Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    0 mijar û peyam
        mexzena xwînê - tirşik
        mexzena xwînê
        (0) (0) ecêb (0) (5)
        di mijarê de bigere

        1. navê pirtûka duyem ya helbestan ya rênas jiyan e.. ji bîst û sê koleksiyonan pêk tê.. her koleksiyonek wekê dik û sehne û perdeyeka sînemayê ye.. li ber dilê min serkeftîtirîn pirtûka rênas jiyan e belê ji janyayê jî serkeftîtir.. rênas bi vê pirtûka xwe 'elema kelamê mewzûn 'alî kiriye li banê gerdûn.. eger min ji pêşgotina pirtûkê şaş fêhm nekiribe rênas ev koleksiyon di girtîgeheka tirk de berhev kirine lê piştî ku tê berdan û azad dibe koleksiyonên wî di arşîva girtîgehê de asê û girtî dimînin.. rênas jî ji xwe re dike rik û inyad û rûdine ji nû ve koleksiyonên xwe di bîra xwe dicivîne..



        ji devê rênas:



        ''Ev pirtûk, ev çirûsk xwe ji xweliya xwe vejandiye.Bi girtina min re ew jî hate girtin, ez hatim berdan piştî qe derekê, lê ew girtî ma ango ew hat tahrîbkirin û wendakirin. îro ew hatiye temamkirin. Lê min ew temam kir an ew ji girtîgehê, ji arşîwên girtîgehê reviya ez nizanim.

        Tiştê ez dizanim me gelekî ji hevdu hez dikir û keda me di ber hev de pir bû. Ez li xwe mikur bêm ji nû de nivîsandina wê ez gelekî betilandim û êşandim jî...Lê min xistibû serê xwe çawa be, bi çi şiklî be jî ew ê bê temamkirin. Temam bû, lê di navbera nusheya ewil û ya niha de ji sedî sî-çel ferq heye, ez çi bikim,min bîra xwe gelekî êşand encax ew qas jê derket, ji xwe koleksiyon yanî beşên wê ji kaniya binhişînê diherikîn, piştî wendabûna wê, bû karekî binhişîna binhişînê, lê cama çirûskên wê rê li ber min ronî dikirin.

        Carna gava min çavên xwe digirtin an jî vekirîbûn jî, di hişê min de hinek tabloyên tahl an jî şêrîn çêdibûn, min orîjîna wan nizanîbû ji bo çi ye, lê her îi her di hişê min de bûn, min hinek ji wan veçirandin û deşîfre kirin, lê hinekan ji wan zora min bir û wer man. Surrealîstan çi di binhişîna(soubeconsiance) wan de bûya bêyî ku sererast bikin,ava bikin û li ser wan bişuxulin diteyisandin ser qaxezê, binhişîna wan çi qasî absurd, beloq, bê wate û bê teşe bûya jî, wan diteyisand ser qaxezê û dikirin helbest, yên wênesaz dikirin wêne; ev di heman wextî de dibû xusûsiyeteke sereke ya surrealîzmê jî. Lê min weha nekir. min ev tabloyên binhişînê yek bi yek bi wate, bi cih, bi wext, bi tahm û bi bêhn kirin, weke wê ji beşên helbestê jî xuya bibin, min huwiyetek bi ber stuyên wan ve kir, belkî jî weke Jung dibêje ev ji ber binhişîna nasyonalî be jî, ji ber ku kurd û herweha ez û siîretên bihişîna min, em bê nasname bûn û hewcedariya me tavilê bi nasnameyeke eşkere hebû. Heta ji min hat, min nehişt qalib, teknîk, teşe, têma û ahenga kevn a bi kurdî û ya bi zimanên din tev li vê berhemê bibe.Bi her awayê xwe, ziman, vegotin û teknîkê divê nuh bûya, bi vê armancê min hewil da. Min xwest ez bi dîroka bîranînên xwe, ne bi zimanê zarokekî êdî bi zimanê mezinekî bi riya van bîranînan -ku min ji wan re di vê helbestê de koleksiyan got- xwe nas bikim, xwe bi nav bikim, xwe bi tahm, bêhn, cih û war bikim û herweha xwendevanên xwe jî. Hinek beşên vê pirtûkê ne ji binhişînê hatine pê, ji heyata reel hatine berhevkirin, ji ber ku bûyerên îro ango aktualîteya îro wê ji bo sibêro bibe sermiyanê binhişîneke pêş. Çi qasî çavên mirov girtî bin û di vê girtîbûna çavan de, xeyal ji wan biwelidin jî; gava vekirî bin jî xeyalan diherikînin gola mejî. Binhişîn, hiş û serhişîn sê qonaxê girîng yên xeyal û ramanê ne. Bi binhişînê raman an jî îmajên kûr, bi serhişînê raman an jî îmajên bilind û bi hiş jî raman an jî îmajên bi rade diafirin. Ji bo berhemeke baş

        ev her sê qonax gelekî sûdewar in, ev berhem hewildaneke realîzekirina van her sê qonaxan e.

