Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    7 mijar û 9 peyam
    helbestên ku tirşikvan jê hez dikin - tirşik
    helbestên ku tirşikvan jê hez dikin
    (5) (0) ecêb (0) (16)
    di mijarê de bigere

    1. Şêrgele



    -Şîrê şêr di eyarê şêr de-

    Şêrgele hebûn şêrgele

    -Çi mê çi nêr-

    Li berpalên Agrî kite-kit dînemêr

    li zagrosan kur î kurroj

    Û

    Sîng kele!



    Ristek xerîbî ne d' stiranekê de

    Hin di qefesan de lexebkirî, baz

    Çar hîm çar hêvî, semax e pahra wan

    Kêl spartî çiyayê xewnan

    Ji rehma vê axê, ji pişta vî gelî

    Şêrgeleyek bû Mîr Bedirxan!



    Şêrgele hene; dûre-war... û bendî

    Şêrgele hene; pêtên ji êgir jendî

    Şêrgele hene; por-nêrgiz,xec hinark

    Bi navê Leylê, û Şerefkendî!



    Çiya sêwî ne niha bêyî wan

    Helgurd sêwî ye

    Sefîn sêwî, Sîpan sêwî...

    Çeper bêxwedî ne li Cûdî

    Li Lolan sirûd bê olan,çek bê xwedan

    Kî bûn ew hokê hokan?

    Ew ên çeng eylo,ew ên bejn-hey lo

    Kî bû lo, kî bûn

    Ew ên dil pola

    Û

    Gurçik risas? !



    Şêrgele hene; bê kêl û bê gorn

    Şêrgele hene; şevçirax û heyve-ron

    Şêrgele hene, ji azadiya bi gon

    Di bin axa sar de b' axîn razayî!



    Di binê aşûteke xezeb-spî de man

    An çûn li ber pêlên aveke tezî?

    Xwezî ez miribûma, û hew bû!

    Newal bê guh diman... û şer bû!

    Çiya bê ser diman... û şer bû!

    Şev serjê bû bi ser rojê de

    Û şerr bû!

    Şerr bû...

    Şerr bû...

    Şerr bû...

    Mirinê serê xwe çimand li ber mirina wan

    Şêrgele hebûn: şêr î şervan

    Û xewna wan xewna her kesî!



    Şêrgele hene; kefen ezmanê sayî

    Şêrgele hene; bi qasî stêrkên rijyayî

    Şêrgele hene şevçirax û heyve-ron

    Li van çiyan bê kêl û gorn wendayî!



    Hêvî bûn kite-kit, kite-kit xwezî

    Bawerî bûn bawerî, dildarên çiyan

    Dil-dojeh, pêçek agir

    Landik agir dan,

    Jiyan asretek porr-ewr bû



    Kê bibêjim,kê ji bîr bikim:

    Her nav çiyayekî asê

    Her nav dastaneke dêrîn

    Her nav dîrokeke wextbirr...

    Min navek li kurê xwe kir:

    Rizo

    Kalo

    Berzencî...

    Min navek li kûrê xwe kir:

    Qadî

    Simko

    Barzanî...

    Min navek li kûrê xwe kir:

    Mazlum

    Gabar

    Munzir...

    Min navek li kûrê xwe kiryek:

    Yek mir, sedî tol hilanî!



    Şêrgele hebûn; koçek Koçgirî

    Şêrgele hebûn ji hembêza Agrî

    Şêrgele hebûn bi nav İhsan Nûrî

    Şîmal bi şîmal Barzan bi xwe bûn!



    arjen arî



    2013.06.30-00:11 | borazboz

    2. Helbesta Mert Mertal e ezbenî...












    2013.07.03-21:42 | borazboz

    3. Min çawa te jibîr kiribû...



    BI HEVRE



    Xwazdî ez tu hevre bin

    Bi hevre herin xorînê



    Wer dî bihêrin kotra bin

    Bang dîn bi hevre narînê



    Dwînî kotra hêra bûm

    Awaz ji cîr dixwînê



    Fîrabîl û beyaban

    Hawar ji dest evînê



    Ez tu watu yek dil wîn

    Hêzan cwadi wînê



    Vêra pêkra hifne wîn

    Bircînê ya binvînê



    borazboz



    2013.07.03-21:49 | borazboz

    4. ''û

    nanê min î tu

    bê ti, tisî!

    destên min destên mindalekî:

    vala

    vegertî

    lavekar...

    min carekê j'esmeriya te xwar

    minêkar im, minêkar

    tu min nedî bi tu kesî!''



    arjen arî - eroûtîka



    2013.07.03-22:22 | endazer

    5. îro helbesta çiya mazî ye ezbenî.














    2013.07.05-14:40 | borazboz

    6. Gulfiroş

    Ez ji xew rabûm, gulfiroşek dî,

    Pir gelek şa bûm, gul bi dil didî.

    _____________________Gul bi dil didî.



    Hebû me yek dil, tev jan û kul bû,

    Ne bûme bawer, gul bi dil bidî.



    ______________________Gul bi dil bidî.



    Bazar me kir go, ser bi ser nadim,

    Ê gulperest bî, can û dil didî.

    __________________Can û dil didî.



    Min go kî didî, can û dil bi gul,

    Go: ev bazar e, dil bi kul didî.

