Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    21 mijar û 37 peyam
    janya - tirşik
    janya
    (3) (2) ecêb (0) (18)
    di mijarê de bigere

    1. navê helbest û pirtûkeka helbestan ya helbestvanê kurd rênas jiyanî ye.. di nav helbestên nûjen yên kurmancî de bawer nakim ku tu helbest ev qas di rewacê de mabe û ji aliyê xwendekarên xwe ve hatibe jê hezkirin.. piştî ku pirtûka bi vî navî çap bû li gelek bajarên kurdistanê bi vî navî cafe û restaûrant û pirtûkfiroş vebûn..



    ' xwedê û wext xelet hatiye xitimkirin

    naqosên dêran kerr...

    minare kin

    doktrînên dekolte lixwekirî evdal... sarincên ji baranên derengmayî, derengbarî hatibû damezrandin, bi derbeke neşterê ya dirinde, şolî bûne... barûyên ji evînên nukleerî, di serdebên ku ji krîstalên rokoko hatibûn kemilandin qîtik-qîtikî bûne... ji xewnên bêxwedî xeyîdîme, pekiyame û hatime janya, ji nalînên min re vokalîstiyê bike



    (ji qewmê pezkoviyan re xew heram e)



    peykerekî antîk, derîzî û mîtolojîk im, nêm ji min dihere... li ezmanê hundirê min qaqlîbaz firrînên kamîkazeyî li dar dixin... kovanên genimî li ber aşên êşan kêliyekê jî aş nabin, aj nabin, hûr dibin û hey hûr dibin... ji alfabêtan tîpek kêm dibe gava ku dimirim... weeeey waweylê janya kezeba min dike di devê min re derkeve ji qahra!...



    çiqas êvarên şînboz bihurîn û çûn ji keştiya xeyalan çirûskeke serzer peya nebû li peravên hestên min ên hestî û çermmayî... pêxemberekî sexte di nav kirasê xwe yê gewrîboz de, bi derewan be jî dest dirêjî min nekir, ez venexwendim cemeata xwe... ferîşteyeke fahîşe sing venekir... maran jî ji kom û refên xwe ez aferoz dikirim... bi qasî yezdanekî bêqûl tenê dimam... mezhebên şêx û mirîdên wê ez, min diafirandin di çarmixan de, min her çavê xwe li destmalka bixwîn, ya destê weronîkayê digerand... bi îskeîskeke zengarî, mîna guran tim dizûrriyam, hosteyê dînîtiyê mam...



    goştê hov ji te re ricifeke ruhî divê, nêrîneke şêtiya şûran divê, ez heta qirikê niştecihê tirbê...

    hilnayêm janya

    hilnayêm porkurê

    di tirban de hilnayêm ha! ! !

    a ku li eniya te nivîsî ne qeder e, soneya serpêhatiya temenê min e... dengê min diêşe, weha bi sewteke berz û peritî min dilê xwe têr rehet nekir li qîrîniya navê te... çirreke şiîr didoşim ji ewrên sipîboz ji bo çivîkên çavên te... xwezî janya min îmana te ya rewnaq bihebanda... xwezî berxê ji xeynî te pê ve bi tu fikaran min tahma hişê xwe xera nekira... bêxem min tu li suqulîka xwe bikira û sûk bi sûk bigerenda... di nav şaneşînên nêrgiz û nesrînan de min devê te bikira zîndana zimanê xwe...



    lê xwedê û wext xelet hatiye xetimkirin

    ez hêmayeke heyama hewaran,

    di herban de nîşangeha riman

    serî gog, çav xar, zikçirîyayî









    fermo janya êdî tu dikarî xwe bikujî! ... '





    wergera wê ya tirkî jî -ku min bi xwe wergerandiye- heçiyê bivê dikare ji bloga min a şexsî bixwîne.. http://pezkuviyecudi.blogspot.com/



    2013.06.05-16:30 | endazer

    2. helbesta rênas jiyanî ku nifşek bi xwe re mezin kiriye, hînî helbesta kurdî kiriye û evîndariyeke arabesk di dilê wan de hiştiye.

    bes e êdî janya xwe bikuje.



