Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    6 mijar û 7 peyam
    were têlî - tirşik
    were têlî
    (1) (0) ecêb (0) (5)
    di mijarê de bigere

    1. navê kilameka dengbêj huseynê farê ye.. manîfestoyê eşqê ye.. tu helbest nikarin bigihin ast û radeya gotinên vê kilamê.. û tu kes nikare bi qasê huseynê farê evçend ji dil bêje û bisojê û bibirêje bistirê!



    ''Were Têlî were Têlî were Têlî

    Hey lê zalimê lê lê lê

    Ez ê serê sibê

    Radibim ji xewka şirîn

    Bang dikim dibêjim Têlî

    Bi nava rojê dibêjim Têlî

    Bi êvarê dibêjim Têlî

    Bi seetê bi gavê bi deqê b isaniyê

    Ji axîn û kedera dilê xwe re

    Wez ê bang dikim dibêjim Têlî

    Lê lê Têliyê malxerabê

    Wele tu hur î boz î beyaz î

    Xalis î mulis î

    Beytul emîn î tu kihêl î

    Neh nav û ne îmze

    Li ber navê te ne ketine

    Li ba dilê min

    Dîsa tu yê pir şirîn î

    Malxerabê wele tu kihêl î

    Tu yê vê sibê

    Li qarişî çavê min sekini yî

    Ez nizanim qîz î

    We nizanim tu bûk î

    Ez nizanim tu jinebî yî

    Ser dev û lêvê te yê bixêlî

    Îsal sala hefta û heşta ye

    Dilê min kete te

    Çima tu yê xwe ji min vedişêrî

    Lê lê malxerabê

    Heft hev birayê te hene

    Heft hev xwingê min hene

    Ji bona xatirê çavê te

    Wez ê Ji te re têkim berdêlî

    Were Têlî were Têlî were Têlî





    De lê lê zalimê lê lê lê

    Têliyê malxerabê

    Min go buhar e buhara rengîn e

    Zalima qîza zalima

    Buhar e buhara rengîn e

    Li seriya me zozan e

    Li biniya me de

    Bingol e Serhed e Şerefdîn e

    Brek malê bava Têliya min bar kirine

    Li zozanê me yê jorîn danîne

    Hespê binê min rewan e

    Şopê malê we digerîne

    Na na wele min ê vê sibê

    Xwe berda zozanê me yê jorîn e

    Min bala xwe dayê

    Sê kon vegirtî ne

    Min ê ajotî pêşiya konê pêşî ne

    Min bala xwe dayê

    Di bin de sê zerî ne

    Çavê wan reş e

    Brûyê wan ê leglegî ne

    Dev û lêvê wan tenik e

    Mîna pelê kaxizê cixarê spî ne

    Bikum û kolos û temezî ne

    Min ê bala xwe bida

    Taximê sing û berê van karîxezalan

    Serê memikê wan sor e

    Qoratê memikê wan spî ne

    Mîna sêvê Meletiyê

    Hinarê Dêrikê deqdeqî ne

    Mîna gazocaxiyê ceryanlî ne

    Li ser mastê zêrîn û zîvîn e

    Zincîrê dorê xalis î muxlis î

    yadê zêrê zer î Reşadî ne

    Lo lo rebiyo qurbano

    Wez ê aşiq û sewdaliyê

    Bejn û bala a ortê me

    Zalima qîza zalima

    Navê wê Têlî ye

    Her duyên dina jê re

    Bûne kole xizmetçî ne

    Yek jê re qawê dikelîne

    A dinê destmal girtiye

    Hêdî hêdî yawaş yawaş

    Bi ser de dikir baweşîn e

    Mîna qaz û qulingê beriya jêrîn e

    Salê carekê serê xwe ne li zozanê

    Bingol û Serhed û Şerefdînê dixîne

    Siûd û talih û îqbala gelek xortan

    Li cem rebê alemê qe tu nîne

    Ez ê anuha li vê dera ha

    Şahidiya cemaata hazir bikim

    Jinê çê daîma dibin

    Qismetê mêrê kotî ne

    Were Têlî Têlî Têlî were Têlî





    De lê lê Têlîyê lê lê lê

    Min ê digo Têlîya min lê hayê

    Çavreşa min lê hayê

    Bejn zirava ber dilê min rabe lê hayê

    Bila qeda û heftê bela

    Bê li zewaca dilketinê

    Wer li çar rokê vê dunyayê

    Malê bavê min çi qas pir be

    Temamî bavêjim terkiyayê

    Ser serê teresê bavê te

    Lê çima qelenê

    Bavê te dernayê

    Na na wele wez ê

    Aşiq û sewdaliyê

    Bejn û bala Têlîyê bûme

    Mîna hêsira pepûka evdalan

    Bi baba dewrêşî

    Wezê ji xwe re digerim

    Li rûkê ve dunyayê

    Min ê pe da pê da xwe berda

    Şamê Helebê Humûsê Hamûdê

    Humayê Kerkûkê Kerbalayê

    Min ê xwe berda

    Mekka mukerrem Medîna mûnawer

    Kiriye tewafiya kevirê

    Heeceruleswed ciyê tobayê

    Min ê xwene avêtî girê Erefayê

    Na na wele min digo

    Ji wetana wetenkî tahir î muqedes î

    Sebr û deyaxa min

    Lawikê xelkê lê nayê

    Min ê pê da xwe

    Berda bajarê Iraqê

    Serê kuçe û sûk û gêdûkê vê Bexdayê

    Sibe ye min dî

    Keçikek rûnîştiye li binê dara çinarê

    Ji xwe re dixwîne quranê

