1. refleksa gunan e. belê, refleksa gunê mêran e. (bnr: reflex)

pirtûkeka tenduristîyê bû di pirtûkxaneyekê da, navê wê nahê bîra min, min xistibû destê xwe û çav li rûpelên wê digerand û hin rûpelan jî yek bi yek bi çavan dixwend, bi lez. min rûpelên pirtûkê ser û binê hev dikir. (bnr: mirov çima pirtûkan dixwîne) tu doktor jî nin î, bêje tu çi digerî.

rastî senifandina refleksan hatim. refleksa çavan û ya çokan jixwe min dizanîbû. îcar ev yek... cremasteric... tişteka nû ye. min go ka ez vê yekê birêkûpêk çavderî bikim, bibînim tiştekî çawa ye. ez çûm cem hevalekî xwe, min jê pirsî, "heval" min go, "tu dikarî ji kerema xwe bo deqekî pantora xwe... na loo ; ) min ji xwe, ji bedena xwe pirsî: "heval!" min go di serşokê da, "kuro, gunê xelkê difirin. hildikişin û tên xwarê" ... em henekan bidin alîyekî. bi tiştekî tûj wekî kêrekî piçûk an jî mifte tu çîpê xwe yê tazî ji alîyê hundirê ve xêz bikî, zêde jî neêşîne, tu dê bibînî cremasteric reflex çi ye.

û dibêjin kurdên ku êdî kurmancî qise nakin, refleksa gunê wan jî ro bi ro wenda dibe.