1. helbesteke mueyed teyib e. di pirtûka ne ba min siwar dike ne ax min peya dike de helbesta ewil e. gava min xwend lê sar bûm! min cardî cardî cardî dubare sêbare çarbare xwend heya min jiber kir.
di çîroka helbestê de cenabî Mueyed dibêje:
''li sala 1974ê, Kurdistan di gera xwînê de wer bûbû, hêşta rijêma BE'IS digotî ''buhar e'' û xayînêt kurd jî lê vedigera: ''buhar û aştî ye!''




Buharvano, çi buhar e
Ger buhar bît, çi hewar e?
Çi şînî û çi zêmar e?
Binefş û nêrgiz çirmisîn..
Ka buharvan lê nepirsîn?
Perî û zerî ji warî dizîn
Ka buharvan lê nepirsîn
Gerdenêt law
di xilfa sêdarê da rizîn
ka buharvan lê nepirsîn.
Buharvano
Buhar nîne
Me ya dîtî buhar şîn e
Ne ya sor e tijî xwîn e!

Gotin:
''Adarok bo me şîn kirin''
lê adarok
Her li roja duwê mirin
Berze kirin
Gotin:
''kew kehî bûn, kew kehî bûn!''
Ger kehî bûn, ew çi rik in?
Gotin:
''Aştî ye, aştî ye!''
Ger aştî bît
Ew çi xwîn e û çi rondik in?
Buharvano
ne buhar e
Mêjû tifkê. ev neyar e!
Ev serbirrê kewê jar e!