1452. tirşik forûm/141923
Endezyarê nivîsbariyê

1423. tirşik forûm/140404 ,

ev pirsgirêk li ba min dernakeve.

1393. tirşik forûm/139305 @bûtîmar,

(bnr: av da serê ha li navê ha li çogê)

1382. @heval.js,

tirşik forûm/138559,

Algorîtma-1) yên din> danegeh> pirtûk> ehmede-xani> memozin.

Stokholm-2004
Stenbol-1968


Lêzêdekirin: @heval.js te çi fêm nekir? Ger tu bi kombersê ketibî tirşikê li jor vebijêrka "yên din" heye. Ha te wêya dît? Temam algorîtma-1ê bişopîne. Na tu bi mobîlê ketiyî tirşikê? Li milê rast û jor sê çixêz li ser hev hene. Li wêya bitikîne û dayê jêr. Li wir "yên din" heye. Te wê dît? Temam li wira bitikîne û algorîtma-1ê bişopîne. Ku te dîsa fêm nekir were dm ezê te bişînim cem zana farqînî.

1366. @bûtîmar, tirşik forûm/138327

Spas kekê. Bawerim di wê wateyê de bikar aniye. Piranî, gelemperî, bêhtir.

1356. @Keyomerd

(bnr: zekeriya abdullah ha gule) ji kerema xwe

1350. tirşik forûm/138140,

Ger ev peyam çewt tê bîra min, lêborîna xwe ji moderatoran dixwazim. Nizanim çima lê hîn jî ev peyam ji min re wekî ku kêm e tê. Yanê nikarim bi xwe bidim bawerkirin ku orjînala peyamê bi vî rengî be.

1343. @ Merwano, mixabin bêgûman moderatorek weha kiriye. Lewra nivîskar herî dawî 15.12.2019 an têketinê li tirşikê kiriye. Ez di dîroka 31.12.2019an de bûme nivîskarê tirşikê. Yanî piştî têketina wî ya herî dawî. Min çendîn caran vê peyama wî ya bi halên dirêj ya ku bi çi awayî keçika ermenî nas kiriye xwendibû. Lê bi tesadufî îro ev peyam ket ber min û min dît ku ji nîvî bêhtir peyamê qut kirine. Ger nivîskar vê yekê nekiribe, nexwe moderator kirine. Û meraq neke moderator karin peyaman jê bibin an edît bikin û biguherînin û berovajî jî bikin.

1341. keçên ermenî/17392:

Vê peyama efsane ya xurufî a ku 14 çepik stendiye gelo ji aliyê kî ve hatiye sabotekirin? Çima bi peyamê hatiye lîstin û ji nîvî bêhtir hatiye jêbirin? Gelo nivîskar bixwe weha kiriye an moderatorek weha kiriye? Ger moderator kiribe li gor kîjan pîvanê kiriye? Ger moderator vê peyamê xistibe vî halî bi kê re şêwiriye? Vê payamê kîjan rêzika formatê îhlal kiriye? Peyama 14 çepik stendiye û di raya giştî û di dîroka tirşikê de bûye peyamek navdar çawa bi dizîka û nehênî tê guhertin?


(bnr: heydê simurg56 vê meseleyê jî rave bike)

1332. dariştî/138070,

Navê vê mijarê hatiye guhertin. Li gor kîjan ferhengê hatiye guherandin? Ew peyv jixwe di ferhengan de hebû.

1324. tirşik forûm/137950

Xizandin gelek wateyên wê hene. Ji bo qasa pera, zêra û dolaba kincan xizane tê gotin. An ji bo mehrûm mayînê jî xizan tê gotin. Wekî ku tê zanîn ji feqîriyê re jî xîzanî tê gotin. Wate ji ji saman mehrûmî ye.

"Xwe dixizandin mala xwe" di vê hevokê de "xizandin" hatiye pirsîn. Yanê li gor ku me li hevrehên vê peyvê li jor nihêrt, lazime di vê hevokê de bê wateya "veşartin"ê. An xwe di malê de bicîhkirinê.

1319. @keyomerd

(bnr: feylesof phisologia) >> (bnr: feylesof philosophia)

Ji kerema xwe

1317. Edîtorek bi xêra xwe kare mijara gûlok li gulok biguhrîne. Wê demê min şaş nivîsiye.

1292. Ger bênamûsek ji ekşî sozlukê were û çav li vî halê tirşikê bike, wê here li ekşiyê têr henekê xwe bi vî halê kambax bike. Dê bêje " 50 milyon kurd nikarin ferhengekî aktîf bikin û ji loma dixwazin peyamên kevn jî xwuya bikin". Mixabin rewş ev e. Tirşika me sar bûye, nîvaskarên kevn rêya vir ji bîra kirine, çomez newêrin lê binivîsin, moderator deng û bas ji wan dernayê....