    2013.06.05-17:36 | rojan

    3. rênas jiyan piştî janyayê kêm helbest nivîsî, yeke bi navê "marka" nivîsî ew jî pirr qomîk bû. li gorî rîwayetekê, ciwanên qoserê li ber janyayê jilêtan diavêjin xwe, nizanim. elîxan loran di helbesteke xwe de dibêje "janya hêdî! êdî tu dikarî xwe bikujî" û dibêje "belkî belkiyeke me jî tune" filan, em bigirîn an bikenin, nizanim. em ê li benda kitêba wî ya nû bin.



    2013.06.06-11:09 | filitto lawo

    4. HEKBESTAVANÊ HEMENA DEMÊ DE B ŞÛRRÊ XWE GEL XWEDÊ Û WEXTÊ ŞER Dike dawiyê mirin ser dikeve lê karakterên wî wekê ankayê bi xwelaya xwe diafirinnnn.

    Xwediyê rêbaza ramyarî Çirûskîzmê ye helbestên wî tarîtî, reşbînî didin berbiçav lêbçirûskekê zerdeştî felsafeya xwe li ser ariyên helbestê ava dike. ^^Divê mirov hişyar bibe piştre bikeve tevgerê '' ev fikr bandora Hegel dide nîşandannn.



    2013.08.07-22:28 | kelha bayê

    5. ji bo fahmkirin û fikarandinê divê mirov seretayî ol û wextê bi şêwazekê rasteqîn kûrrkûrr analîz bike, ev helbes awayekê nîşaneya serhildana hemberî tiştên ku ol û demê ve girêdayîne.helbesvan digihêje vî argûmanê ku tu carê wext û bawariya olî aliyên kurdan ve bi awayekê erenî tevnegeriya ye

    .



    2013.08.07-23:20 | kelha bayê

    6. Li vir peyamek hebû lê xuya ye ev peyam hatiye jêbirin

    2013.08.07-23:20 | kelha bayê

    7. helbestekî rebbê helbesta kurdî ye



    2013.08.07-23:23 | xewnname

    8. helbesta ku li gorî ajansan stranbêjê kurd jan arslan di abûma xwe ya dawîn ya bi navê xewrevîn de kiriye beste û di teşt û tevna mûzîkê de bi dengê xwe hûnandiye û strandiye û lorandiye û şeh kiriye..



    2013.09.17-06:49 | endazer

    9. Sal nodûneh bû ez ne xelit bim çapa wê ya pêshîn ji weshanên "doz" ê çêbû. Hîn jî di pirtûkxana min de cihekî wê yî taybet heye. Tishtekî din ew kesên ku dev davêjin vê helbestê ger wextên xwe yî bi çavên shil bi kerb ew dixwendin û bi xêra van helbest û helbestvanan bû evîndarê zimanê xwe ji bîr nekin. Ev ew e ku kaniya tu avê jê vedixwe kevir avêtina wê ye. Ew kes bûn ku wexta li dû her erebesk hîsên xwe diketin ev helbestnan li ser zimanê wan bûn û xwe bi vî awayî entellektuel didîtin. Ew kesên ku nefret ji otomatan dikin ji bo ku karteke wan a otomatan çêbibe hindikî neketin kpss"an. Rexne li ba kurdan, li rex dujminê xwe bûn e pir caran.



    2013.09.17-12:32 | hemdilaarda

    10. pirtÛka çiqas ez didim destê xwe dibêjim "şikir ji xwedê re ku ev pirtuk hatiye nivîsandin" e.



    2013.10.07-20:06 | arami

    11. dojeha dilê rênas jiyan î ku bû bihuşta helbesta kurdî di dilê xortên kurd de.



    2013.10.07-22:23 | dîno

    12. janya kurdistan e, ango welatê janê ye. eger aniha kurdistan tarî be divê kurdistan tarîtiya xwe bikuje, ji ber ku berbang nêzing e: "fermo janya, êdî tu dikarî xwe bikujî!" û em ronî û azad bibin



    2013.10.27-16:04 | zero

    13. kurdistan e.!



