Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    9 mijar û 16 peyam
    stêrka karwan

    stêrka karwan
    [ (1), (0) û ecêb (0)]

    1. koma mûzîka ya ji tetwana bedlîsê ye. ez dibêm qey di vê komê de sîstema hevserokatîyê heye. ji ber ku hemû stranên wan ji aliyê 2 solîstên wan ve tên xwendin ku yek ji wan mêr e, ya din jin e *

    kom di sala 2008an de li tetwanê hatiye avakirin. endamên komê aram baro (solîst), berzan arslaner (gîtarjen), dîlan sagniç (solîst), nevzat orak, bîyan sagniç (keman) e.
    komê di sala 2018an de albûma xwe ya yekemîn ya bi navê zehar derxistine. li tetwanê dijîn û karên xwe jî li vir dimeşînin. li gorî gotina wan bixwe, ew li ser riyekê ne ku tiştên ji hev cûda diceribînin. loma stranên wan ji hev û din cûda ne. berî salan mûzîka rockê, heta mûzîka metal çêkirine lê paşê dev ji wan berdane. min mînakên stranên wan yên wê heyama wan, nedîtin.
    di albûma wan de 9 stran hene ku 8 jê bi gotin û awaza xwe aîdê wan e. ev yek tiştekî gelekî girîng e. ji bo min krîtera sereke ye lewra dîsa û dîsa gotina heman stranên gelerî êdî dilê min dixelîne.

    tekane strana wan ya gelerî, de bimeş e. dapîra aram barko jî di stranê de cî girtîye.

    ev 2 roj in li albûmê guhdar dikim. ji bo min 1-2 stranên wan ne xerab bûn lê bi giştî zêde ne li gorî min bûn û -bila li qusûra min nenêre lê- min qet ji dengê solîsta wan ya jin nekir. dengê xwe zêde zêde tenik dike û tim li min wer dide hestkirin ku ji bo derxistina vî dengî, xwe gelekî diwestîne. dema wisa be, stran şûna ku ji guhê min biherike ber bi dilê min, mejiyê min diwestîne bi fikirandina li ser vî dengî û nahêle tamê ji stranê bistînim. nêrîna min a li ser stranan û li ser dengê dîlan xanimê, bêguman tenê aîdî min e û belkî hinek kes jê re bibe heyran jî.

    bi kurtî, cihê kêfxweşîyê ye ku ji bajarokekî weke tatwanê komekî wisa derkeve û bi keda xwe albûmekî wisa derxe. pir pê keyfxweş bûm û ez ê çend stranên wan li lîsteya xwe zêde bikim.

    di vê navberê de divê bêjim ku gotinên strana wan çîrok, ne ecêb be jî cûda ye.

    wêne:





    lînk ji bo guhdarkirina albûmê: Here lînkê



    2019.11.06-22:03 [guhertin:2019.11.06 22:11]| simurg56

    Hemûyan Bixwîne

    Xêra xwe vê peyvê ji îngîlîzî wergerîne kurdî
    dengdanên dawîn (Yên Din..)
    stranên bi formula tu ewk î ez ewk im hatine çêkirin [1]
    ...
    îtîrafên tirşikvanan [1]
    Li xwe mukir bêm ez di jiyana xwe de bi gelemperî bi Tirkî qise dikim ...
    stranên bi formula tu ewk î ez ewk im hatine çêkirin [1]
    formulekî hêsan bi kar tînin lê dîsa jî bi giştî serkeftî ne. weke mî...
    di nav kurdan de kevneşopiya nexweşkirina navan [2]
    raşta ci, nêweşkerdişê nameyan nê. la belê kilmkerdişê nameyan o. m...
    ferhat pîrbal [3]
    Dibêj in demekî ji bo şermezarkirina Tirkiyeyê ew û çend çalakvan hat...
    belki ev jî bala te bikişînin
    » stêrka karwan
    » karwan

    Kategoriyên mijarê::
    nivîskarên ku li vê mijarê nivîsîne


    sitemap
    reklamokên beredayî