Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    1 mijar û 1 peyam
    peyamên çeppikkirî yên di vê mijarê de; îtîrafên tirşikvanan
    peyamên çepikkirî

    1. berê dema diya min digot "filan tiştî neke wê perê me here" an jî "te îro klîma pir vekir, pêrê me zehf çûn" min digot qey pere dizîka ji cizdana diya min derdikevin û hêdîka ji mal derdikevin. min îtiraf kir, oxweyş ez rihet bûm.



    2013.07.01-11:21 | simurg56

    3. Bi rastî jî ez hîn Kurdî nizanim*



    2013.07.07-04:20 | tavrosi

    5. min hê mem û zîn'ê temaşe nekiriye/nexwendiye. zanim bekoyek bêîman heye û hew. *



    2013.07.13-17:31 | simurg56

    7. ev heftakik e ez li tirşikê me lê nivisê min deha derbas nakin, ji ber kû ez baş nizanim bi kurdî binivîsim.



    2013.07.13-21:56 | freedm4ever

    8. car caran dinêrim ka çend çepkirin u çend reşkirinên nin hene *



    2013.07.13-14:01 | feqiyêteyran

    9. di twitterê de ji tirşikê peyam ji min re hat.got:tu endamê tirşikê yî min got, erê lê derew bû.rotira din ez bûm endam.



    2013.07.14-00:44 | gulan

    11. Te dît di brazzersê da zilamê keçel heye. Ew ez im.



    2013.07.14-01:39 | dengêmintête

    12. carinan tirşik min ji malperê diavêje. heçko min pêl derkeve kirî ew bi xwe min ji malperê derdixîne .

    gelo tu ji min kerixî û bezar bûyî ?

    pir xemgîn dibim tirşik, çima wisa li min dikî ? wisa neke ..



    2013.07.18-00:55 | brusk56

    13. Bi zaroktî min bi xwe de dimîst, lê min bera stuyê birê xwe dida...

    Navê min bû jîrikê, navê wî ma kelmîzo...



    2013.07.18-10:31 | keje bemal

    14. ez ne qut im, ne dirêj im, takrîhana şax diavêjim



    2013.07.21-13:35 | quto

    17. mehekî sax bi înterneta bi kotaya 1 gb êdare dikim û vê mehê hê nava mehê de înterneta min qediya. hema ez jî wek pênaberek bê welat, xwe diavêjim ber diya xwe û birayê xwe da telefonên xwe bidin min. giriyê kafiran li min tê . roja borî, li sûka mêrsînê, min destê xwe vekir û got "xwedê ji we rezî be 2-3 mb înternet bidin min". bi vî awayî min heta êvarê 179 mb înternet berhev kir û ez hatim malê . ez niha bi wê têdikevim. xwedê xêra wan jê bîne .



    2013.08.16-01:12 | brusk56

    18. ji ber ku yên min nas dikin li ser tirşikê hene ez nikarim bi rihetî îtirafan bikim û vê yekê îtiraf dikim. ka herin lo, hema qet nebe online nebin heta saetekê.



    2013.08.18-00:41 | azadixwaz

    21. dema ez deh salî bum yek mêvan kî hatibû mala me.ew û bavê min û birayên min di odekî de rûnîştin bun û qise dikirin.ez jî ketîm odê û ser mînderkî rûnişt.deme ez rûniştim min mêzekir dengkî hat, min xwe hînek da hêli kî yek berçavkkî şkesti.ew berçavkka mêvan bu.ez pirr tirsîm.dura ez fikirîm min got ezê çi bikim.birayê minê biçûk jî nîzikê min bu.min ev berçavk derxist holê û min ji bavê xwera got birayê min ew berçavk şkandî.bave min ji bawer kir û ev suc li ser milê birayê min ma.dura çi bu?tiştek jî ne bu.



    2013.08.20-13:54 | bayesar

    22. ferhengên kurdî-tirki tûnebûna ez jî tûnebûm.



    2013.08.20-15:24 | babayaro

    24. dema dikevim tirşikê ewil lê dinêrim ca çepik dane nedane.



    2013.10.20-23:01 | bawero

    25. wext têra min nake . dixwazim rojekî bibe 40 saet. tiştek bikim a din kêm dimîne tiştekî din dikim yekî din kêm dimîne* mesela dixwazim guhdarÎ FILM BIKIM û DI HEMAN DEMÊ DE DIXWAZIM PIRTûK JÎ BIXWÎNIM.HEWCE YE DERS JÎ BIŞIXULIM Û HEVALÊ MIN, MIN VEXWENDIYE XWARINÊ. DIVÊ MALÊ PAQIJ BIKIM, XALIYAN RÊKIM BO PAQIJKIRINÊ, JI MIN RE 2-3 TIŞT HEWCE NE DIVÊ JI SÛKÊ BISTÎNIM HWD . DAWIYA DAWÎN HEMÛ DIMÎNE. NIKARIM YEKÎ JÎ BIKIM . TENÊ TÊRA XWE DERS DIŞIXILIM Û WEXTÊ MAYÎ JÎ LI INTERNETÊ ME .



    2013.11.01-00:57 | brusk56

    32. dilê min îşev li ser hespekî rewan e, dibeze ax dibeze..

    henek menek dilê min ev çi qas e tê bêjî qey hatiye xesandin..

    ev çendik û çend sal in bi ser navê eşq û evîn û muhbetê tu tişt lê şÎn nabe..

    tê bêjî qey teqîneka nûkleerî lê çêbûye.. erdeke rip û rût û trafîkeka transît.. heçî tê diçe, heçî tê diçe..