Lê pêşniyara ku dibêje bila mijarên çend roja li milê çepê xwuya bike, baş e. Carna mijar pir kêm dibin û heya caran dibe sifir. Wê demê mirov nizane bê ka rojev çiye an tiştek nayê bîra mirov da binivîse.


Wekî din, li ser xalîbûna tirşikê divê lêkolînên berfireh werin kirin û bi tîmek nû yê moderator û edîtorên aktîf, pêngavek nû were avêtin. Xalîbûn û bêdengî li tişikê nayê. Lazime bi ser hemdê xwe vegere û bigihêje qalîteya xwe. Hêviya min ji rêveberiyê guh bide van daxwaza û serdemek nu ji tirşikê re ava bikin.

1270. Yaw heqet jî reşikdana peyamên objektîf û ked lê hatiye dayîn ne etîk û li gor nirxên tirşikê ye. Ew kesê ku vê emelê ji xwere kiriye edet an rik, ji kerema xwe bila dev ji van tevgera berde. Spas

1260. tirşik forûm/137121:

Belê van mijarên di vir de hatine behskirin (serpoşa pisîka merwno , neşêrînbûna pisîka merwano) min hay ji wan hebûn. Lê min nexwest ev mesele bibe takekesî û ji loma min behs nekir. Lê ji çavê tirşikvana nareve*

tirşik forûm/137099

Lewra di vir de min vê rêzika nivîsandibû:

ez li benda heman hesasiyetê me ku di mijarên derî formatê de hatine vekirin an çewt hatine nivîsîn de jî bê nîşandan. xebatxweş!

Qesta min wan mijarên me li jor behskirin bûn.

Yanê dema mirov formatek nivîsî divê li gor wê tevbigere. Ger mûxlakiyek an qulek di formatê de hebe û nivîskar jî li gor wê tevbigere, hûn nikarin mijarên wan jê bibin. Ev di zagonan de jî weha ye. Lê hûn karin çi bikin? Karin zagonên nû derxin û rê li ber wê tevgerê bigrin an zagona heyî baş rave bikin û wê biselihînin da ku muxlakî û nefêhmî tê de nemîne.


Binêre vê dewleta dagirker çiqas hov be jî , hemû tevgerên xwe li gor hukuka xwe rêve dibe. Yanê dema kurdan dikuje, yekser nabê ji ber ku kurd bû me kuşt, dibêje endamê rêxistina terorî ya parçeker bû loma me wî kuşt.

Te fêm kir an?

1256. @bûtîmar, merwano moderator e. Wî (bnr: bernameyên heval.js lê darî dike) vê mijara min jê biriye.

1254. tirşik forûm/137104

@merwano:

Tişta ku min ji te re behs kir ev bû. Yanê dema te li ser navê edîtor, moderator tevgerekî kir, lazime tu delîla xwe ji formatê bînî. Weke mînak "min vê mijarê ji ber ku vê rêzik an benda formatê binpê kiriye jê dibim" yanê beredayîbûn, nehewcebûn ne pîvanên objktîf in û ji aliyê her kesî ve nayên heman wateyê. Te dî divêjin dewleta hiqûqî, yanê zagon hene û dewlet li gor wan zagonan tên rêvebirin. Ger dozger li gor kêfa xwe bêyî ku delîl an ispatan ji makezagonê nîşan bidin biryara bidin, hingê wê tevlîhevî û neewlehî derkeve. Ger em tirşikê jî bi vî awayî bifikirin format aşkera ye. Moderator ger weke dozgerekî tevgerek bike lazime li gor hiqûqê û li gor makezagonê yanî formatê tevbigere û tevgerên xwe palpiştî rêzik û bendên formatê bike. Yan na wê tevlîhevî derkeve û herkes wê bikeve heyra peyamên xwe ku gelo rojek rabe dê peyama wî jî. Belesebeb were jêbirin.

Raste an?

1248. tirşik forûm/137096

hella hella. ecêb e. ya rast ger em bi pey formatê bikevin, tu nikarî wê mijarê jê bibî. ez xwe li vir bavêm erdê û gilî, gazincan bikim ezê wê peyamê dîsa bênim lêêê ne xema min e*

di eslê xwe de min xwestibû balê bikşînim ser mijarên ku heval.js vedike û ji wan bi gazinc e, lê ew bi riza dilê xwe li wan darî dike. dîsa jî bila canê merwano sax be. ez li benda heman hesasiyetê me ku di mijarên derî formatê de hatine vekirin an çewt hatine nivîsîn de jî bê nîşandan. xebatxweş!

