Tirşik - Profîl
tirşik-profîla havka

profîla "havka"


Peyamên nivîskar yên di vê mijara [fabl] de;

1. çîrokên kin û bi piranî leheng sewal in û bo tiştekî hîn kirine tê gotin ..

wekî (bnr: kêzika circirk û kurmorî) cara yekemîn ji aliyê (bnr: aysopos)'ê

hatiye vegotin...li gorî ya (bnr: la fontaine)yê (bnr: m.lewendî)nivîsî jî ev e.. dibe guhartoyên (varyant) cuda jî hebin li ser fablên weha de....



Kêzika circirk havînê

Tim dikir kêf û şahî

Tembûra wê di dest de

Distra hetta êvarî



Bi sitran û bi govend

Roj dibuhurand li xwe

Zivistana sar-serma

Nedianî bîra xwe



Kurmorîya xebatkar

Buhar hetta payîzê

şev û rojan kar dikir

Ji bona zivistanê



Havîn qedya payîz hat

Di pê wê re zivistan

Ji berfê sipî bûye

Deşt û çiya û zozan



Dunya bû sar û serma

Her tişt bin berfê de ma

Kêzika me ya circirkê

Bê xwarin û bê qût ma



Çû ber mala kurmorî

Ji bo qût û xwarinê

Kurmorîyê jê pirsî

-Ma te çi kir havînê?



-Min wexta xwe buhurand

Her bi tembûr û sitran

-Ê de baş e, nuha jî

bigre govend û dîlan.



M. Lewendî





05.12.2014 18:57 | havka