    2013.12.14-01:49 | endazer

    33. dixwazim xwe hînî zimaneke nÛ bikim.. û dixwazim xwe bielimînin çend bernameyên nû yên endazyariyê..

    û ji bo vê yekê min hemû hesabê xwe yên sosyal medyayê sekinandine, divê destê xwe ji tirşikê jî bişûm, lê dema ku dibînim layê çepê yê tirşikê virt û vala ye û bûye berdîwarê sêwiyan, xwe nagirim tişta tê ber dest û devê min li tirşikê direşînim..

    dixwazim dinyayeke bi temamî kurdî ava bikim..

    dixwazim dinyayeke ji binî ve bi kurdî ava bibe..



    2013.12.14-01:55 | endazer

    35. şevên ku dimînim nobetê û hemû rojên din yên ku sibehan li kar im û ne pêkan e têkevim tirşikê; tiştên ku tên bîra min telefona xwe de lîste dikim û dema dû re têkevim tirşikê wan hemûyan yek bi yek dinivîsim *



    2014.01.17-20:02 | simurg56

    37. ez sîxurekî ku di tirşikê de kurdan fîş dike, me.



    2014.02.26-19:42 | mergehez

    38. ez tirkî ji kurdî baştir dizanim. hêj ez nehatîm li vir min digot qey kurmanci zehf sanahiyê lê belê çen rojê ez li virim ez bi kutahî du hevoka diînim cem hev.



    2014.02.26-22:22 | korahî bîbilkêt min girtin

    43. Li vir peyamek hebû lê xuya ye ev peyam hatiye jêbirin

    2014.03.01-22:42 | ferhenga şikestî

    47. Li vir peyamek hebû lê xuya ye ev peyam hatiye jêbirin

    2014.03.09-01:29 | mergehez

    47. ji endazer hez nakim.



    2014.03.09-01:30 | hun çawane heval:)))))))

    51. çay û cixare tune be. ez nikarim bifikirim *



    2014.03.10-20:29 | rêzan

    52. mijara ku ji alîyê admîn ve hatîye vekirin û ne li gorî formata tirşikê ye.

    (bnr: sen de mi brütüs)



    2014.03.11-19:49 | nazim tolhildan

    56. deh malên min hebin, ez odeyekê jî nadime kejê bêmal.



    2014.03.13-23:24 | cercîs rewanî

    59. Li vir peyamek hebû lê xuya ye ev peyam hatiye jêbirin

    2014.03.16-11:25 | ciwan

    61. her car wek îtîraf tijji tiştan dinivîsim lê dû re reş dikim..



    2014.03.16-22:27 | gulgenim

    64. ez dixwazim ku navê tirşik.netê biguhere!!

    de bipirsin çima?

    yaw yabo dema ez ji heval û derûdora xwe re behsa tirşikê dikim ez eyn gêj dibim yaw. dibêjim ferhenga înteraktîf e, dibêjin ew çi ye, 2 saet qala ferhengê û qala înteraktîfê dikim. bi qeda û bela merama xwe li dû hevudu rêz dikim di dawiya ravekirinê de ji min re dibêjin navê wê çi bû? ez dibêjim tirşik.net e paşê heneka xwe bi min dikin dibêjin em tirşikçî nîn in qaşo henek dikin bi qewlê tirkan 'zavallılar' rebenê xwedê ne dizane ferheng çi ye ne dizane înteraktîf çi ye û bi ser de jî henek û tinaza xwe dike.. bes e bila navê tirşikê bê guhertin ez jî rehet bikim hûn jî:-)



    2014.03.19-23:53 | ferhenga şikestî

    65. ez çi dikim çi nakim dîsa jî nikarim fediyokbûna xwe li ser xwe biavêjim... mixabin ku min pirr hewl da dîsa jî bi ser neketim. ji zarotiyê min heta niha ez wisa me min 4 sal zanîngeh xwend di sê bajarên ku çanda wan ji hev cuda de jiyam, ketim gelek civatên cur bi cur, min bi sedan pirtûk xwendin lê feyde nekir hê jî fediyok im hê jî fediyok im... ji min re psîkolog û terapî divê. ..



    2014.03.22-21:38 | ferhenga şikestî

    66. Li vir peyamek hebû lê xuya ye ev peyam hatiye jêbirin

    2014.03.22-23:30 | dewréş

    68. Helbestên ku ez herî zêde hez dikim bi tirkî ne.

    (bnr: bir intihar mektubu teşebbüsü 1)

    (bnr: bir intihar mektubu teşebbüsü 2)



    2014.03.28-01:51 | nazim tolhildan

    69. ez kurdî nizan im



    2014.03.28-15:11 | berf

    75. carinan hin hevalên me yên ji tirşikê, hin tiştan bi îngîlîzî dinivîsin yaw bi xwedê gelek zora min diçe ji ber ku ji xeynî çend peyvên jiberkirî tiştekî din bi îngîlîzî nizanim lewma fêm jî nakim. divê hevalên me wisa li min neheqî nekin! ez ê heqê xwe helal nekim haa! mesela navê fîlman bi îngîlîzî dinivîsin ez jî dixwazim tevlî wan mijaran bibim lê fêm nakim behsa kîjan fîlm tên kirin. hay ji vê yekê hebin



    2014.04.08-01:48 | ferhenga şikestî

    76. Li vir peyamek hebû lê xuya ye ev peyam hatiye jêbirin

    2014.04.12-21:34 | qivaro

    76. ez ew karakter û qehremanê di vê helbesta xwudênehiştiyê îsmet ozelî de me, ne kêm ne zêde;



    ''uzak nedir?

    kendinin bile ücrasında yasayan benim için

    gidecek yer ne kadar uzak olabilir?

