Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


29 mijar û 53 peyam
cegerxwîn - tirşik
cegerxwîn
(2) (2) (26)
di mijarê de bigere

2. cegerxwin dibeje; ''kurdino! bibin yek! ger hûn nebin yek, hûn e herin yek bi yek''



2013.07.06-16:11 ~2015.03.25 22:56]| silan

5. helbestvanê mezin..



Cegerxwîn bi navê Şêxmûs ji dê û bavekî gundî-cotkar-belengaz di sala 1903'an de li gundê Hesarê hatiye cîhanê, ji yanzde xûşk û bira tenê sisê mane: Şêxmûs, Xelîl û Asya.

Di sala 1918'an de bavê wî Hesen li bajarê Amûdê serê xwe danî û çûye ser heqiya xwe.

Di sala 1919'an de li gundê Bêdir Memo diya wî Eyşan ya heftê salî jî serê xwe danî û çûye ser heqiya xwe. Cegerxwîn pêlakê li cem xusk û birayê xwe maye. kaynak:http://ku.wikipedia.org/wiki/Cegerxw%C3%AEn



2013.07.18-17:26 | berxêres

6. Helbestkarê gewre ku îro li ser navê wî bi milyon lîrayan navenda çandî hatîye avakirin. Hûn nenêrin doh li mala xwe ji birçîna mirîye...

Mirina wî nuha jî trajedîya hemû wêjevan û hunermendên kurd e...



2013.07.18-19:00 | keje bemal

7. Helbestvanê "Gulfiroş"ê



Gulfiroş



Ez ji xew rabûm, gulfiroşek dî

Pir gelek şa bûm, gul bi dil didî

Gul bi dil didî



Hebû me yek dil tev jan û kul bû,

Ne bûme bawer, gul bi dil bidî

Gul bi dil bidî



Bazar me kir go, ser bi ser nadim,

Ê gulperest bî, can û dil didî

Can û dil didî



Min go kî didî, can û dil bi gul,

Go: ev bazar e, dil bi kul didî

Dil bi kul didî



Min can û dil dan, dil kiriye qêrîn

Go ho Cegerxwîn dil bi gul didî

Dil bi gul didî



Cegerxwîn( Agir û Pirûsk/ Rpl. 211 wşn. Avesta)



2013.07.18-20:18 | rojgar

9. maro rasterast heqaret li cegerxwîn kiriye, gelek helbestên wî yên bash hene. xwezî kafiyeyê hinekî kêm bikira û bi awayê serbest binivîsiya.



2013.08.05-23:03 | rojgar

10. Zimané biyanî dixwînî çira,

Zimané xwe carek naxwînî bira?

....seydayé cegerxwîn wisa dibéje...

-------

çi tişté ku vîtamîn téde heye,

bixwe,ew ji bo te gelek féde ye

....seydayé cegerxwîn wisa dibéje...

-------

xulamé neyar e begé ser me ye

hezar sal e rewşa me kurdan we ye

....seydayé cegerxwîn wisa dibéje...

-------

tu kurmanciya xwe ji bîra nekî

eger baş nizanî divé zédekî

....seydayé cegerxwîn wisa dibéje...

-------

nÎşe: ji ber ku gelek peyamên wek hev cuda hatibûn nivîsandin, bÛn yek..



2013.09.16-00:45 | doktorodi

14. û didomîne

''min got qêy tu bi zimanî

ma tu bi kurmancî nizanî''



2013.09.16-00:59 | (î) i ya bi kumik

15. seydayÊ cegerxwÎn di gellek helbestÊn xwe de kurdbÛna ristem Û malbata keyanÎyan tÎne zimÊn. seyda di helbestek xwe de wuha dibÊje:



'ka ferÎdÛn, ka direfs, taca keyan li kÛ ye,

ka guhderz Û ka ristem, ka ew meydan li kÛ ye?'



2013.09.20-11:31 | cinorek

16. Li 22. Cotmeh a sal a 1984 da, li bajar ê stocolm e koç barkir û helbesten kurdî sêwî hîstin û dile me di nav êş û jan êda xemgîn ma.



2013.10.23-06:07 | cinorek

17. gora wî li qamışloyê ye.... bi eslê xwe ji hesarê yê hesarê jî girêdayî batmanê ye...



