Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    12 mijar û 18 peyam
    qetran - tirşik
    qetran | 2005
    Nivîskar: Dost Çiyayî | kurmancî | helbest | 64 rûpel

    min guh da nalîna dengekî hinavîn û dawîn min xwe kuşt di şeveke şafiî de bi sewta saweke sefran û seferî suhurîm, li seherên sar û sêwî ku hîn nizani...
    qetran
    (5) (0) ecêb (0) (11)
    di mijarê de bigere

    1. navê pirtûk-helbesteka dost çiyayî ye.. li gorî min lûtkeya helbesta kurmancî ye..



    ''Ji qetrê sader qehr û risas

    Bi mohreke sincirî re hatim helandin

    Li hemû dergehên demderewîn yekcar

    Min qufiland dilê xwe yê têrxwê

    Bi kerbekê re hazar car min lehimand

    Keserên kiras zingar

    Dil û rivîn

    Kul û birîn

    Wekî teyrekî bêzar di şîrê xwe de hatim parzilandin.



    Min guh da nalîna dengekî hinavîn

    Û dawîn min xwe kuşt di şeveke şafiî de

    Bi sewta saweke sefran û seferî

    Suhurîm, li seherên sar û sêwî

    Ku hîn nizanim bê bi kîjan surperiyê re

    Li çerxa kfjan zemanî dizîvirîm

    Da ku gihîştim xawêniya bêdengiyê

    Meyam li nebîniya şevên bêstêrk

    Û min heyvanê xwe ji heyva nava xwe girt

    Zeman û zemherîr

    Ziman û zehîr

    Wekî marekî bêjehr di kevirên sebrê re bihurîm



    Rûpel bi rûpel ji nû ve hatim qulibandin

    Deftereke bêxwedan û bêxwenda bûm

    Lewra beriya bab'ên bêbinyad û mishefên reş

    Li seyra sîmirekî sîmyavan hatibûm nivîsandin

    Bi çavên çelq çelqiyam û min dît eareke din

    Li raserî wêrekiya xwe ya rehwan û dilovan

    Kelam kavil, wate wêran û xêzên xwedayî

    Li binya temberiya min ku gunehkar dixwiyan

    Reml û reea

    Rene û rewa

    Wekî bînerekî kor ji çavan dirijiyam



    Min hilgirt helkehelka hêla xwe ya helak

    Û xembar dageriyam şiveriya şevên xas

    Li şopa şivaniya xwe ya kevnar

    Ji refên xwe dûr ketim mîna qulingekî hejar

    Min rûyê xwe şûşt û vekişiyam ji mezata gotinên xav

    Lewendên lewçe û quretiya berêvariyên erzan

    Lewma peyayekî pêxwas û ûryan bûm

    Dema ku min bêtirs xwe avêt bextê zimanê maran

    Şêrekî şîrşor bûm li şarê şaristaniyan

    Şîrove nedibûm tu car bi şêrîn(ba)zaran

    Dilop û derya

    Mirin û dinya

    Wekî çerxekê di xwe de gêj bûm



    Dev badan devên devdeve

    Dêmên dêgur, çeşmên xure

    Min pelên zer li xwe pêçan

    Û min nixumand melûltiya xwe ya bêtam

    Ji edeba piçûkatiya biran

    Ûxwarina bi dizî ya li pişt kewaran

    Weke pîneyekî payîdar ku mabû yadîgar

    Çi bêjim nîvco, çi bikim kêm

    Gerden û morî

    Zarok û dûrî

    Wekî kirasekî, li janan hatim tefsilandin''



    2013.09.30-03:01 | endazer

    2. qetranê bînin kûrm dibarin ji ezmana



    2013.10.01-13:28 | newenda

    3. nAVÊKITÊBA ŞAÎRÊ BÊMIRAD dost ÇiyayÎ YE. JI SERÎ HEYA BINÎ HELBESTINE MIKEMIL IN. BI TEYBETÎ HELBESTA hezaz xalÎ HELBESTEKE ZOR CIWAN E.



    2014.01.16-01:19 | seydayê_peyvan

    4. wekî din



    "Li dû pêjna xezaleke birîndar

    bilez û bez demadibezim

    ta bi ta berba dibin porên te

    li ber çavên min" gotiye dostê minê çiyayî.



    2014.01.17-00:22 | kubikem

    5. dema yek ji min dipirse, bi ya te helbesta herî xweş kîja ye? her gav cara ewil qetrana dost çiyayî tê bîra min..

    ji zû de ye li benda abdullah koçal bûm ku bi dengê xwe yê xweş ev helbest bi deng bikira yanê bigota

    axirî camêr helbestê gotiye de kerem bikin ji lînka jêr guh bidêrin..














    2015.11.05-21:38 | ferhenga şikestî

    6. Navê helbesteke dost çiyayî ye.



    Lînka ferhenga şikestî şikestî ye. Ji bo xatirê wî ez ê qetran parvekim.



    Qetran, ji dengê andullah koçal














    2016.03.30-00:33 [guhertin:2016.03.30 18:23]| gumgumok

    7. madeyek avîye bîna rîçalêye (a bacanên reş) ji neftê û ji hinek tiştên din bi dest dikebe maddeyek bi reşbûna xwe navdare dema tiştek zêde reş be jêre dibêjin wekî qetranêye.



    2016.03.30-00:55 | shorbevan

    8. Kurdînûsek ji twîtter ê ye. Bi gotinên xwe yên " pisîka min ,şev êş , şev aş " navdar e. Ew jî têra xwe fenomen e.



    2016.03.30-01:10 | biaqila malê

    9. yek ji helbestên kurdî yên xweştirîn e. herdu lînkên jor jî şkestî ne, ji dengê abdullah koçal guhdar bikin:














    2016.03.30-01:27 | xendekî

    10. şaheserek e ji helbesta kurdî ya modern. her ristek vê helbestê hêjayî lêkolîneke berfireh e. navê xwe daye tekane dîwana rehmetî dost çiyayî û xuya ye bi feyza çend helbestên metin kaygalak hatiye nivîsîn. jixwe di pêşgotina kitêbê de remezan alan jî cextê li ser vê feyzê dike. erê, dost çiyayî ev helbesta xwe ya newaze bi feyza kaygalak nivîsiye lê jixwe feyz û tesîr nebe edebiyat jî nabe, ne wisa?



    2016.03.30-03:30 [guhertin:2016.03.30 03:33]| terkexem

    11. Yê ku dibêji pisîka min dipeyivi kurdînûsik ji twîtter ew na pisîka wî fenomen e



    2016.03.30-04:00 | qijilyo

    dengdanên dawîn (Yên Din..)
    what can i do sometimes [1]
    dil heye bibêje "sometimes there's nothing you can do" lê zi...
    lêvanê [2]
    gotina ku ji bo curetevgerên mirovan yên wek maçkirin, firikandin, bih...
    cîhên herî xweş ji bo xwekuştinê [1]
    partosa gîhayan!
    merivê xwe serserkî biavêjê partosê oxx.. bib...
    ji înternetê bêdestûr daxistin guneh e [4]
    Hukmekî rast e. Ya rastî, hukmekî rast xuya dikê. Lê meriv naxwazê go ...
    li ser rexneyên kurdiya çêkirî û standart [9]
    Li ser rexneyên kurdiya standart (zimanê çêker) çend têbiniyên min
    belki ev jî bala te bikişînin
    » qetran

    Kategoriyên mijarê:: kurdukurdi pirtukweje wejehlbst
    nivîskarên ku li vê mijarê nivîsîne


    sitemap
    reklamokên beredayî