1244. tirşik forûm/136984:

min peyamek ji rûpela mîzah-i kurd re şande. ji admînê wê yek bersivê da ku ev capsek pir kevn e û wî bixwe çênekiriye. nizane bê kîjan hevalê wî jî çê kiriye. lê dîsa jî wî nihêrt û fêm nekir tê çi wateyê. piştî demekî bersivek din ji min re hat. min lê nihêrt ku ev admîn bi çêkerê capsê re ketiye têkiliyê û fêr bûye ku caps tê çi wateyê..

wî tiştê ku pê digre ne nan e. kaxiz e. ev kesê li giravê daxwaza alîkariyê ji helîkopterê dike. helîkopter tê û wê kaxizê dirêjî zilamî dike û diçe. di kaxizê de dinivîse 'na'

1242. Derdê me ne besî me ye, vêca ezê bi saetan tirşik forûm/136984 li ser vêya bifikirim. Heqet jî dixwaze bêje çê? Herkes bila dest ji karê xwe berde û li ser vêya bifikire*


Lêzêdekirin: hella hella. Ev çima hûn weha hêrs bûn? Min bi rastî jî gotibû. Min dest ji karê xwe berda û vaye rojeke ez li ser vê capsê diponijim. Lê talî negihiştim tu encamê. Paşê li ser înstayê min xwe gihande xwudiyê capsê û jê re peyamek avêt da ku ji me re rave bike. Lê hêja bersiva peyama min nehatiye. Dema ku agahiyek nû ket destê min bo alîkariya peyama behskirî, yekser ezê we li vir agahdar bikim. Herwiha lêkolînên min li ser vê mes`eleyê didomin. Bi îzna xwudê di demekî nêz ve wê heqîqet û rastî derkeve holê. Bila qet gûmana we tune be.

1186. @gunicorn, serî de bixêr hatî. Dema nivîskarek nû tê tirşikê bendavê pir zêde dibîne lê bi rastî 100 peyam ne zêde ye. Heya carna difikirim kêm e jî. Kêrhatina vê bendavê bo ewlehiyê heye. Ji loma divê ew bendav were derbaskirin.

1145. @merwano,

Hop, bîne sêra berê* bavo mijara nû venabe. Pêl wê dkkim diçe cêrê. Hinek li hev ket

1143. Gelo rêveberek nikare mijara cer sererast bike? Yên têkildarî cêr bila li binê wê were veguhastin. Yên têkildarî (vîda) bila li binê wê bimînin.

1141. tirşik forûm/134132,

ew dem bayekî te dicirifîne
netirse ew ba min şand ku te biramusîne

Ger tirkiya vê hevokê nehata nivîsîn, minê fêm nekira tê çi wateyê û hîn jî min fêm nekiriye*

Hevoka ewil, nizanim li gor çi demî hatiye ristin. Li gor wergera tirkî di dema hatî de tê nivîsîn. Lê di ya kurdî de çi qertaf û şêweyek dema hatî nîne. Herweha "ew dem " jî bi min lefzek xelet e.

Hevoka duyem, hinekî tê xwarin* ne xerab e* lê bo taliya wê "ramûsîne" bes e. Hewceyî qertafa "bi" nake.

Nîşe: ez rêziman filan nizanim. Min fikrên xwe vegot.

1133. @Merwano, cano ez tim pergala parastina asmanî bikar tînim. Ger tu mijarê vekî ez gelek kêfxweş bibim. Lewra ji zûdeye dilê min hebû wê vekim.

Heke tê vekî ji kerema xwe bila berfireh be. Sûdê ji wîkîpedia îngîlîsî û tirkî werbigre. Peyamê zûka neweşîne. Peyvên te biryar neda li vir binivîse, em bi hev re alîkar bibin.

Lêzêdekirin: di vê /133319 peyamê de jî min bikar aniye.

1129. @cyaxares,

hilpekîn, peyva herî dawî ya ku dê şûna "tab"ê bigre ye. Hilpekîn, hilavêtin, pekîn, pejiqîn tev li herêma me tên bikar anîn. Lê tu eleqeya wan bi tabê tune ye. Ji bo pengizîn an şemitandina kevir an tiştekî tên emilandin. Ji xwe dema mirov li ferhengan dinehêre, yekcar beramberî wê (sekme) danîne. Lê ew sekme û ya gerokên înternete eleqa wan bi hev re tune ne. Niza kî vê şaşitiyê kiriye û bo tabê bikar aniye?

Niza li ber destê te ferhenga termên fenî heye an tune ye? Ya min hebû lê niha ne li ber destê min e. Yan na minê binehêrta bê ka li wir çi emilandine. Bi min bikaranîna tabê ji hilpekîn çêtir e. Ger peyvek dî hebe wêya nizanim. Divê mirov lêkolîn bike.

1112. tirşik forûm/133099

(bnr: 07.05.2021 rawestandina weşanê ya tirşikê)

1104. Kesên nû xwe li tirşikê tomar kirine, gelo karin navê xwe biguherînin?

1097. Gelî camêr û canikên nû hatine tirşikê. Hûn tev bi xêr û bereket hatine. Di serî de dixwazim hûn mijara bikaranîna tirşikê bixwînin û paşê formata tirşikê bixwînin.

