2. ya ku wênesazê navdar ê hollandî vincent van gogh di encama tevlîhevbûneka derûnî de guhê xwe jêkiribû û jê re şandibû, piştî 128 salan diyar bû. kovara "the art newspaper" li ser agahiyên ku di pirtûkek li ser van gogh nû hatiye weşandin de hatine dayîn, lêkolînek kiriye û gihîştiye wê encamê ku van goghê yek ji nûnerê herî grîng ê bizava empresyonîzmê tê pejirandin, guhê xwe yê jêkirî şandiye ji keça cotkarek, gabriella berlatierê re.



kovar her wiha bi dû kitekitên van agahiyan dikeve û digihêje tomarên enstîtuya pasteurê ya parîsê ku keça ciwan demek lê dimîne û derman dibe.



li gor agahiyên kovar dide, gabriella di sala 1888an de 18 salî ye, li gundê bi navê moulesê ku 10 kilometreyan li rojhilatê arlesê dikeve dijî. gabriella çend mehan li kafeya bi navê ''cafe de la gare'' yê karê paqijiyê dike. ev kafe ya du hevalên van gogh e. gabriella wan çend mehan li jûreke li ser mala van gogh dimîne.



lêkolînvan ji arşîvan bi dû rêça gabriella dikevin û digihêjine wê encamê ku têkiliya wê bi van gogh re hebûye lê ev têkilî veşarî maye û piştî vê têkiliyê bi çend salan jî gabriella bi yekî din re zewiciye.



yek ji lêkolînerên art newspaperê ku pisporê jiyana van gogh e martin bailey di gotara xwe de wiha dibêje: ''bi dîtina navê vê jina ciwan re em bi tenê gihîştine beşeka vê razê. niha jî divê em hîn bibin ka gabrîella çi kes bûye û têkiliya wê bi van gogh re çi bûye.”



bernadette murphy, navê yekem ê vê jina ciwan di pirtûka xwe ya nû ya bi navê true story de daye. pirtûk beriya du heftayê hatiye weşandin. lê daye zanîn ku dê paşnavê wê heya destûrê ji mirovên jinikê bigire, aşkere neke. di pirtûkê de tê gotin ku van gogh weke tê zanîn ne parçeyek ji guhê xwe, lê guhê xwe bi temamî jê kiriye.



van gogh bi nîşeya ''vê bi baldarî veşêre'' guhê xwe ji gabriella re dişîne û gabriella guhê van gogh li otêla ku lê karê paqijiyê dike digire.



çavkanî: Here lînkê