    ___________________Dil bi kul didî.



    Min can û dil dan, dil kiriye qêrîn,

    Go ho Cegerxwîn, dil bi gul didî.

    ____________________Dil bi kul didî.



    Cigerxwîn














    2013.07.06-03:58 | borazboz

    7. min pala xwe da kîjan dîwarî hilweşîya.

    ava tehle hemû kanîyê je wedixwim

    û bextewarî tû carî nebû mêvanê walatê min.

    xewnên min giş rêş û spî bedena min warê wêran.

    Ax xwedayo!

    ka ew bihara ez li bendê bûm?

    ka ew karxezala te pesnê wê dida?

    her bijî Berken Bereh.



    2013.07.06-13:41 | gulê

    8. Li vir peyamek hebû lê xuya ye ev peyam hatiye jêbirin

    2013.07.06-18:58 | gulê

    9. bêguman ev 4 rêzikên bêhempa yên aîdê baba tahirê uryan e ;



    delal, herdu çavê min qesrên te ne

    nav du çavên min cîhê piyên te ne

    ditirsim tu xafîl gav bavêjî û

    bi bijangên min biêşin piyên te







    Di heman demê de ji aliyê jan axîn hatiye beste kirin û bûye stranek bi navê delal .



    2013.07.06-19:16 | brusk56

    10. Ehmedê Xanî (1651-1707) 'Ger dê hebûya me ittifaqek' ( http://www.kurdistan-post.eu/tr/ger-de-hebuya-me-ittifaqek )



    necatê zivingî dixwenê saqi ( http://www.youtube.com/watch?v=R4QJaO6lrOc ) jî destpêka mem û zînê ye



    2013.07.06-20:50 | gêjê

    11. Li vir peyamek hebû lê xuya ye ev peyam hatiye jêbirin

    2013.07.07-04:16 | tavrosi

    12. helbesta rênas jiyan bi navê janya ye.



    hem guhdar bikin hem bixwînin :










    2013.07.08-11:44 | serburiyek


    14. mixabin bi tirkî ne:

    (bnr: bir intihar mektubu teşebbüsü 1)

    (bnr: bir intihar mektubu teşebbüsü 2)



    2015.11.13-12:23 | nazim tolhildan

    15. van roja (bnr: şergele) ya nemir arjen arî



    2015.11.14-03:28 | diclefirat

    16. gelek in, lewma çênabe ku yeko yeko binivîsim, ezê her şairek mînakekê bidim..

    (bnr: qetran)

    (bnr: di ser şevê re têm)

    (bnr: janya)

    (bnr: taa ferwerdînek din)

    (bnr: rojbaş roza)

    (bnr: şevname)

    (bnr: anatomiya demsalên zer)



    2015.11.14-10:37 | ferhenga şikestî

    17. (bnr: rênas jiyan) - sirûda kurdistanê



    2015.11.14-20:06 | xendekî

    18. dilê min da helbesta herî xweş ya celadet elî bedîrxanbilûramin e. bi dengê cîwan haco jî gelek balkêş bûye. keremkin












    2016.03.30-01:00 | quşxaneli

    19. Yên qlasîk

    Melayê Cizîrî - Dil Ji Min Bir

    Melayê Cizîrî - Muhbetêda mihnet di zor in

    Feqîyê teyran - av û av



    Yên din

    Cegerxwîn - şêr û rov

    Arjen arî - şêrgele



    2016.03.30-01:19 | hozan serhad

    20. Bajar

    Ax ew bajar!

    Savarek rijiye êdî

    Xewneke kêm xwê

    Dengê evîndaran jê vederbûyî.



    Mizgeftek bê sofî

    Xorteke bê evîn

    Asîmanek bê stêrk im

    û dikim û nakim

    Ew bajar ji bîr nakim.



    Ax ew bajar

    Nizanim ne

    Tu ez î

    An ez tu ///// Berken bereh //ew bajar...



    2016.06.07-14:52 [guhertin:2016.06.07 15:33]| azad30

    dengdanên dawîn (Yên Din..)
    kesê ku qet game of thrones temaşe nekiriye û pubg neleyîstiye [1]
    kesê pîroz e, kesê bimbarek e, kesê bilind û mezin e. lazim e were ...
    galatasaray [1]
    timeka futbolê ya tirkîyêye lê tim bi hîle dibin şampîyon û navê wê û ...
    vladivostok [1]
    bajareka rûsyayê ye. cihê xwe pir staretejîk e. di navbêra (vbnr: K...
    frantz fanon [1]
    nivîskarê dij-kolonyalîst ku îlham daye gelek tevgerên dij-kolonyal. ...
    steve biko [1]
    nivîskarê dij-apartheid, dij-nijadperestî. di sala 1946an de li afrîka...
    belki ev jî bala te bikişînin
    » helbestên ku tirşikvan herî zêde dixwînin
    » tirşikvanên ku dixwazin peyamên wan werin jêbirin
    » jêbirina peyamên heqaretan dihewînin
    » hêzên sûriya demokratîk

    Kategoriyên mijarê:: kurdukurdi wejehlbst
    nivîskarên ku li vê mijarê nivîsîne


    sitemap
    reklamokên beredayî