1. tişteke ku hê tuneye. li gorî min hebûn a wê girîng û ji bo kurdan pêwist e. şaş nebin, qala hebûna kurdên dewlemend yên xwedî ji mafên kurdan derdikebin dikim. ango ne ibrahim tatlısesek, dibe ku musa anterekî pir dewlemend. ez bawer dikim ku rojekê kurdên* ji bandora sosyalîzmê xelas bibin û feydeyên burjûvazîya neteweyî bibînin.

2. mixabin kêmasiyeke kurdan e. lê du sedemên tunebûna wê hene.

1- tansu çillera xwîmij. ku gelek dewlemend û karmendên kurdan da kuştin..

2- îdeolojiya tevgera kurdên bakurê kurdistanê. ji ber ku rihê vê tevgerê de çepgirî heye, bi karên wisa re tu carî mijûl nebûn. ne tenê li welatê xwe, li ewropayê jî tiştekî berbiçav tune.



mixabin roja îroyîn de, hêza aborî hêzek gelekî mezin e û sedema hebûna cihûyan e.

(bnr: lobiya cihûyan)

(bnr: dîasporaya ermenan)

3. çênebûye, anku nehiştine ku çêbe..

burjuwazî tenê ne zengînî ye, ji bo mirovek burjuwa be divê ji mal û binemaleke esîl jî bê.. yanî divê zengîneke torin û dinyadîtî be, ne zengînên wekê malbata kadıoğluyan bi bertîl û kurtêlên dewletê zengînbûyîn an bi ticareta heşîş û eroînê zengÎnbûyîn..

ji bo bakurê kurdistanê mirov dikare behsa du sê malbat û binemalan bike, yek jê malbata bedirxaniyên cizîrî, ya dî ya cemîlpaşazadeyên diyarbekirî û şerefxanzadeyên bidlîsî..

4. mixabin ku tune ye wek li jor jî hatiye gotin nehişine çêbe.. hevalên me yên sosyalîst ji xwesteka burjûvaziyê ya di nava kurdan de nerazîne lê ji ber ku haya wan ji nirxandina analîtîk tune ye nikarin rewşa cîhanê li gorî di derbarê pirsgirêka kurdistanê de binirxînin û girîngiya hebûna burjûvaziyê ya ji bo rizgariya neteweyî fêm bikin. dinê niha capîtalist e, hez bikî jî nekî jî wisa ye lewma ji bo rizgarî û azadiya neteweyan pêwîst e. ku dewlemendî û dewlemendên te yên netewî tunebe tu yê nikaribî ber bi azadiya welêt de lobî çêbikî û hêza hanê ji bo azadiya xwe bikarbînî. jixwe çi hat serê me ji ber feqîrî, hejarî û belengaziyê hat.

5. niha tine ye. jixwe kurdê ku dibe dewlemend demildest ji bo ku destkeftî bi avê neçin dibin tirk oxlî tirk. yên nebin tirk jî dibin alîgirên dewletê. dibêjin ku kurdistana federal her diçe dewlemend dibe. xwedê bike...

6. tişta ku nebûna wê, bi taybetî li bakûrê kurdistanê, dibe sedema kulîna têkoşîna gelê kurd. lê ger hebûya jî, ji ber fikrên pkk'e yên çepgir an jî fikrên sosyalist an jî antî-kapîtalîst, yê bi kêr nehata. hêvî dikim kû li vir şûn de çêbibe û bi kêr were. ji ber ku pkk êdî wek berê, parastina antî-kapîtalîzmê nake.

7. Honeyman / Hingivmêr: ekrem incel *

8. bûrjuvaziya go bê dewlet wê çawa çêbe nizam e. ji bêdewletî kurdên go dibin xwedî serwet jî dikevin bin destê dewleta tirka. wekî dî helbet go çend mark zuckerberg, jack ma'ye kurd heba wê hin tişt hatiba guhartin.

9. bi kuştina savaş buldan û kesên weke wî hewldana avakirina wê ji holê rabû. kîjan çîn pêşkêşîya têkoşîna rizgarîya netewî bike (ku li welatê me qaşo pkk xwe digihîne karker û gundîyan û hurde-bûrjuwayan) piştgirîya bûrjuwazîya netewî şert e. Niha bûrjuwaziya kurd heye, bila tevlîhevî çênebit. Lê bi awayek siyasî hevkarê pergala dagirker e. Ji ber ku bûrjuwazîyeke netewî nîn e, tevgereke neteeî a xurt jî nîn e. Bandora bûrjuwazîya kurd a tirsonek û bêrûmet û şênîyên halxweş ên asîmîlebûyî li ser siyaseta PKKê heye ku di bernameya wan de qetîyen serxwebûn nîn e.