    başım açık, saçlarımı ikiye

    ortadan ayırdım

    kimin ülkesinden geçsem

    şakaklarımda dövmeler beni ele verecek

    cesur ve onurlu diyecekler

    halbukı suskun ve kederliyim ''



    yanî;



    '' çi ye dûr î, û kû der e?

    ji bo yekÎ wekî min ku ji xwe jî dûr ketiye Û dûr dimîne

    heta kû derê diçin rê û bi ser çi ve dibin?

    serê min ripûrût e, min pora xwe ji nîvê re

    kiriye du şeq

    ji kÎjan welatî bibihurim

    yê min ji deqên li ser ceynikên min, nas bikin

    yê bêjin çi qas jêhatî û liberxweketî ye

    lê ya rast bêdeng û xemgîn im''



    2014.04.12-23:35 | endazer

    77. min çend wextan qedrê celladê xwe girt,min wî rind xwudan kir bi xeberên şîrîn,bi keniya ji dil,bi kilam û hikayetên bav û kalan,bi hingîva heqîqî,sêvelokên ser banê mala babê min hatîne hişk kirin..ne mirî me zindî me lê kulek mam.gava dimeşim piyê xwe ê çepê dûv xwe radikêşim.yek bi baldarî guh bidêre wê dengê xuşîna dengê piyê min bibihîse..



    2014.04.12-23:45 | gulgenim

    79. kam ke bi kirdî/zazakî binuso, ez ey rê çeppikan cenena. *



    2014.04.13-19:25 | kurdane

    80. dema endazer siyasetÊ nake kÊfa min pir jê tÊ lÊ dema dest bi siyasetê dike haho Û haho...



    2014.04.13-19:33 | mergehez

    84.ceso hez dikim.*



    2014.04.19-19:19 | xwelî li ser

    87. min hesabekî vekir di twitterê de, beriya niha jî di facebookê de, ku bi wêneyekî keçikek xweşik e û bi navê keçan e. bi vî awayî min reklama tirşikê kir. lê bila xwedê we bide bawer kirin, metod û rêya herî baş ev derket. yanê ew çi hewes û eşq û kêf bû * her roj bi dehan kesan daxwaza hevaltiya dişaniya, bi sedan kesan peyamên teybet dişaniya. lê paşê ji ber ku di demek kurt de hejmara hevalên min zêde zêde zêde bû, facebookê hesaba min girt. niha jî ji min nasname dixweze *

    neyse min niha jî heman tiştî di twitterê de da despê kirin. ez ê tweetên tirşikê rt bikim .



    (bnr: yaw ez çi beraz im) *



    2014.04.22-01:00 | brusk56

    89. xemgîn im, betilî me nizanim bê ka ezê çi bikim. jiyanek tevlihevbûyî dibihure û ez di nav wê jiyanê de mame nikarim xwe tev bidim. ne dikarim paş de herim ne jî dikarim pêş de.. di holê de mame û li benda destekî me ku wê xwe dirÊjî min bike û min ji vê quzilqirtê xelas bike.

    Têbinî : ne şaş bim hat*



    2014.04.23-02:14 | mergehez

    95. her çiqas ez gundî bim jî, ez boxer'êr Calvin Klein li xwe dikim. lê kes nabîne/nizane, qas perê diçin. bijî derpeyên spî!



    2014.04.27-15:44 | daskan

    97. Li vir peyamek hebû lê xuya ye ev peyam hatiye jêbirin

    2014.04.27-16:20 | ciwan

    111. Li vir peyamek hebû lê xuya ye ev peyam hatiye jêbirin

    2014.08.26-13:59 | ciwan

    112. biskek berê xalê min ê mezin telefonî min kir, 52 sal emrê wî ye, ji min re got ez niha derbasî kobanê bûm êdî venagerim, ji min xatir xwast...

    ez ji xwe dipirsim, gelo min çi hîs kir û ez çi hîs dikim, nizanim êdî bi rastî nizanim ji her tiştî eciz bûbûm niha jî..



    2014.09.23-10:10 | ferhenga şikestî

    113. birayên ezîz ez jî dixwazim derdekê xwe ji we ra parve bikim. min doh nuçeyek xwend derbarê şervanên ypg ê de. cîwanek di Êrîşeke daişÊ de destÊ xwe yÊ rastÊ winda dike Û heval jÎ jÊ ra dibÊjin " tu dikarÎ şerÎ nekÎ lewra destÊ te yÊ raste ÊdÎ tune" ew hevalÊ delal jÎ naxwaze ji şerÊ dÛr bikeve Û ji ber hindÊ guh nade hişyarÎyÊn hevalÊt xwe.

    Û ez xwe difikirim ji ber xwendina xwe, ji ber karê xwe ango ji ber berjewendÎyÊn xwe newÊrim bikevime şerÎ.

    gava ez gehiştime 30-40 salÎya xwe pir ditirsim ku zarÊn min ji min bipirse " te wextÊ şerê daÎşÊ lenetÎ de çi kir" bersiva min : ...