Ev mijar, yekane mijare ku di vir de hûn karin pirsên xwe bi rehetî bêyî guh li qaîdeyên formatê bikin bipirsin. Pirsgirêkek we hebe li vir binivîsin.

1095. tirşik forûm/132537 keyomerd, li herêma me ev peyv tê bikar anîn. di du wateyên wê hene. yek jê paqijkirina mirîşk, qaz hwd. ji mûyan. ya din jî wateya mecaz e û bo zêde kelandina tiştekî tê gotin.

mînak:
-me mirîşka xwe peritand û da ser êgir.
-wî goştî ji ser êgir bide alî, peritî.

1082. tirşik forûm/132350 hevalê/a navgiran, van gotina nizanim çima meraq dikî lê ezê li gor zanebûna xwe rave bikim*

Qeramçuk: em jê re dibêjin "heremçûk". Bi tirkî jê re dibêjin (cimcimik). Yanê bi tilîkan şidandina laşê mirovî an bi neynûka serdeanîna çermê mirovî ye.

Dibê li zadan xistibû: zad ji xwe ceh, genim, nîsik filan in. Dibê li zadan xistibû, mebest jê barana ku berî vê hevokê behs bûye, tehde li zadan kiriye? Dema baranek zêde an terezek bibare dibêjin li zada xist.

Tûletî, gelacî: tûletî tolazî, nerehetî û harbûn e. (bnr: tûle) gelacî, piranî li pey peyva fesadî tê bikar anîn. Weke fesadî û gelajî tê gotin. Wate kar xerakirin, paş gotinî û tişteke wek fesadiyê ye. Dibe ku kurdiya fesadiyê be jî. Lewra bi qasî ku zanim fesadî bi erebî ye. Di kurdî de berbelav e, peyvên biyanî û hemwateya wê bi hevre tên gotin.

Kedî: wekî ku zanî ahlîkirina ajalên dirinde ye. Malîkirin. Wekî din niza çi wateyên wê hene.

1077. tirşik forûm/132329 dembaş pîroz, ji bo têketina malperên astengkirî rêya herî hêsan vpn ne. Li ser play store bi dehan vpn hene. Yek ji wana li telefona xwe bar bike û wê bide xebitandin. Paşê bi google karî bikevî malpera ku dixwazî.

Rêyek din jî karî bi opera browser bikeviyê. Opera bi xwe vpn dihewîne. Di eyaran de vpn yê çalak bike û hewceyî sepanek din nake. Ev rê bo têketina bi kombersê jî derbasdar e.

1071. tirşik forûm/132230 armanca min ji 'dogfight' ew şerê ku balafirên şer bo pêşî li balafira din bigre dike ye. yanê ewa ku bo parastina sînorî an tacîzkirina balafirekî ji nêz de firîn û armancgirtina balafira din e. dîsa jî em karin bibêjin 'segşerî' an divê em têrmek nû ava bikin? li derek din ev peyv hatiye bikar anîn? di ferhenga de derbas dibe?

1069. Merheba, gelo "it dalaşı" an "dogfight" bi kurdî çi ye?

1034. @yûsiv, ev camêr hama bêje di biyolija kurdî de otorite ye. Ew jî peyva " hêkdank" bikar aniye.
Ev jî xebateke wî ye ku şemaya pitandina hêkê rave kiriye. Here lînkê

Li vir hemû xebatên wî camêrî hene:

Here lînkê

1033. (bnr: biyolojiya bi kurdî)

(bnr: biyolojiyabikurdi.blogspot.com)

Ji kerma xwe van her du mijara bikin yek.

1028. @Lewendî,

Di vê birc/24163 peyamê de biruya hayao mîyazakî hemuyan rave kiriye

1021. Kesek nû li tirşikê peyde bûye ku hemû peyaman ketober dide ber reşika. Peyamên tenê zanist, çandî û agahiyan dihewîne jî dide ber reşika. Di çand û keleporiya tirşikê de sepanek bi vî rengî tune ye. Tirşik bo pênasekirina her cûre madde, kes, buyer, têkilî, dîrok, zanist, polîtîka û hama çi hat heşê we vekiriye. Piştî pênasekirina mijarê bikarhêner an nivîskar kare şîroveya xwe ya derbarê wê de jî bike. Lê belê pêyamên bê şîrove û objektîf nabe ku reşik bên dayîn. Lewra nivîskarî kedek daye bo nivîsê amade bike an wergerîne. Ger te pênaseya wî kêm an nexweş dît, li binê mijarê tu pênase û danasînek jê baştir û xweştir bike. Lê peyamên objektîf û agahiyan dide, reşik neke. Dilê nivîskarî ji tirşikê sar neke. Nebe sedema kesek dev ji nivîsandina kurdî berde.