    Mane dike rûpelê

    Bimbareka vê emayê

    Wele min ê qasekî

    Bal û dêhna dilê xwe didayê

    Keçikê bang dikir digo

    Lo lo lawiko mahrûmo stûxwaro

    Tu çima li min dinihêrî

    Ji min re dibêjin Meyramayê

    Tu were vê sibê

    Li kêleka min rûnê

    Ez ê ji te re bixwinim quranê

    Mane bikim rûpelê

    Mubareka vê ûmayê

    Hetanî sala sed û yekê

    Tu li kêleka min bî

    Tu carî mirina gewrik

    Her çar royê dunyayê

    Li bîra te nahê

    Têlî Têlî Têlî were Têlî





    De lê lê zalimê lê lê lê

    Rebiyo qûrbano sibe ye

    Wezê diçûm mala

    Bavê Têliya xwe bi mêvanî

    Rebiyo qurbano wez ê diçûm

    Mala bavêTêliya xwe bi mêvanî

    Mîna hêsîra pepûka evdala

    Li ber qwulikan û pacan

    Min ê vê sibê ji xwe re kir guhdarî

    Min bala xwe dayê

    Têlî sala par vî çaxî

    Delalîka ber dîlê min bû

    Sala îsalî ji xwe re ketiye

    Bext û tola kalê

    Heftê û heştê salî

    Na na wele kor poşman

    Ez ê vedigeriyam

    Dîsa li ber qulikan û pacan

    Li ber dîwaran

    Min ê stû xwar kirî

    Ji xwe re vê sibê kir guhdarî

    Min bala xwe dayê

    Ji terefê Rebê alemê

    Xanî li min qul dibû

    Bulbulekî ji esmanê hefta hat

    Vê sibê li ser çok çingî min danî

    Bi min re xwendiye

    Bi kurmancî bi zazakî bi romanî

    Vê sibê disa bi çil û çar zimanî

    Digo lo lo lawiko mehrûmo stûxwaro

    Meqsed û muradê dilê te çi ye

    Min ê digo meqsed û muradê

    Dilê min Têlî ye

    Digo bi sonda qesemê

    Meqsed û muradê te û Têliyê

    Li vê dunyayê nabe

    Êwê here cenata baqî

    Lo lawo erşê alî

    Min dî wê gavê

    Têlîyê serê xwe rakir

    Ji nava ciya û livinan

    Balgiyan bang dikir

    Digo lo lo lawiko mehrûmo

    Rûreşo vireko derewîno

    Zozanê Bingol û Şerefdînê bişewite

    Salik û dozde mehê Xwedê

    Me biçem û kanî

    Na na wele ji heft saliya min û te de

    Hetanî emrê me

    Bû şazde û pazde

    Em ê tê de bi hevdu re geriyane

    Bi xortanî lo lawo bi qîzanî

    Le kuliya zimanê te nexwaribû

    Ava reş bi çavê te de nehatibû

    Tiliya min di çavê te re neçûbû

    Rokê te yê ji heval û hogirê

    Dora xwe re bigota

    Dilê min ketiye Têliyê

    Wê gavê min û te

    Me yê hevdu birevanda

    Tu yê ji min re bibûya malxwe

    Wezê ji te re

    Bibûma kevanî û bermalî

    Wele tu yê vê sibê

    Li hal û demê min napirsî

    Wezê ketime tora

    Vî kalê heftê û heştêsalî

    Rojê carê mirin çêtir e

    Ji min re ji vî halî

    Were Têlî were Têlî were Têlî''



    têbinî: deşîfrasyona gotinên kilamê ji aliyê nivîskarê kurd ayhan meretowar ve hatiye kirin..



    2013.09.19-08:19 | endazer

    2. tiştek di wî strané de heye min pir acizdike bedélîtî. Ev kurmé netewe me kurdan gelek malbatan ji xweşîyé xistiye.

    qurbana heft hev xwingê xwe bi hey zalim kuré zalimo.



    2015.03.28-13:09 | tîrejên rojê

    3. Sitran ji bo me pira nav

    Dem û salên borînin Sitran

    Hêsirên çewên dengbêjanin ...



    2015.06.17-18:06 [guhertin:2015.06.17 18:07]| hogir elegez

    4. navê stranekîye. sitrana huseynê farê gelekî xweş xwendîye ji xeynî wî jî gelek kesa xwendîye (vbr: reso) şakiro.. dibe straneka gelêrîbe jî



    2015.06.17-23:45 | shorbevan

    5. Li vir peyamek hebû lê xuya ye ev peyam hatiye jêbirin

    2015.06.17-23:48 | elegez

    dengdanên dawîn (Yên Din..)
    asteroîda ku dê li rûyê cîhanê bikeve [2]
    Min ji apê xwe cemşîd re behsa wê mesela kir. Apê min cemşîd palikan...
    biwêjên kurdî [1]
    Çawa min go niklê wî sor e, te go kew e....
    şêr û mişk [1]
    çîrokeka yewnanî ye. selîm temo wergerandîye zimanê me (kurmancî). ...
    qelewbûna mirovan [1]
    tiştê pêşiyê tê bîra mirovî stendina kîloyên zêde ye. Tim mirovî w...
    turkish kurd [1]
    kurd li her derê kurd in. ev peyva turkish li ser welatîya ...
    belki ev jî bala te bikişînin
    » were têlî
    » telik,hêsin,bafon û sabûna taze

    Kategoriyên mijarê:: kurdukurdi muzikstrn
    nivîskarên ku li vê mijarê nivîsîne


    sitemap
    reklamokên beredayî