    2014.09.23-11:28 [guhertin:2016.04.20 18:22]| azad30

    124. hevalê min ê malê nizane torrent çi ye, car heye 10-12 fîlman bi hev re davêjim ser torrentê û tabî bivê nevê dikutim qûna leza înternetê de, hevalê min jî ku tîryakê înternetê ye çawa dbîne ku înternet giran bûye tê dibêje yaw hacî ev çi ji vê înternetê hatiye, heta bi ser googleê ve dibim nîvê emrê min diçe ez jî her heman bersivê diidim û jê re dibêjim ''ez jî nzanim belkî ji ber pirsgirêkeke teknîkî be carina li deverinan baximê li xeta înternetê dikin ji ber wê giran dibe'' ji xwe ji bo wî înternet facebook û lîstikên sanal ên online in ji ber wê dilê min pê naşewiye û li ber nakevim.. *

    madem mesele li ser înternetê vebû ez tiştekî din jî bêjim sê çar keçên teredînî yên cîranê hemberê mala me hene, sê çar meh berê bi awayekî pêhesane ku li malê înternet heye yek ji wan hat go tu dikarî şÎfreya înternetê bidî carinan spartekên me çêdibin em mecbûr dimînin diçin heta Înternet cafeyan min jî go ser çava, du sê roj di ser re bihurîn çi bibînin min dît hingî diçe înterneta gewr sisttir û girantir dibe min go ka ez li modemê binêrim ev çi mesele ye, ez çûm ser adrêsa modemê wey xwudêyoo ji 20 mekîneyan zêdetir bi xeta me ya înternetê ve girêdayî ne, tabî bi dest xwe re min têketina wan hemû mekîneyan asteng kir, bû roja dî min dît dîsa hat ber derî û go em nikarin bikevin înternetê qey te şîfre guheriye min go na şÎfre her eynî min neguheriye lê carinan ji mesafeyên dûr nakişîne belkî ji ber wê be filan..

    axirê qey xanimê mesele fêhm kiriye kengî li asansorê an li hola apartmanê em liqayî hev bên, rûyê xwe ji min ba dide, mehdê xwe tirş û tehl dike tu wê bêjî qey min bavê wê kuştiye.. *



    2014.12.26-23:08 | endazer

    125. li vî bajarî, yanê li stenbolê heft mehên min qediyan, bi gotineke din, heft meh e ku ji amedê dûr im, heft meh e ku di jiyanê de hilnayêm û nahewim, dê nehewin jî.

    belkî li hemberê xwedê neheqiyek be jî lê hîn hemû bawerî û îdealên min taluq avêtin, dibe ku biçin sergoyê jî..

    jiyan di nava tirkan de, di nava şênî û civatên wan de wek gûyî ye, ji gûyî jî xerabtir, pîstir, genîtir û bêhnpêketîtir e, hê jî hînî wan nebûme, kî tê dibêje, tu yê hînî wan bibî helbet, ya rastî naxwazim hînî wan bibim, emr li min zêde dibin, her ku dihere madeya min tehltir û tirştir dibe, jiyan û pêvrebûna ligel tirkan ez ji jiyanê, ji xweşî û qenciyê, ji bêhngirtinê sar kirim, hew dilê min di asmîna kurdistanê de aso û aliqî maye, dil dikim ku vegerim, lê dibêm tu yê bi çi rûyî vegerî serhedo?

    heft meh e ku li stenbolê me, biyanîbûneke beloq ji çavên min dihere, weka ku nêm ji rênasî bihere, li van deran naqosên dêran kerr minare kin nîn in, dilên rût ên bajariyan kerr û kin in, xwezî tirşikvanino mirin hebûya veqetîn tunebûya..

    heft meh e pê hesiyame ku tirkiya min jî ne baş e, min berê digot qey tirkiya min li gor rêjeya tirkiya amediyan baştir e lê na bavê min! niha di nava wan de dibînim ku hîç ne baş e, dilê min bo ferqa bilêvkirina 'qaf' û kef'ê nekeliya û çû, hê jî nikarim bêjim kağıt, ew her qaxit e, û çi îşê me pê kağıtê heye? nizanim..

    dema ku kurdek tê van deran dil dike ku siwarî keştiyan bibe û ji ser tengava stenbolê ve, ji hêlekê ber bi hêlekê ve here û sîmîtan biavêje bo qaqlîbazan; min carekê jî dil nekir û neavêt, min hej ji wan jî nekir, ji lew ew ajalên axa welatê min nîn im, dibêm qey ew jî neyarên min in, lê xaliqên xwedê ne, de were vê rastiyê bipejirîne... hîç ne pêkan e gidî!

    heft meh e ku xwîna min li girava dîrokî ya stenbolê jî netevizî, hama qurteke kelecan jî di nava damarên min de negeriyan û tevz nexistin laşê min, darên parqa gulhaneyê, sûretek ji daristanên şewitandî ên welatê min dianîn bîra min; ku min digo xelk hej ji xwe û kêfa xwe dikin, ma sucê daran çi ne? lê bo ku darên ha bibin populer, darên min bûn qurbanî...

    heft meh e ku ji amedê dûr im, xalî me, vala.. ketime di depresyonê re, ku zaroyên doyîn hê nû ji rewşa ha derketine, ma dibêm ne eyb û fedî ye ku tu nikarî ber xwe bidî? ma gidyanoo! jixwe rewş ne ji ber wê bû ku me go ha berxwedan ha berxwedan û mal li xwe şewitand û malik li xwe xerab kir?

    mikur têm ku çi qas eciz bim jî ji kurdan hez dikim, hej jê dikim ku bi kul û derdên wan re bijîm, emr kin û elemgirtî be lê bes careke din dernekevim ji xaka xwe yaw, ku rojeke bikaribim vegerim, ez ê êdî hîç jê dernekevim -ji bo ger û geştê jî-

    civata tirkan weka ekşîsozlukê ye bi xwedê, heke hevoka wan bi 'amk' dest pê neke nikarin bipeyivin, min bêriya dijmînên 'gedê bajêr' ên amedê kiriye, çêrên ku ji qirikî tê û dilê marivî rehet dike..



