10. Piçûkiya xwe da, dema ku ez bi heft-heyşt salî bûm, porê min di dikana berberê da bi makînayê sisê nimro dihat jêkirin. pênc deqe besê min bû. mû li ser çavên min û rûyê min belav dibûn. nizanim çima, min xwîdan dida. ez qayil bûm xwe bixurîyama lê belê berberê kûçikbav digot "xwe tevnegerîne!" dikaribûm bifetisîyama. ew porjêkirin ji min ra, gedeyekî reben, zilmekî pir giran dihat. û bi ser da jî ji ber kinbûna porê min, li malê ji min ra digotin kundir.