Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


22 mijar û 40 peyam
paşeroj û pêşeroj

paşeroj û pêşeroj
[ (1), (0) û ecêb (0)]

1. Wateya yekê: Pêş û paş di wateya hêlan de (alîyan de, terefan de):



Di vê wateyê de “pêş” ew tişt e ku berê mirov lê ye.



Mînak: Dinya wisa tarî bû ku mirov pêşîya xwe nedidît. Dema tu rê de diçî pêşîya xwe mêze bike.



“Paş” di vê wateyê de ew tişt e ku pey mirov, pişta mirov lê ye yan jî ew tiştê ku li gorî rêzê ne li pêş e.



Mînak: Di otobusê de em li pêş ew li paş rûniştîbûn. Di lêkdana erebeyan de paşîya erebeya me xisar lê ketibû.



Wateya diduyan: Pêş û paş di wateya demê de:



Di vê wateyê de “pêş” ew tişt e ku li gorî demê, berê bûye û çûye, ew tiştê ku berîya niha qewimîye.



Mînak: Pêşî ez hatim vira. Her roj pêşîya her kesî de digihîşt dibistanê.



“Paş” di vê wateyê de ew tişt e ku li gorî demê piştî niha dê bibe yan jî di dema bihurî de ew tiştê ku berîya wî hin tişt bûne û ew li dû wî tiştî qewimîye.



Mînak: Pêşî wî got paşê min got. Pêşî tu here hundur paşê ezê bêm.



Piştî vê ronkirinê em dikarin vegerin ser mijara xwe. Weku dîyar e pêşeroj (mazî) û paşeroj (mustaqbel) demê destnîşan dikin, ji ber vî qasî jî pêşeroj wek wateya diduya peyva pêş tê bikaranîn û wateya dema berîya niha dide. Paşeroj jî wek wateya diduya peyva paş tê bikaranîn û wateya dema piştî niha dide. Madem wisa ye çima hin kes pêşerojê dikin paşeroj û paşerojê dikin pêşeroj? Bi dîtina min ev kes pêş û paşê di wateya yekê ya van peyvan de difikirin û van peyvan di cîyekî xelet de bi kar tînin. Yanî ew hêla xwe ya pêşî (yanî berê xwe) wek dema bê û hêla xwe ya paşê jî wek dema bihurî bi kar tînin. Gelek aşkera ye ku dem û hêl du wateyên cîyawaz didin û divê nehêne tevlîhev kirinê. Îspata paşerojê di wateya musteqbelê de helbesteke Feqîyê Teyran e ku ev peyv di wê helbestê de wisa bi kar hatîye:



“Dê aşiqan meylek hebî

Guhdarê me’şûqa xwe bî

Qet hay ji paşrojê nebî

Li intîzara wesletê”



(Zilkîf Xweşhêvî , Nûbihar-106)



2013.12.02-08:59 | karmatî

Hemûyan Bixwîne

Xêra xwe vê peyvê ji îngîlîzî wergerîne kurdî
dengdanên dawîn (Yên Din..)
li amedê pirsgirêka zimanê dayikê [1]
Min ji mijarê fêm nekir tirşikvana entrya ewil a ku entrya xwe jê biri...
kurdish lessons [1]
hesabekî li ser twitterê, înstagramê, youtube, discord, û facebookê ye...
li amedê pirsgirêka zimanê dayikê [1]
Her çend amed paytexta Kurdistan be jî;
ji bo ziman me re nikar...
bi qewîtiyan hec qebûl nabe [1]
gotineka pêşiyan e li derdora cizîrê. ji bo kesên ji cihê rûniştî dix...
ersin korkut [1]
Camêr ne ku dest ji tirkî qeriyaye û vegeriyaye li ser zimanê diya xwe...
belki ev jî bala te bikişînin
» paşeroj û pêşeroj
» pêşeroj dê çawa be

Kategoriyên mijarê::
nivîskarên ku li vê mijarê nivîsîne


sitemap
reklamokên beredayî