    Feyza ji qelbê arif wek Nîl û wek Ferat e

    Gavek bikin tefekkur carek bikin temaşa




    Xatem bi destê kî bit bê şik ew e Suleyman

    Dil kir muteu munga muhr û tilismê qaşan

    Ji ewwel ez eyaz im ji te bi îz û naz im

    Dê te can teleb kim, ger xwîn hilîne laşan




    Namî nezerke îro pir şêxên vî zemanî

    Mezin dikin serên xwe bi teylesan û şaşan

    Bi xîmên enqebûtî wan pir kirin mirîd e

    Hemiyan me mal û dewlet dan mift û hem belaşan




    Dama dinê vegirtin welgirtin zeyyê şêxan

    Dal û mudîl û gumrah bûn şubhetê fîraşan

    Ehlê kulûb û îrfan ji ber desaîsê wan

    Dunya kirin musellem dan destên van gelaşan



    2016.10.24-13:33 | hozan serhad

    dengdanên dawîn (Yên Din..)
    gazete duvar [1]
    Hin caran nivîsên bi kurdî jî diweşînin. Rojnemeya ku tim nûçeyên wê d...
    rudaw.net [1]
    di malpera xwe ya kurmancÎ de sernivîsek wisa avêtine : "li Tir...
    kom û komara beredayîstan [3]
    ''Gelî camêr û cajinên “çîlekêş”ên Kurdistana xemgîn û rengîn! Pîrebok...
    quzhesin [1]
    peyvek bi rastî jî ecêb e. di ferhengê de jÎ min nedît. lê xweşa min...
    diyariya kulîlkan ji keçikan ra [1]
    hinek keçik hene dibêjin em ji diyariya kulîlkan û şibandina mîna kûlî...
    belki ev jî bala te bikişînin
    » melê tir kir, civatê ji ber ve fihêt kir

    Kategoriyên mijarê:: niviskarhlbstvn niviskar wejehlbst weje cand niviskarhlbstvn niviskar wejehlbst weje cand niviskarhlbstvn niviskar wejehlbst weje cand kurdukurdi
    nivîskarên ku li vê mijarê nivîsîne


    sitemap
    reklamokên beredayî