Lêzêdekirin: ew kesê vî karî dike diyar e. Niza dibêje qey hayê kesî ji min tune û loma bi rehetî tevdigere. Herwiha dengdanên tê dayîn bi rehetî karin bên tespîtkirin. Bila hay ji xwe hebe. Vê kiryarê neterikîne dê astengiya wî bê guftugokirin. Nav nadim lê ji xwe herkes zane.

1007. Mijara rûbar çima hatiye asêkirin. Min hay jê tune bû, dikir nedikir peyama min nedihat weşandin. Paşê min lê nihêrî hişyariya " ev mijar hatiye asêkirin" derdikeve.

Minaqeşe û berteka li hember wî sekiniye. Divê astengî ji ser wî bê rakirin. Nivîskarek hêja yê tirşikê ye.

1005. (bnr: soz6.com)

(bnr: sözaltı sözlük)

Ev her du mijar behsa heman tiştî dikin. Moderatorek bi xêra xwe kare wan bike yek.

Endamên li hêviya erkêkirina nivîskariyê hene. Bi xêra xwe wê jî çareser bikin

999. @hdval.js,

Nikarî bibînî

968. Gelî moderatoran,

Di Mijara rojavayê kurdistanê pirsgirêk heye. Di vbnryan de vekirî xuya dike lê dema lê ditikînî dibêje ev mijar nehatiye vekirin. Paşê min rabû ev mijar vekir û têr lê nivîsî, vêca piştî ku min pêl bişîne kir mijar wenda bû. Nizanim ew nivîsa min çû ku? Ji kerema xwe sererast bikin. Spas.

959. @ezcan,

car caran reşikdayîn ji bêdengiyê çêtir e. min bi xwe reşik nedaye te, heya ku min çepik jî daye te. lê wer difikirim ku raya giştî pkkê li başûr neheq dibîne û wer difikirin ku ger " serhildanek" an aloziyek li başûr derkeve dê pêşeroja fesderasyonê bikeve xeteriyê. loma jî heye ku bertekek bi vî rengî hatibe dayîn.


wekî din rexneyên te di cih de ne. lê bawerim ji ber dema wê şaş hatiye fêmkirin. belê li başûr derfet hene, lê ev 20 sale tu xêra wan negihaştiye kurda( ji bilî parastina kobanê). her çiqas bi saya dewlenendiya kurdistanê( petrol) pere tên destê wan jî li nav xwe bela dikin. rihê netewî bi wan re tune ye an kurdistanê tenê weke başûr dibînin. li parçeyên din qet xwudî dernakevin an newêrin.

ji aliyê zanistî de, aborî de, perwerdê de, civakî de di asteke ne baş de ne. her çiqas bakur bindest e jî, di gelek aliyan de ji wan çêtir in.

em tev dixwazin başûr bigihê astekî pir baş. ji heqî xwe derkeve, pir bi qewet be, gotina wî di gerdûnê de derbasdar be, aboriya wê baş be, xwudî li hemû kurda derkeve lê rastî ne weha ye. divê mirov rastiya bibîne û rexneyan bike da ku ew şaşitî û xeletî werin sererastkirin.

guhertin bi xwe re reforma tînin. ev çend sale dewletê weke eşîra xwe rêve dibin û weke malê bavê xwe jê dixwin û vedixwin.

949. Bi xêra xwe ka navê mijara ibo şov jî bikin ibo show.

947. Gelî moderator û edîtorên hêja,
Ji kerema xwe navê van mijaran sererast bikin.

(bnr: li gercowsê tecawizkirina zarokek 15 salî)
>(bnr: kercews)

(bnr: fenomenên kurd çima hayê tirşikê tîne)

943. @lonw karda

Pismam " bêkubarî" bê kubarî ye. Kubar yanê bi nazikî( bi tirkî kibar). Daçeka " bê" wateya neyînî dayiyê. Yanê ne bi kubarî. Wekî din nizanim, ma wateyê wê din jî hene?

942. Silav,
@shwinsherm destpêka nivîsandina bi kurdî/128889 di vê peyama xwe de gotiye, " ez ji tirşikê sar bûme, ma simurg nayê nanivîse çima ezê binivîsim?"

