Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    13 mijar û 16 peyam
    21. pêşbirka çîrok û helbestan a huseyîn çelebî - tirşik
    21. pêşbirka çîrok û helbestan a huseyîn çelebî
    (0) (0) ecêb (0) (2)
    di mijarê de bigere

    1. ''Serlêdanên ji bo "Pêşbirka Çîrok û Helbestan a Huseyîn Çelebî" ku ji sala 1993'an û vir ve ji aliyê YXK'ê ve tê lidarxistin, destpê kir. Pêşbirk li gel zimanên Kurdî û Tirkî, îsal bi zimanê Elmanî jî tê lidarxistin.



    Serlêdanên ji bo 21. Pêşbirka Çîrok û Helbestan a Huseyîn Çelekî, ji 15'ê Hezîranê û pê ve destpê kirin. Di pêşbirka 1'ê Îlona sala 2013'an de wê çîrok û helbestên bi zimanên Kurdî (Kurmancî, Kirmanckî û Soranî), Tirkî û Elmanî cih bigirin. Der heqê pêşbirkê de Komîteya Amadekar ev bang kir:



    "Di rojevê de, gelek guhertinên civakî yên mezin li Kurdistan û Tirkiyê hene. Bi taybetî, "Pêngava Rizgariya Demokratîk û Jiyana Azad" a di Newroza li Amedê de ji aliyê Rêberê Gelê Kurd Abdullah Ocalan ve hat destpêkirin, ji bo çareseriya pirsgirêkên Kurdistan û herêmê û avakirina civakên demokratîk û azadîperest, firsendeke dîrokî ye. Berxwedana gelan a di serî de li Rojavayê Kurdistanê û Parqa Gezî ya Stenbolê ya li dijî paşverûtî, dîktator û deshilatdarên zextdar, dewam dike.



    Em weke Komîteya Amadekar, pêşbirka xwe ya îsal, di kesayetiya sê jinên şoreşger ên Kurd Sakîne Cansiz, Fîdan Dogan û Leyla Şaylemez ên li Parîsê hat kuştin, yadî "Pêngava Rizgariya Demokratîk û Avabûna Jiyana Azad" dikin. Pêşbirka Çîrok û Helbestan a Huseyîn Çelebî, ku îsal a 21. tê lidarxistin, ji bo gelê Kurd û dostên wan bûye platformek ku hestên xwe û berhemenên xwe yên wêjeyî lê bînin ziman. Bi taybetî jî girtiyên azadiyê pêwendiyeke mezin nîşan didin. Par nêzî 550 berhem beşdarî pêşbirkê bûbûn. Îsal jî li gel zimanên Kurdî û Tirkî wê bi zimanê Elmanî jî beşdarî çê bibin."



    ŞERTÊN PÊŞBIRKÊ



    Mîna hersalê îsal jî 21. Pêşbirka Çîrok û Helbestan a Huseyîn Çelebî ji du beşan pêk tê. Beşa yekemîn; Qebûlkirina berheman a ji 15'ê Hezîranê destpê kir û heta 1'ê Îlonê dewam dike. Berhem divê di çarçoveya şertên li jêrê hatine rêzkirin, bi rêya "posta an jî email" heta 1'ê Îlonê werin şandin. Berhem wê bi tenê bi zimanên Kurdî (Kurmancî, Kirmanckî û Soranî) Tirkî û Elmanî bên qebûlkirin û ji aliyê jûriya ji 18 kesan ve werin nirxandin. Beşa duyemîn a pêşbirkê jî; wê di 26'ê Cotmeha sal 2013'an de wê li bajarê Elmanya Kolnê çalakiyek were lidarxistin û yên bi serketine, xelatên xwe werbigirin.



    Şertên beşdariya pêşbirkê:



    - Zimanê beşdariyê (Kurmancî, Kirmanckî, Soranî) Tirkî û Elmanî ye.

    - Divê berhem li ti devera din nehatibe weşandin.

    - Beşdar dikarin di beşa helbestan de bi 2, di beşa çîrokê de jî bi berhemekê (Zêdeyî 15 rûpelan nayê qebûlkirin) bibin.

    - Divê beşdar berhemên xwe li gel kurte-çîroka jiyana xwe û navnîşaneke pêwendiyê, herî dereng heta 1'ê Îlona sala 2013'an bi awayekî were xwendin, bişînin navnîşana li jêrê hatiey dayîn. Beşdarên derfetên wan nebe jî dikarin bi rêya e-mailê bişînin.



