1. Zanista ku li ser rave kirina kodan û şîfre kirina peyam ango nameyan dixebite ye.ji berê de mirov ji bo agahî an jî zanyariyên xwe yên girîng, pêdiviya veşartinê dîtine. Û ji bo vê yekê jî şêweyên cûr bi cûr bikar anîne.
Yek ji van rêbazên şîfre kirinê jî şîfre kirina sezar e. Serokê dewleta romayê jul sezar bo şîfrekirina fermanên xwe her tîpeke di nivîsa xwe de ji dêlava ya rastîn tîpê 3 caran li ser alfabeyê dişemitand û wê tîpê dinivîsand. Dema kesekî li nivîsê dinehêrt tu tiştî fêm nedikir, lê kesê peyamgir her tîpê 3 neqla paşde dida û nivîsa rasteqîn derdiket holê. Sezar bi vî awayî fermanên xwe bi ewlehî digihande leşkerên xwe.
Piştî sezar spartayiyan jî rêbazek din bo şîfrekirinê pêşxistin. Şervanên sparta kaxizeke zirav û dirêj li ser dareke girover dipêçan û peyama xwe bi wî awayî dinivîsandin, paşî kaxizê ji dar vedikirin û peyam xera dibû û nedihat xwendin, kesê peyamgir dema kaxizê digirt dîsa li ser darekî heman stûriyê de dipêça û nivîs derdiket holê. Bi saya vê şîfrekirinê peyamên xwe ji neyaran vedişartin.
Niha ev zanistî gelekî pêş ketiye û êdî li ser kombersan zanyarî tên şîfre kirin.