Min ji vê gotina wî tiştek fêm nekir. Ma qey em bo simurg tên li vir dinivîsin? Belê ger simurg jî were li vir binivîse, emê gelek kêfxweş bibin. Kêfa me teva jê re tê. Niha dibe ku wext nabîne an kar û barên wî hebin, an dibe karûbarên me teva hebin, derfeta nivîsandinê nebînin. Lê belê gotina ku çima ew nakevê ez jî nakevimê pir çewt e. Simurg nêzî 11 hezar peyam nivisiye, vê malperê ava kiriye, dê hêj çi bike? Hûn jî 11 hezar peyamên weke wî binivîsin û êdî têketinê jî nekin. Hinek ji bo hineka tên û dinivîsin. Nenivîsandina simurg nayê wê wateyê ku ev ferheng têk çûye û dê wenda bibe. Ji xwe camêr soza zindîhiştina vê malperê daye. Gotiye" heya ez sax bim û dest û lingê min bigrin, ger kesek nenivîse jî ezê vê malperê weke arşîvekî vekirî bihêlim. Lewra her kesê ku hatiye li vê derê ked daye û nivîsan li tirşikê bar kiriye, peyamên xwe emanetî min kiriye"

Nîşe: ji kerema xwe heçî kesê bêhna wî teng bû an dilê wî ji tirşikê, doza kurdî ma an jê sar bû bila li van dera bi eşkere nenivîse û nebe sedema hin kesên din jî jê sar bibin. Ev tekoşîn dijwar e. Bi qasî dijwarbûna xwe heye ku dûvdirêj be jî. Herçî kesê vî barî hilda divê bêhna wî fireh be û di doza xwe de xwudî- israr be. Silavên xwe li hemû hevalan dikim!

932. @yûsiv, yeke yek ne werger e lê karî bibêjî, 'ez di bextê te de'

mînak: ez di bextê te de, tê min ji vî derdî xelas bikî.

909. (bnr: ji bo navên zarokan pêşnîyarên nîvîskarên tirşîkê)

904. @doesntmatter,
erê keko pir cara weha hatiye serê min jî. Ez jî di nava tirka de bûm û wan jî pir caran behsa polîtîkayê dikirin. Mixabin ez li xurbetê bûm û di nav wan de bûm. Loma min nikaribû bi rehetî fikrê xwe eşkere bikim. Ji ber zanibûn ez ji amedê me, dixwastin hişmendiya min fêm bikin. Hama dawiya her gotinê ji min dipirsîn, digotin fikra te çiye derheqê vê mijarê de. Min zanibû ku ew netewperest in. Loma jî min xwe weke apolîtîk dida nasîn. Mijarê ku ew behs dikin an navê ku dibêjin wekî ku ez fêm nakim an wan nas nakim tevdigeriyam.

Bi zimanekî nerm û bibandor henek û qerfê xwe bi nirxê wan û netewperestiya wan dikir. Ji dêlava ku ez fikrê xwe bêjim an bi wan re têkevim gengeşeya, timî pirsên zor û kînaye ji wan re dipirsî. Heke tu jî di nav wan de bî an li cem wan dixebitî, bi wan re nekeve gengeşeya. Ji ber ku ew ji fikrê xwe pê ve naxwazin tu tiştî guhdar bikin û ji medyayê pê ve ji çi kesî jî bawer nakin. Tu heya sibê jî bêjî lawikê 10 salî li ber çavê min polêsa kuşte jî dê bawer nekin. Ji loma heke bi ya min bikî, qet guh nede wan û dema behsa polîtîkayê kirin, karibî ji cem wan rabe an bi bihîstoka xwe mijûl bibe.

Ez zanim hesteke pir xerab e. Li ba mirov dijûna li nirxên mirov dikin û mirov nikare deng û basê xwe bike. Lê ka em çi bikin, ev jî yek ji encamê bindestiyê ye. Li cihê awha hevalê herî dilsoz tirşik e. Xwe ji tirşikê kêm nehêle. Bimîne di xweşiyê de!

893. Silav,
Ez meraq dikim, gelo dema ji kul û derdê yekî re bibin derman, pêdivî heye ku li jor binivîsin " kul û derdê felankes bû? " an yê weha dikin çima weha dikin?

887. @simurg56,

ji bo yek kirina mijara mala te ava. pirsgirêkên din jî hal bûne. spas!

