Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    7 mijar û 8 peyam
    sirûda kurdistanê - tirşik
    sirûda kurdistanê
    (0) (0) ecêb (0) (3)
    di mijarê de bigere

    1. Destpêka her tiştê xwendin e, li gor rênas jiyanî divê sirûda Kurdistanê (ey reqîb) were guhertin, ji ber ku tê de navê "Keyxûsrew"ê şahê Sasaniyan dibore:

    “Ême roley Mêdiya û Keyxusrew în / Em kurên Medya û Keyxusrew in

    Dîniman, ayinmian, her nîştiman / Dînê me, ayîna me her niştîman e”

    Ji ber ku têkiliya tu şahê Sasaniyan bi Kurdan re nîn e em nikarin Sasaniyek wek bav û bapîrê xwe di sirûda xwe ya neteweyî de bi lêv bikin. Çima ne Kawayê Hesinkar? Di “dîroka kurd û kurdistanê“ ya mihemed emîn zekî beg de jî “Keyxusrew” wekî şaheke Sasaniyan derbas dibe. Lê ez jî ne bawer im ku haya yûnis dildar (ê ku şairê helbesta “Ey Reqîb”) ji vê yekê hebe. Ji ber vê çendê Rênas Jiyanî, di pirtûka xwe ya helbestê ya bi navê “Diêşiya” de helbestek bi navê “Sirûda Kurdistanê” nivîsandiye û xuyaye wê di derheqê vê yekê de gotûbêjek pêk bîne.



    2013.10.15-04:53 | zero

    2. helbesteke rênas jiyan'î ye. mergehezo nançû ji me re peyda kir:



    Sirûda Kurdistanê



    Ey Kurdistan

    Ey kew

    Ka bêje çawa diherrime xew?

    Kengî ji bo azadiyê xwîn dibe dew?

    Bes tu megirî hew

    Bijî bedew bedew

    Ji te re her der bela ye lew

    Were bilûse li ser gurzê Kawayê qelew

    Kawa û kew

    Wekîdin her tişt derew



    Ey Kurdistan

    Ey xwîn

    Serê hespê xwe berdaye bi çargavan tê Selaheddîn

    Di şerrê te de Mem’ î şûrê destê xwe ji xwe re kiriye Zîn

    Me ji çermê xwe yê çirriyayî ji te re çêkiriye Ala Rengîn

    Nebî nebî ji bo mirina me megirî û meke şîn

    Mirina ji bo te şêrîn

    Li te xweş helal be her çi ji me nîvco mabe, jîn an jî evîn

    Kî ji me qîma xwe bi bindestiyê bîne bila lê bibe jehr û enderîn



    Ey Kurdistan

    Ey Bîr

    Ji bo ku te pê xwedî bikin bêrîvanên te yên dest-hevîr

    Ji sîngên xwe didoşin şîr, pêsîr bi pêsîr

    Dengbêjên te yên deng-lîr ji bo te distrên hejîr hejîr

    Newalên te kevan in, çemên te tîr

    Bi van çekan şerr dikin çiyayên te yên pîr

    Kes nikare xwezaya te tu carî bike hêsîr

    Tu mîr î, mîr



    Ey Kurdistan

    Ey agir

    Ji bo ku te bikin parçe û dagir

    Hov in, êrîş dikin di dest wan de bivir

    Me li dijî dijminên te yên kafir

    Li jêr û li jor şerr kir

    Tu nizanî bê ji bo te kî mir û kî nemir

    Tu her delala ber dilê me bûyî me da te qedr

    Tu yî sebr

    Tu yî ahd û îman û cirr

    Qet nîn e ji navê te xweşiktir zikr

    Me ji bot e belqitand emr

    Me qebr kir qesr

    Me ji koma meytên şehîdên xwe çêkir çiya û agir

    Me ji bo te rijan hibr û hêsir

    Me tu bi xwîna xwe kirî Tahir



    Ey Kurdistan

    Ey doz

    Bi soz, bi soz

    Em ê tu carî nahêlin ku nizm bibin zagros

    Em ê tu carî nehêlin ku kor bibin newroz

    Her Newroz em ê li dora êgir bibin moz

    Em ê ji wî agirî re hestiyên xwe bikin koz

    Em ê Medan ji xwe re bikin mîtralyoz û deqnanoz

    Em ê siwar bibin li ser pişta bahozên boz

    Em ê deryayan bikelînin û parzemînan bikin toz



    Rênas Jiyan



    2015.08.20-21:16 | xendekî

    3. helbesteke rênas jiyanî ye. Helbesteke xweş e û weke alternatîfeke sîrûda kurdistanê nivîsandiye. ji dengê wî jî hûn dikarin guhdar bikin:










    2016.04.27-16:28 | mergehez

    dengdanên dawîn (Yên Din..)
    kesê ku qet game of thrones temaşe nekiriye û pubg neleyîstiye [1]
    kesê pîroz e, kesê bimbarek e, kesê bilind û mezin e. lazim e were ...
    galatasaray [1]
    timeka futbolê ya tirkîyêye lê tim bi hîle dibin şampîyon û navê wê û ...
    vladivostok [1]
    bajareka rûsyayê ye. cihê xwe pir staretejîk e. di navbêra (vbnr: K...
    frantz fanon [1]
    nivîskarê dij-kolonyalîst ku îlham daye gelek tevgerên dij-kolonyal. ...
    steve biko [1]
    nivîskarê dij-apartheid, dij-nijadperestî. di sala 1946an de li afrîka...
    belki ev jî bala te bikişînin
    » sirûda êzîdxan
    » kurdistanên ewrupayê

    Kategoriyên mijarê:: wejehlbst cand
    nivîskarên ku li vê mijarê nivîsîne


    sitemap
    reklamokên beredayî