    Endamên desteya hilbijêr a pêşbirkê:



    Beşa helbestên bi Kurmancî: Tosinê Reşîd, Selaheddîn, Şengul Ogur

    Beşa helbestên bi Tirkî: Hîcrî Îzgoren, Sezaî Sarioglû, Şukru Erbaş

    Beşa çîrokên bi Kurmancî: Reşad Sorgul, Loqman Ayebe, Samî Hêzil

    Beşa çîrokên bi Tirkî: Îrfan Aktan, Esra Çîftçî, Guler Yildiz

    Beşa çîrok û helbestên bi Kirmanckî: Haydar Diljen, Denîz Gunduz, Mûzaffer Ozdemîr

    Beşa çîrok û helbestên bi Soranî: Awat Mûhammad

    Beşa çîrok û helbestên bi Elmanî: Monîka Morres, Anja Flach



    Navnîşana pêşbirkê:

    Pêşbirka Wêjeyî - Edebiyat Etkinliği - Literaturveranstaltung

    Postfach: 100603, 52006 Aachen

    E-mail: h.celebi2013@yxkonline.de

    Têkiliya bi YXK'ê re: info@yxkonline.de



    HUSEYÎN ÇELEBÎ KÎ YE?



    Serokê rûmetê yê YXK'ê Huseyîn Çelebî, di sala 1967'an de li bajarê Hambûrgê weke zarokê malbateke Dêrsimî hat dinê. Di sala 1986'an de dest bi zanîngehê kir, di sala 1988'an de ji ber xebatên xwe yên ji bo têkoşîna azadiyê ya Kurdistanê hat girtin û du salan li girtîgehê hat ragirtin. Çelebî xebatên ji bo agahdarkirina civak û raya giştî ya Elman dimeşan, di sala 1990 de tevlî têkoşîna gerîla ya li Kurdistanê bû û di sala 1992'an de di şerekî li Heftanînê de jiyana xwe ji dest da.''



    2013.06.17-18:28 | endazer

    2. Xwediyên xelatên 21’emîn Pêşbirka Çîrok û Helbestan a Huseyîn Çelebî, bi merasîmeke li bajarê Kolnê Almanyayê xelatên xwe wergirtin. Xelatên îsal jî bi gelemperî ji bo berhemên ji dîlên azadiyê hatibûn re hatin dayîn

    Pêşbirka Çîrok û Helbestan a Huseyîn Çelebî ku ji aliyê Yekitiya Xwendekarên Kurdistanê (YXK) ve tê lidarxistin, organîzasyona herî demdirêj a wêjeyî ya kurdan e ku ev 21 sal in tê lidarxistin. Pêşbirka ku her sal li bajarên cuda yên Almanyayê tê lidarxistin, îsal li Stadt Halle ya bajarê Kolnê ji bo bîranîna Sakîne Cansiz, Fîdan Dogan û Leyla Şaylemez ên li Parîsê hatin qetilkirin û têkoşerên di Şoreşa Rojava de jiyana xwe ji dest dan, pêk hat.

    Ligel bi sedan xwendekaran gelek nivîskar, siyasetmedar û helbestvan amade bûn. Li salona pêşbirkê wêneyên Huseyîn Çelebî, Rêberê Gelê Kurd Abdullah Ocalan û kadroyên pêşeng ên PKK’ê hatin daliqandin.



    460 BERHEM HATIN NIRXANDIN

    Îsal 360 kes bi 460 berheman beşdar bûn û 18 kes hêjayî xelatê hatin dîtin. Ji van xelatan 3 jê ji Ewropayê yên din jî çûn Kurdistan û girtiyên siyasî yên li girtîgehan. Ji ber ku piraniya xwediyên xelatan girtî ne, xelatên wan ji aliyê xizmên wan ve hatin wergirtin.

    Beriya xelatdayînê sînevîzyonek li ser jiyana Huseyîn Çelebî hat nîşandan û kesayeta wî ya têkoşer hat destnîşankirin. Li ser navê YXK’ê Zozan Erdal axaftinek kir û destnîşan kir ku divê ciwanên kurd lehengên mîna Mazlûm Dogan, Huseyîn Çelebî û Engîn Sîncer ji xwe re mînak bigirin û bi nêrîna van pêşengan têbikoşin.



    LI ÇIYA KURDÎ HÎN BÛ

    Bavê Huseyîn Çelebî Rifat Çelebî di axaftina xwe ya li vê derê de serbilindahî û kêfxweşiya xwe ya ji ber çalakiyeke bi vî rengî anî ziman û wiha got: “Ez ji Kurdistana nû yanî ji çiyayên Qendîlê têm. Min ji we re silav anî. Min zimanê xwe baş nizanibû. Lê li wê derê hînî kurdî bûm. Hînî zimanê xwe bûm. Li gorî min Kurdistan bihuşta erdnîgariyê ye. Ez ê di demeke nêz de careke din biçim.” Piştî axaftinan, merasîma xelatdayînê pêk hat.