869. Hevalên moderator,

Niha di tirşikê de gelek tişt naxebitin û hinek tevlîhevî derketine. Vebijêrk û yên din naxebite. Bişkojkên profîla naxebite. Û pirsgirêka min li jor behs kir xerabtir bûye. Mijara pêkenokên kurdî hatiye jêbirin. Û peyama min ya dawî bê sernivîs maye. Ji ber nikarim wê vekim nikarim lînka wê jî li vir parve bikim. Ji ber vebijêrk naxebite nikarim bikevim panela xwe jî. Niha ev tişt meselokek din anî bîra min nikarim wê jî binivîsim, hama heya di bîra min de ye ezê li vir binivîsim.
---------------
Li gundekî zarokek hebûye her şev di xwe dimîze. Şevekî bavê wî dibêje " kurê min çima tu bi xwe de dimîzî? " lawik dibêje " wele bavo mîza min tê, şeytan dibêje bike bike tu li ber qulikê yî û ez jî dikim, lê belê dema ez radibim lê dinehêrim ez di nava nivîna de me." Bav dibêje " kurê min dema şeytan hat go bimîze, bêje sabûna e tune ye. Em feqîr in" lawik dibê temam. Bişec radizên û dibe sibe lê dinehêrin lawik bi xwe de riye. Ji lawik dipirsin " law îja çi bû te di xwe rî " lawik dibê " wele ez raketim û dîsa mîza min hat. Dema zor giha min şeytan go bimîze min go sabûna me tuneye. Şeytan gl de ka were em herin dikana sabûna. Em çûn ber devê dikanê , dikan qufilkirî bû. Şeytan go ` hama bi vê qufilê birî bila vebe` û min jî pê de rî. Ez sibehê rabûm ez di bî halî de me" bavê wî dibêje " weha nabe law em bi mîzê qayil bû, bêne sêringa berê!"
---------------------
Belê niha ez jî bêjim bênin sêringa berê?

868. silav,

di derbarê çîrok û pêkenokên kurdî de gelek mijar hatine vekirin. di eslêxwe de ev hemû mijar behsa heman tiştî dikin û heman cûre meselok in. mijarên derbarê van de yên li tirşikê vebûne ev in;

mesel û metelokên kurdî

meselokên li kurdistanê

çîrok û metelok

pêkenokên kurdî

pêkenok

çîrokên kurdî

çîrok

çirokên zarûkatî


niha di heşê min de pêkenokek heye ez nizamin dê li ku binivîsim. û pêkenok û çîrok bela bûne. dema yek bixwaze hemûya bixwîne dê zehmetî derê. ev yek ez bawerim giringiyaji lêgerînê bawerkirin berbiçav dike.

daxwaza min ji moderatoran van hemû mijara di binê 2 mijara tasnîf bikin. pêkenokên kurdî û çîrokên kurdî an navên ku moderasyon guncaw bibîne.

865. heke plan çû serî û biryara vexwandina kesa hat dayîn, teqez divê gazî siyasetmedarên kurd bên kirin. ileh jî yên hdp yê( ew jî zanibin bi kurdî binivîsin). ka bila werin çend pirsên min ji wan re heye. heke stranbêj û lîstikvan filan bên tu pirsê ji wan bikim tune ye. de ka bila bên bê çawa dibe.

864. vexwandina kesên navdar heye ku tirşikê vejîn bike. xêrekê li tirşikê bike. divê ji nihade dûv qûna navdara bigerin heya em yekî bênin ser vir. ka kes bipejirêne an nepejirêne, em bi awayekî pergalî li tiwîtirê dîsa operasyonekê bikin belkî. moderasyon agahiyan bi me re jî parve bike dê gelekî baş be.

843. @tîrêj zana 21,
Ji bo peyva " topraklama" ferhenga zaravê teknîkî 2014 an de peyva erdkirin bikar aniye.*

841. silav ji we re! min pir li ferhenga geriya û peyva " topraklama "ya tirkî an " ground " a îngîlîsî min nedît. gelo kurdiya vê peyvê heye?

833. Simurg56,
Te bi awayekî wiha gote ku îja ez li ber ketim. Mala te ava be!

831. @simurg56,
Peyva horsepower ji ber ku têgehek fîzîkî ye em nikarin li gor ferhengên giştî ya peyva tevbigerin. Belê ji bo têgehên taybet ferhengên taybet tên amade kirin. Ji bo têgehên fîzîkî jî 17 fîzîkzan û endezyarên ji her çar perçê kurdistanê hatine cem hev û ferheng ava kirine. Di ferhengê de jî bo vê têgehê jî peyva hêza hespî mûnasîp dîtine. Aha ev jî ferhenge wan e. Here lînkê. Ha ev jî heye me çi hemû pirsgirêkên din ava kir îja ma ev, heke nebe jî dê dinya xera nebe*
Ha heya di bîra min de ye mijara rêbera rastnivîsê ya tirşikê jî binehêrin

Guhertin: rastkirina peyva

829. Mijara horse power min weke hêza hespî vekiribû. Lê moderatoran nivîsa min li binê mijara hespxurtanî ve zeliqandine. Ji kerema xwe vê şaşitiyê bila moderatorek çareser bike lewra têgehek bi navê hespxurtanî di lîteratûrê de tuneye. Li gor ferhenga termên fîzîkî ya tmmob ê. Navê wê hêza hespî ye. Meraq nekin ez yeko yeko nivîsên xwe yê berê jî kontrol dikim*

804. Heçiyê nû hatine silav ji wan re. Hûn tev bixêr hatine. Êdî hûn jî bûn tirşikvanek. Hem ji bo rehetiya we û hem jî ji bo selametiya tirşikê ezê çend tiştan bêjim.