    2014.12.27-00:57 | ferhenga şikestî

    128. îtîrafname: li tirşikê vegeriyam. min bêriya tirşikê kiribû. :(



    2014.12.30-16:22 | terkexem

    134. Li vir peyamek hebû lê xuya ye ev peyam hatiye jêbirin


    134. ihi ihi, beriya ku bipeyivim divê qirika xwe ya tehl paqij bikim

    neyse tirşikvanîno em di mikurhatineke dî de careke din bi hev re ne*

    îroj yanê piştî saeta dozdehê şevê şeş salên min û wê qediyan yanê şeş sal berê di vê rojê de me hev nas kiribû, teqrîban hesabên me yên wê çaxê, divê niha em zewicandî bûna lê çênebû, biborîna delala min, min tu bê stran şandî, bila hemû xezebên vê cihana qehbik li min biqewimin ku veqetîna me neheqiyeke mezin bû..

    neyse vê carê ez ê dirêj nekim û serê we neêşînim, li xwe miqate bin û xwedî li evîna xwe derkevin. dinya pûç û vala û xalî ye




    139. min di 2012'an de hemû ferheng û peyvên turkcekurtcesozluk.com'êHere lînkê'ê bi bernameya ku min çêkiribû, di çend şevan de daxistine ser kompîtûra xwe û min ji simurg56 re name şand ku ez jê destûrê bixwazim ku wan têxima wîkîferhengê, lê ji wî bersiv nehat û ez zêde bi şopê neketim û min ew têxistine wîkîferhengê.



    2015.03.01-13:42 | fethî ronî

    143. belkî haya te ji vir hebe, îroj nebe dê sibe hebe teqez! ma dinya ne piçûk e? ma xwudê jî ne senarîstekî ecêb e? ma rêyên te wê nekevin li pêşiya min? helbet.

    tu bayekî sar î, ji xeyalên te sir û seqem difûrin êdî. strana zülfü livaneli ya sevda değil ya ku te pênç sal berê ji min re gotibû, êdî ev stran jî vî bayî germ nake, tu mir î nema zindî dibî, êdî ji vir şûnda tu bifikire canim



    2015.03.25-22:14 | ferhenga şikestî

    147. Di Wextê xwe yê vale de radikevim.



    2015.03.26-00:38 | brusk56


    155. Bi rasti ez pir Kurdi nizanim binifsînim. Hevîyamın ewe ku ez hîne nivisandina kurdî bibim.



    2015.03.27-21:02 | tîrejên rojê

    159. Çend roj ewil hindik mabû ez zewicîbûm û xebera malbata min jî tinebû.

    (bnr: tu çavê şeytanê)



    2015.03.28-14:49 | quşxaneli

    161. ez îtîraf dikim ku tişta ku dê min ê bigota wê nebûna îtîrafek. lewma min negot.



    2015.04.01-01:05 | serhednişîn

    164. We qet diziya Xwedê kiriye?



    Ez ne diz im û kesî jî diziya min nebihîstiye. Lê Xwedê min efû bike min berî çend salan ji Xwedê televîzyonekê dizî!



    Ji sersalê re du roj mabûn û berfê rêya di navbera gund û bajêr girtibû. Vije-vija berf û bagerê ji mirov re digot ku dê heta hefteyek an jî du hefteyên din jî rêya gund venebe. Ez jî di mal de bi tenê me û hevala min jî televîzyoneka 55 nizanim çiye. Îca dema Xwedê ji mirov re li hev neyne, nayne. Tupa televîzyona min a ji dema hezretê Deqyenûs de mabû qediya û ez bê heval di odeya xwe de asê mam. Televîzyon xerab bibû û tiştekî ku ez xwe pê re mijûl bikim tunebû. Min herî zêde dixwest di yelevîzyonê de şahiyên sersalê bibînim û minê êvara sersalê yekem car bi kurdî di Kurd1a rehmetî de li fîlma Titanicê temaşe bikira. Televîzyon xerab bibû, bêhna min haşa hizûr diçû qûna min re.



    Piştî banga îşayê bû û ez ji holika xwe derketim, min hinekî xwe bi avêtina berfa ser banê mijûl kir. Feqeyên mizgeftê piştî nimêja îşayê ji mizgeftê belav derdiketin û di nav berfê de ber bi malên xwe ve diçûn. Du feqeyên ku li ber deriyê min re dervaz dibûn qala fîlmekî ku mele wî evarî li mezgeftê bi wan daye temaşekirin dikirin.



    Herçend ez nediçûm mizgeftê û min nimêj nedikir jî, min ji feqe û cimûetê bihîstibû ku Mele Bariş televîzyonek aniye, li mizgeftê fîlm û rêzefîlmên girêdayî cemaeta Silêman bi feqên gund dide nîşandan. Mele ji bajarekî tirkan hatibû û bi kurdî nedizanî. Wî qet ji min hez nedikir û min jî ji wî. Welhasil min zanî ku televîzyonek li mala Xwedê heye.



    Piştî ku cimûet ji mizgeftê belav bû, minî kafir riya mala xwedê girt û ez bê destmêj ketim hundir. Ji ber heyveşevê hundirê mizgeftê ronî bû. Yekser çavên min li televîsîonê ket û min bê ku destûr ji Xwedê bixwazim kir himbêza xwe û bir mala xwe.



    Televîzyona min û ya Xwedê di heman qalibî de bûn. Herdu jî 55 ekran bun. Lê ji ber markeyên wan ne weke hev bûn, diviya min hundirê wan veguhezta. Yanî kurt û kurmancî min ekrana televîzyona xwe kir nav ya Xwedê û ya Xwedê jî kir nav ya xwe û nameyeke bi kurdî ji Xwedê re nivîsî û wê nameyê jî kir hundirê televîxyonê û televîzyon bir û danî mala Xwedê. Ji bilî Xwedê kesî ez nedîtim.



