Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


4 mijar û 6 peyam
rawestgeha dîlên şikestî

rawestgeha dîlên şikestî
[ (0), (0) û ecêb (0)]

1. navê helbesteke kawa nemirî ye ku gelek xweş e..



kes lex min ve nayê

fenanî berateyekî li çolemetiyê

li ber dilovaniya bayê germ, pûç dike,

ji kerkeneyê dilzar dibûm

va ye, ez jî bûm kerkene

kes lex min ve nayê

ez çawa mirim, tê bîra min

dilketî bûm, hatim gewixandin



I.



em bi rê de diçûn, hêvî dibû bazar

me rê neda gêzikvanan

me du tişt ji girdava jînê parastin:

çivîkên mirî û zarokneteweya me ya selpakfiroş



ew in esl û feslê vê demê

vebêjên fesîh ên vê kuçeyê, vê kolanê



II.



em diçûn ber taqên bajaran, me şitafek dida xwe

- mirov çawa ku pêsîra çakêtê xwe rast bike wisa --

li binê kevaneyên dergehan radiwestiyan em

di rêwîtiyeke nû de

aliyên me yên daristanî çi divên

di çûneke bêşêwir de

bi dilekî kelodîn î gîhadirûnî

me bîr biribû van agahiyan



kevneqapûtên me

pênûsên me

Mem û Zîn

Şakiro

Ciwan Haco

serdanpê bi rêk û pêk

di bîbikên me de

qurnefîlên me

qurnefîlên me



ew zimanê nexşeya me yê hevçerx

çima mirinê tîne bîra me?



III.



min tu dişibandî qurnefîlekê ji qurnefîlan

ez mirovekî bê paseport im, zirav im, helbestkar im

kurê dayîkeke bindest im

dizanim, peyvên min ne almastî ne

pirr diaxivim



dizanim

şoreş e, yar e, neyar e, giyanê nalebar e

wê li min, li te bibe haho ye

binpêkirin e binpê dikim

ez ji te hez dikim



IV.



kes lex min ve nayê

pace caxû caxû, dinihêrim li bajarê qaqlîbazan

mîna pilingekî birîndar e payîn

ku di hembêzê de evîneke qedexe mezin dikim

hînî dirrindetiya mirovane dikim

dibehicim, dadiwerivim, dibarim



baran dibare rezê xelkê

dêliyên min hişk dibin

ew kilama kevnar e ala navxweyî hil dike

_______________________bi destê min û bi destê te:



Malbrough s'en va-t-en guerre!

Dieu sait quand reviendra!*



çalak e helbest, dirrindeya deman

devbixwîna kediyan, kelimandina bêzimanan





(Bêhnvedanek)



di çîçika sibehê de, darên kedî li ba dibin

xunavê xwe li min girtiye

katjimêr pênc û nîv

li te difikirim Bêrîvan

tê gihiştî Bêrîvan

hezkirinên me bûne şervan



ma ji te re henderan

ma ji min re henderan





(Benîşt dicûm, qedexe ye; dîsa jî kes pê nizane...)



malî ava dîroka min a hêçketî

te wilo lê anî

neteweyek kor dinihêre, kerr dibeze



ma qey tê derevekirin evîna derketî serê çiyê

bi zimanekî bêzilam, ku pêgermokê digerîne

di navbera Serkeftin û Rojbaşê de



V.



ne xema min e

qebqeba rikewê

heke dernekeve stêrka Mexrebê

gilî dikim, ez im hilma Xwedê

yekpare giyan, dûrebîn im

tu

bi bayê şilfîtazî

tu, dena xwe didî min

dixulxulim li ser lêvên te

biramûse birînên min ên civakî û dilêr

ew jî şoreş e

ku fêm bikin bêçekên evînê

xeyala kûr e, zimanê dûr e

wateya li qaşa gustîla neteweyan nivîsandî



evîn kordunde, evîn Kurd û winda

ez dildarê te yê kevnar im

hatim ji hezkirinên rewend

diçim, li ser zimanê min kilamên berbend



temen dêris dibe, pûç dibim

kal dibim, kal dibim, kal dibim

ji girê dîrokê ve yara'm

min bihewîne Bêrîvana'm



VI.



û hogirekî dilêr î fena min evdal digot: "Gavekê bi şûn ve mevêje ji

şervaniya hêmayê. Rêka ku em ketinê, pê dizanî, tê binavkirin wekî

"serdestiya demê." Lê dirêj dinivîsî tu vê kerratiya helbestê."





min ji we re behsa rihanên ber devên geliyan dikir

rûbarên esmanî, çemên ku miriyên me hilanîne

behrên kûr, ku diteyîsin li binê bijangên me

me xwe avêtiye bextê birrekên xwekuştinê yên tûj

em diçin, şoriya zeryayê; em diçin, benderên

________________________çûyînê ye



û Rênas, tû rênas î, çiyayên enternasyonal têk de dinasî

ya ku ez dikim, bila bimirim, bimirim, bimirim

dîsa jî, helbesta evdal ji gund ber bi bajêr ve bînim



helbet, Hêma pirseke civakên hêçketî ya karesat e

niha Tofan e, li çiyê Nerûdayekî gêrîla ye



û jandana me dûr dikêşe

ew kilam jî, ew kilam, ew kelama zêrgar jî

şûşeya dilê şikestî cebar nake

bi tenê, hê jî dibêjim

lê me bimirim nemiriyê

û venegerim jîna kûr dîsa

ku awirên Bêrîvanê ne, refek qulingên niştimanî

________________________________xwe berdidin golên xalî



gelo çi ye ji vê serbûriyê mayî

_______________________________ku min venegotiye?



*: Kilameke Frensizî ya kevin: "Malbrough diçe şer! Xwedê dizane wê kingê vegere!"



2015.03.25-21:42 | ferhenga şikestî

Hemûyan Bixwîne

Xêra xwe vê peyvê ji îngîlîzî wergerîne kurdî
dengdanên dawîn (Yên Din..)
flamenko [2]
muzîk û dansa gelerî ya endulusê ku bi tevlihevbûna gelek çandên wek e...
navê hespên navdar [3]
Hespên navdar: Navê hespê pêxemberê me yê zişan "Bûraq" Na...
civîna yekem a ferhenga şikestî û ceso ya li stenbolê [4]
civîna ku teqrîbî sêzdeh saet berdewam kir, heke nobeta ferhenga şikes...
çewtiyên mantiqî yên vegotinê [3]
beşek ji pirtûka rêzimana kurmancî ya bahoz baran e.. ...
duyemdest [1]
peyva ku min berî çend deqeyan ji ber xwe avêt. mirov dikare ji bo tiş...
belki ev jî bala te bikişînin
» rawestgeha navneteweyî ya valagehê
» dilenci
» şikestî

Kategoriyên mijarê::
nivîskarên ku li vê mijarê nivîsîne


sitemap
reklamokên beredayî