Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    2 mijar û 2 peyam
    ehmed huseynî - tirşik
    ehmed huseynî
    (0) (0) ecêb (0) (6)
    di mijarê de bigere

    1. Helbestvanê Kurd Ehmedê Huseynî:



    Ehmed Huseynî di sala 1955’an de li Amûdê ji dayik bû. Amûdê bajarekî Kurdistana Başûrê Rojava ye. Huseynî dibistana seretayî, navendî û amadeyî li bajarê Amûdê qedand.

    Piştre li Zanîngeha Şamê paytexta Sûriyeyê beşa Felsefeyê qedandiye. Hikûmeta Sûriyeyê nehişt ku Ehmed Huseynî bi dîplomeya xwe bixebite. Ew neçar ma ku karên ne li gorî xwe bike.

    Lewra Huseynî jî mîna gelek xortên kurd berê xwe da Ewropayê. Huseynî di sala 1989’an de çû Swêdê. Niha jî li Îngilistanê dijî. Gelek pirtûkên Ehmed Huseynî hatine çapkirin.

    Di sala 2002’yan de ‘Dîwan’a wî ji aliyê Weşanxaneya Avestayê ve hate çapkirin. Di dîwana wî de beşeke mezin ji berhemên wî hene.



    Sala 2001ê, di Medya Tv de, bernameya Sîmirê Tavsorkê û ji sala 2005ê de di Roj Tv de bernameya Dengvedana Peyvê pêşkêş dikir.



    ji destpêka sala 2013ê, di Ronahî Tv de, bernameya Şeva Hicranê pêşkêş dike.







    Berhem



    * Mistek ji şîna bêcir, Stockholm, 1990 Weşanên Komeleya Jinên Kurdistanê

    * Bi xewna we pênûsê dilorînim, Stockholm, 1993, Weşanên Jina Nû

    * Rono û sirûdên bêrîkirinê, Stockholm, 1994, Weşanên Jina Nû

    * Sîriskên hesinî (Selîm Berekat) Wergerandin, Stockholm, 1997, Weşanên Apecê

    * Bazbend, Kewname, , Stockholm, 1999, Weşanên Apecê

    * Dîwan (Berhemên Giştî), Stenbol, 2002, Weşanên Avestayê

    * Bajarê Dirinde, 2003, Weşanên Belkî

    * Çend Dîmenên Xemgîn ên Kurmancîya Nivîskî 2004, Weşanên Aram

    * Ronoya (Nûristan) 2011, weşanxaneya Belkî.

    * Navekî kuştî ji navên te yên kesk bûm. 2012, weşanxaneya Ronahî.



    çavkanî: RûPELA FEYSBûûKê YA LI SER NAVê Wî: EHMED HUSEYNî



    2014.01.07-16:29 | xendekî

    2. Vê sibehê,

    Tu Qamişloka min î..

    Tu ewrên birîndar û birûska bin zimanê min î..

    Tu sergovenda rojê û tu pinpinîka xwîna şehîdên min î..

    Tu agirê bîrê û tu çavkaniya bîranînên min î..

    Tu sîber î, tu dilber î, tu huner û tu fener î..

    Qamişloka minê janê,

    Wekî çûkan li hêlîna dil vegerî!

    Vê sibehê,

    Serê xwe deyne ser balgehên dilovan ên 12ê avdarê,

    Li ser piyan nimêj bike..

    Li ser piyan xwêya rondikên xwe vexwe,

    Li ser piyan li mirina xwe binêre!

    û li ser piyan destmalên afsaneya xwe bi tayên xewnê bidirû û tovên şevistana xwe bihêre!



    ehmed huseynÎ



    2014.01.07-16:32 | xendekî

    3. Vê êvarê, Ji min netirse! Çavên min ji boyî dîtina hinarkên te yên şermîn



    Vê êvarê,

    Ji min netirse!

    Çavên min ji boyî dîtina hinarkên te yên şermîn,

    Destên min ji boyî guvaştina destên te yên narîn,

    Helbestên min ji boyî pesinandina rondikên te,

    Giyanê min ji boyî parastina xewnên te

    Û bîranînên min jî ji boyî ronîkirina zindanên te dijîn..

    Ji min netirse!

    Di ala te ya birîndar de,

    Rengekî birîndar im,

    Nayêm dîtin..

    li ser devên sînorên te,

    pasvanekî kuştî,

    şervanekî evîndar im,

    ji bo te dijîm,

    lê bi tenê ji te bêpar im..



