Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    5 mijar û 6 peyam
    kok - tirşik
    kok
    (0) (0) ecêb (0) (3)
    di mijarê de bigere

    1. navê helbesteka rênas jiyanî ye.. ne şaş bim cara ewilîn di rojnameya azadiya welat de derçûye.. defa hawarê ye.. manîfestoya azadî û serxwebûna kurdistanê ye.. tên.. de bila bên!



    tên. ji bo ku li darê dinyê kokên me biqeliînin tên.

    weke di zuhayê de şilavilên ku xwe li avê û

    di berfê de reşêleyên ku xwe li rêxê bigirin tên.

    tên. bê sebr û hedan in, di destekî wan de ferman û di yê din de tirpan,

    bi salan e, talan e.

    lê kokên mala bavê min ji kokên mêran e...

    beran e...

    baran e...

    çi ji kê tê heger texsîr bike ne camêr lawê camêran e!..

    tên. ji bo ku serê xewnên me bikurisînin û deqên li canê me bixeritînin tên.

    xwe li bela û qeşê, li mirin û seqemê girtine û tên.

    tên, bila bên, her seqem an jî her pûkê,

    serê her çiyê an jî serê her sûkê ji bo me hembêza bûkê.

    tên. ji bo ku kokên me biqeliînin tên. bila bên.

    hay ji wan heye ku bi dobelanan re şer dikin û

    kengî dilê wan bixwaze weke ecûrê ku

    ji lemê tê hilqetandin wê serê me ji erdê hilqetînin.

    lê wê şûşî erdê bibin.

    kokên me di kêvir de şûr in.

    ev mage, heta ku ji serê xwe derbê nexwin aqil nagirin.

    ji lew re, a baş,

    şabaş ji lawê azadiya seglawî re şabaş!

    şabaş ji qîza qedera por-hinnekirî re şabaş!

    qeraş,

    tên. ji bo ku hestiyên me bihêrin.

    tên. ji bo ku di nav xwîna me de masiyan bigirin û

    keştî-kaxezên xwe biavjenînin.

    tên. ji bo ku li van erdan êşa bêkokiya xwe ji bîr bikin tên.

    bi çargavan, bi dîrok û derewên bêbavan,

    bi çapemenî û taqemeniyên bicizbêketî,

    bi hetîketî û ji serî heta binî ji rûmetê mirî tên.

    tên bi diranên fîq, bi kenên hîqehîq û

    bi paletên tanqên xwe yên zîqezîq tên.

    dev ji wan berdin bila bên. bila bên û li vê axê

    di nav kokên me yên fireh û kûr de xerq bibin.

    ne ehlê xwedê ne heq dikin…



    2013.10.25-00:01 | endazer


    3. (bnr: helbestên rênas jiyan)



    Here lînkê



    2014.07.02-14:53 | xendekî

    dengdanên dawîn (Yên Din..)
    banksy [1]
    Hunermendê kolanê, aktîvîstê polîtîk û derhêner e. Ji Bristola Îngilîs...
    çiv [1]
    peyva ku bi tirkî dibe "viraj" e. ji kesên ku peyvekê dibêjin û dûre w...
    zehra doğan [1]
    Rojnamevan û edîtora jinhayê bû beriya rojname bi khkyê bê gi...
    kesê ku qet game of thrones temaşe nekiriye û pubg neleyîstiye [1]
    kesê pîroz e, kesê bimbarek e, kesê bilind û mezin e. lazim e were ...
    galatasaray [1]
    timeka futbolê ya tirkîyêye lê tim bi hîle dibin şampîyon û navê wê û ...
    belki ev jî bala te bikişînin
    » kokure

    Kategoriyên mijarê:: kurdukurdi wejehlbst
    nivîskarên ku li vê mijarê nivîsîne


    sitemap
    reklamokên beredayî