    Piştî du hefteyan min bihîst ku televîzyona Xwedê xerab bûye û televîzyon birine cem hoste. Nameyek bi kurdî ji alî îlahî ve di hûndirê televîzyonê de derketiye û mele ji bo xwendinê li kesekî digere.



    2015.04.05-00:47 | arifo

    169. Nêzika deh salan e jiyan ji min re giran tê. Ne ku bêhêvî me lê ji ber ku mirov bêyî kategorîzekirinê nikarin bifikirin ez pir diêşim. Gava bi yekê tirk re diaxivim ji ber ku mafê kurdan diparêzim bi yek carek dibim terorîst. Gava ku bi hdpîyan re diaxivim ji ber wan rexne dikim bi yek carî dibim barzanicî an jî hîzbullahçî gava ku barzaniciyan rexne dikim bi yek carî dibim murîd an jî evdoperest, gava bi ateîstan re diaxivim bi yek carî dibim erebekî hov ê biegal û şaşik, gava bi misilmanên serhişk re diaxivim bi yekcarî dibim har û jirêderketî... Pêşî dipirsin tu ji kîjan komê yî? çiqas bibêjim ez ceso me jî dîsa dipirsin tu ji kîjan komê yî... Dîsa dîsa dîsa...



    2015.04.12-23:46 [guhertin:2015.04.12 23:49]| ceso

    184. wûn bi çi bawerin ez ji wera bi wî sond bixwum min bêriya tirşikê kirîye. ev internet bûye nexweşînek limin lê min hinek kêmkir niha ez tedawî dibim lê mixabin eşâ bê dermane. ti başbûna min tine bi qurana kû we xwendîye



    2015.05.02-23:06 | shorbevan

    190. Ez ê niha rûpelekî ser leyla güven nivîsand xwedê bela xwe Daye ez têketîbûm tirsik ê ema derketîye mi got Mijar bişîne go Qet mafê te tune ez ê dîn bûm

    Nivîsa min wenda bû



    2015.05.08-23:48 | zergahemzaerdaldilbirîn

    200. yê ku çeppikan dide shorbevan ez im*



    2015.06.16-21:01 | ceso

    209. li ser înternetê di muneqeşeyêde tirkê nijadperest bimin nikarin ez dev li wan di qelêşim wan diqehirînim cîyê ez li wir bim ew nikarin serbest xeberdin.

    minak: dibên tu çima naçî kobanê tu newerî?

    ez jî dibêm wa qehreman pirin li wir em kurd têra herkesî û li herderî hene.



    tu çima naçî çinê turkmenê tejî di kujîn...

    û

    me li silêman şahê we jî dît we çewa neqlîye dikir.

    bijî yüce apo wan di teqîne

    û filan û bêvan.



    2015.06.26-20:20 [guhertin:2015.06.26 20:39]| shorbevan

    219. hema bêje tu roj tune ye li tirşikê nenêrim. ew roja min bi roj li tirşikê nenêrî, şev beriya raetinê tê bîra min lê dinêrim bê ka çi hatiye nivîsandin. lê nanivîsim * ji ber ku di ferhengê de kelecana berê tune ye, ji dilê mirov nayê binivîse. lê çi bû di ferhengê de kê çi nivîsand dizanim *



    2015.10.30-00:59 | paşê min got what the fuck

    220. ji hemû jinan hez dikim, çimkî tev şekir in.



    2015.10.30-01:27 | ferhenga şikestî

    222. ez ji hemû jinên ku ji mêran nefret dikin û ji zilamên ku ji hemû jinan hez dikin nefret dikim.

    ya rastî di tirşikê de, heta ji nivîskarên medya civakî hema hema bibêje kes nakeve serê min û xwezî yekî hêja hebûya.



    2015.10.30-01:37 | dijber

    223. îmana min ji dijber diçe*



    2015.10.30-01:40 | ferhenga şikestî

    227. min digo qey kanûn meha "kasımê" ye. di çend peyamên xwe de jî min bi vî awayî bikaranî. mirovek tenê derneket û negot keko te li vir xeletî kiriye rastke. de bila wisa be, dostek tune ye li vir ji min re..



    2015.11.03-11:50 | brusk56

    228. min biskek berê straneke siya şevê ya sitêyê vekir û guh da wê, û bawer dikim ku ezê heta şefeqê li ser hêv guhdarî bikim..

    di nava stranê de gotineke weha heye;'jiyan bila bibore, mirin paqijî ye''



    erê lê dayê

    rast e

    jiyan bila bibore, mirin paqijî ye

    dayê ka dolbenda morî li ser teyî

    dayê ka porsima zêr li ser zêrayî

    dayê ka destê te her ro li min pêçiyayî

    dayê ka şîrê te bi dilê te keliyayî



    dema min guhên xwe baş dan gotinên stranê, dêya min hat bîra min û li ser netê geriyam hemî gotinên evê stranê...

    kizinî ket cergêm. min got yahû mirov çi zikreş in! ji ber derdê dinyayê û xirecira evê xopanê, her tişt jibîr dike, mariv dêya xwe ya ku nayê bîra mêriv jî jibîr dike? erê dike lê ev stran cardî dêya min hanî bîra min, erê lê dayê jiyan bila bibore, mirin paqijî ye..