Belê tirşikvanên ezîz ger pirs û pirsgirêkên we hebin di binê vê mijarê de hûn dikarin binivîsin. Bila ev mijar di heşê we de be. Di tirşikê de tenê ev mijar serbest e bo bersivandê.

Ji kerema xwe ji bo rêzik û qaîdeyên tirşikê baş bizanibin hama heya ku we fêm kir formata tirşikê bixwînin. Paşê dest bi nivîsandinê bikin.

Di tirşikê de çêr, dijûn, xeber, sixêf, heqaret qedexe ye. Ger van tiştên min go bên kirin, dê ji aliyê moderasyona tirşikê ve were jêbirin. Heke ev kiryar bidomin heye ku nivîskar werin asteng kirin jî.

Ji bo klavyeya kurdî jî, yên li ser kombersê(kompûter) dinivîsin, li jor pêl bişkojka yên din bikin. Paşê li danegeh bitikînin û klavyeya kurdî daxin û li kombersa xwe saz bikin. Yên di androîdê de dinivîsin li play storê sepana klavyeya kurdî dilarin daxin û ji eyarê telefona xwe wê klavyeyê hilbijêrin.

Ha ez vêya jî bêjim, piştî demekê heye ku ji ber fikr an nivîsên we hûn ji aliyê nivîskara bên rexnekirin. Ji niha de bêjim xeyd tune ha, hûn dikarin ji nivîskar bixeyidin û wî asteng bikin lê ji tirşikê xeyd tune ha. Tirşik ya hemû kurda ye.

Dîsa hûn tev bixêr hatine û bi hêviya ku çajînde be!

789. Şeva we hemûya bimîne xweş. Bi xatirê we

772. @nizamcitist tiştê dizanim di tirşikê de bo rast kirin an jî lê zêde kirina peyaman tu qedexe tune ye. li gor kêfa xwe dikarî peyamek nû jî biweşîni û bixwazî dikarî li peyama xwe ya berê jî zêde bikî.
dembaş!

771. @shwinsherm ji bo rakirina reşikê divê awha bikî

vebijêrk> panel>reşikên min dayî> li vê derê hemû reşikên te dayî hene, peyama ku dixwazî reşika wê raki , li kêleka mijarê bişkojka "poşman bibe" heye. heke tu li wir bitikênî dê reşik rabe.

wer hasil kesê reşik daye min jî diyar bû*

763. Hevalên nû tev bi xêr hatine. Ji kerema xwe berî ku hûn binivîsin herî kêm carekî formata tirşikê bixwînin û li gor formatê tevbigerin. Dema mirov lê dinehêre bi dehan nivîs hene lê yê ku hejayî xwendinê kêm in. Gelemperî nivîs bersivên nivîskaran yê hev û du ne.
Ji bo nivîskarên nû û yên berê çenf rêzikên formata tirşikê ezê li vir binivîsim bo bê bîra wan an jî bizanibin.

- li tirşikê peyam temamî bi zimanên biyanî nabe ku were nivîsarê.

- destpêka nivîsê divê pênaseyek bihewîne anjî tiştekî rave bike.

-di mijaran de nivîskar raste rast nikarin bersiva hev bidin û divê nivîs ne ji bo kesekî bo raya giştî were nivîsarê.

- her çiqa nivîs li gor formatê bin jî nabe ku nivîskar ji sibe heya êvarî tiroliya bikin.

- sixêf(heqaret) bi teqezî qedexe(dernend) ye.nabe ku nivîskar sixêfa li hev an jî ji kesekî din bikin.


Îmze: rêveberiya tirşik.net

759. Malî ava ,min reşikê sererast kir. Haya min qet ji wê derê tûne bû ez bi wê jî hesiyam.

757. Di tirşikê bi şaşitî destê mirov dere ser reşikê hew tê vegerandin. Divê ev yek were sererast kirin. Bila heval li qisûrê nenihêre min kir nekir xopanê rast nabe, divê bişkojka ez poşman bûm,bi şaşitî bû jî hebûya.

755. Van roja tiştek bi tirşikê hatiye , dema pêl bişkojkekî dikim qodên malperê dertên û rupela tirşikê venabe ,niza yê we jî wiha dibe? Yan pirsgirêk di bihîstoka min de heye?

750. Hevalno, dilê min heye pirtukeke rêzimanî bistînim ji bo rastnivîsê lê belê her ro du ro rêzik mêzika digûherînin û hindek kes li gor serê xwe rêzikan derdixin ,ji ber wê min xwest ji we bipirsim gelo ya herî rast kîjan pirtuk e? An go hûn li gor kîjanê dinivîsin ? Bi xêra dê û bavê xwe pêşnîyarîyan bikin ku ez fêrî rêzikên xelet û şaş nebim .
Ji niha de mala we ava be