356. Bi hebûna nivîskarê me yê nû, tîrêj zana 21, tahm û quality ya tirşikê pir hat xwarê. Dilêm ji tirşikê sar bû. kêf ji xwendina tirşikê nagirim. Çend hefte ye dilêm nîn e ez tiştan di tirşikê da binivîsim biweşînim. pir xemgîn im. xwe ecêb dibihîsim wekî ku tiştekî hêja ji destê min çûye. (te got tirşik?)

Yekê heqeret lê kir, yekê got "zêde êrîşkar (aggressive) dinivîse", yekê din jêacizbûna xwe aşkere kir, yekê din jî got min wî block kirîye. yekê got rastnivîsînê nizane, yekê got formata tirşikê binpê dike. pirên wan rast in. ez jî pir jê hers bûm. ji helwesta wî ya xerabe pir aciz bûm. wekî ku yekî rabûye bi awayekî hostetî û professional tirşikê sabote dike. çima wer dike? (em vê yekê bidin alîyekî ji ber ku ez nikarim li vir yekî mehkeme bikim.)

pir lê hûr bûm. rewşa hebûn û tevgerên vî nivîskarî pir kompleks e. kîjan bêjim, kîjan nebêjim. wextêm tune ye. îcar, her ku diçe heyfa tirşikê dibe. ji ber ku dilêm naçe peyamên wî bixwînim (naecibînim loma) nikarim çareserî jî bibînim. dawîya dawîn, piştî çend rojan, min vê pirsgirêkê li gor xwe bi tiştekî ve girêda: kêmasîya social intelligenceê.

ji çomezîyê ta niha, ev nivîskar nekarî xwe di nav civaka tirşikê ya heftsalî da biguncîne, cih ji xwe ra çêbike. Kêmasîya social intelligenceê tiştekî weha ye ku nahêle mirov hay ji xwe hebe, adapte bibe. loma tişt ji destê wî jî nahê. Ev yek ne tiştekî şexsî ye. her kes bi awayekî ye. tirşik ji her kesê ra vekirî ye (çareserîya vê yekê tuneye). ew biçe, dê yekê din were.

heyfteya berê bû, ji bo ku peyameka xerab di tirşikê da bidim jêbirinê, bi saetan lê hûr bûm: tirşik forûm/116712 heya moderator pê qanî bikim bêhna min çikîya. li şûna wê min dikarîbû çend peyamên balkeş ku zûda di hişê min da bûn binivîsim. heyfa wextê min û ya tirşikê ye. ma ez mecbûr im tiştan analîz bikim, hûrgilîyan tê da ji hev veqetînim, pênase bikim û xeterî bidim ber çavan. belê ez mecbûr im * ji bo ev platform piçekî bi quality bimîne divê mirov hinekî xwe pê biêşîne.

îcar tîrêj zana mala me xera kir. peyamên wî yên bêqayîde û bêsînor... wextê mirov tuneye her tiştî rast bike. qasî ez dibînim, moderator jî bes naxebitin. hew simurg56 e. werhasil, çend hefte ye, heyfa tirşikê ye.

em ewqas jî bedbîn nebin lo! me go tirşik.net cihê rehabîlîtasyonê ye. tendirustîya wê li ser we hemûyan be îşala!

edit: nivîskarekî hêja ye. êdî ji van rexneyên li jor azad e. tîrêj zana 21/121481