2013.10.23-09:16 | arami

18. Maro, çawa roja ku seydayé cegerxwin bırçi u tené bu ,mılleté kurd ew bı seréxwe hıştın, iro ji tu li diroka wi u tışté jı bo milleté xwe kıriyı neheqiyé dıke. tu dıkarı helbestéN wi neecıbine, lé tu heqé te tunneye ku tu peyvén nexweş lı ser cegerxwin bıke.








kerem bıkın hevalno.



2013.10.23-15:11 | brahim

19. belgefîlmek li ser jîyana wî ji denge wî -Hevpeyvîna dîrokiya Cigerxwîn 1983





















2013.11.03-12:01 | diljan

20. ji herema xerzaye..



2014.04.23-15:00 | hemokrates

22. nivîskarekî nû ê tirşikê ye ku beriya pejirandiya nivîskariya xwe, 7 peyaman nivîsandiye.

ez wî/wê pîroz dikim û berdewemiya serkeftinên wî dixwazim. spas *



2014.05.12-01:54 | brusk56

23. helbestvanekî hêja ye ku li gundê hesarê ji dayik bûye û di zaortiya xwe de çûye amûdê û li wê derê li ber destê meleyan xwendiye û di ber şivanî gavanî kirine.

tê gotin yek ji çÎrokên cegerxwînî jî ku yekî ereb li bin konekî ereban hewl daye henekê xwe bi kurdan bike..

ew û cegerxwîn rûniştî ne û di navbera wan de palgehek heye.

yanî lo em dirêj nekin em di vegotina çîrokan de ne jêhatî ne..

yê ereb dibêje; cegerxwîn çi di navbera kurd û keran de heye..

cegerxwîn jî di cî de pê ve dizeliqîne û dibêje: balgehek ezbenî..

bawer nakim ev çîrok rast be lê mebest hemû agahî di tirşikê de hebin û bibin mijarên gengeşiyê

(bnr: kerên ku ji cegerxwînî re dibêjin cigerxwîn)



2014.05.12-02:27 | dijber

24. helbestwanê nemir û dilbirîn. Ez ji hemu helbestên wî pir hezdikim lê Helbestê qu pirtir hezdikim Ey Xabur e...



ey xabur



ey xabûr, xabûr, ey xabûr, xabûr

wek daxwaza min, pir dirêj û kûr



kêferata te, xum xum, û lew, lew

nayên bîra te ne razan, ne xew



herdem dinalî, bi qirîn, gazî

lê kes nizanî, ka çi dixwazî?



armanca te ye, xurtî, pêşveçûn

cihê te tenge, divê firehbûn



pêlan didî xwe, qîr û firyadî

tu jî wekî min divê azadî



sînga vê erdê te çirand bi zor

nizanim çira tu naçî berjor?



ev çende xurtî, bê daxwaz û vîn

dikevî sînga derya bê evîn



xwezka min bi te, bê derd û bê kul

dijî bi şadî, bê mejî û dil



tu jî weke min, ger bibûna kurd

ev xurtiya te dibû kul û derd.



2014.05.12-13:07 | diroknas

25. helbestvanê serxwebûna mirîşkan e.



2014.05.15-23:27 | bexdenoz

26. hirchê helbesta kurmancî

sed mixabin qala wî dikin lê helbestên wî naxwînin



2016.03.16-22:35 | jîjo

27. şairê ku nabêje eger hûn nebin yek, hûnê herin yek bi yek...

demekî li ser faceyê gelek gotinên berredayî û pûç wek ku cemal sureya gotibe belav dibû, herçî tu eleqeya cemal û wan gotinên ku li ser navê wî belav dibûn, tunebû.

aniha jî ev gotina li jor wek ku ji pênûsa cegerxwîn derketibe belav dibe.

ez bixwe hama bêje ji serî heya dawî hemî rist û rêzikên cegerxwîn xwendine û min di tu kitêbê wî de nedîtine ku cegerxwîn tiştekî wisa gotiye...



mirovekî gelek hêja û qedirbilind e, bo hewldanên wî, xebatên wî û zehmetkêşiya wî meriv nikare tiştekî bêje, divê meriv heq bêje

dema em bi çarçovaya nirxandina teknîk û bi awayekî hûrgilî nêzî helbestên wî bibin ji xeynî çend ristên wî, ne hêjayî tiştekî ye..

di kurdan de nexweşîna pîrozkirinê heye, dema navek an tiştek pirr pîroz bikin wek eyeta xwudÊ dispêrin, meriv nikare bêje tiştekî..

yên beravajiya min difikirin bila ji kerema xwe re bi pîvanên estetîk, edebî û kûr tehlîlên helbestên wî bikin ezê gotinên xwe daqurtînim..



