4. Amûra ku bi kêrî agir pêxistinê tê û bi xazê dixebite. Ji bo cixarekêşan amûreke pir girîng e.
Berî çend rojan ji bo kar çûme hevdîtinekê, min hesteyê xwe danî ser masê lê tim çavên min li hesteyê min bû. Zilamê li cem min jî cixare dikêşa lê hesteyê wî tune bû her hesteyê min ji min distand û nedidanî ser maseyê. Patronan behsa projeyên mezin dikirin, behsa trîlyonan dikirin, di bîra min de tenê hesteyê min ê bihayê wî 2 lîre hebû. Ji bo ku hesteyê xwe ji mêrik bistînim serê pênc deqeyan min cixare dikêşa lê mêrik dîsa heste ji min distand. Heta em ji ser maseyê rabûn pakêta min a cixarê qediya lê di vî şerî de ez têk çûm û mêrik hesteyê min kire berîka xwe... Behsa çi karî kirin, behsa çi qas pereyan kirin qet ne xema min bû. Hesteyê min ji dest çû.
Ji wir em çûne cihê karekî (lê hê jî heste di bîra min de bû). Êdî min hêviyên xwe ji heste qut kiribûn û min behsa kar dikir. Ecêb e wî zilamî gote min ma tu cixarê nakêşî? Min xwe negirt û min got hesteyê min nîne, te ji min dizî. Got bibore min ji bîr kiriye (derew). Min got henekan dikim, hema bila ji te re be (derew). Heste dirêjî min kir min hema rahiştiyê kire çentê xwe û êdî min qet ji çente dernexist. Bila şik û gumana tu kesî ji girîngiya hesteyan nemîne!