    XELATÊN JI BO GIRTÎGEHAN

    Xelatên pêşbirkê îsal jî bi gelemperî ji bo berhemên ku ji girtîgehan hatibûn rêkirin, re hatin dayîn. Berhemên ku xelat wergirtin ev in: Di beşa helbesta bi kurmancî de; yekemîn Îrfan Yildiz bi ‘Karagulên Sara’, ya duyemîn Erdogan Uçar bi ‘ Qîrîna Sînorên Qaçax’ -Şakran/Girtîgeha Îzmîrê, sêyemîn A. Latîf Karaaslan bi helbesta xwe ya bi navê ‘Jiyan’ - Girtîgeha Tîpa F ya Kiriklarê xelat wergirt.

    Di beşa çîroka bi kurmancî de; yekemîn Orhan Aksan bi ‘Di Şeva Qetlê de Evîn’, duyemîn Zeynep Paril ti bi ‘Êşên Dîn’ û ya sêyemîn Îsa Bal bi çîroka xwe ya bi navê ‘Dildariya Pêşwextî’ ji Girtîgeha Wanê wergirt.

    Di beşa helbesta bi kirmanckî de; yekemîn Nîzamettîn Ozoglu bi ‘Viyan’ê ji Girtîgeha Tîpa F a Kiriklarê, duyemîn Edîp Dêrsim bi ‘Dewa Ma’ ji Dêrsimê. Di beşa çîroka kirmanckî de; yekemîn Akman Gedik bi ‘To Xarpet Nediyên’, duyemîn Sînan Sutpakbi ‘Dejê Rojda Verêne’ ji Girtîgeha Gurgumê Enwer Yilmaz bi ‘Dema Bêvenge’ ji Amedê (Edîtorê servîsa Gun Radyo TV’ê)

    Di beşa helbesta tirkî de jî; yekemîn Mehmet Şîrîn Înverdî bi ‘Trageya(m)’ jî Girtîgeha Eskîşehîrê, duyemîn Meltem Yildirim bi ‘Ellerîmîn Çalinti Çagi’ ji Girtîgeha Bakirkoyê, sêyemîn Reşît Ballikaya bi ‘Lorî’nîn Aynasi’nda’ xelat wergirtin.

    Di beşa çîroka bi tirkî de; yekemîn Samî Ozbîl bi ‘Madencî Sokagi’ ji Girtîgeha Kocaeliyê Rojda Alak bi ‘Kumral Saçlarinda Bîr Tutam’ xelatê bi hev re wergirtin. Xelata duyemîn

    Yakup Tekîntangaç’ bi ‘Taziye’ û Nîzamettîn Karaaglar bi ‘Yara’ ji Girtîgeha Sêrtê, ya sêyemîn jî Îlhamî Çinar bi ‘Bîr Yuruyuş hîkayesî’ ji Girtîgeha Balikesîrê xelat wergirtin.

    Piştî merasîma xelatdayînê Rotînda, Pinar Yildiz, Koma Amargî û komên muzîkê yên Laz û Tamîlê derketin ser dikê. Her wiha lîstikên şano jî hatin lîstin û çalakî heta derengiya şevê dewam kir. KOLN - ANF



    2016.04.13-23:20 | bêhna_piştî_baranê

    dengdanên dawîn (Yên Din..)
    frantz fanon [1]
    nivîskarê dij-kolonyalîst ku îlham daye gelek tevgerên dij-kolonyal. ...
    steve biko [1]
    nivîskarê dij-apartheid, dij-nijadperestî. di sala 1946an de li afrîka...
    survival of the fittest [1]
    (bnr: bijartina xwezayî) di vê gotinê de wateya fittestê ge...
    li instagramê nivîsandina bi çend zimanan [1]
    Mirov çend zimanan zanibe, di jiyana xwe de çend zimanan bi kar bîne h...
    navên tewşomewşo a nivşa nû li zaroke xwe dikin [1]
    navê kurik danîne "rojvan". min ji diya wî pirsî ka wateya n...
    belki ev jî bala te bikişînin
    » 21. pêşbirka çîrok û helbestan a huseyîn çelebî
    » pêşbirka zanînê
    » çîroka genc xelîl û hewsê
    » hüseyin avni çoş

    Kategoriyên mijarê:: kurdukurdi wejehlbst calaki
    nivîskarên ku li vê mijarê nivîsîne


    sitemap
    reklamokên beredayî