2016.04.11-14:55 ~14:56]| ferhenga şikestî

28. Kawey hesinker bav û kalê min

Perçiqand serê Zehakê dijmin

Ji gerdana kurd

Wî şikand zencîr

Serê me parast

Ji birîn û şûr

Roja hat kuştin xwînmijê dilsoz

Goya dibêjin: - Ew roj e nûroz

Zivistan diçî

Ew rojên ne xweş

Parêz dibî kurd

Ji dêwê zergeş

Wesan dibêjî Zerdeştê rêzan

Ehreman dişkê Hirmiz tê meydan

Kîme ez?



2016.05.17-12:25 | biviraraskolnikovyatûj

29. Bilbilê dilkul dinalî,
Her li ser dêmên gulê,
Gul çi zanî ku li ser kê,
Wer dinalî bilbil e?

Pertewa dêmên sipî
Carek li dil ku ew nedî
çend bikî qêrîn û zarî
Kî dizanî dil kul e?

-Cegerxwîn

Rast e, kî dizanî ku? Kes nizane welle.



2017.02.20-14:29 | rûbar

30. Li nav êl û eşîran her yek ji we wekî şêr
Lê ku diçin serayê tev bêziman û bêdev

-Cegerxwîn



2017.03.04-01:06 | rûbar

31. Ev riya ku serbilindî tê de ye tev rêl û kaş
Canfida xweş pê de çûne, qelsemêr mayîn li paş
Hestiyê millet dikojin wek segan û gornebaş
Hemdem û dostê neyar in, wan millet hiştin li paş
Hey teres ferqî çi ye, ha neyar xwar ha te xwar

-Cegerxwîn



2017.03.04-17:07 | rûbar

32. Kengî mezin bû,divêm bixwênî
Rewşa cîhanê tu xweş bibênî
Ji nû tu karî dijmin derênî
De rabe ser xwe, kurê min rabe!

Keç û kurên kurd hemî şîyar bin
Ji bo serbestî hemî li kar bin
Ji hev re dost bin, dijê neyar bin
De rabe ser xwe, kurê min rabe!

-Cegerxwîn



2017.03.04-17:45 | rûbar

33. Pêncî sal in em ji wer dibêjin
Bargiran, piştkul wer diçim li paş

Cegerxwîn, bes in gilî û gazin
Di nav nezanan nabênî yek baş!

-Cegerxwîn



2017.03.04-17:54 | rûbar

34. Kurdên nezan û rê nenas
Jar û reben, birçî û xwas
Petrol di bin de, bê kiras
Nabênî xweş vî karê min

-Cigerxûn



2017.03.07-01:11 | rûbar

35. şêxmûs hesen an cegerxwîn, kercewsîye û li hesarê dayik bûye û azadîxwaze.



2018.01.30-21:08 | kurdokercewsî

36. (bnr: ez û yar)



2018.08.19-12:34 | hozan serhad

37. çi heyf e ku îro kurê wî Kayo Cegerxwîn ji riyê (bnr: coronavîrus) yan jî (bnr: vîrûsa koronayê) jiyana xwe ji dest daye.



2020.03.27-22:41 | afa

Hemûyan Bixwîne

dengdanên dawîn (Yên Din..)
hewa sar ya li enqereyê [1]
hewayeke wisa sar e ku mîza di mîzdanka mirov de qeşe digre....
nîqaşên pîr û kalan [1]
Niqaşên bêdawî ne. Di malbata me de jî têra xwe diqewimin. Dayika min ...
kêmasiyên tirşikê [2]
mirov nikare peyamekî parve bike. Em bêjin te peyamek xwend kêfa te jê...
ji tirşikvanan pêşniyarên rêzefîlman [1]
(bnr: unorthodox)...
stranên ku nivîskarên tirşikê vêga guhdarî dikin [1]
ez vê stranê diyarî hevalên heps û zindanan dikim : (youtube: o0MIFHLI...
belki ev jî bala te bikişînin
» cegerxwîn

Kategoriyên mijarê:: kurdukurdi niviskarhlbstvn niviskarweje
nivîskarên ku li vê mijarê nivîsîne


sitemap
reklamokên beredayî