    bêrya te dikim, zanibe ew zarokê çar salî hê li vir e



    2015.11.04-00:43 [guhertin:2015.11.04 00:44]| ferhenga şikestî

    229. min çendek berê çewtiyeke gelek mezin kir, lê ditirsim ji simurg56 re bêjim, belkî ew jî nikaribe rast bike lewma nizanibe baş e

    dawiya dawî ewê min biqewirîne ji vir*



    2015.11.09-13:13 | ferhenga şikestî

    231. Min jî çewtiya Ferhenga şikesti zehf mereq kir û got ev peyam îtîrafên tirşikvanan/79305 zehf ecêb e, pakêtek dendik min ji xwe re amade kir belkî sîmurg56 bi pistûka ferhenga şikesti bigire û em jî temaşe bikin*



    2015.11.10-02:39 | kevçiyê dil

    232. îtîraf dikim di tirşikê de bêhemdê xwe kirina xeletiyek mezin, zêde ne pêkan e. ji ber ku vegera piraniya xeletiyan (carina zehmet be jî) heye.

    tişta ferhenga şikestî kirî jî wisa bû û şikir hat çareserkirin. me tenê ceza dayê ku di civîna bê ya tişikvanan de bibe sponsor.



    2015.11.10-22:07 | simurg56

    233. îroj ev bû salek e ku bi tenê dijîm, mala min ji navenda bajêr dûr e, mîsal ji bo ku karibim bigihîjim kadikoyê kêmtir saetek û nîv bidim ber çavan..

    carinan dipirsin 'ma çawa sebra te tê,ma qet natirsî, ma çawa dikarî bi tenê debara xwe bikî..

    êdî ji van pirsan kerixîme, ew dibên qey bersiva evan pirsana jî wek pirsê hêsan û rehet e..

    erê sebra min nayê hem jî hîç nayê, ji eciziyê nizanim çi bikim car carinan çiraya malê vedimirînim û bi saetan di tariyê de rûdinim. lê çi bikim, ji tenêtiyê jî hez dikim..

    erê carinan pirr ditirsim li stenbolê diz pirr in carinan ji ber nobetan 32 saet nayêm malê kes li malê namîne, lazimiyên min ên malê çendîn kêm bin jî, bi vê mehînaya xwe encax dikarim di 5 mehan de xisara xwe berteraf bikim, carinan ji ber tirsê ji xewê dipekim, gelek caran xewnereşkan dikim mêvan, hama kitek jî pejn ji cihekî were hildifirim bê ka kî hatiye.. lê ji ecizikirina hevalên malê bêtir ditirsim. naxwazim bi însanan xerîb re her gav bijîm..

    erê debara stenbolê zor dijwar e, kirê buha ne heqê rê buha ye û xwarin buha ne lê ne hêja ne bi qasî tênetiyê..

    evana giş çareser dibin lê ya xerabtir carinan dawiya heftê jî dernakevim derve, telefona xwe diqufêlim û bi qasî 64 saetan ji devê min tîpek jî dernakeve, roja dî axaftin zortir dibe law ma mariv dengê xwe ji bîr dike, beriya ku qirika xwe paqij nekî peyv ji devê mêriv dernakeve.

    hevalên min ên ji stenbolê bi pirranî zaza ne, yên dî jî kurdî nizanin, loma ez gelek bêriya axaftina kurmancî dikem, dema wilo dibe ji qahra dimirin, pirr zora min dibe pê wardiqilim ku ev kirasa zengarî ya evê dewletê bi top û tifingê li ser laş û giyanê me kiriye ferz, diperçiqe pîneyên wî ji her derê laşê diqelişe, dema wilo dibe amed têt bîra min.

    dema tenê dibim herî zêde bêrya amedê dikim û ji êvarê heta şefeqê guhdariya strana min navê xwe kola li bircên amedê dikim bi girî dibim paşê li xwe hêrs dibim lan oxlim ka tu dibûy entelektuel? ev çi hal e? ma tu zaroyê doyîn î ku her hefteyeke careke girîn dikeve qirika te? ka rabe lan, qehwe vexwe, fîlmek veke lê darî bike û dev jê berde heyran ev qedera te ya nema dişê jê birevî..

    piştre dinêrim ev hal ne tu hal e diçim radizêm û dîsa ji xewê hildifirim...



    2015.11.11-20:24 [guhertin:2015.11.11 20:31]| ferhenga şikestî

    235. erê herê da bo we bêjim..

    min gotibû di hilbijartinan da ez dê yan boykot kem yan jî dengê xwe dem hakparê. îkametgaha min li geverê ye bes ez li bajarek dî dixwînim. û min nedişêya biçim geverê. roja dengdanê birakê min yê hdpyî ku apoçîyek tam e bo min têlefon kir û gote min ez dê biçim şûna te deng bidem. hindî min gotê nede hdpê çû da hdpê...



    2015.11.12-22:29 | vêca çiyeeee

    238. ji ber ku tenduristiya min a derûnî xera nebe, heya ji destê min tê, peyamên shorbevan naxwînim.



    2015.12.11-16:26 | nazim tolhildan

    250. îmana min ji sihûda min û ji min diçe! îmana min û hew!

    kes nizane ku çend heb gerdûn û kaînat hene û hebûne. Sêzde mîlyar sal in ku ev kaînat heye û bi mîlyaran stêrk hene û li dora wan stêrkan bi mîlyaran gerstêrk hene ku di nav daîreya îhtîmal de ye di nav wan bi mîlyaran gerstêrkan de toximê jiyanê li ser bi mîlyonan gerstêrk hebe lê li talih û sihûda min a reş binihêrin ku di nav wan bi mîlyonan gerstêrk de ez hatim li dinyayê ketim. Wekî ku ev yek ne bes be di nav sê mîlyar û nîv sal emrê vê gerstêrka dinyayê de ez hatim û hatim li vê heyamê ketim. Wekî ku ev jî ne bes be di nav ewqas bejahî û parzemîn û cih û war û dewletan de xwedê min li tirkiyê da û di vê ciwantiya xwe de, di salên jiyana xwe yên herî xweş de ez rastê desthilata erdoganê faşîst hatim. Felek ev çi sihûda quzzilqurt e felek?! Ji bo ku ez wî bibexşînim divê xwedê pir li ber min bigere pirr!