    2014.01.03-00:41 | xendekî

    14. Li vir peyamek hebû lê xuya ye ev peyam hatiye jêbirin

    2014.01.08-15:06 | borazboz

    15. Li vir peyamek hebû lê xuya ye ev peyam hatiye jêbirin

    2014.01.09-20:33 | borazboz

    16. janya = Kurdistan



    2014.01.09-22:42 | sîyabend egîd

    17. pirtûka ku çapa wê ya 3'yem ji weşanên belkî'yê û ji nav zadê genim derketiye. berga wê ya nû ecêb e, wêneyekî xweşike lê belê ne ji bo janya'yê. her çapek nû me li berga berî wê poşman dike. de bila Ser xêrê be û pir bê xwendin. bi hêviya çapa 4, 5, 6, 7'an....



    https://www.facebook.com/photo.php?fbid=10152115530184247



    2014.03.29-01:18 | giyanster

    18. di kitêba janyayê de helbestek:

    kul 1 (Bê)



    li min vegere

    kulê…

    roj berî rojeke kesk

    bi kulman

    êvaran ji min re bîne

    bi hembêzan bajaran

    ji min re bîne

    “yadê” gotina ewilîn a zarokan

    hejîran

    dîlanan

    newrozan…







    xerîbê

    çavên min bi zorê hînî çavên te bûbûn

    ji cerga tu bûyî rêwî, destan teriqîn

    xwîn misîn

    bêdengî har, barbar, zinar

    şev di êşa law de xelîl birahîm (im)

    roj di êşa bav de simaîl (im)

    êvar qurban







    tik î tenê

    bê sî jî

    bi fereke dil

    bi teşqele

    bi kul

    di nava destên min de can bide

    naxwazim ji bilî min, bila tu kes li ber te nekevin

    ez ê li ber te kevim

    van keserên xwe yên qilêrî

    bi çavên xwe yên bawî

    çendîn li benda hatina te me bi teresî

    bê…

    an na

    wê xortanî ber bavê





    /her ku ez li awêneyan dinihêrim

    rûyê te bi dizîka li wan tên xêz kirin

    mijan li wechê te mayinde kon vegirtine

    di rojên zelal û sibehên xunavîn de/





    bikeve qeraxa rê

    bide tengala bê

    û



    tagirtî

    ji rehên laşê xwe yên tije xwê

    amade kirine ji te re min benikên tayê





    sîlûetê te li ser pelên papîrûsan dinivîsim

    di bin çeng de bi xwe re digerînim

    te ji kesên nexwendî dipirsim

    geometriya gulê nizanin

    lê tu, bi dev û lêv, stû û rû

    pêk tê, ji senfoniyên çirçirkan ên nîvê şevê havînê





    bê…





    bi şiva bejna xwe

    li koza deriyê berxikên min xe

    ji mêj ve min xwe xweşik kiriye ji bo te

    ji bişkulên şil

    morîk rêzkirine min li gerdena xwe





    çeman

    ji kerban

    perîkên avên xwe rûçikandin

    tu nehatî

    dilketî xurifîn

    tu nehatî

    dest avêtin namûsa hechecîkan

    tu cardin nehatî

    hejîrên te jê hez dikirin xwe xwarin

    tu dîsa nehatî

    ka te ji hechecîk û hejîran hez dikir kulê? ...

    ka neynûkên wan te nedida bi malê dinê? ...

    hesreteke helbestvan hebû, ew jî qûnde bu

    axx bê! ...

    şev û roj li min hatine xezebê

    de haaa! ... tu li ku ma









    Rênas Jiyan



    2014.03.29-01:39 | mam selam

    19. tenyayên êşê



    2014.11.11-21:25 | tivirloismail

    20. xora ci ra zaf hes kerdêne.çira merd?



    2014.11.12-00:26 | ladyzazarus

    dengdanên dawîn (Yên Din..)
    di nava tirşikvanan de hevzayendîtî [1]
    tiştekî ne ecêb e. HILMA XWE FIREH BIKIN Û NEkeVIN tirsa qûna xwe. HER...
    serhedo bê kiras [1]
    Xoş hatiye. Li ber peyamên wî yên geş û dirêj bim. Gelek meraq d...
    çavgirtonek [1]
    Belê em jî wisa bi kar dînin(li serhedê/mûş).Em Xeyni çavgirtonekê,&qu...
    dersên fransî [1]
    kanala ku min îro keşf kiriye, lawikekî delal bi Kurdî Fransî hîn d...
    zayendperest [1]
    ji mirovên ku zayenperestî dikin ra tê gotin. divê werin p...
    belki ev jî bala te bikişînin
    » janya

    Kategoriyên mijarê:: kurdukurdi wejehlbst
    nivîskarên ku li vê mijarê nivîsîne


    sitemap
    reklamokên beredayî