        Hinek koleksiyon bi şêwaza modem, hinek bi şêwaza postmodem, hinek bi ya otantîk-pastoral, hinek bi ya reel, hinek bi ya surreel herweha bi bizarkirina sembolî, bi harmoniya nazenîniya taymetmendiyên kurmancî, bi teşeyeke guhertî û bi lîrîzma li ruhê helbestê enjektekirî hatine çêkirin.

        Ji bo helbestekê, hêma fonksiyona bizmar û têma fonksiyona çakûç hildigire ser xwe. Têmaya ji hêmayê mahrûm û hêmaya ji têmayê mahrûm helbestê an jî wêjeyê di gerîneka demê ya cîhanê de difetisîne. Têmaya ji hêmayê û hêmaya ji têmayê mahrûm; ji bo rakirina hudûdên, însan di hundirê xwe de kirine weke kêzikan; pifeke bêbandor û kedeke qop e.''



        2013.10.17-22:15 | endazer

        2. koleksiyonek ji mexzena xwînê:



        ''koleksiyona 9'em, li malê, îda qurbanê

        ev çirûsk, ji çavên lawikê ji kêfa îdê re raneketiye hatiye

        berhevkirin

        di tahma kulîçeyên îdê û

        di bêhna goştê îdê yê li ser tifikekê li quncikekî hewşê tê

        çêkirin de ye

        wî, geh li zarokên kêfcejn nihêrî

        û geh jî li lingên xwe yên di axpîngê de gemarîbûyî

        wî, bi awirên xwe yên ji kêra qurbanê tûjtir

        herdu lingên xwe jê kirin

        wî, wê îdê tu şekir kom nekirin

        lê zarokên din bi pirhejmarîya şekirên xwe, xwe li ser

        serê wî qure kirin

        li gel zarok bû negiriya û neliviya jî

        wî, ji hudirê malê xwe bera hundirê xwe da

        pilingekî har di hundirê wî de zîl da

        dê pêşiya malê avreşandî kir

        bêhna axa şil tev li bêhntengiya lawikê çavşil kir

        ji ber ku sola "wî" tunebû; ew li wê îdê negeriyabû

        cejnên "wî" yên kêrkirî hîn jî didomin...''



        2013.10.17-22:20 | endazer

        3. pirtuka bi min tê zanîn e lê şuna xwendina van peyaman ezê biçim careke din pirtukê bixwînim*



        2013.10.17-22:23 | azadixwaz

        4. başe,xweşe ji kezebêye.



        2013.11.08-23:02 | tivirloismail

        5. Li vir peyamek hebû lê xuya ye ev peyam hatiye jêbirin

        2013.11.23-19:23 |

        6. koleksiyonek ji mexzena xwînê:



        "koleksitona 7'em, li mizgefteke zerdeştî, eşakî

        ev çirûsk, ji reqsa li ser canê te yê yazî hatiye berhevkirin

        di tahma qeliya qitikên dermale

        û di bêhna himêzên dergîsiyên bêhgijnij de ye"



        hew ji goşt kinc li ser te maye

        a niha tu sêveke qeşartî yî

        çavên te ji avê

        bi canê te yê tazî şa dibe agirê mizgeftê



        li dîwarên mizgeftê xetên xela hevşahiyê

        û doşekeke ji pûş li quncikê wê



        tu û ew agirê mizgeftê hûn cêwî ne

        tu û ew agirê dojehê hûn xwînî ne

        kaniyên girên sînga te kevz girtine

        divÊ ez biherikim hundirê te...



        belê dilketî

        tu kihêla ji êgir î

        tu jî dizanî

        bê ez ne ew qasî mêr im û binihêrim li canê te yê tazî

        bi van çavên xwe yên fîncanşikestî



        kulîlk kulîmekên te

        di newala te de eyloyek li hêlîna xwe digere

        bêhna porteqalan tê ji porê te

        divê ez biherikim hundirê te...



        2014.05.10-17:16 | mergehez

        dengdanên dawîn (Yên Din..)
        arsivakurd.org [1]
        Arsivek gelek baş e û ez jî îro lê rast hatim.Bi rastî geşlek tiştê mi...
        koma xwendinê ya cizîra botan [1]
        koma xwendinê ya cizîra botan par li Cizîrê ava bû. du hefteyan carekî...
        peyama 2000emîn a tirşikvanan [1]
        peyama (entrya) min a li tirşikê a duhezaremîn ev e.. du hezar entry....
        tevizîna milê rastê [1]
        duh şev ez razam, saeteke din ez li ber tevza milê xwe hişyar bûm.. p...
        mîxaîl yurevîç lermantov [1]
        nîvîskar û helbestkarê Rûs....
        belki ev jî bala te bikişînin
        » mexzena xwînê
        » xwînera pirtûka elektronîk

        Kategoriyên mijarê:: kurdukurdi pirtukweje wejehlbst
        nivîskarên ku li vê mijarê nivîsîne


        sitemap
        reklamokên beredayî