27. rast e reklam û pere lazim e, lê dema kesek, sazîyek filan reklama te bike, tu yê jî ya wan bikî.
tirşik dikare bêje her roj nizanim 120 kes bi awayeke rêkûpêk dikeve malperê de û çav li mijaran û rûpelên dinêre. hûn reklama me bikin em ê jî ya we bikin. (bnr: win-win) yanî her du alî dê qezenc bikin.
ya din hemû tişt ne pere ye, ya girîng ew e ku tu xwe û platforma xwe çawa lansê dikî, ez bawer im gelek kes û sazî hene ku bixwazin bi tirşikê re xebateke hevpar bikin. bes bila berpirsên tirşikê gavekê biavêjin, ez zanim berê de gav avêtine lê ev nayê wê wateyê ku dê gavên nû neavêjin.

haa ev yek jî nebû medyaya civakî û youtube'ê bi awayeke çalaktir dikarin bikarbînin, ew bêpere ye.

24. Ger tirşik di nav kurdînivîs an jî ew kesên potansîyela wan heyî de bi rêya reklam, danasîn û karên popûler belav nebe dawîyê de çend nav wê bimînin vê derê û wekî tê gotin ew çend kes wê ji xwe re binivîsinin û bixwînin.
divê (bnr: konseya tirşikê) bi awayeke acîl li ser vê meseleya girîng raweste, an ne tirşik dê av û av biçe, piştî demekê wê pasîf bibe û talîya talî ew qas ked dê li ber avê biçe.

çend pêşniyarên min ji bo tirşikê, ku çi bikeve li ser milên min bixwe jî ez dê bikem:
1- divê tirşik ji bo nivîskarên wêjeya kurdî çalakîyan çêke da ku bala bikêşe li ser ferhengê û van panel, goftûgo, şanenav hwd. behsa tirşikê bê kirin û kesên beşdarî çalakîyê bûyin bên teşwiqkirin ku bibin endam û nivîskarê/a vê derê.
tirşik jî wekî ziman e, ger neql an jî veguhêzî ji bo nifşên nû çênebe, piştî çend salên din pîr û kal wê li vir binivîsinin, yanî divê ciwan û nifşên nû bibin nivîskara/ê vir.
2- divê tirşik rozetên xwe derxe û li ser pirtûka kurdî, cafeyên kurdan, pirtûkfiroşan hwd. bifiroşe. mînaka rozetên pirtûka kurdî bo vê yekê baş e. hetta tirşik dikare bo vê yekê ji pirtûka kurdî alîkarîya aborî jî bigire, ez bawer im (bnr: pirtûka kurdî) dê vê yekê texsir neke. li gel rozetan dikare çenteyan paç çêke, qedehên kupayê yên ji bo qehweyê bi logo û henekan jî çeke.


vîdyoyê veke