    2016.01.10-21:52 | ceso

    251. Li vir peyamek hebû lê xuya ye ev peyam hatiye jêbirin

    2016.01.11-18:08 | rasteqîn

    251. Ez îtîraf dikim ku berê em û rasteqîn bi hemû awayan em dijberê hevbûn lê êdî ez jî hima bêje li ser her tiştî weke wî difikirim.



    2016.01.11-20:50 | ceso

    253. Li vir peyamek hebû lê xuya ye ev peyam hatiye jêbirin

    2016.01.12-17:30 | rasteqîn

    255. Li vir peyamek hebû lê xuya ye ev peyam hatiye jêbirin

    2016.04.07-00:19 | elegez

    256. Car caran Mala formata tirşîkê xirab dikem. Haya min jê heye*. Ką hela binêre dirêjîya sermijarê teqez moderator dîn bûne (bnr: xeyalên wek ezê rojekê bo tirşîkê têra ansîklopedîyekê tiştên bi kêr binîvîsim)



    2016.04.26-00:05 [guhertin:2016.04.26 00:07]| azad30

    257. Newêrim îtîraf bikim. Wilqasî ziravê min nîne.



    2016.04.26-00:29 | gumgumok

    264. Tirşikvanek heye ez kîngê navê w di bêşa nivîskarên girêdayî de dibînim hizûra min direve.



    2017.03.18-01:21 [guhertin:2017.03.18 01:21]| hozan serhad

    274. pirr hej jÊ dikem ku li ser etimolojiya peyvan lÊkolînan bixwînim.
    carinan bi saetan serê xwe li ser ferhengên etîmolojiyê diêşînim.
    bi rastî jî ziman tiştekî pirr xweş e. carinan tu dikevî li pey peyvekê, ew peyd te bi xwe re dibe û hew dinêrî ku eslê peyvê di zimanê ku qet haya te jê nîn e de xîmÊ xwe çêkiriye.
    li malê di pirtûkxaneya min de du heb pirtûkên li ser etîmolojiya kurdî hene lê mixabin ev her du jî pirr qels in, di zimanê kurdî de vê taliyê 180 hezar bêtir peyv hene (peyvên ji zimanên biyanî ketine jî têde) lê ev her du pirtûk jî lêkolînên li ser sê-çar hezar peyvan in.
    li ser netê malparên baş hene lê ew jî ne yên zimanê kurdî ne, ger em hewl bidin û di tirşikê de li ser etimolojiyê agahiyan binivîsin(yên rast) dê pirr baş be

    not: mindal tu neyÊ!



    2017.06.28-13:17 | ferhenga şikestî

    275. min îro gregor samsayek kuşt *



    2017.06.28-18:49 | hozan serhad

    284. li gor min her kes xirab e. heta bavê min û diya min jî.



    2017.12.30-03:38 | sloujouc

    286. Îro min tê anî der, nivîskareke go j'min wê ye mêr e , jin derket. Peyre min peyamên jinikê dûbare kir, dîse xwend. Û ez şaş man. J'bo go wateya berî ez bielimim û piştî ez elimîm zayendê wê zehf guherî. Îda Çêtir watedar xwuya dikirin.

    Va ez îtîraf dikim û min niha fêhm kir go ez hinek mirovan li gora zayend û navan kategorize dikim, ne li gorî fikr û raman. Heyfa minê ! *

    Îda hun dikarin bi vê stranê bersiva min bidin û min fêhtkar bikin *












    2018.01.03-22:27 | gumgumok

    291. Ez telebê hz mehdî me, xocê xizirê vî zemanî me, shorbevan'im û şûrê hz mehdî me, xwedê nûra xwe bi destê min, hz mehdî û telebeyên wî temam dike. tevgerên min aqilê kesî têrnake ku fehmbikin mesela ez bibibêjim min araqê xwariye dilê ne rihet têde rihet kiriye, û min xwedê nenasiyê jî kiriye bê ehlaqiyê kiriye û diserde di dinyayêde ti kes bîna min îmanxurt tune. Ez tiştek wisame bi serê merivde naçe tiştek ecêbe newsa?



    2018.08.26-17:11 [guhertin:2018.08.26 17:15]| telebê hz mêdî

    303. Bila dilê kesekî neşike

    lê a rastî ev e ku gava tûrikê hîn kesan vala dibe û ti gotinê van namîne yekcar tirşik tawanbar dikin. Ev hîç li xweşa min naçe bixwedê.

    Bi hezaran mijar hene li bendê ne ku werin gotûbêjkirin. Her roj bi hezaran bûyer rû dide.

    Kesên ku ji wan rûdanan hema tenê li ser yekî jî mijar venakin û tewizandîbûna xwe vedişêrin û hemî tawanan têkde diavêjin situyê tirşikê bi derbirrîneke herî sivik bêmaf in.

    Her kî be ez jî bim ev wilo ye. 2 roj 3 roj yên xwe bidin hev û di derbarê tiştekî de peyamek binivîsin. Yekî her hefte peyamek binivîse ew di salekî de 52 peyam.

    De êdî divê têbigihin pirsgirêk ji we derdihê.



    2019.04.25-04:44 | bilbilê dilkul