    Vê sibehê,

    Li ber dergehên te yên girtî,

    Di dojeha stiranên te yên reşgirêdayî de,

    Di xirecira navên te yên qedexe û kuştî de,

    Di nav pêlên aziryayî yên dilê te de,

    Di çurîskên giyankuj ên bêrîkirina te de,

    Di neynikên reş ên bindestiya te de,

    Li zaroktiya xwe digerim,

    Di gel ku dizanim ez dê di nav destên te de bimirim,

    Lê dîsa jî, Li dilovaniya goristanên te vedigerim!

    Vê sibehê, Xewnên xwe li pey hev rêz dikim,

    Sînga xwe li pêşberî hilatina te vedikim,

    tîrên ronahiya te bi hibra xwînê himbêz dikim..

    lêvên te bi pinpinîkên helbestekê dixemilînim,,

    Karwanên evîna te di qublenameya çavên te de dilerizînim,

    Tu şewata zimanê min î..

    Tu bendemana ji kevir î

    Tu neviya demsalên agir î

    Tu sertac û naveroka êşa giyanê min î



    Vê sibehê,

    Tu Qamişloka min î,

    Tu Hewlêra min î,

    Tu Mehabad û Ameda min î,

    Tu zemzem û kemenda min î,

    Tu ayet û penda min î,

    Di çavên min de tu neynûk î,

    Sirûda min î, zêrîn çûk î..



    Vê sibehê, Tu gernameya jiyana min î…

    Tu pasvana xewna min î…

    Girtîgeh î, hem sêdar î,

    Hem wateya mana min î.



    Vê sibehê,

    Pirtûka çavên te vedikim,

    Bi tirêjên rojê dişewitim,

    Pirtûka dilê te vedikim

    Di sirûdên êşê de diperpitim..

    Pirtûka hişê te vedikim,

    Bi kêrên bêrîkirinê birîndar dibim..



    Vê sibehê,

    Dixwazim çavên min birijin

    Da ku pirtûkên bindestiya te nebînim..



    Ehmedê Huseynî



    2014.01.07-16:35 | xendekî

    4. (bnr: ehmedê huseynî)

    (bnr: bawerî bi lêgerînê anîn)



    2014.01.07-16:54 | endazer


    6. Helbestvanê ku li gel êdî helbestên facebookî dinivîse jî û êdî mîna berê nexweş in lê dîsa jî bu ruh û giyanê xwe ji gelek helbestên helbestvanên bakurî xweştir û kurdîtir in



    2015.10.01-18:19 | dijber

    7. Deng: Ehmed Huseynî

    Vîdyo: asoya helbesta kurdî














    2015.12.01-13:20 | xendekî

    8. Dişeva hîcranê de min dixwest tiştekî ji tera bibêjim..

    Tiştekî..biqasê êşa zagrosan mezin

    Biqasê bejna azadîyê xweşik

    Biqasê dilê dayika min germ

    Biqasê xwîna şehîdan pîroz

    Biqasê barana sînoran xemgîn

    Min dixwest ji tera bibêjim

    Ji te hez dikim welato..



    2015.12.01-14:38 | zergahemzaerdaldilbirîn

    9. (bnr: çi ji kurd di me de maye)



    2017.03.02-15:34 | xendekî

    10. helbesta wî ya bi Şînocan gelek xweş e.



    2017.04.22-22:02 | xwelî li ser

    dengdanên dawîn (Yên Din..)
    kurdî zimanek ninû [1]
    Rast e. Kurdî zimanek ninû. Ew ji gellek zimanan pek tê. Dive em ...
    bav ji xwe ra law ji xwe ra [1]
    qey yek ji gotinên pêşîyan e. hin mezinên me digotin. dibêm qe...
    "ez bi kurdekî re nabim dergistî" [1]
    çend salan berê birayê min bi keçikek tirkê devera ege re zewicî. he...
    "ez bi kurdekî re nabim dergistî" [2]
    Îro li balafirgeha Stenbolê ciwanek kurd ê bi navê Îbrahîm layik xwe k...
    peyvên kurdî yên ku di ferhengan de peyda nabin [1]
    nemirnejî: kesê ku ne mirî ye, ne jî dijî....
    belki ev jî bala te bikişînin
    » ehmed

    Kategoriyên mijarê:: kurdukurdi niviskarhlbstvn
    nivîskarên ku li vê mijarê nivîsîne


    sitemap
    reklamokên beredayî