1. li gorî tê gotin mezintirîn park e li başûrê kurdistanê û li îraqê, li ser 800 donim erd hatiye avakirin, û tê de ji milyonekî zêdetir ji her cureyî dar hene, herwiha tê de goleke mezin, hewzên avjeniyê, parkurên meşê, qadên leyîstikê ji bo zarokan, kafeterya, xwaringeh û navendeke mezin ya danûstandinê heye.. ji bo baxim û paqijiya parkê 1200 karker tê de dişixulin.. di dewra seddam hisên de li cihê vê parkê baregeheke mezin ya artêşa îraqê hebû ku tê de gelek renc û îşkence li xelkê hatiye kirin, hikûmeta herêma kurdistanê piştî ku gihişt statûyeke otonom ji bo şûn û şopên pîs yên seddam û rejîma beasê ji kurdistanê paqij bike di serê salên 1990an de dest bi çêkirina parkê dike û di sala 2006an de jî park temam dibe.. navê samî ebdulrehman serokwezîrê hikûmeta herêma kurdistanê ku di êrîşeke xwekujî de jiyana xwe ji dest dabû, didin parkê..park wekê depoya oksîcenê li hewlêra paytextê kurdistanê tê dîtin.. xelk li vê parkê dikarin werin seyranê û heta hinek kes daweta xwe jî li vê parkê çêdikin..