1. navê mişkê yê bi ÎngîlîzÎ.. wekê din ji bo aparata ku mirov pê kombersê birêve dibe Û kontrol dike tê gotin.. îngîlîzan bi çi aqilî navek wiha ecêb ji bo vê aparatê bikar anîne nizanim, biçekÎ dirûvê aparatê bi mişkê dikeve wekê din tu têkiliyeka vê aparatê bi mişkê re nîne.. tirkan jî rasterast ev peyv ji Îngîlîzî wergerandine û jê re dibêjin fare.. gerçî hê jî bi piranî jê re mouse (wek maaws tê xwendin) tê gotin.. kurd jî (ji bo yên li bakurê kurdistanê, yanî yên di bin nîr û bandora tirkî de dibêjim) bi piranî jê re dibêjin mouse..

edet û elimandineka ecêb ya me kurdan heye dema em ji bo tiştekî ku navê wê bi kurdî tunîne li navinan digerin, eger ew bi peyv/nav wek xwe di nav zimanên din de jî hatibe bikaranîn em destê xwe lê nadin an em naveke bi kurdî jê re li hev nayînin wekê xwe têdixin di nav zimanê xwe de.. ez dibêjim qey ev jî encameka kompleks û xwebiçûkdîtinê ye..

berê li ser facebookê camêrekî navê bi kurdî yê kumandaya televîzyonê pirsîbû û camêrê bi navê lezgîn çalî jî ku bi xwe bijîşkeke naskirî yê başûrê kurdistanê ye gotibû ez bi xwe di nav malê de jê re dibêjim hevsarê televîzyonê.. li gorî min ji bo vê aparatê jî mirov dikare bêje hevsar an rişmê komberê.. hetta bêyî navê kombersê mirov dikare peyva hevsar an rişmê bi serê xwe jî bikar bîne..